麵館皇

營業中

休息中

係銅鑼灣終於唔駛食貴野 朋友仔最近帶我去左一間價錢唔貴, 味道唔錯既麵館王環境都幾光鮮同乾淨 晚市套餐都係60蚊左右同朋友仔各自點左一個麻辣牛刀削麵同豬軟骨手擀麵先黎既係朋友既刀削麵 佢畀左啖我試同平時食開既刀削麵有小小唔同 質感比較軟滑湯底係清甜既藥膳湯底 清清地 感覺好健康養生個麻辣牛好大碟 淡淡既麻辣香味 對於嗜辣既我黎講唔算好辣之後到我既手擀麵 (因為未食過所以想試下) 小妹認為口感更勝刀削麵 闊闊既麵條 質地較厚 食落煙韌,有口感而豬軟骨都煮得好入味好淋 藥膳湯底亦因為豬軟骨既汁令到味道更香濃 忍唔住飲左大半碗湯不過份量真係好大碗 d麵同椰菜食極都有 深不見底咁 推介各位養生達人一定要去試下

<REAL FUN FOODIES>突然間好想食d熱野♨️ 男朋友就提議 不如打邊爐或韓燒 我話下 韓燒又熱氣 打邊爐又耐 想返家早d訓覺休息呀最後佢記起我地好耐無食呢間麵館皇！我即扑錘！因真係好好好吃(我覺得)！其實成日黎～只係一直無幫佢寫過食評！！！今次記得喇！！呢間野其實係我其中一個好兄弟誠意推介👍🏻👍🏻👍🏻主打：藥膳灌湯麵 （老闆話連大肚婆都食得架)價錢已加價 但都係加左幾蚊左右本身係跟拉麵 但我每次都轉刀削麵/手擀麵好有口感 煙煙韌韌 湯又好飲 但注意返 小小都唔受得藥材味既就唔好試喇我地人一個麵 一人一杯豆漿Total: $127

之前男友已經講過係銅鑼灣有間味道唔錯嘅藥膳麵，所以今次算係“慕名而來”。餐廳主打刀削麵和手擀麵，套餐組合選擇亦都唔少。我哋揀咗麻辣豬肚＋手擀麵，罐湯水餃＆北京蒸餃。手擀麵搭配藥膳湯其實係個唔錯嘅組合。但如果唔鐘意藥材味嘅話，應該唔太接受到。上菜時，湯仲滾緊，撲鼻而來嘅濃濃藥味。食落第一啖湯會覺得有啲苦苦地同埋中藥味道。但食麵，苦味又唔太明顯，反而湯嘅單一能夠襯托出麵本身嘅味道。手擀麵厚度與寬度都適中跟餐嘅麻辣豬肚就有點令人失望。整體單個辣味，無辣椒嘅香味，更加唔算係麻辣。如果對麻辣有所要求嘅朋友，就不要對尼類餸有太多期望。罐湯餃同蒸餃其實係一樣，只不過做法唔同，口感有異。餃子湯都係一樣嘅藥膳湯底，好適合天氣凍嘅時候飲，會特別暖胃。餃子大大隻，肉餡夠扎實。一個人食一份都未必食得曬。除咗豬肚有點失望，其他幾點都算唔錯。有機會會來試試主打嘅刀削麵。

刀削麵驚魂記自認一向運氣不算差的我。沒想到也會遇上糟糕的館子。 我一向愛吃麵。可以餐餐吃，也不會覺得討厭。是日和友人來到此店。友人愛吃東坡肉 便叫了東坡肉刀削麵。滿心期待今晚的麵，但當那碗麵被服務員匆匆忙忙擺上桌子後。惡夢也隨即開始。碗裡裝著不知應該怎麼形容的東坡肉。肥膏厚度史無前例的厚，讓我們都傻了眼。連對食物抱著無所謂態度的友人都看不下去了。在我們的心靈受到創傷後 隨即叫服務生幫忙換幾塊肉。請看下圖服務員非常熱心的幫我們換了幾塊肉。但結果還是令人失望。東坡肉俗稱「三層肉」，這家的東坡肉，不如就叫一層肉吧

