麵屋武蔵 武骨相傳 (朗豪坊)

營業中

休息中

《麵屋武蔵 武骨相傳》 相傳叉燒🍖拉麵🍜 + 牛肝菌🍄‍🟫雞🐔白湯泡飯🍚📍旺角亞皆老街8號朗豪坊4A樓5號舖《相傳叉燒🍖拉麵🍜》香味 (4/5)濃濃嘅豚骨🍖味撲鼻而來，第一印象相當唔錯。湯 (3/5)呢個湯主要係豚骨湯同醬油嘅味道，一入口偏甜少少，之後就係豚骨味，同醬油嘅鹹鮮味。我認為呢款湯算香港大眾化口味，我心目中何謂香港大眾化口味？只要睇睇香港最多嘅餐廳係咩類型就知，就係茶餐廳。而茶餐廳絕大部分受歡迎嘅食物都離不開「濃，鹹，甜，香，油」五個字，最代表性嘅食物莫過於沙嗲牛肉麵，干炒牛河之類。而呢款湯，正正就係「濃，鹹，甜，香，油」五個字全數中晒。好唔好味？係幾好嘅，不過因為我本身鍾意淡口味，呢個咁powerful嘅湯有d頂唔順，食到後段負擔太大，所以我清唔晒，亦唔想清晒。麵條 (3/5)中細直麵，偏黃，偏高加水。爽滑有彈性，合格有餘，幾好食。配料 (4/5)重點要講講塊叉燒，非常之好食。嫩，軟，香，肉味夠，走肥，且大塊，偏厚切，所以呢款叉燒比到我嘅滿足感係十分之大。唔知係咪又係因為大眾化口味關係，塊叉燒同港式叉燒味道質感都係近似，可能會有人覺得佢唔夠日式。蔬菜有，白蔥，菠菜，同紫菜。

麺屋武蔵武骨相傳位於旺角朗豪坊4樓（Shop L4-05），店內環境充滿日式拉麵店的氛圍，開放式廚房讓客人能欣賞師傅製作拉麵的過程。木質裝潢搭配柔和燈光，營造出舒適的用餐環境，適合快速用餐或與朋友小聚。 招牌黑蒜沾麵湯底濃郁，黑蒜油與豚骨湯完美融合，帶有微甜與鹹香，搭配粗麵十分有嚼勁。配料如厚切叉燒、溏心蛋和筍乾也相當出色，叉燒軟嫩，溏心蛋蛋黃濃稠，整體風味層次豐富。此外，牛肝菌雞白湯泡飯鮮味十足，湯底濃郁但不膩，黑松菇份量足，搭配米飯口感豐富。 服務方面，店員會詢問客人對麵條硬度和湯頭濃度的偏好，並細心提醒沾麵的食用方式，整體體驗相當不錯。

朗豪坊店位於商場4樓（Shop L4-05），環境熱鬧，帶有濃濃的日式拉麵店氛圍，開放式廚房讓人能一窺師傅製作拉麵的熟練身手。木質裝潢與柔和燈光營造舒適感，適合快速用餐或與朋友小聚。服務員態度親切，點餐時會詢問麵條硬度與湯頭濃度偏好，並提醒沾麵的食用方式，十分貼心。黑蒜沾麵是麵屋武藏的招牌之一，特色在於濃郁的黑蒜豚骨湯底，搭配粗麵與豐富配料。沾麵的湯底由豚骨長時間熬煮，加入黑蒜油與特製醬料，呈現深邃的黑色澤，香氣濃烈撲鼻。入口時，黑蒜的焦香與豚骨的厚實完美融合，帶有微甜與鹹香，濃度高卻不死鹹，令人回味。湯底中加入少許蔥花與蒜末，提升層次感。麵條選用粗麵，煮得偏硬（可依喜好調整），Q彈有嚼勁，沾上濃稠湯底後風味更佳。建議每次沾取約三分之一的湯汁，讓麵條充分吸附黑蒜的香氣，口感最佳。配料包括厚切叉燒、溏心蛋、筍乾與海苔。叉燒厚實軟嫩，肥瘦均衡，入口帶有淡淡炭烤香；溏心蛋熟度完美，蛋黃呈現濃稠半熟狀態，與黑蒜湯底相得益彰；筍乾爽脆，增添清新口感。唯一小缺點是湯底偏濃，若連續食用可能稍感油膩，建議搭配冰水或桌上的柚子醋來解膩。湯飯以豚骨湯底為基底，加入少量黑蒜油與醬汁，米飯吸附湯汁後粒粒分明，

