麵屋神匠

營業中

休息中

油麻地這條人來人往的小巷，新開了這間店內掛滿日式紙燈籠的日本拉麵店，在小巷中都頗為突出，落地玻璃令店舖光猛開揚。店內座位不多，之前經過有時都要等位。一頁紙的餐牌選擇不算多，有湯拉麵，沾麵，輕食及飲品。每份主菜都有醃製青瓜一份，午市仲有免費飲品附送。神匠蕃茄蝦湯沾麵 $128，每碗有慢煮叉燒、溏心蛋、筍條，蔥，紫菜及最特別有塊脆口而又很有香草味的羅勒醬多士。沾麵同樣以蝦湯為湯膽，再加大量蕃茄熬成茄膏般的沾麵汁，熱度十足，非常濃稠，有些沾麵汁會比較咸身，但這裡則恰到好處，食到蕃茄的甜酸味，又有些蝦的咸香味，麵條是比較粗身而有咬口，每條麵條都沾滿湯汁。慢煮過後的叉燒仍然保持粉嫩色。他們的湯拉麵是以蝦湯為湯膽，濃厚蝦湯拉麵($98)的湯底充滿濃郁的蝦味，但又不會太咸。配上粉嫩的慢煮叉燒，溏心蛋，及筍，另有特製蝦油及大量櫻花蝦等配料，令蝦味更濃。拉麵的麵質比沾麵幼身一些，但都是比較有咬口的質感。炸日式餃子 ($32)，炸得金黃脆口，內邊肉汁滿滿。

同事十分鍾意食樱花蝦，耐不耐會提議去呢間主打蝦湯底嘅拉麵店食嘢，今日我哋又去食lunch。叫咗個炸日式餃子($32)做小食，一客四隻，外皮薄而脆，點醬油再加七味粉，更加好味。濃厚蝦湯沾麵 ($118)賣相吸引，配料多，特別係嗰件法包多士配羅勒醬，清香脆口，下次嚟，一於單點呢個小食！蝦湯濃稠，散發濃郁蝦香，面頭有無數隻櫻花蝦，望住佢，攪到我流晒口水！沾麵非常掛汁，柔軟得來帶嚼勁，口感非常好。明知飲太多濃湯，之後會口渴，我一於懶理，滿足眼前嘅口腹之慾，先至最重要！！同事食辛辣蝦湯拉麵 ($88)。湯底呈現橙色，我試飲咗少少，因為有蝦湯中和，整體辣度可以接受。同事話將拉麵同日式叉燒一齊食，辣度唔嗆口，變成中辣醒胃嗰隻，相當唔錯！地址：旺角彌敦道562號地下B號舖

冇得去日本旅行並不重要，最緊要係香港可以食到日本美食。日式拉麵就是最好選擇，旺角，油麻地區有好多，邊間好味，梗係要問下我老友食家。推介了油麻地嚟間，裝潢非常趣緻，日本風格濃。濃厚蝦湯拉麵有濃濃的鮮香，湯底濃而不膩。粉色的樱花蝦乾，又靚又添味美。拉麵質感爽口，掛湯不錯。兩大片豚肉，沒有多餘脂肪，軟熟。半熟蛋流心蛋漿，勁濃。黑蒜蝦湯拉麵湯底好好飲。蒜香顯著，喜歡蒜的話，必食！煎餃子外皮脆爆，內裡餡料豐富，滋味。

/ /油麻地新開張日式沾麵店超日系裝修，仲有好多日式燈籠🏮今日自己一個食晚餐🫣見到呢度咁吸引就試左個拉麵同小食！！神匠蕃茄蝦湯沾麵 $128湯底真係超濃郁！係我最愛嘅蕃茄湯！仲有蝦嘅鮮味，好正啊🧡面層仲有啲櫻花蝦仔，日式叉燒肥瘦均勻麵質好煙韌，仲好掛湯👍🏻👍🏻👍🏻真係幾值得食！炸日式餃子🥟$32外脆內嫩，中間係豬肉食落都好juicy!📍 麵屋神匠 (旺角)旺角彌敦道562號地下B號舖

