麵屋武蔵 武骨相傳 (朗豪坊)

營業中

休息中

Japanese Noodles❤️ Tsukemen💫..麵屋武藏武骨相傳🍜，全新旺角店黎到朗豪坊喇🥳。一家香港首創自家特製坑紋麵，比一般沾麵更掛湯汁，食落更惹味濃郁，愛吃沾麵既朋友別錯過喔。除此之外，我知道呢家叉燒🐽 用上整條歐洲梅花豚肉，加上自家醬汁醃製72 hrs，每日以260°C 現烤3 hrs，最後淋上自家製燒汁，用心出品肉質鮮嫩多汁。🍜二刀流沾汁麵(豚角+叉燒) $88🍜二刀流湯拉麵 (豚角+叉燒) $88🍘五輪燒餅 (廣島蠔使用) $58🍗狼牙手羽 (薯片脆使用) $48🍹蘋果汁 (日本產) $22 & 梅子青檸梳打 $28香濃豚骨魚介湯 (Shiro)選用大量豚骨、小魚乾、貝柱 & 蔬菜，大火熬製超過10 hrs。「豚骨湯 × 魚湯」混合特製成雙頭湯，入口鮮味濃郁💛。黑蒜豚骨魚介湯 (Kuro)濃厚豚骨魚介湯，加入燒香既大蒜、洋蔥 & 京蔥製成黑蒜油，味道較香濃🖤。..×××××ש旺角亞皆老街8號朗豪坊4A樓5號舖..

天氣凍左, 除左打邊爐之外, 食碗熱辣辣既拉麵都係必需架! 朗豪開左麵屋武藏, 仲係特別唔同既武骨店! 武骨相傳係主打豚骨湯既店, 同日本一樣, 有白, 紅, 黑三色豚骨湯, 中意原汁原味既我, 就揀左白豚骨湯沾麵汁😋白相傳二刀沾汁麵熱辣辣既湯頭質感濃稠, 配搭有坑紋既麵條, 沾既時候湯汁輕易掛滿麵條, 麵條口感彈牙, 入口充滿濃香豚骨味道。二刀分別係豚角同埋chasiu, 豚角成件都好立體而且厚身, 肥瘦相間, 入味。但同chasiu相比, 個人較喜歡chaiu, 肉質軟嫩有肉香, 表面有焦香, 厚薄適中有口感。牛肝菌雞白湯沾汁麵朋友既雞白湯, 質感同豚肉湯一樣濃厚, 但入口有種鮮甜, 帶淡淡牛肝菌香氣, 整體感覺清爽。面頭既雞肉片食落似慢煮, 幾乎零脂肪口感爽彈軟嫩。田之最強其實就係凱撒沙律, 沙律菜新鮮爽脆, 加左櫻桃蘿蔔賣相更靚, 半熟蛋煮得恰到好處。五輪燒餅加入左蠔既燒餅, 整體係大阪燒既味道, 香甜醬汁加木魚絲令味道更好味更香。蜜桃培茶有茶香又有蜜桃果香, 兩種味道mix埋好夾。梅子青檸梳打加左梅子成個感覺好日系, 味道清新又解膩👍🏻

之前去過麵屋武藏旗下分店既神山拉麵，覺得都非常不錯，所以今次就再去佢地其他分支試下。今次去左朗豪坊新開幕既【武骨相傳】。每個分支都使用唔同湯底同肉嘅部位、整法都唔同。所以都唔會話只係個名唔同，但其他無分別。黑相傳二刀流沾汁麵：原條梅花豚肉整成既厚切叉燒，再加豚角。有3款湯底（沾麵汁）可以選擇。而我地就叫左黑蒜湯底。麵條本身都係用佢地獨有既坑紋設計，更容易挂湯。湯底非常濃豬骨味，非常重膠質，而且有烤叉燒既焦香味道；而黑蒜蒜香十足，但又唔會搶左豬骨既味道。叉燒軟臨又入味！而且唔會太肥。牛肝菌鷄白湯沾汁麵：比較少見鷄白湯沾麵，所以就試下啦。湯底會比較清同無禁油膩，裏面仲加左洋葱同京葱，所以好香。麵條都係用佢地獨有既坑紋設計。而有非常滑嫩既鷄胸肉加牛肝菌醬。旁邊仲有幾舊新鮮菇、d菇味香濃。如果比較鐘意清爽系、可以試下呢一款。黑鳥炸鷄：非常juicy嘅炸雞搭配黑色塔塔醬。塔塔醬裡面感覺有D洋蔥。唔會太heavy又幾特別！ 狼牙手羽：單骨雞翼再包裹薯片炸！非常香脆、而且新鮮熱辣！肉質非常嫩滑！ 曙光：見佢好特別所以叫嘅飲品！柑橘梳打加超級特別嘅日本醬油果凍！微鹹、唔會好奇怪。有D似鹹金桔梳打！ 梅

