麥金.麥金馬來西亞特式茶啡室 (已結業)

果日做嘢行開呢區，見到間舖頭門口裝修充滿特色就諗住試下。入到去裝修好有東南亞風味，未食都好似去咗旅行咁。餐廳牌有好多東南亞特色美食，有肉骨茶，叻沙，椰醬飯等，但我始終都揀咗樣招牌嘢。招牌芽菜雞飯($63)雞肉都算嫩滑，黃薑飯無傳統雞油飯咁油膩，加上墊底芽菜，係清淡之選。仲有啲酸瓜伴碟。唔夠味仲可以試下自由配搭醬料，有頭抽豉油，黑醬油，辣椒同生蒜蓉。凍桔仔話梅水($18)做嘢做到身水身汗，呢杯嘢酸酸甜甜好清新，夠曬大杯，包你滿足。

係大角咀一帶行街，冇乜特別，但途經呢間馬來西亞餐廳俾佢個鋪面牌匾深深吸引着，就好似漆黑中嘅螢火蟲，咁特別。大家成班朋友未食過馬來西亞菜，決定入去一試究竟。食店內光線充足，佈置非常簡潔，牆上掛左多幅寫上餐廳食物名稱既字畫，例如美祿恐龍，食物名稱的確幾搞笑。入座時已經9點，但仍然滿人，睇嚟呢間餐廳喺大角咀都幾受歡迎👏🏻。同一般餐廳唔同嘅係我哋要自己係落單紙寫低要order既菜式，落單紙有備注一欄，可以寫低額外要求。餐廳會提供免費嘅肉骨茶，仲話可以refill添。色澤較黑，藥味偏濃。由於冇睇清楚門口寫話有免費肉骨茶，所以叫咗個小滲，即係肉骨茶小份，有大量排骨同油條。侍應仲建議我哋將蒜蓉豉油辣椒撈埋一齊做醬汁。平時聽馬來西亞菜就會聯想起咖央多士，麵包烘得非常香脆，入面咖央醬非常有層次，裏面亦有半溶牛油，令咖央醬味道更突出。呢一個砂煲老鼠粉真係不得了，老鼠粉即係平日食的銀針粉。除左老鼠粉外，煲內加入肉碎、半熟的流心蛋再加醬油。攪拌後惹味無窮，仲有少少辣度。我地仲叫峇拉煎炸雞，一碟有四至五件，件件都大份，咬落去脆卜卜。另外兩個朋友同樣叫咗招牌芽菜雞飯，一個加$10要豬油撈飯，一個叫黃薑飯，雞件非常

#大角咀sis香港比較少有馬來西亞菜嘅地方 今次一於試吓呢間係鬧市嘅平民馬來西亞小店呢間餐廳出名嘅係肉骨茶 見到好多台客人都有點 大大煲上 可惜今晚沒有太大衝動吃 下次會試下簡簡單單點了幾款簡單晚餐蛋黃奶油鮮魷$88 好邪惡但係啲汁 鹹鹹甜甜 好惹人喜愛 奶油味好重 越食越想食 咖咉多士$20 份量比我想像中多 烘得好香脆 醬汁份量都剛好 推介娘惹喇沙 $58 有兩隻蝦 雞蛋 豆卜 幾款唔同嘅香料 份量都幾多 椰汁味偏小 清一啲冇咁漏 唔會好辣

係大角咀做完野揾d野食先，夜麻麻唔知食咩好，行下見到有馬來西亞菜食，又見天氣凍凍地，飲碗肉骨茶暖下都好喔！菜單寫可以無限添肉骨茶飲，如果你鐘意，可以飲多碗。落完單就會有姐姐過來幫你倒肉骨茶，上圖↑，顏色似涼茶，飲落幾甜下，但是無乜藥味同大蒜的甜味，似糖水，淡口。仲叫咗杯拉茶，嗯……都好甜。海南雞飯都ok，就是普通雞，雞肉比較滑，但是我就略略覺得有d凍，雞皮比較肥。細兜肉骨茶，裡面材料幾豐富，有豬肚，雞腳，豆卜，油條，排骨。這個湯底會好過剛剛個碗，起碼有少少蒜甜味。

