麵屋神匠

營業中

休息中

由於實在太掛住日本，究竟個疫情幾時先可以完結，之前上網見到旺角新開有間食日本拉麵嘅舖頭都話唔錯，一收工即刻出去油麻地食拉麵+兩個小食，間嘢個環境真係好舒服，之前其實行街都有經過，同埋可能今日早食都唔算太多人🤗🤗醬油拉麵醬油味濃郁，拉麵口感彈牙，紫菜脆口，竹荀清爽，溫泉蛋流心加上香濃醬油味，叉燒經明火烤至微焦，既香口又軟滑整體感覺夠哂origin 炸雞外脆內軟，肉汁豐富更額外提供黑椒鹽滿足不同口味既客人炸餃子外皮酥脆，內餡夠味

平時行過依間拉麵舖見好多人排隊，難得見今日唔算多人就即刻走去食返碗🍜😝〰️濃厚蝦湯🍜 （$83）每碗配有慢煮叉燒、荀、溏心蛋。面頭有超多櫻花蝦。用左日本甜蝦、赤蝦及蝦乾等熬煮而成，難怪咁濃郁鮮甜！慢煮叉燒顏色粉嫩，無咩肥肉🫶🏻〰️神匠蕃茄蝦湯沾麵 （$126）沾麵比起其他拉麵多左多士。多士面頭鋪滿羅勒醬，食落好有香草味之外仲好脆。湯質感偏向濃稠，蕃茄同蝦味都好濃郁。而沾麵嘅麵條亦相對較粗，掛湯能力大大提升😙下午茶時間有得追加兩款小食😆〰️日式唐揚炸雞 （$18）大大嚿，成個雞球咁🤣內裡肉質都頗滑，配上胡椒鹽大大減去油膩感。〰️日式餃子 （$10）餃子餡料飽滿。炸到好香脆，得兩隻有啲唔夠喉🥹💗裝修佈置用心，門口燈籠🏮好吸睛👀〰️〰️📍 麵屋神匠 (旺角)旺角彌敦道562號地下B號舖

💮朋友想試呢間餐廳好耐，但一直約唔到⋯見到Openrice 上「花咲蟹湯拉麵」有讚無彈，小編一於獨自出發試試！到達時約三點鐘，太幸運了！剛好可以享用下午茶優惠（14:30-18:00）～獨得八折折扣～🍜花咲蟹湯拉麵（$108）：一上枱就聞到勁蟹味，湯底呈奶白色，入口有鮮甜濃郁嘅蟹香。拉麵附上一大匙羹嘅新鮮拆殼蟹肉，兩片口感偏軟滑嘅薄切叉燒肉，半隻滑溜嘅糖心蛋，少量爽口嘅荀片。再加上京蔥及蔥花，無論起整體造型及味覺上都同濃滑嘅湯底搭配得正好！認真，係小編嚟香港食過最好味嘅蟹湯拉麵。🧃下午茶時段除咗免費贈送汽水一罐之外，仲可以用優惠價追加兩份小食！小編揀咗炸日式年糕及日式唐揚炸雞～質素都幾好！🫓炸日式年糕（$18）：一客一件，外表金黃香脆。唉開就無軟滑嘅年糕，最內層有滿滿嘅忌廉芝士！好味！推薦！🍗日式唐揚炸雞（$10）：一份兩件，外表賣相般，但內在雞肉嫰滑多汁。配以獨家嘅青檸鹽，增添清新嘅感覺，完全唔覺油膩。青檸鹽真係大大加分。👍🏼💞整體而言：1. 搭配牆上日系燈籠及飾物，環境乾淨舒適，頗有日本小店嘅感覺。2. 食物質素有保證，小編誠意推薦蟹拉麵。食完飲埋湯都唔覺口渴，應該無添加味精。小食

地點一流，好近地鐵站，油麻地A2岀口行2分鐘都唔使就到！呢間小店係長方形舖，配合一排排紅白藍燈籠，好日本風！👉🏻濃厚蝦湯沾麵 $118我覺得沾麵嘅口感就係介乎拉麵同烏冬之間，好有彈性！而重點當然係大大碗嘅濃蝦湯！滿滿嘅櫻花蝦鋪面，蝦嘅鮮味好岀，絕對會飲上癮！另一樣加分點係個羅勒醬多士，好芳香又脆！另外溏心蛋好流心，所以好滿意！👉🏻日式唐揚炸雞(3件) $38大大件，雖然賣相不是十分討好，但”食物不可以貌相”，食落係肉汁juicy，唔鞋嘅，點埋鹽一齊食一流！另外小配件都幾可愛，留影了