這日到旺角逛街買聖誕禮物，行到累累地又想食啲熱辣辣嘅嘢，見到這間新開的日本餐廳好像幾吸引，於是便去了食個午餐。.二刀流沾汁麵 $88湯底有三款口味選擇，包括：香濃、辛味、黑蒜豚骨湯。我們選了香濃豚骨湯，味道果然好濃郁。而且沾麵用上粗身坑紋麵條，食落好爽口，而且口感彈牙，每條麵都好掛汁，沾滿香濃的豚骨湯底。配料還有大大塊厚切叉燒和豚角，肥瘦適中，而且豚角燒得好香。加上半熟流心蛋，好豐富！.牛肝菌雞白湯拉麵 $98雞湯經八小時煮成，味道好濃郁綿密，入口感覺鮮香，而麵條食落爽滑，好入味。而雞肉肉質嫩滑，配上惹味的牛肝菌，口感和味道都好豐富。.夢幻之唐揚魚 $45份量都不少，魚仔炸得好香口，食落富咸香，配上酸甜醬，幾醒胃。.黑鳥 $45係日式炸雞配黑芝麻醬汁，雞件炸得外脆內嫩，配上香氣十足的黑芝麻醬，幾特別。.相傳煎餃 $38煎餃皮薄，而且內餡充滿肉汁，菜肉比例適中。.蜜桃焙茶 $28淡淡的蜜桃香，配上焙茶，可以消油解膩。

以前住旺角，間中都會去朗豪坊搵日本野食，以前四樓有元氣、有一風堂～～依家轉晒啦！.四樓新開左「麵屋武藏—武骨相傳」，難得6:00未排長龍，食碗拉麵先啦～～.⭐️我揀左最多餸嘅一碗：二刀流沾汁麵 配 黑蒜豚骨湯～一次過可以食到豚角同埋叉燒～～豚角嘅豚肉、油脂，一層層咁均勻分佈，肉質夠淋夠滑、肉味亦都好濃👍🏻而叉燒係厚切嘅，口感比一般薄切叉燒更好食👍🏻👍🏻店員話麵條係自家特製坑紋麵，全部坑紋都沾滿晒醬汁，真係好好味🥳🥳🥳.⭐️好多拉麵店都無雞肉，所以家人揀左牛肝菌雞白湯拉麵，雞肉好嫰滑，最正係個湯，真係勁香濃，我下次都要自己嗌返一碗👍🏻👍🏻.⭐️食拉麵，一定要食埋餃子，咁先完滿🤣🤣嗌左一份「相傳煎餃」，皮薄 + 少少脆口，好味！.⭐️ 最後嗌左一份「五輪燒餅」，賣相唔錯，味道有少少似章魚燒，不過今次無章魚，而係有蠔，仲香仲好味👍🏻👍🏻👍🏻

熟我既朋友應該多會知道比起日本傳統拉麵，我更喜歡正宗風味沾麵。因為覺得以湯頭精華一樣既沾汁伴麵味道會更濃郁，令到拉麵更惹味。東京人氣拉麵之一既麵屋武藏既沾麵係日本甚有名氣。佢地旗下有好多個唔同既字號，「武骨相傳」係佢地其中一個品牌，第一次聽個名就已經覺得非常霸氣。最近麵屋武藏開左一間新分店係朗豪坊，地點就腳當然要安排試下。.武骨相傳品牌賣點係提供左三種唔同顏色口味既沾汁，包括：白色 – 用左日本海鹽同多種魚干提味，海鮮感重既口味；赤色 – 辣版沾醬，加入左多種辣椒粉同豆瓣醬；黑色 – 味道非常濃郁既版本，唔係墨魚汁而係用左炒香既洋蔥、青蔥、大蒜同咖啡豆，烤製過之後碳化既顏色。湯頭用左豚骨同魚介混合做基底，所以會帶有海鮮既甜味。.而佢地賣點之二既叉燒。用左歐洲梅花豚肉，醃製72小時，再即日用烤箱精心烤製，所以口感外酥軟、內裡嫩濕潤。另外餐廳用既沾麵底係香港首創，自家特製坑紋麵，呢種坑紋麵配沾麵會更易掛湯。.相傳二刀流沾汁麵 (赤) 💲88⭐️3.9/5二刀流呢個名同餐廳名一樣咁架勢。其實即係麵底除左傳統叉燒，仲有豚角煮雙併。再加上配料有傳統既半熟玉子同筍片。叫左赤色即係辣沾醬，辣度比想像中