🍜⠀ღ ʀᴀᴍᴇɴ ᴡᴏʀᴛʜ ʀᴇᴠɪsɪᴛɪɴɢ ღ⠀This 𝚛𝚊𝚖𝚎𝚗 𝚓𝚘𝚒𝚗𝚝 𝚒𝚗 𝙼𝚘𝚗𝚐 𝙺𝚘𝚔 𝚠𝚊𝚜 𝚘𝚙𝚎𝚗𝚎𝚍 𝚋𝚢 𝚝𝚠𝚘 𝚋𝚛𝚘𝚝𝚑𝚎𝚛𝚜 𝚕𝚊𝚜𝚝 𝙳𝚎𝚌𝚎𝚖𝚋𝚎𝚛 @menya_shinsho 🍜 they’re famous for 𝚛𝚎𝚊𝚕𝚕𝚢 𝚛𝚒𝚌𝚑 🦐 𝚋𝚛𝚘𝚝𝚑𝚜 which I’m a huge huge fan of 🤤 the shop’s conveniently close to the 𝚈𝚊𝚞 𝙼𝚊 𝚃𝚎𝚒 𝚜𝚝𝚊𝚝𝚒𝚘𝚗 ; it’s 𝚟𝚒𝚋𝚛𝚊𝚗𝚝 𝚎𝚡𝚝𝚎𝚛𝚒𝚘𝚛 𝚠𝚒𝚝𝚑 𝚝𝚑𝚎 𝚋𝚛𝚒𝚐𝚑𝚝 𝚕𝚊𝚗𝚝𝚎𝚛𝚗𝚜 def makes it hard to miss & adds a nice touch of Japanese decor🏮⠀Their ᴛsᴜᴋᴇᴍᴇɴ comes with a piece of 𝚙𝚎𝚜𝚝𝚘 𝚋𝚊𝚐𝚞𝚎𝚝𝚝𝚎 🥖 def recommend ordering it on the side as the 𝚑𝚘𝚖𝚎𝚖𝚊𝚍𝚎 𝚙𝚎𝚜𝚝𝚘 is v good 😋⠀❝ ᴡɪʟʟ ᴅᴇꜰ ʀᴇᴠɪsɪ

好耐冇食過拉麵~（又唔知幾時先可以去日本）😂上次去果欄買生果嗰陣經過見到好多人排隊已經心思思 今次去開附近見客可以試吓laa😊濃厚蝦湯拉麵放低已經聞到好香蝦味 影相影咗一陣先食😂湯底依然好熱（我真係好鍾意飲熱湯）每啖湯都充滿蝦香又唔會過鹹❤️叉燒片嫩滑👍🏻入口一d都唔韌亦唔油膩🥳拉麵係粗身啲嘅一款 好有咬口☺️神匠蕃茄蝦湯沾麵值得再次一讚就係佢個湯真係好夠熱呢個蕃茄蝦湯底嘅味道比起濃厚蝦湯味道更濃不過好得意有片羅勒醬多士 沾湯食呢個新食法幾有趣🥳重點係兩碗麵既蝦湯上都灑滿櫻花蝦令湯底香更濃❤️而且蝦湯連櫻花蝦掛麵一齊食勁滿足 日武唐揚炸雞拉麵配炸雞冇得輸 炸雞新鮮炸出嚟 外脆內軟 雞件入面仍然充滿肉汁 一啲都乾柴👍🏻呢個組合應該配埋beer🍻 下次再食過🥳

本身好鐘意食沾麵，所以就不停揾有邊間好食同特別，好多人推薦，所以今次就去試一試，我兩個人去叫吃一個沾麵，一個接麵，分別係蕃茄蝦沾麵同蝦湯麵。首先蕃茄蝦沾麵味道較濃郁好香，當麵浸入去食好快就入味，湯入面會有櫻花蝦，真係入曬味好好食！麵質適中，湯唔會好易凍，就算擺咗一陣都好熱，一上黎個時好熱慢慢食都得。最推薦既係蝦湯拉麵，湯有濃濃既櫻花蝦既味道，人不停飲，但都好香好入味，真係無令人失望同令人驚喜。會再黎多次試唔同

今日叫兩款麵1)神匠蕃茄蝦湯沾麵2)濃厚蝦湯拉麵好多時覺得沾麵湯汁太濃同杰杰地，但係佢又唔係喎！蕃茄蝦湯鮮甜，唔會糊口(你都可以試吓加入清水開稀，湯一樣咁鮮甜，唔會淡左，又冇咁杰)麵上有一片法包，塗抹上羅勒醬，好食。(冇諗過沾麵會配法包)紅色嘅櫻花蝦，除咗靚之外，更重要係令湯底提鮮，所以大家記住，唔好慣性叫走葱走蝦。。。。乜都走晒，咁就失真，食唔出真正嘅味道。而家講下叉燒，當你第一眼望落去，就會諗🤔點解叉燒咁嘅顏色(會未熟嗎？生食嗎？)原因係:呢度用豬肩肉做叉燒，過程中以慢煮技術處理，所以望落去同出面食嘅叉燒顏色就唔一樣，正因為肉味比較清，配上濃湯就更出色。炸日式餃子，脆脆地唔太大隻，一啖食晒。