意想不到的近住大角咀街市呢間隱世小店有肉骨茶美食門囗一推進，好有60-70年代的文藝風格，牆上掛滿不同書法的餐牌，有氣派！不要以為涼茶，呢碗係肉骨茶，未点餐就大大碗，肉骨茶的料非常多，有豆卜，豬肉，豬展，豬耳，豬肚，豬軟骨等，好入味來一碗～海南雞飯，非常有色香味，配合芽菜，飯以薑王炒香，是鎮店之寶，原汁原味雞配沙薑蓉，非常滋味小食有咖映，熱烘烘的，香脆，鬆軟口感，味道有班蘭味，一流呢最後有杯夏日特飲，柑橘蜜，非常解喝！酸甜恰到好處

今次去試主打新加坡馬來西亞菜餐館《麥金。麥金》呢排係大角嘴真係出名得幾誇張，時時刻刻都有人係門口排隊！我地一行5人都夜晚7:30來到，都要等成20分鐘先入得。裝潢以懷舊冰室為主題，好有特色！首先點了一客肉骨茶是「大雜錦」，當然是什麼材料也在裏面。皇帝骨、豬腳、三層肉、雞腳和豬肚等等，一定要沾點蒜蓉辣椒黑醬油一齊食！呢度嘅肉骨茶感覺冇咁濃味，好處係無限添飲的。第二叫左招牌老鼠粉，呢到同吉隆坡食過同是用瓦煲上，上檯時新鮮熱辣又可加生雞蛋，香口。老鼠粉是銀針粉，加入肉燥淋上黑醬油吃前攪拌一下，味道甜甜鹹鹹的也惹味。第一次食綠色嘅椰醬飯，有點辣，有花生，魚干，蝦片，青瓜等配料。很香椰汁味，配合埋個辣椒醬，好惹味又開胃。串燒大讚，有別就於泰國串燒，肉質爽口。沙嗲醬充滿花生香味，略帶點甜，完美配合了炭燒肉的焦香，串燒必定會食完再食。椰香咖央多士十分香脆！咖央醬椰香十足，牛油亦令到咖央醬更加香滑，是我食過最好味的咖央多士！兩片簡單的白麵包🍞烘底，搽上薄薄一層的綠色咖央醬，就係著名的新加坡地道小吃。下次黎都要再點嘅我地叫左杯拉茶，其實同港式奶茶好似，不過偏甜，同之前係馬拉飲過既都幾似。價格方面，主食價

在香港要吃正宗的星馬西亞菜，談何容易，不過，近日就於大角咀遇到。 「麥金.麥金馬拉特式茶啡室」位於大角咀大全街街頭，店舖設計非常有特色，小屏風木門有點像古式的客棧，充滿懷舊情懷。 餐牌上的選擇蠻多，當中最吸引的相信是古仔路肉骨茶，還有小食、咖沙、乾撈麵及飯類等等。 怡保白咖啡及馬來亞拉茶 先來飲品，白咖啡的味道挺特別，咖啡味道不濃，相反，我反而覺得有點像朱古力，而馬來亞拉茶口感香滑，有茶香，但茶味較淡。 雞腳 (肉骨茶) 凡點古仔路肉骨茶，店員都會額外送上肉骨茶，肉骨茶的味道不錯，湯底鮮味，色調偏深，帶有濃濃的中藥香味，餘韻悠長。雞腳雖然不算很入味，但煮得非常軟腍，吃後咀巴黏黏的，有重重的膠原感。 仁噹牛肉配椰漿飯 賣相不錯，材料豐富，有牛肉、青瓜片、咖喱薯仔、花生、魚仔乾、雞蛋及辣醬等等。椰漿飯煮得挺爽身，入口帶有淡淡的椰漿香味，牛肉煮得蠻鮮嫰，味道微辣，而薯仔口感粉糯，咖喱味香濃，佐飯一流。 檳城香炸滷肉卷 滷肉卷入口超級香脆，內裏包著芋頭粒及肉碎等材料，鹹香味濃，吃時蘸點辣醬會更惹味。 咖央多士 多士入口鬆脆，味道甜甜的，帶有斑蘭的芳香及椰醬味，不過，咖央多士一定

喺大角咀都開咗唔同嘅餐廳👅👅👅只係冇馬來西亞嘅餐廳所以喺大角咀大金街就開咗一間麥金麥金馬拉特色茶啡室🥰🥰🥰今晚大約八點鐘左右全間鋪頭爆滿👍👍👍雞腳肉骨茶💋💋💋味道很濃👍雞腳亦浸到好林👅所以入口感覺非常好👌我特別鍾意依種雞腳口感😻😻😻蛋黃奶油花甲👻👻👻很特別的一道菜式用上蛋黃做醬汁👄👄👄已經係非常吸引用了花甲非常新鮮及大隻👍👍👍Likeeeee🤗🤗🤗怡保白咖啡☕️☕️☕️熱騰騰好味道🥇最愛的薄餅🙉🙉🙉有兩種調味料任君選擇秘製玻璃生菜🥬有特別秘製既醬汁🥰🥰令平凡的生菜加添了一份驚喜😋相信會有很多女士會喜愛❤️❤️❤️❤️❤️