濃濃蝦湯沾麵🦐🍜疫情到依家已經兩年，我都已經冇返鄉下兩年😫路過旺角見到呢間掛滿燈籠嘅小店，色彩繽紛，非常適合打卡，而且即刻令我諗返起日本嘅祭典，同當時各種嘅小食。一入去就聞到好香濃嘅蝦味～睇睇menu，原來餐廳主打蝦湯拉麵同沾麵。我嗌左個蕃茄蝦湯沾麵，朋友就叫左個黑蒜蝦湯拉麵。小食就叫左個炸雞試下，睇下搵唔搵得返當時夏祭嘅感覺🤣沾麵都幾精緻，仲有去法包，上面有啲類似青醬嘅spread，脆卜卜，清一清個口。跟住就到主角蝦湯。佢個湯比較杰身，唔似平時食開啲沾麵咁。不過就係因為佢夠杰，所以掛到落啲麵度。個湯蕃茄嘅酸味恰到好處，可以僻走啲蝦嘅腥味，只係留返啲鮮味喺條脷度，果然係專賣蝦湯嘅拉麵店！個湯麵就比較啱啲鐘意食蒜嘅朋友仔，蒜頭味道相當突出，加上塊叉燒都好嫩滑，唔肥膩，配個重口味黑蒜就啱啱好。最後個炸雞就有三嚿，味道正常。價錢方面以旺角地鋪嚟講，都十分合理，下次肚餓又思鄉嘅時候，一定會再嚟！

今日在油麻地工作，正在想食什麼東西的時候，同事話不如去食日本拉麵，因為附近有間新開的.. 「麵屋神匠」潢裝是日式拉麵店，單邊是落地大玻璃，所以感覺地方開揚寛闊😉招牌濃厚🦐湯麵，配料有蔥，荀，糖心蛋半隻，紫菜，日式叉燒，湯底有海量櫻花蝦，湯味濃郁，拉麵軟硬適中，不會太淋或硬😋醬油拉麵，配料一樣，但叉燒是灼燒腩肉條，肥膏不多🙊口感軟腍😊 醬油湯底清淡鮮甜！麵條爽彈！日式唐揚炸雞，皮脆肉嫩夠多汁，巧惹味！

之前好多人都話想睇多啲拉麵sharing，今次終於嚟到旺角食拉麵喇🍜 位置其實就係sukiya對面，但佢條人龍同sukiya都不相伯仲，相信都係有一定口碑嘅拉麵店✨為咗避開人龍12:00就到咗，但係12:30已經滿座要排隊😂招牌濃厚蝦湯拉麵 ($98) 湯底蝦味勁濃厚，重蝦味得嚟飲咗大半碗都冇口渴，所以應該係真材實料熬製🔥呢個勁推介😚兩片叉燒都幾嫩口，拉麵偏硬身少少，而且加埋勁多櫻花蝦令成個湯更加濃味🥰神匠蕃茄蝦湯沾麵 ($128) 首先想讚一讚餐廳好貼心，因為店員話如果蝦湯凍咗可以加熱返🦐 一舀落去已經好多蕃茄同櫻花蝦係入面，沾麵湯質地好濃稠所以好容易掛晒係啲拉麵到🤤呢個都好推介👍🏻而家餐廳做緊優惠，嗌一份主菜就送前菜同飲品，前菜固定左係醃製青瓜，飲品就可以揀唔同嘅汽水，仲有好多款日本汽水可以揀🥤另外嗌咗小食炸日式餃子 ($32)🥟一嗌落去都做到外面脆入面有肉汁，但唔算太有驚喜叫做不過不失～雖然依家唔係啲乜嘢過江龍，但係感受到佢哋好用心做好每一碗拉麵，淨係呢一份嘅熱誠已經好值得支持🍜而且個人鍾意呢一間拉麵店好多燈籠掛晒係到好有日本祭典嘅氛圍🏮🎏絕對會回訪呢一間高質素嘅拉麵店🤪❃注意❃