晚飯時間~岩岩見七客好考既我同老公經過呢間餐廳....我地食過佢沙田分店..心諗應該OK既~點知.....叫左一客醉雞刀削麵...個藥膳又真係幾藥材味...上枱時仲係滾緊既~賣相吸引...食落就...藥材味其實係聞上去重~食係無咩味...麵唔會太厚,整體還可以至於個醉雞...唔好以為好多,其實下面有D青瓜係度...而且仲有雞PAT PAT.....我唔明點解醉雞會比雞PAT PAT..然後食落去係無酒味...青瓜有青瓜味,雞有雞味,酒有酒味...3樣野係分開既...跟餐加$8蚊既炸物...一般囉...好硬囉....另外散叫左一個雞絲粉皮....哈~!呢個經典囉....一黎到我夾左一舊雞絲..一咬....有冰既頂~!!!!洗唔洗雪到有冰先??咁就同個姐姐講,諗住如果碟碟都係咁就不如唔要啦...個姐姐就話幫我地"處理"...."處理"既意思係咩呢???我估佢係拎去叮囉~!!!!叮到D雞硬過鬼...D粉皮都暖埋....廢時同佢嘈就咁由佢算...最後就係小籠包...正常野..無特別...湯汁唔多一定唔會再去....呢D咁特別既食物都係留比有緣人啦....

星期六晚運動完係登龍街諗緊食咩好，友人話不如食上海嘢喇。以前lunch time 既時候我都去過一次，但排咗好耐，今次晚市去就唔需要排隊喇。因為剛剛運動完，唔想食太油膩既嘢，所以我就嗌咗個滑雞罐湯拉面，加3蚊轉刀削面，加多3蚊叫豆漿，以這個地段嚟講算幾掋食。一嚟到，哇～成個鍋啲湯滾到就嚟瀉 視覺效果一流 入面好多雞，但啲雞無咩味，最後因為真係份量太多食唔晒要請男朋友幫手。湯底清清地幾好，食完無好口湯既感覺。刀削麵底我次次都會嗌，因為好好咬口

自由嘅空氣！自己嚟咗呢度食晏知呢間刀削麵出名，所以就嗌咗超想食嘅醉雞另外再加＄3轉刀削面 。總共$59包埋一杯飲品。我點左豆漿。豆漿好快嚟到 。其實我係點熱豆漿嘅，但我諗個侍應可能聽唔到或者我講得太細聲佢，亦都費事同佢拗啦就就咁飲咗佢。味道就普通啦同普通豆漿舖點嘅豆漿味係一樣嘅 甜度適中 豆味亦都唔係超濃之後就嚟咗個刀削麵同埋個醉雞喇。一嚟到就聞到湯底好重藥材味，所以未必全部人都會鍾意。刀削麵之外，重有啲菜同木耳。講下啲刀削麵先啦。佢嘅韌度係响烏冬同埋年糕之間嘅 同埋都幾厚 不過我食嘅時候覺得有一兩條好似變咗味咁——酸咗 可能因為嗰排天氣熱所以大家食嘅時候要小心啲 下一個就係醉雞啦 完全唔知佢有咩特別醉雞嘅份量其實係多嘅 下面亦有啲青瓜托高左啲雞 但我食嘅雞有一半都係冇咩肉 酒味呢亦都完全聞唔到。當我飲一羹嘅汁嘅時候都只係响青瓜同豉油味當中食到輕微酒味。 啲青瓜味太濃蓋過晒啲酒味。 非常失望。早知學其他人咁叫口水雞啦好似好啲咁未必會再嚟食㗎喇就算再嚟都應該係試下口水雞

