658
30
9
港鐵旺角站 B1 出口, 步行約2分鐘 繼續閱讀
開飯介紹
位於旺角的手工魚麵專門店,魚麵每日製造,提供兩款魚麵﹕雪白魚麵及手工魚麵,魚肉含量有別,全天然不添加防腐劑。 繼續閱讀
營業時間
*截單時間: 21:30
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
付款方式
Visa Master AlipayHK 支付寶 現金 八達通 銀聯 JCB Apple Pay Google Pay
座位數目
54
其他資料
支持防疫 詳細介紹
Wi-Fi
酒精飲品
切餅費
電話訂座
外賣服務 詳細介紹
加一服務費
當面支付
食評 (734)
等級4 2020-10-01
471 瀏覽
星期日喺旺角睇戲之前,先去726食個「麵麵🍜」,其實我一直想試呢間餐廳好耐,但又無興趣晚市食,呢日就啱哂。好耐都無試過餐廳要等位,呢日竟然要之餘,人流仲Keep住繼續咁高企,犀利!目測多數嚟食都係女生👭。餐廳兩點半開始做下午茶餐,星期六日亦唔例外。另外仲有大大本餐牌,花多眼亂🙈。西班牙煙燻黑毛豬濃魚湯魚麵($85),黑毛豬片同湯麵係分開上,所以唔驚會互相影響味道。成個組合幾豐富😍,而且主餐牌嘅麵食係包埋飲品的!湯底要咗花膠豚骨濃魚湯,味道偏清淡,麻辣湯可能惹味啲。麵底有得揀魚麵、魚烏冬或者稻庭烏冬,由於另外已經點咗魚烏冬,所以就試下魚麵。兩者原來真係有分別,🐟魚麵明顯地幼身啲,而且口感超級彈牙,彈牙到有點不敢相信、唔似食緊食物😂。我根本就係食緊麵條狀嘅魚蛋,好特別。西班牙煙燻黑毛豬🐷算整得唔錯,因為真係有煙燻香味,如果食落鹹香味能夠再重啲會更佳。雖然每片豬唔大片,但勝在有好多片👍。特色前菜小食亦不乏驚喜,三款前菜包括麻醬海帶、甜蕃薯仔同醃蘿蔔,其中最後者係用柚子醃的🍊。麻辣牛肉泡菜拌魚烏冬(下午茶餐$58),魚烏冬個麵質比起魚麵似麵好多,哈哈。撈麵味道濃郁兼且香口,如果泡菜多啲、成個麵再辣啲就無敵!🐮牛肉份量唔會因為係下午茶餐而變少。戒指魚皮雲吞($50),一口魚皮餃有六粒🥟,配以黑松露忌廉汁食,惹味得嚟唔會膩。魚皮餃外皮比一般餃子爽口,唔錯。蝦兵蟹將($52),即係蝦餅配蟹籽和風醬,蝦餅同泰式嗰啲無乜分別,主要係醬汁唔同。蝦膠彈牙,食得出有蝦肉🍤。飲品方面,兩個麵都有跟飲品,加錢可以配以特飲,加配價幾抵。我哋要咗凍海鹽焦糖咖啡(+$13)同凍水果紅茶(+$25)。後者超抵飲,水果茶勁大壺,又多水果🍎,味道亦唔會過甜。總括嚟講,呢日終於一嚐麵麵,菜式果然新穎,味道都過得去。不過份量偏少,始終魚麵澱粉質含量較低,男仔就應該要嗌多份小食先夠飽😜。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-28
319 瀏覽
第二次來這間餐廳吃魚麵,平時吃得太多濃味的食物,每次來到這裡都有種清新的感覺!門口位置有大大個招牌霓虹燈,十分搶眼。餐廳主要以食魚麵為主,而且魚麵亦較平時吃到的麵健康!一坐下便有店員為我們送上一小杯他們的魚湯給我們品嚐,非常鮮甜!魚之戀濃魚湯魚烏冬,湯底是魚湯,很鮮甜,魚肉烏冬彈牙,配有魚蛋、魚片頭、魚皮餃、魚腐、魚肉春卷和墨魚春卷。魚蛋和魚片頭彈牙,春卷外皮脆脆地,很適合喜歡淡淡地的朋友。另外還附有三款小食,包括酸蘿蔔、海帶和蕃薯仔。