香港食拉麵地方就好多但係想食日本沾麵真係唔多地方 之前經過油麻地 見到一間日系風格拉麵店仲有我最愛嘅沾麵🍜招牌濃厚蝦湯拉麵 $98 包餐飲配料有荀、蔥、溏心蛋半隻、紫菜及慢煮叉燒一上枱已經聞到香濃蝦湯味 入口都有濃濃蝦味濃湯上鋪滿櫻花蝦仔 增加口感 幼身雞蛋拉麵 🍜軟硬度剛剛好啖啖蛋香味 非常滿足飲埋湯底都無油膩感😌😋神匠蕃茄蝦湯沾麵 $128 包餐飲配料有荀、蔥、溏心蛋一隻、紫菜、慢煮叉燒、法包配羅勒醬每天限量提供沾麵嘅蕃茄蝦湯極濃可掛湯 新鮮滾熱辣 粗身拉麵質地Q彈 法包鬆脆 羅勒醬清新特別炸日式餃子 🥟 $32餃子炸得香脆 餡料都好有味若果再大隻啲會更加滿足

前幾日經過見到有蟹湯拉麵就想試吓開頭以為蟹湯應該係普通湯包點知嚟到原來仲有蟹肉嘅！本身都好驚會好淡 對唔住佢$128嘅價錢🥲但係一試啖湯！超級清甜😍佢塊叉燒都有誠意夠晒大塊🤩糖心蛋就唔使講啦拉麵入面嘅精華超超超級好食😍好多拉麵店嘅紫菜一上到嚟就林晒但係佢呢度嘅紫菜我覺得還好上到嚟都仲有口感🤩我食拉麵都好鍾意筍佢嘅份量都好足夠每一啖都可以至少配一舊食美中不足嘅地方係食食吓啲蟹肉有少少殼但係整體來講都好滿意！男朋友就食蕃茄湯沾面我唔記得影相🥲試咗佢一啖個湯都好震撼超級濃郁 就好似西餐啲蕃茄意粉咁🤣

長假期last day逛逛吓想食tea，被呢間佇立在油麻地街角的日式拉麵店吸引住，店舖高掛嘅燈籠好搶眼，望餐牌下午茶幾抵食，入去食沾麵先Tomato Shrimp Soup Tsukemen神匠蝦湯蕃茄沾麵 $108 (下午茶)> 佢哋嘅招牌沾麵嚟、味道很扎實！沾湯濃到好似湯膏咁杰，上面撒有櫻花蝦、湯內有蕃茄、蝦味濃郁溫度夠熱。麵條是較粗身的冷沾麵有咬口Q彈頗為掛湯，而且麵量勁多！另外，幾欣賞佢哋以慢煮製作嘅黑豚叉燒，用上豬肩脊部位較少肥肉顏色好pink，肉質軟腍別有一番風味。慢煮蛋個橙紅色流心黃幾perfect！另外有片店家自創的羅勒多士，香脆小法包搽上自家製嘅羅勒葉醬點湯食法清新* 餐廳好貼心、如果沾麵汁食食下凍咗，佢哋可以幫忙翻熱Japapese Fried Dumplings 炸日式餃子2件 +$10 (下午茶)> 細細隻炸得好脆兼香口，難得唔係好油膩 Japanese Cheese Rice Cake炸日式芝士年糕 +$10 (下午茶)> 我好鍾意呢個邪惡小食，熱辣辣軟心芝士好香滑 Soft DrinkOoha白桃汽水 +$3 (跟餐)> 食麵