近期GU開幕 人好多 但係我都想去迫下 睇下有咩衫啱去之前當然要食野補充戰鬥力先1點幾 鋪頭入面有好多食客叫左醉雞刀削麵 凍豆漿 $59醉雞份量幾多其中有雞脾肉質嫩滑 唔鞋完全無雪味 名乎其實 雞有雞味雞下面鋪左唔少青瓜 夠爽脆如果我叫既係滑雞10分滿分 咁呢碟雞絕對值9分 扣1分係因為隻雞較肥 脂肪過多但係說好既「醉雞」呢？ 點解無酒味既？開初我以為係送錯等到d雞係醬汁度浸耐d我先食到非常淡酒既苦澀味更加唔好話食唔食得出係花雕呢度有滑雞、醉雞、口水雞睇黎係等到落單先至淋嗰隻汁落去至於麵既部分刀削麵配上藥材湯底蔥花木耳 增加口感湯底同阿媽煲既當歸鴨湯有幾分相似當然屋企煲既味道濃厚 藥材味更強烈呢度湯底有淡淡藥材味 睇唔到有油脂浮面一般人都容易接受湯底好 可惜刀削麵只係一般般係人都知刀削麵厚薄不一 有咬口我專登等耐少少先開始食 點知唔少麵條厚既部分都仲係未夠熟所以湯飲哂 但麵就食淨左樓面得兩個人 一黎好忙 二黎服務態度麻麻Overall 呢餐係好味既 但仍有要進步既地方銅鑼灣廣場附近有另一間分店 嗰間裝修靚d 坐得闊落d 行過見到客人比登龍街呢邊少 可能服務會好d下次去嗰邊食都得

一個人11點半左右入坐, 不用等位, 餐牌有很多選擇, 有飯有麵, 外賣自取8折. 包一杯飲品, 沒有加一. 我點了口水雞刀削麵 $59 (原價錢56, 加了不$3轉刀削麵, 可以同樣價錢轉上海年糕), 這是廚師推介的其中一款. 口水雞先來了, SIZE有概一隻雞脾大, 切好一件件, 下面墊有青瓜, 青瓜是爽口的,口水雞肉是淺粉色的, 沒有很多肉感, 骨與皮也多, 很辣的, 吃了流眼水. 店內也有不少人ORDER口水雞整鍋刀削麵來了, 很大鍋, 湯裡拌有菜及木耳絲, 上有蔥花, 湯底是養生煲, 湯很清, 感覺沒有味精, 一啖湯一啖麵很享受, 刀削麵有長有短, 有厚有薄, 是真正的手打麵, 即叫即做, 每位客人也要等. 我喝了超過一半的湯, 吃完很飽啊, 下次再試其他菜式. 刀削麵一定要再食.

響銅鑼灣行街行到九點幾唔知食乜嘢好諗起登龍街附近有好多拉麵店咁就去碰下運氣睇吓有乜好食行咗幾間拉麵店都睇得唔係好啱見到有間刀削麵店好似幾有特色就入咗去試吓麵館皇舖頭大細一眼睇晒上海獅子頭灌湯刀削麵原本係拉麵底轉刀削麵要加＄3上菜嘅時候個碢十分辣手湯底藥材味十足炸過嘅獅子頭味道偏濃味攞嚟送麵一流不過唯一缺點係個碢溫度太高令到啲刀削麵有啲癡底家鄉雞絲冷麵冷麵配上甜味嘅花生醬幾好食不過一個人食有就啲膩宮廷雲吞唔知佢下面個煎蛋有乜用啲雲吞同煎蛋都有啲黐底餡料味道比較淡配醋食會較好食

是日晚上有種回冷的感覺，在想想看有沒有拉麵以外的選擇可能。來到銅鑼灣食街之一的登龍街，盡見人氣拉麵店鋪。當中，有一家不太顯眼，但經常客滿的刀削麵館。店家服務親切，細心安排坐位（多為搭枱）。雖然是有點迫狹，但小店的風貌特濃。餐廳的食物種類豐富，有麵食亦有飯食，搭配各款小菜（辣/不辣）和飲品。本人是次點了店家招牌的藥膳罐湯刀削麵配鎮江排骨（$68），加配凍檸檬茶（+$7）。由落單到上桌，僅花了十分鐘時間，便有食物了。罐湯拉麵和小菜是分開上的。換言之，既可獨立嚐到藥膳湯和小菜味道，也可混起來吃。筆者建議：自行向店家取小碗，夾起一點麵才吃，因為湯頭熱，保溫程度亦高。一條保削出來的麵清楚見到手工紋理，長短不一。煙韌的麵條和淡中帶藥材香味的湯頭非常配帽，大致嚐到一點甘甘苦苦的味道。推薦指數：5/5  至於鎮江排骨有3大件，稍欠酸味，不過咸味足夠，而且油脂多，是挺香的。肉火喉足，輕易脫骨。不過，空間有限，個人較想吃細件的鎮江骨，吃得會輕鬆一點吧。不嗜排骨的朋友，也可以選擇獅子頭和口水雞。推薦指數：3.5/5凍檸檬茶糖度已調，偏甜，但茶味淡澀，建議挑其他飲品。推薦指數：1/5綜觀各項表現，這家店的食物

