麵屋神匠

營業中

休息中

濃濃蝦湯沾麵🦐🍜疫情到依家已經兩年，我都已經冇返鄉下兩年😫路過旺角見到呢間掛滿燈籠嘅小店，色彩繽紛，非常適合打卡，而且即刻令我諗返起日本嘅祭典，同當時各種嘅小食。一入去就聞到好香濃嘅蝦味～睇睇menu，原來餐廳主打蝦湯拉麵同沾麵。我嗌左個蕃茄蝦湯沾麵，朋友就叫左個黑蒜蝦湯拉麵。小食就叫左個炸雞試下，睇下搵唔搵得返當時夏祭嘅感覺🤣沾麵都幾精緻，仲有去法包，上面有啲類似青醬嘅spread，脆卜卜，清一清個口。跟住就到主角蝦湯。佢個湯比較杰身，唔似平時食開啲沾麵咁。不過就係因為佢夠杰，所以掛到落啲麵度。個湯蕃茄嘅酸味恰到好處，可以僻走啲蝦嘅腥味，只係留返啲鮮味喺條脷度，果然係專賣蝦湯嘅拉麵店！個湯麵就比較啱啲鐘意食蒜嘅朋友仔，蒜頭味道相當突出，加上塊叉燒都好嫩滑，唔肥膩，配個重口味黑蒜就啱啱好。最後個炸雞就有三嚿，味道正常。價錢方面以旺角地鋪嚟講，都十分合理，下次肚餓又思鄉嘅時候，一定會再嚟！