四川麻辣燒牛肉拌魚烏冬,這款拌魚烏冬不算很辣,魚烏冬爽口彈牙,牛肉為薄切,整體感覺很像吃辣的意粉,很特別!Fish Nachos on the Boat,魚片用上西式的醬汁,想不到原來也很match!加入牛油果醬和蕃茄,而且魚皮脆卜卜,好像吃薯片般,十分惹味!水果紅茶、荔枝椰果綠茶,前者好有茶的澀味,不算很甜,內裡有橙、士多啤梨、荔枝,很清新的感覺!而荔枝椰果綠茶很香荔枝味,清清地,十分解渴! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-01
7 瀏覽
今日黎到Mong Kok同girl friend出街行下咁夜晚就要搵嘢食我係上openrice search下搵下有邊間嘢好食最後揀咗726號呢棟大廈呢間叫麵麵嘅食店餐牌如上最後我地叫咗兩個烏冬食佢送嘅得一啖嘅湯咖哩吉列豬扒伴烏冬 $82味道都ok嘅豬扒小乾個烏冬撈一撈食得西班牙煙燻黑毛豬濃魚湯烏冬 $85個黑毛豬更加乾就快乾到豬肉乾咁個湯烏冬就幾濃味嘅 算唔錯凍檸茶最後想講 呢間嘢已經結咗業整體食個烏冬80幾蚊的確係貴嘅又唔係特別好味 繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-23
21 瀏覽
十月二號同朋友staycation完打算搵個地方食飯其中一位介紹呢間話食過唔錯咁我地就上去食lunch入到去坐低 見到d店員好冷淡 個個都唔笑但知服務業係連假都忙同辛苦就算但最大問題係幫我地落單既女店員一邊落單一邊黑麵 (長髮齊陰,身形圓潤)因為我地唔知單點可以跟野飲 問佢其中一款凍飲要加幾多錢可以串返我地轉頭:個menu咪有寫 自己睇心諗 就係睇唔明 先想問清楚 個女店員"咁好服務"我地都只好自己研究然後佢就好大聲咁"接"我地同反白眼 我心諗做咩野開得門做生意 你忙你辛苦 你地就怪你老闆 唔加多d人手幫忙唔係要我地做客既受氣未食野就已經嬲嬲地諗住朋友話野食ok 就睇下有幾好食叫左碗魚之戀然後就係出面普通魚蛋粉轉左做魚麵好老實講 個魚烏冬係好彈牙既 (但無味)個魚肉春卷都好食既但其他野連埋個湯都炒晒車個湯無味 要加d 辣椒油先叫發現自己係有味覺然後個魚皮餃完全唔掂好明顯係其求搵supplier 入貨 個皮連個餡都係唔好食其他料都一般咁我不如去食返d出名又平既魚蛋粉算數至少我唔洗比d員工成程黑口黑麵搞到無晒心情再者 果位好_親切既女同事上菜仲要一野撞落我朋友個胸到一句sorry都無就走左去如果大家對食完全無要求 又enjoy比人下下黑你臉既真係歡迎大家上去消費 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-10
39 瀏覽
只是早幾天還在幫襯這間美味魚烏冬, 還未來得及寫openrice, 已經見他在網上表示結業了🙄🙄, 真是非常可惜, 希望他只是搬到別的地方。安格斯牛肉 魚烏冬安格斯牛肉肥瘦適中, 肉味香濃, 魚烏冬煙韌彈牙, 一向是我的最愛。twins魚卷魚烏冬魚卷香脆, 食極都唔厭, 每次來必點嘅食物, 都係繼續選擇魚烏冬。避風塘炸雞翼非常惹味的香蒜粒粒, 雞翼炸得金黃酥脆, 唔錯嘅選擇。蟹籽炸蝦餅真材實料, 蝦膠比例純度夠高, 煙煙韌韌非常彈牙。😀😀每次來必點嘅飲品, 呢度嘅熱茶係真係無械可擊, 飲曬之後仲可以幫你加水, 實在不錯。雪梨桂花茶and熱水果茶。 繼續閱讀
(以上食評乃用戶個人意見 , 並不代表OpenRice之觀點。)