大角咀美食云集, 最近又同左媽咪爸爸試左馬來西亞餐廳既麥金, 實在太卦住肉骨茶了~~~ 麥金裝修都好靚呀! 牆上放滿佢地既特色名菜, 但每款都用相架掛住, 好有風味! 食物選擇方面都好多呀! 剩係肉骨茶既配搭都有好多款了! 大摻係份量至大既, 佢有齊所有配料, 如排骨、豆卜、豬肚、鳳爪、三層肉、豬手仔、油炸鬼等等~ 另外仲有細摻(即係細版)、如果想食個別項目, 仲可以特別點一字骨、豬手仔、,雞腳、豆卜金菇、小骨、三層肉、油炸鬼等等, 價錢都好經濟, 仲送免費肉骨茶(剩茶)添~~~ 可以另外再加淨椰漿飯、黃薑飯、豬油撈飯或白飯等等 再可以加優惠價買飲品飲~ 我點左細摻 - 份量比我想像中多好多! 材料好豐富, 一個女仔食都好好好飽! 而且一次過試勻所有配料, 多心人士必點~ 味道方面, 湯底肉骨茶好濃味!!! 陣陣葯材香但又唔會好難接受, 味道有啲似滴雞精, 好香好易入口! 而配料方面, 排骨肉都燘得好淋好入味~~~ 有啲大骨仲附左少少脆骨, 增加左唔少咬口~ 油炸鬼吸左湯都好好食~ 我另外配左黃薑飯, 黃薑飯大大碗, 薑味唔重, 都係好易入口, 比白飯濕潤, 好好食又補

去左大角咀食馬來西亞菜😋因為實在有太多特色野啦, 有選擇困難又貪心,所以✌🏻個人都叫咗5️⃣樣嘢食~💁🏻‍♀️招牌芽菜雞餐牌嘅第一樣嘢食就係呢樣啦, 叫得招牌, 梗係要試吓啦😆真係好大陣芽菜味, 幾特別~💁🏻‍♀️喇沙馬來西亞菜當然要叫, 味道唔錯, 油麵彈牙👍🏻💁🏻‍♀️大骨肉骨茶本身諗住叫皇帝骨肉骨茶, 不過佢冇晒, 所以就叫左大骨肉骨茶肉骨茶個湯好甜, 又唔會太重藥材味!💁🏻‍♀️招牌老鼠粉食落似銀針粉, 佢係乾撈, 而唔係湯粉, 又係另一款特色菜😋💁🏻‍♀️蛋黃奶油花甲花甲好新鮮好甜🤩 配埋個creamy醬汁, 值得一試~

大角咀不嬲出名多好嘢食😋今日就發現咗原來有間馬來西亞菜🇲🇾佢哋嘅餐牌都有好多選擇，我就叫晒啲特色野😛娘惹喇沙🍜，湯底好香好好味，配料又多，性價比高蛋黃奶油花甲，花甲就食得多，蛋黃奶油就真係第一次，佢個味道有少少似黃金蝦，不過係喺個creamy嘅sauce入面，食落幾得意👍🏻大骨肉骨茶🍲，條骨真係好大😂😂啲肉都算淋身，肉骨茶唔會太大浸藥材味，飲落甜甜地都唔錯招牌芽菜雞🐔，呢個菜都係我第一次食，食雞嘅時候，就算唔連埋芽菜食，都會食到啲芽菜味㗎喎，又幾得意喎😆招牌老鼠粉，呢個餸又係我第一次食，佢食落似銀針粉，面頭有肉碎，底下有汁，鹹鹹地，一定要撈勻晒先好食㗎🤗