呢間餐廳位置非常方便，油麻地站出口一出行幾分鐘就到。店內以日式裝修為主。望住咁多嘅和風紙燈籠同埋吧枱，真係令到思鄉情緒更加強烈。今次叫咗神匠蕃茄蝦湯沾麵同濃厚蝦湯拉麵，另外再加一份炸雞。每碗沾麵內除咗慢煮叉燒﹑溏心蛋﹑筍條之外，呢間店有額外一份羅勒醬多士。店員送餐嘅時候更加再三提醒要盡快食多士先。多士口感香脆，羅勒醬嘅香味亦都非常醒胃！沾麵麵湯蕃茄味以及蝦味非常濃郁，麵湯亦非常熱，每啖麵都感受到香濃嘅味道！強力推薦！濃厚蝦湯拉麵亦都係以蝦湯為主軸嘅拉麵，湯底非常鮮甜，慢煮叉燒亦有好香豚肉味，鍾意食湯麵嘅人絕對唔好錯過！而炸雞肉厚，炸粉鬆脆，非常惹味香口。呢間餐廳所有食物份量都十足，絕對唔似平時其他拉麵店，一定要叫替玉先食得飽，推薦比大家一試！💕💕

香港有好多拉麵店，但日式沾麵就相對少。喺油麻地行去旺角，俾一整排日本燈籠吸引住，冇得飛，見到咁有氣氛就即刻想衝入去。佢除咗日本嘅拉麵，仲有沾麵。花咲蟹湯拉麵，係米白色湯底，有叉燒、荀、紫菜，仲有一堆蟹肉。配合彈牙嘅黃色拉麵，湯汁濃可掛麵。個溏心蛋仲好好食。但佢個每日限量嘅神匠番茄蝦湯沾麵，就更加不得了！除咗一般嘅拉麵材料，仲加上法包配滿滿嘅羅勒醬。沾麵汁看似一個濃厚蕃茄凍湯，其實喺超滾燙沾汁，食到最後國沾汁仲係熱嘅！蝦香味濃郁。點菜時以為主食份量細，所以點咗小食炸日式餃子。佢炸得好香脆，但$32只得4件有點少。其實份量係啱嘅，如果可以有優惠價換購就更好啦。

👩🏻‍❤️‍👨🏻平日放工去食拉麵下午茶🍜。下午茶餐星期一至五限定，免加一連飲品幾抵食。🍜濃厚蝦湯拉麵 $83湯底有大量櫻花蝦🦐，鮮味濃郁，蝦膏味道好重，又唔會好膩。麵條彈牙仲好掛湯。🍜醬油拉麵 $73湯底甘甜唔會死鹹。雖然冇蝦湯咁惹味，但呢款配火炙叉燒。油脂香氣重，而且仲入口即溶。👩🏻‍❤️‍👨🏻覺得兩款各有千秋。🍗日式唐揚炸雞 +$18麵衣好薄，食落皮脆又多汁。🥟炸日式餃子 +$10餡料比較多蔬菜，清甜而且唔算好油膩。🥤可樂（跟餐）🥤荔枝OOHA +$3

餐廳位置好方便，裝修以木枱木凳為主，加埋入面好多日本既元素裝飾，好似親臨左日本啲拉麵舖咁黑蒜蝦湯拉麵 $88單睇賣相就感覺湯底好濃郁，但令人驚喜既係，黑蒜油入口的確香濃無比，非常惹味，油而不膩，幼直既麵身掛湯力強，柔韌度都好好，配料既叉燒都好大片，肥瘦適中，食完幾個鐘都仲有黑蒜油既味道，齒頰留香神匠蕃茄蝦湯沾麵 $128蕃茄湯勁濃稠，一入口有蕃茄既清香，再慢慢散發出蝦既鮮味，係有層次既味道，蕃茄同蝦味配合得好清爽，食哂都唔會覺得好滯，麵質睇落比較粗身，同平時既拉麵唔同，口感比較Q彈，掛湯力都好好，入面仲有一塊查滿羅勒醬既小法包，法包焗得好脆身，連埋羅勒醬食好特別，有陣陣既清香炸日式餃子 $32餃子中規中矩，皮夠薄身，炸得香脆，入而既餡料都醃得唔錯

Established by two brothers last December, @menya_shinsho serves up slurping-good ramen and tsukemen in its signature shrimp soup. It wasn’t as crowded as expected when we came for lunch on a weekday, but we did notice quite a few takeaway orders. Our food still came quite quickly (within 5-10 minutes) though. Each bowl of ramen/tsukemen comes with a spicy cucumber appetiser and soft drink.  Tip: get a seat by the floor-to-ceiling glass windows for natural lighting!Selling limited bowls daily, t