麵屋武藏 武骨相傳(旺角)麵屋武藏一向都好多分支,聽聞旺角分店最近先新開,係附近行開就黎試下,整體裝修都偏居酒屋既感覺加上店員都會主動介紹招牌既餐點,有少少似去左日本既感覺黑相傳二刀沾汁面好濃既黑蒜豚骨湯底,湯底仲會有D牛既邊角位増加油香,如果係拉麵就會太重口味,但沾麵就岩岩好夠濃味而唔會太油,叉燒肉質都嫩,推薦!牛肝菌雞白湯拉麵雖然雞湯味道好濃香,但略嫌太油膩,牛肝菌吸曬湯底味,雞肉食到有用酒醃製,幾香而唔柴,但如果平時食開清淡既朋友建議點雞白湯既沾麵五輪燒餅有小小似章魚燒味道既蠔餅,蠔肉都多,味道不過不失黑鳥最驚喜既小食!雞肉炸得嫩口又多汁,再加上一層薄薄既芝麻醬,汁醬既味道帶到香味但又唔會搶左雞肉既味道.依個小食必點!整體為中上水準,服務亦都幾好,店員幾主動,用餐感覺幾舒服

好味 #晚餐 分享～ 沾麵好耐都冇出旺角啦去咗旺角朗豪坊行下 晚餐就在這武骨相傳食沾麵😁😁餐廳環境以木色設計座位寬敞都坐得幾舒服😊~ 二刀流沾汁麵 88有兩種肉，是豚角和叉燒配了辛味豚骨湯湯底濃郁辣味適中唔會好辣嘅😋😋~ 相傳叉燒沾汁麵 85是一大塊叉燒配了黑蒜豚骨湯很濃的黑蒜味黑蒜係有抗氧化作用的😁😁喜歡呢間店的麵條麵條爽口彈牙是很特別特製有坑紋的令濃郁的湯料能夠很易沾上坑紋內好正😋😋~ 五輪燒餅 58燒餅味道係類似大阪燒😋😋很有心機的把醬料 畫上花紋😍~ 狼牙手羽 48係很容易食的單骨雞翼😋😋表面用薯片嚟炸的所以外貌似狼牙棒😁😁很好味😋😋~ 巨峰梳打 28~ 蘋果汁 22

麺屋武蔵 係朗豪坊開左分店，九龍想食沾麵既朋友又多個方便既選擇。相傳叉燒沾汁麵配黑蒜豚骨湯85二刀流沾汁麵配香濃白骨湯88我地一人叫左一碗沾麵。可以見到粗身既沾麵既坑紋，浸落濃郁既湯汁更易掛汁，麵條彈牙爽口。豚湯底豚骨味好濃郁，比起拉麵湯質感更加濃稠。黑蒜豚骨湯多左黑蒜味，更加特別又少左份白骨湯既油膩感。我地坐吧枱，可以睇到師傅準備叉燒，叉燒大大件勁吸引。叉燒唔會太肥肉質仲超軟稔。二刀流除左叉燒果碗仲多左件豚角肉，感覺抵食d😂。豚角外邊炙燒過好香，入口即化。碗麵仲有半粒煮得好靚既半熟流心蛋。夢幻唐楊魚45黑鳥45我地叫咗兩款炸物開心share。炸魚仔都唔細條，咸香酥脆，配個酸酸甜甜既醬汁。黑鳥即係日式炸雞，上面落左味道似黑芝麻既醬，雞肉好juicy又大碟。飲品方便我地叫左杯巨峰梳打28同梅子青檸梳打28。配熱辣辣既麵食好夾。。。麺屋武蔵 武骨相傳旺角亞皆老街8號朗豪坊4A樓5號舖。。