今日放工之後同男朋友去咗旺角呢間拉麵店食dinner，拉麵店嘅環境好舒適。我哋分別點左一碗拉麵同埋一碗沾麵，另外再加小食。沾麵點咗呢度嘅招牌-神匠蕃茄蝦湯沾麵 ，平時好少見到有蕃茄湯底嘅沾麵，呢個湯底係蕃茄蝦湯，有濃濃嘅蕃茄味再加蝦嘅鮮味，麵嘅口感幾彈牙，麵入面有好多料，包括筍、溏心蛋、慢煮叉燒、法包配羅勒醬、紫菜等，好豐富。拉麵就點咗黑蒜蝦湯拉麵，湯底非常香濃，啱晒鍾意食蒜嘅朋友仔。小食方面，點左炸日式餃子，日式餃子即叫即炸，好香脆，入面嘅餡係豬肉同白菜，點埋醋一齊食幾好食。

上次試過麵屋神匠既蟹湯拉麵同蝦湯拉麵，簡直係驚爲天人。今日午餐又黎食返碗拉麵。麵屋神匠位於彌敦道，比較近油麻地港鐵站出口。麵屋神匠主打蝦同蟹湯拉麵。餐牌簡單，有4款拉麵，兩款沾麵，小食同飲品。濃厚蝦湯拉麵 $98一上枱飲啖濃厚蝦湯拉麵個湯先，蝦味好香濃又唔油。拉麵上面有唔少櫻花蝦仔，仲伴有半隻入味滑溜糖心蛋，爽口扁筍，同京蔥加葱花。圍喺碗邊有叉燒兩大塊同紫菜兩片。叉燒薄切，質感瘦不過夠嫩。成碗拉麵蝦味十足。拉麵係幼身雞蛋麵，雖然浸左落湯度，不過完全唔會太腍，硬度適中又有蛋香，唔錯。神匠番茄蝦湯沾麵 $128另外試吓呢度嘅沾麵，叫左神匠番茄蝦湯沾麵。大大隻碟上面有好大個拉麵，配有幾塊爽口扁荀，蔥花同京蔥，溏心蛋一開二，紫菜兩塊，慢煮叉燒兩片，同一片法包配羅勒醬。拉麵份量都幾多，較為粗身，食落滑溜之餘又有嚼勁，係我最鍾意嘅麵質，而且非常掛湯。神匠番茄蝦湯另上，非常濃厚既蝦湯原來同番茄係咁夾，仲食到新鮮番茄肉，上面加左大量櫻花蝦仔，食落更加有少少咬口。個湯好好味又唔過鹹或油，最後我清左。其他配料同濃厚蝦湯拉麵既係一樣，除左法包配羅勒醬，喺拉麵店黎講真係非常特別，多士烤得香脆，上面既羅勒醬好突

湯底ok嘅，但麵質麻麻！ 最大問題係張吧檯好污糟又唔好坐，得個細到差唔多睇唔到嘅勾去勾袋，又無得踏腳，坐上去已經唔好坐，跟住發現原來我件衫幫忙抹檯，檯邊係上手或上上手嘅麵湯，即刻趕回家洗衫，但洗不了，要報銷喇。真是一個很不好的經歷。我發覺，而家啲人係唔識得抹檯，求求其其抹，塊抹檯布污糟又唔去換，抹完等於無抹！真係怕怕！店細好多店員，但抹張檯都唔乾淨！

