影片
開飯介紹
來自東京的沾麵專門店，其雞白湯以雞肋熬煮8小時，鮮香味甜，更不時推出期間限定款式，以保持新鮮感。
繼續閱讀
附加資料
收費以四捨五入計算
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
相關文章
朗豪坊店位於商場4樓（Shop L4-05），環境熱鬧，帶有濃濃的日式拉麵店氛圍，開放式廚房讓人能一窺師傅製作拉麵的熟練身手。木質裝潢與柔和燈光營造舒適感，適合快速用餐或與朋友小聚。服務員態度親切，點餐時會詢問麵條硬度與湯頭濃度偏好，並提醒沾麵的食用方式，十分貼心。黑蒜沾麵是麵屋武藏的招牌之一，特色在於濃郁的黑蒜豚骨湯底，搭配粗麵與豐富配料。沾麵的湯底由豚骨長時間熬煮，加入黑蒜油與特製醬料，呈現深邃的黑色澤，香氣濃烈撲鼻。入口時，黑蒜的焦香與豚骨的厚實完美融合，帶有微甜與鹹香，濃度高卻不死鹹，令人回味。湯底中加入少許蔥花與蒜末，提升層次感。麵條選用粗麵，煮得偏硬（可依喜好調整），Q彈有嚼勁，沾上濃稠湯底後風味更佳。建議每次沾取約三分之一的湯汁，讓麵條充分吸附黑蒜的香氣，口感最佳。配料包括厚切叉燒、溏心蛋、筍乾與海苔。叉燒厚實軟嫩，肥瘦均衡，入口帶有淡淡炭烤香；溏心蛋熟度完美，蛋黃呈現濃稠半熟狀態，與黑蒜湯底相得益彰；筍乾爽脆，增添清新口感。唯一小缺點是湯底偏濃，若連續食用可能稍感油膩，建議搭配冰水或桌上的柚子醋來解膩。湯飯以豚骨湯底為基底，加入少量黑蒜油與醬汁，米飯吸附湯汁後粒粒分明，入口帶有淡淡蒜香與豚骨的濃郁風味。飯量適中，約半碗白飯，搭配細碎的叉燒丁與蔥花，簡單卻美味。湯飯的湯汁較清爽，與濃厚的沾麵形成對比，讓整體用餐體驗更平衡。惟湯飯溫度稍低，若能上桌時更熱一些，風味會更突出。麵屋武藏的黑蒜沾麵充分展現了品牌對濃厚湯底的掌控力。黑蒜油的加入不僅增添獨特焦香，還讓湯底更具深度，與傳統豚骨沾麵相比更具特色。沾麵的食用方式也為用餐增添趣味，顧客可根據喜好控制湯汁濃度，增添互動感。搭配的湯飯則體現了品牌對細節的用心，將主餐的風味延伸至小菜，讓整套餐點和諧統一。此外，麵屋武藏以「武士精神」為理念，注重創新，常推出限定菜單，讓饕客每次造訪都有新驚喜。
繼續閱讀
《麵屋武蔵 武骨相傳》 相傳叉燒🍖拉麵🍜 + 牛肝菌🍄🟫雞🐔白湯泡飯🍚📍旺角亞皆老街8號朗豪坊4A樓5號舖《相傳叉燒🍖拉麵🍜》香味 (4/5)濃濃嘅豚骨🍖味撲鼻而來，第一印象相當唔錯。湯 (3/5)呢個湯主要係豚骨湯同醬油嘅味道，一入口偏甜少少，之後就係豚骨味，同醬油嘅鹹鮮味。我認為呢款湯算香港大眾化口味，我心目中何謂香港大眾化口味？只要睇睇香港最多嘅餐廳係咩類型就知，就係茶餐廳。而茶餐廳絕大部分受歡迎嘅食物都離不開「濃，鹹，甜，香，油」五個字，最代表性嘅食物莫過於沙嗲牛肉麵，干炒牛河之類。而呢款湯，正正就係「濃，鹹，甜，香，油」五個字全數中晒。好唔好味？係幾好嘅，不過因為我本身鍾意淡口味，呢個咁powerful嘅湯有d頂唔順，食到後段負擔太大，所以我清唔晒，亦唔想清晒。麵條 (3/5)中細直麵，偏黃，偏高加水。爽滑有彈性，合格有餘，幾好食。