一直都有幫襯不過新世紀嗰間已經執咗咁啱就喺朗豪坊見到梗係食佢啦因為一直保持水準嘅呢間仲好食過之前新世紀分店呢間嘅服務態度更好估唔到味道仲好過新世紀嗰間分店㗎仲記得之前最後果次食新世紀嗰間喊到不得了我都係依舊食呢個黑蒜湯底仲叫咗個炸雞⋯好Juice上邊仲有黑色嘅醬汁再叫咗個炸魚不過今次個炸魚唔係細細條係大大條😅都係一樣咁好食不過唔夠喉🤪又叫咗呢個蠔餅不過蠔餅裏邊嘅蠔真係好少反而蔬菜好多😅環境唔錯⋯⋯好彩早唔使等位！我哋入座嘅時候係晚上六點左右！卡位唔係好多仲有對住廚房嘅吧枱，到咗大概七點左右離開已經好多人等位！

拉麵發燒友真係要注意啦🔉🔉朗豪坊開咗一間武骨相傳嘅拉麵店呀🍜地方雖然呢唔係好大😁但係啲拉麵食過之後你唔會再去食第二間❤因為真係好特別😋😋佢哋有隻面唔係湯嚟嘅，係叫沾麵係即係個麵同湯係分開上嘅，咁d湯有三種可以揀，唔辣嘅香濃豬骨湯、辣嘅辛味豬骨湯同埋黑蒜豬骨湯， 至於點樣食法😎就係將啲麵擺落碗湯度， 等啲麵沾滿曬湯汁跟住就可以食㗎喇😋我同朋友仔叫咗 🍜👇👇相傳叉燒沾汁麵， 呢個叉燒沾麵，嘩！叉燒勁大塊仲係勁厚切架， 叉燒咬落去好大陣燒肉味😋 因為叉燒烹調方法係燒烤呀💯唔怪之得一陣烤肉味啦💯而且一咬入口係好軟淋淋好juicy仲好多汁流出泥㗎😍呢塊叉燒真係好好味💯仲有半隻糖心蛋😋 佢個麵真係好特別😍好粗好煙韌好彈牙，個仲有坑纹架👍👍 個湯仲特別好濃嘅豬骨湯，原來用咗好多材料去煮架，有 大量豬骨小魚乾貝柱同蔬菜煮咗超過十個鐘架，唔怪之得咁濃咁好味啦💯個湯裏面仲有好多肉添呀😋二刀流沾汁麵🍜， 當然係有好大塊好厚切嘅叉燒同埋豚角，豚角佢燒烤到燶燶地又有少少肥豬肉Woo係咬落去入口即溶好好味㗎😋 都係有半隻糖心蛋💯好豐富呀八十幾蚊個面👍真係好飽囉飽到夜晚添呀🤭🤭 我呢一個就選擇用辣湯底嘅🌶 可能我食

超鍾意食沾麵 (つけ麺)٩(˃̶͈̀௰˂̶͈́)و! 「神山麺屋 武骨相傳」全新旺角店開咗喺朗豪坊😍 放工後即刻去咗食🤤🍜二刀流沾汁面秘製湯頭選用大量豚骨、小魚乾、貝柱及蔬菜, 大火熬製超過10小時而成。湯頭裡有筍及叉燒碎肉, 濃郁鮮味, 唔會過鹹, 沾汁湯底稠密度高, 口感層次豐富!特別選用自家特製坑紋麵, 品嚐到小麥香, 麵條有坑紋, 口感非常彈牙有嚼勁, 掛湯力十足, 完全鎖住沾汁嘅濃味~有大片叉燒及超肥美嘅角煮肉, 選用豬梅花肉, 72小時醃製, 表面烤炙至焦香狀態, 豚角燒有醬油香味, 醬汁滿溢肉與肉之間嘅夾縫, 吃了讓人覺得很滿足(๑⃙⃘´༥`๑⃙⃘)。🥗牛油果凱撒沙律裡面有羅馬生菜🥬、牛油果🥑、溫泉蛋、煙肉🥓、粟米、紅椒、黃椒、蕃茄粒、巴馬臣芝士🧀。牛油果熟度剛好, 口感軟滑。🥟煎餃子 - 外皮煙韌, 香脆可口, 餡料肉汁豐富