夜晚收工，正前往油麻地A2地鐵站出口時，比附近店舖門面日式燈籠裝修吸引，於是決定入去一試。🏮🎎「麵屋神匠」招牌菜式為濃厚蝦湯，大部分拉麵都以蝦湯作為湯底，所以整體款式選擇相對較少。小編叫左每日限量供應的「神匠蕃茄蝦湯沾麵」，味道組合聽落比一般拉麵小店新穎有趣，配上木紋小碟日本風味十足。👍🏼🇯🇵 🌟神匠蕃茄蝦湯沾麵🦐🍜 零售價:$128 ♨️「湯底」：作為招牌的濃厚蝦湯稍為令人失望，缺乏應有的濃郁鮮甜口味，味道反而以清甜茄味作為主調，比蕃茄湯底掩蓋原有特色。但值得一提裡面有不少厚切蕃茄粒同櫻花蝦，成功幫湯底添加層次感。🍜「麵質」：雖然小店無得因應個人喜好選擇軟硬度，但麵質順滑，口感爽口彈牙，配上蕃茄湯底十分適合，組合誘人。🍖 「配料」：低溫慢煮叉燒口感香滑，同時附送了荀、蔥、紫菜、糖心蛋同羅勒醬法包！聽到拉麵配法式麵包，初時感到驚訝，但意外地同蕃茄湯底匹配。建議可先品嘗湯底原汁，然後點上法包當作前菜，猶如fusion 菜式體驗，別有一番風味。整體而言，店舖門面裝修設計勝於拉麵本質，讓你彷彿置身日本拉麵小店，但可惜享受不到真正濃郁拉麵的精粹。⛩✨味道：7/10環境：8/10性價比：6/10回

今日朋友帶我嚟咗呢間專做蝦湯拉麵嘅麵屋神匠。餐廳內嘅裝修甚有日本居酒屋嘅風格。既然呢度係主打蝦湯，當然要揀番個濃厚蝦湯拉麵。呢度每款拉麵都會配有筍、蔥、溏心蛋半隻、紫菜同慢煮叉燒。除咗有濃濃嘅蝦湯，仲有大量嘅櫻花蝦，令整碗拉麵蝦味更加濃郁。而我就特別欣賞佢嘅溏心蛋，蛋黃醬混入蝦湯拉麵真係好鮮好夾。除咗拉麵，呢度仲有沾麵，我哋就揀咗神匠蕃茄蝦湯沾麵。沾麵同樣配有筍、葱、溏心蛋、紫菜、慢煮叉燒，更特別嘅係另外配有法包配羅勒醬。沾麵嘅蕃茄蝦湯味道超濃郁，蕃茄同蝦湯嘅味道互相輝映，唔會搶咗另一食材嘅味道，加上同樣有大量櫻花蝦，用彈牙嘅拉麵沾上呢個濃湯真係好滋味。另配嘅法包塗滿羅勒醬，其實單獨享用都已經夠好味。每款拉麵或沾麵都會配以醃青瓜作前菜，味道酸酸辣辣，非常開胃。我食拉麵習慣都要配返個小食，炸日式餃子外皮脆口而餡料亦豐富。飲埋支冰凍嘅汽水真係透心涼又滿足。

神匠番茄蝦湯沾麵之前食過金鶴拉麵的沾麵🍜 今次食麵屋神匠開心返。最少啲拉麵在沾一沾之後依然可以是暖氹氹，入口不會凍。而且沾麵汁都依然是鹹得適中，番茄味亦都夠濃。食沾麵還送上呢個得意嘅香草醬法包，可以好似西餐法包點羅宋湯咁食，funny 辛辣蝦蝦湯沾麵湯底都幾正，似韓國農心辛辣麵嘅辣度。不過湯底入口就無咁涸喉，應該就少好多味精。兩個麵條亦都煙煙韌韌，入口幾好咬。兩塊肉都幾大塊，不太鹹，感覺都幾健康。配搭埋可樂一齊食，就更加正 餐廳亦都樂意斟水比你，食得舒服。香炸餃子🥟 雖然 $38 4隻，但一口餃子一樣可以一啖食哂，而且味道都幾香。

黑蒜蝦湯拉麵同濃厚蝦湯拉麵同樣都係好濃郁，但係一啲都唔油膩。濃厚蝦湯拉麵係有櫻花蝦喺面，增強左蝦嘅味，而黑蒜蝦湯拉麵係加咗黑蒜油，非常香，同埋為湯底加咗少少甜味。兩者湯底個texture拿捏得幾好。叉燒都好嫩口，有兩大塊，係偏薄既，相比起湯底係比較淡，所以其實個主角都係蝦湯，唔會搶戲，有飲梳打既我都爭啲飲晒成個湯，因為做得幾出色。日本梳打係有生果味揀既，揀咗蘋果同蜜瓜，隻味都好自然，同埋好解渴。如果你係對蝦有敏感，店舖係有清湯揀既，佢啲拉麵係好彈牙，所以都好值得一試架！因為始終都係海鮮做既湯底，所以建議大家趁熱食，如果唔係味道係會有所改變㗎~