配料 (4/5)重點要講講塊叉燒，非常之好食。嫩，軟，香，肉味夠，走肥，且大塊，偏厚切，所以呢款叉燒比到我嘅滿足感係十分之大。唔知係咪又係因為大眾化口味關係，塊叉燒同港式叉燒味道質感都係近似，可能會有人覺得佢唔夠日式。蔬菜有，白蔥，菠菜，同紫菜。以上講過呢款湯偏濃偏膩，呢三款蔬菜都未能發揮足夠解膩作用，不過如果齋講質量，都係合格線以上，特別係菠菜處理得幾好，夠爽脆夠清甜。溏心蛋方面，偏濃偏鹹，我食左半隻之後立刻飲水。生熟度係好不過壞在偏鹹。《牛肝菌🍄🟫雞🐔白湯泡飯🍚》唔知從幾時開始，我唔再覺得食麵一定要跟餃子，反而越來越鍾意跟碗飯，而拉麵店嘅飯偶然比到我更大滿足感，好似《麵山口商店》嘅《貓飯》就係好例子。其實今次我一路猶豫緊，到底食牛肝菌🍄🟫雞🐔白湯拉麵好，定以上嗰碗拉麵好。睇睇menu，同樣係牛肝菌🍄🟫雞🐔白湯有泡飯(雑炊)叫，咁就天作之合啦，試足兩款口味之餘又可以食一麵一飯，大滿足！呢款泡飯我會比5/5分，因為黑松菇同雞湯嘅味既濃郁又唔會過鹹，鮮味足，另外都算好足料，黑松菇份量足，食得過癮。飯嘅口感好好，除左白米之外仲有另一款米，口感似糯米，加上有頗多芝麻粒，所以口感嘅層次相當高。食到中後，望一望d湯嘅色水，見d湯呈綠色，恍然大悟，原來有加埋菠菜去煲湯，唔怪得一路食一路覺得有種清新嘅味道，原來菠菜一直都在。最後，算係完食，剩返少少拉麵嘅湯。整體 - 值得推薦 👍👍👍👍只要你鍾意大眾化口味，呢碗叉燒拉麵應該會足夠滿足到你。而個泡飯我認為比拉麵層次更高更值得食。如果食量細嘅人，二揀一我建議揀個飯。
繼續閱讀
經過我見過好多次麵屋武藏都冇入過去食，今次下午茶時段大約五點鐘左右就去試咗一次。湯底嚟講唔錯有驚喜， 不過以拉麵質素嚟講就差少少，感覺比較低級啲嘅拉麵底。服務員態度非常好。門口本來有一pair情侶猶豫緊要唔要坐吧檯，咁只係稍作等咗十秒鐘左右我就入座。服務員禮貌好好。食物湯底 ⭐️⭐️⭐️⭐️似喺日本嘅濃豬骨湯底，有啲級數面底⭐️⭐️感覺低級少少係特製似係即食麵叉燒⭐️⭐️份量Ok，不過食落個味似香港叉燒溏心蛋⭐️⭐️⭐️中規中矩環境⭐️⭐️⭐️⭐️裝修日本風，坐得算不錯環境清幽服務⭐️⭐️⭐️⭐️⭐️出餐快，服務員不時打掃衛生食物⭐️⭐️⭐️環境⭐️⭐️⭐️⭐️服務⭐️⭐️⭐️⭐️⭐️
繼續閱讀
放工諗住去試吓新嘢，上到枱見碗麵得一細舊仔腩肉同半片叉燒，反轉碗麵睇吓有冇其他料係乜都冇嘅，問侍應攞本Menu見咁大分別，佢淨係問係咪要加返俾我，當時就已經聽到煮麵嗰個係咁笑，最後係冇加任何嘢俾我，求其食完就走，非常之唔好嘅一個體驗，唔信嘅大家去試吓
繼續閱讀
同朋友喺朗豪坊行完街搵嘢食，呢間餐廳喺朗豪坊Food Court隔籬，朗豪坊商場嚟講價錢算合理👌🏻餐廳除咗拉麵之外，仲有其他小食，例如：餃子，大阪燒，我哋叫咗一碗沾麵同一碗拉麵，味道都還好，另外加咗一支檸檬氣泡伯爵茶，價錢$29，個人唔太鍾意飲，味道少少奇怪，2個人賣單228💰有10%服務費，人均大約100左右，餐廳唔算大，當日唔洗等位，衛生同環境都ok🙂↕️坐得都算舒服，不過味道唔算太特別，是一間普通合理的拉麵店
繼續閱讀