經過我見過好多次麵屋武藏都冇入過去食，今次下午茶時段大約五點鐘左右就去試咗一次。湯底嚟講唔錯有驚喜， 不過以拉麵質素嚟講就差少少，感覺比較低級啲嘅拉麵底。服務員態度非常好。門口本來有一pair情侶猶豫緊要唔要坐吧檯，咁只係稍作等咗十秒鐘左右我就入座。服務員禮貌好好。食物湯底 ⭐️⭐️⭐️⭐️似喺日本嘅濃豬骨湯底，有啲級數面底⭐️⭐️感覺低級少少係特製似係即食麵叉燒⭐️⭐️份量Ok，不過食落個味似香港叉燒溏心蛋⭐️⭐️⭐️中規中矩環境⭐️⭐️⭐️⭐️裝修日本風，坐得算不錯環境清幽服務⭐️⭐️⭐️⭐️⭐️出餐快，服務員不時打掃衛生食物⭐️⭐️⭐️環境⭐️⭐️⭐️⭐️服務⭐️⭐️⭐️⭐️⭐️

放工諗住去試吓新嘢，上到枱見碗麵得一細舊仔腩肉同半片叉燒，反轉碗麵睇吓有冇其他料係乜都冇嘅，問侍應攞本Menu見咁大分別，佢淨係問係咪要加返俾我，當時就已經聽到煮麵嗰個係咁笑，最後係冇加任何嘢俾我，求其食完就走，非常之唔好嘅一個體驗，唔信嘅大家去試吓

同朋友喺朗豪坊行完街搵嘢食，呢間餐廳喺朗豪坊Food Court隔籬，朗豪坊商場嚟講價錢算合理👌🏻餐廳除咗拉麵之外，仲有其他小食，例如：餃子，大阪燒，我哋叫咗一碗沾麵同一碗拉麵，味道都還好，另外加咗一支檸檬氣泡伯爵茶，價錢$29，個人唔太鍾意飲，味道少少奇怪，2個人賣單228💰有10%服務費，人均大約100左右，餐廳唔算大，當日唔洗等位，衛生同環境都ok🙂‍↕️坐得都算舒服，不過味道唔算太特別，是一間普通合理的拉麵店

植物肉新搞作植廚植物肉做亞洲菜是非常夾！上次跟上海姥姥合作，今次是日式拉麵。阿仔打完波一齊去醫肚，佢食肉，我食素，同枱食飯各自修行。🥗涼拌胡麻山葵素雞沙律 $38好好好味！！個山葵不太嗆鼻，嗆的程度剛剛好！跟胡麻醬非常夾，可以屋企試試。🥗素雞番茄沾汁麵 配吉列素豬扒（含蛋）$88我喜歡沾麵，喜歡醬汁濃稠的掛在麵條上非常滿足。今次植廚做的也是沾麵，醬汁掛麵！不過可能因為係蕃茄湯底關係，有少少似羅宋湯😂吉列素豬扒囗感chewy, 炸粉不會太厚，不油膩，good job。👍🏻

朗豪坊內的拉麵店, 味道都唔錯, 可以試一試 食物 : 二刀流拉麵 $90, 二刀流沾麵 $95 ~ 兩個麵都叫咗香濃豚骨湯, 味道都OK, 唔會死咸, 有豬骨味, 拉麵是幼麵, 份量比較少, 沾麵比較粗, 比較掛湯彈牙, 覺得比較好食, 豚角和义燒都好味, 又入味又夠淋, 整體唔錯 飲品 : 店內有凍水供應 環境 : 日式裝修幾舒服 服務 : 職員有禮貌 價錢 : HK$204 (包加一服務費)

牛肝菌🍄‍🟫雞🐔白湯沾汁麵🍜香味 (4/5) - 個沾汁一聞落去，雖然唔係極之明顯，但細意品嚐吓個香味，牛肝菌🍄‍🟫同雞🐔味同時存在。湯頭 (4/5) - 質感都算濃稠，雞味唔係太濃但還可以，鹹味以沾汁來講算剛剛好。沾汁入面加埋白蔥，令成事清新左，完成度更高。麵條 (5/5) - 一如既往，沾麵係用左坑紋麵，非常罕有，令成個用餐體驗更有立體感，配沾麵係絕配。配料 (4.5/5) - 首先，主角我認為係牛肝菌，真係非常之咁好味。菇味好出，鮮甜，口感爽，可以話係我食過嘅拉麵或沾麵中最傑出嘅配料！雞叉燒方面，一如所料，用嘅係雞胸，唔算太驚豔，但亦算過得去。因為雞叉燒都算係主角，所以少少扣分。荀乾方面，正正常常，甜味荀味都夠，幾好食。食到尾，加湯，將少量嘅麵，配料放埋落去個稀釋左嘅湯度，體驗完整！所以一路enjoy住，一路食，湯都清埋！整體 - 值得推薦 👍👍👍👍👍