今日提早放工，女性月事前感覺虛虛地，本來聽同事推薦想黎搵個肉骨茶嘆下，但肚仔又唔係好餓，結果揀咗個咖咉多試下水溫，睇下d野係咪咁好食先。 下午茶時間冇咩人，得我同另一檯一個女仔。個咖咉多先28蚊，份量的確有令我喜出望外，最值得讚係裡面d餡好足，而且香得黎唔係好甜，真係連最邊邊嘅位置都塗上醬料，超級欣賞呢仲用心整食物嘅態度，睇得出唔係是但求其。 奶茶沒有特別驚喜，可能係自己唔好飲甜嘢，但又想符合餐廳主題先叫。 餐牌仲有咖啡，下午茶飲咖啡又怕晚上睡不著。 可能太悠閒未入工作mode，伙計唔記得上個半熟蛋，提一提佢就立即上俾我，一個下雨天的下午茶，這樣的情境倍添愜意。 佢地有刻意同我講記得加特製豉油同胡椒粉，食完d甜嘢再食d咸咸地嘅半熟蛋，感覺不錯！ 整體非常滿意，下次會再黎試肉骨茶！

同屋企人出去食飯，就選擇咗了呢間馬拉菜館， 貪佢價錢親民，佢個門面幾靚幾特別。因為得兩條友唔係話叫左好多，點左個娘惹喇沙改為滲滲( HKD 58 )，馬拉沙爹串燒 (HKD 40),咖央多士 (HKD 20) 同埋美祿恐龍 (HKD 18)。娘惹喇沙改為滲滲( HKD 58 ):餐廳提供娘惹的著名菜式，例如: 肉骨茶，叻沙，芽菜雞，椰漿飯，拉茶，奶油蝦，峇拉煎等等。佢地既麵底有好多款唔同選擇例如:米粉、米線等...我就決定試下特別D既滲滲。叻沙的配料很多，包括: 海蝦，魚片，豆卜，半顆雞蛋，蝦肉結實頗彈牙，豆卜吸滿湯汁，不過個湯底唔算太濃。馬拉沙爹串燒 (HKD 40):可選擇豬/牛/雞或各一串，肉烤得非常香 吃起來很多汁並不會乾硬，而且火候十足，淋上秘製的沙爹醬，十分惹味。醬上面是帶有花生顆粒，增加口感，有花生香!咖央多士 (HKD 20) :咖央多係我認為最值得ENCORE，一試難忘既食物!趁熱即刻食一啖，外面烤得好脆，入面亦搽滿足夠既咖央醬，甜度適中，就好似食緊充滿椰漿既多士咁。美祿恐龍 (HKD 18):美祿好足料，好濃味呀，絕對唔會HEA你，睇圖都知美祿粉有幾厚，飲完之後真係

今日去到大角咀試一試呢間馬拉餐廳。個名叫麥金麥金，幾有趣。門面相當有特色，幾有意思。肉骨茶仲可以無限添飲，不得了，相當吸引我，必定要點。入面環境行古典中國風。落單要自己寫食d乜。今次少少地點咁咁多野。呢個芽菜雞薑黃飯，非常出色。雞味非常濃，仲好嫩滑。好好味，比一般海南雞更出色。飯又粒粒分明。肉骨茶，叫小滲，另外有大滲嘅，但小滲都相當大份，茶湯非常濃郁，香濃，甘甜味重，好多料多餸。另外話任添嘅肉骨茶，佢會另外有個飯倒俾我地，旁邊嘅無熱拉茶，比較甜。拉茶，好香滑，容易入口，正。三串串燒，有豬牛羊，各要一串，味道好，濃味，適合我呢d重口嘅人。係嫩銀試面有個牌用草書寫住4個字⋯⋯我諗好多人都睇唔明，係⋯⋯多謝老細

要試這間餐廳，首先俾3樣野吸引，第一：名字，麥金.麥金馬拉特式茶啡室，真係好得意。第二：裝修有濃濃的南洋大宅風格。第三：肉骨茶任飲。首先要贊的一定係個無限添飲肉骨茶，絕對唔求其，真材實料，香，滑，厚身。叫左招牌芽菜雞飯 $63，檳城香炸滷肉卷 $33，古來咖喱魚 $35，砂鍋老鼠粉 $68招牌芽菜雞飯 $63，其實同海南雞差不多，D雞整得好滑而且鮮雞味濃，個黃薑飯一定要試，好香，夠干身又夠軟，一流。檳城香炸滷肉卷 $33，很驚喜，裡面餡料豐富，個醬汁開胃，外香內軟，雙重口感。古來咖喱魚 $35，炸魚，火候控制得好好，唔會過濃。砂鍋老鼠粉 $68，D老鼠粉條條都好似老鼠尾，好得意，而且好彈牙。細滲 $68，肉骨茶，裡面有餸，我係肉骨茶精，唔使講，超級中意。馬來亞拉茶 $11，個茶好滑，D奶味同我地港式奶茶唔同，奶香得黎有一種好似係肉桂的味道。很喜歡這間餐廳，會介紹朋友來。