放假鬆一鬆，當然要同屋企人一齊出下街啦！早兩日去咗我最喜歡的大商場朗豪坊，行到又攰又肚餓，搵搵下餐廳見到麵屋武藏新開張，就入去品嚐下從未食過嘅沾汁面。餐廳環境很好，裝修好型格，有好多卡位，座位舒適，可以好好享受聚餐樂。餐牌上除了有多款日式湯面外，亦有沾汁面選擇，還有不同款式丼飯、小食、沙律、特飲，真的很不錯。相傳叉燒沾汁面 (豚骨湯)   $85沾汁面有3款湯底選擇，香濃豚骨湯、辛味豚骨湯、黑蒜豚骨湯。我點了這碗是豚骨湯底，湯和面是分開上，用面條浸落湯食，面條煙韌有口感，帶有小麥香，面條掛湯效果出色，湯底鮮味清甜，湯裡都有幾多豚肉粒，好厚嘅日式叉燒，肉質鮮嫩，帶有焦香味，唐心蛋味香濃，竹荀爽脆清甜。二刀流沾汁面 (黑蒜豚骨湯)     $88而另一碗湯底是黑蒜豚骨湯，同樣是沾汁面，加入特製黑蒜油。這款都是面和湯分開上，湯底特別濃郁，口感層次豐盛，再配上掛湯力十足的自家製面條，沾汁時不會搶去面的小麥味道。厚厚的豚角和叉燒都是經長時間熬煮，所以食起上嚟肉質好嫩滑，可能是厚叉燒特別有口感，聞起來香氣撲鼻，令人一吃難忘。 黑鳥   $45黑鳥原來是炸雞塊，雞肉好嫩滑，不乾身，有肉汁，炸得好香脆

YEAH!!太好啦🍜🍜 麵屋武蔵開左喺朗豪坊唔洗再過海都有得食 我鍾意食佢個🍜⚫️黑蒜豚骨魚介湯 基本上每一次我都係食呢一個😛有洋蔥同京蔥調劑成嘅黑蒜油 好滋味好香濃😋😋 二刀流沾汁麵系我推介嘅因為可以一次過食晒豚角同叉燒豚角煮先煎後燉方法烹調咁樣就可以大大減低油脂同肥膩感 入口溶化 完全唔怕肥🤪又夠香同油脂感 叉燒系半sizes 油脂分布平均因為我二個湯底都想試所以老公就叫左白相傳叉燒沾汁麵豚骨湯睇返menu介紹系用左大量豚骨小魚乾 貝柱熬製超過10個鐘混合魚湯湯頭唔怪之得嚟到個湯底咁濃郁 好掛湯仲叫左五輪燒餅 好似大阪燒嘅日式煎蠔餅好煙韌好脆口🦪🍘仲有呢支🍇🍇🍇山梨巨峰提子梳打用日本地區特產水果果汁🍹制成 個包裝仲好靚加冰飲一流唔會過甜好舒服🥳🥳🥳🥳

麺屋武蔵 武骨相傳 (旺角).一直都想試下呢間嘅沾麵同拉麵，朗豪坊新開後好方便，就係中庭位置。.▪️白相傳二刀沾汁麵▪️.湯底可選白，赤或黑，分別即係香濃豚骨，辛味豚骨湯或黑蒜豚骨湯。有叉燒同豚角，沾麵湯底濃郁，麵質煮得唔剛好有少少咬口又不會過腍.▪️二刀流拉麵▪️ .上到枱嚇一嚇，原來真係會黑色😂面層係全黑蒜油，係會偏油但真係幾香，叉燒使用整條歐洲梅花豚肉，自家醬汁醃製，肉質鮮嫩多汁🥰.▪️田之最強▪️.叫沙律食，係溫泉蛋牛油果粟米沙律，原個牛油果🥑，新鮮，生熟程度剛好(⁎⁍̴̛ᴗ⁍̴̛⁎).▪️五輪燒餅▪️.大板燒般的燒餅，一份四件，入面大多係菜減輕膩感，唔會太厚粉.📌 麺屋武蔵 武骨相傳 (旺角)旺角亞皆老街8號朗豪坊4A樓5號舖環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️