麵屋武蔵呢四個字，開初比到我嘅感覺係，d拉麵一定係大眾口味，唔會特別好。點知，我錯了，我點嘅呢碗沾麵非常之有驚喜！二刀流🔪沾汁麵🍜（黑蒜🧄豚骨湯）香味 (4/5) - 試問有黑蒜油存在嘅湯，又點會唔香呢？一如所料，香味非常充足！湯頭 (5/5) - 真心覺得呢個黑蒜🧄豚骨湯真係交足功課！香濃不在話下，亦符合我個人口味，唔會太鹹！點餐嘅時候我仲擔心會過鹹，點知鹹度以沾湯來講係洽到好處！油量係高嘅，不過我認為沾湯油量高係好正常，咁先可以保持沾湯嘅溫度，而且香！麵條 (5/5) - 直接滿分啦！點解，因為麵條係响香港非常少見嘅坑紋麵，有助掛湯，而且口感亦同平時會遇到嘅圓麵或方形麵有所不同，更有層次感！麵香正常，硬度係偏軟熟，但不失咬口。配料 (4.5/5) - 稱得為二刀流，當然係兩款叉燒啦！第一款，豬肩肉。有半塊，味道甘香，算係嫩滑，相當好食！如果有一整塊就更好 😊第二款，豬腩肉。咁，當然係肥啦，但還可以。口感方面，稍稍柴左dd，還可接受。滷得好入味，又不至於過鹹！溏心蛋有半隻，算水準以上！沾湯入面，仲有少少白蔥同青蔥，為整體添上少少清新感覺。整體 - 值得推薦 👍👍👍👍👍

经常经过睇到好多人去吃，價格是唔便宜，又想試試味道😆🤣主要還是想試試他們拉麵🍜選了經典: 二刀流拉麵🍜湯底濃郁，辛味微辣，但說真的，沒吃到辣味。😆湯底很多油，但是香濃的。拉麵麵底有韌性，咬起來好吃不錯👍二刀意思就是叉燒和腩肉各一大塊。叉燒肉彈糯，有韌勁好吃😋腩肉半肥瘦，也好吃美味的。整體感覺還可以既。不過份量少，男生食可能感覺唔夠。同樣辛味拉麵🍜 我應該會揀另外一間。試過就算😆哈哈！

今日食飯去咗朗豪坊，行過見到依間拉麵店，好似幾好，加上唔洗排隊直入，於是就去咗Try Try😗。坐底之後，店員就會提供QR Code，用佢嚟落單。-🍴二刀流拉麵🍜(香濃豚骨湯)($90)因為本人唔食蔥同荀，所以叫咗唔上🙊。二刀流包咗兩款唔同嘅肉，分別係豚角同叉燒，拉麵仲有半隻溏心蛋🥚。湯底都幾濃，餐牌上寫住選用咗大量豚骨、小魚乾🐟、貝柱同蔬菜而煮成，好足料🤓。溏心蛋亦都好好食😋，不過兩款肉類就麻麻地，首先叉燒雖然都幾厚身，不過正正因為厚身而令到有啲難咬，其次豚角望落幾靚，一層肥一層瘦，但係好鹹😐。-🍴相傳煎餃🥟($48)煎餃有5隻，味道正常，冇咩特別😂。

經過見到有新野。特製浪人蟹湯拉麵$88加流心蛋$10湯底是比較鹹，但蟹味係濃郁。拉麵及配料份量比較少，只有軟殼蟹同一點點菜。唯一好吃的是軟殼蟹，夠脆及炸粉醬唔太厚，好味拉麵冇口感，唔彈牙，普通。

係附近睇完醫生，諗住貪方便就揾左間拉麵食。呢到環境就正正常，少少嘈啫，不過話晒都係半開揚嘅舖位，咁都明白嘅。可能因為係平日午餐時間，所以入座就唔洗等嘅，不過個侍應態度少差咁。佢指我去某張枱（卡位），我咪過去，然後佢就話呢張留比四人坐，一個人坐二人枱（指），但個張枱本身比野擋住左，我睇唔到先以為佢叫我坐卡位，佢啲語氣小西。講下食物先，我睇餐牌見到有個期間限定嘅，就試下佢1️⃣牛肝菌雞白湯拉麵+蘋果汁$150（加一）老實講，味道唔係話好差，但我覺得好油同偏咸，如果你係重口味人士就應該接受嘅，但我麻麻地。拉麵口感就正正常常啦，但份量太細，食幾啖就突然發現食晒。配菜方面，啲雞肉同牛肝菌份量都足，仲有少少黑松露醬，味道Okay嘅但竟然冇筍，好失望。蘋果汁就正正常常啦，飲落都飲啲日本品牌嘅蘋果汁，但就盛惠28蚊。心聲：服務一般，Order又自己Scan code，仲收乜服務費🤢🤢

早前去旺角拎完野諗住行下朗豪坊，去到電話無電去借電，貪方便就諗住係同層食埋野就還電。其實又無乜特別野想食…最後求其揀左拉麵.相傳叉燒拉麵(香濃豚骨湯）$88整體黎講就普通，無乜特別。要食好食既拉麵可以有好多選擇(´･ω･`)試下就好.