麥金.麥金馬來西亞特式茶啡室 (已結業)

果日做嘢行開呢區，見到間舖頭門口裝修充滿特色就諗住試下。入到去裝修好有東南亞風味，未食都好似去咗旅行咁。餐廳牌有好多東南亞特色美食，有肉骨茶，叻沙，椰醬飯等，但我始終都揀咗樣招牌嘢。招牌芽菜雞飯($63)雞肉都算嫩滑，黃薑飯無傳統雞油飯咁油膩，加上墊底芽菜，係清淡之選。仲有啲酸瓜伴碟。唔夠味仲可以試下自由配搭醬料，有頭抽豉油，黑醬油，辣椒同生蒜蓉。凍桔仔話梅水($18)做嘢做到身水身汗，呢杯嘢酸酸甜甜好清新，夠曬大杯，包你滿足。