步入三月，天氣依然時凍時暖。冷風起，就會想念熱食。漫步拉麵街，居然有中式藥膳湯麵，暖胃一流！見每臺都點藥膳罐湯拉麵，熱辣辣原窩瓦煲上，當然照跟。配豆漿，才加$3呢～麻辣口水雞刀削麵 ($63)份量足，食極都咁多。加$3轉的麵底，厚切感覺較raw。咬感煙韌彈牙，絕對值得！叫藥膳，以為重口味？湯底走清新路線，藥味不重，有驚喜。有杞子、當歸、玉竹、沙蔘等，據說是祖傳配方、熬超過10小時。口水雞大大碟，外皮、肉質細滑，辣醬香口。底下墊有不少青瓜，可惜沒手拍過。至於金牌咖喱牛腩拉麵 ($60)，配料另上，抵讚。拉麵用力均勻，粗幼一致。不過先入為主，還是刀削麵出色多了。牛腩夠軟腍，件數不少。咖喱偏向葡汁，甜甜的，濃而不辣。吃慣拉麵、車仔麵，藥膳湯麵新意十足。而且消費合理，難怪非繁忙時段，仍能坐滿了人。

今日出左去銅鑼灣陪朋友lunch, 去左登龍街搵食 , 見到這間是以藥膳做湯底的麵館 , 本人一向鍾情藥膳的味道 , 所以就要一試喇 , 一入到去人客都幾多 , 差不多坐滿 , 坐位都比較擠迫 , 另外我覺得一間食肆要做得出色 , 不是單靠食物就可以 , 員工質素都是其中的因素 , 他們的員工個個黑囗黑面 , 非常不耐煩 , 問多句都嫌你煩 , 員工質素真係有待改善, 做得服務行業 , 就要有應有的服務態度鎮江骨拉麵 - 有三塊大大舊的鎮江骨 , 味道甜酸酸 , 炆得很入味, 肉多骨細湯底有很濃郁的藥材味 , 非常甘甜 , 刀削麵吸了湯汁, 好味 , 刀削麵削得厚度適中口水雞辣度適中 , 但我覺得只有辣沒有麻 , 雞的份量都算多 , 但不夠滑有少許鞋這個"溫馨提示" , 我看完之後絕對感覺唔到溫馨

今晚放工去銅鑼灣搵食，勁餓，天氣又凍，好想食碗暖胃野～～行入登龍街，眼見食麵嘅麵店都有好多間，好難選擇，夜晚7點幾，見到有間小店唔太起眼，但好多人排隊等位，一於試下～～等咗10分鐘，一入到去已經聞到有濃濃嘅藥膳味道，忍唔住要即刻落單。牛腩罐湯刀削麵藥膳湯底好正，藥材味好夠，牛腩炆得入味又夠淋，即叫即做，砂鍋上枱時仲係滾住咁。麻辣口水雞罐湯刀削麵口水雞肉質滑嫩，肥瘦剛好，味道夠曬惹味，正合本人口味，配上藥膳湯底好夾，難怪Lunch同晚飯時間都咁多人排隊！酥炸雲吞卜卜脆，皮薄餡料夠多，浸一下湯食幾唔錯！

藥膳口水雞拉麵🐔🍜$52銅鑼灣都有平野食🙆🏻🙆🏻仲要健康啲💪🏻起碼係藥膳湯底而唔係味精湯我一向都唔食藥膳湯底 怕苦🙈但哩個口水雞拉麵一啲都唔苦🙆🏻個口水雞好滑好好食😋下面放左啲青瓜加埋啲辣汁好正👍🏻👍🏻不過銅鑼灣店比較細 所以一到lunch time真係好多人👯‍♂️👯‍♂️