麥金.麥金馬來西亞特式茶啡室 (已結業)

晚上7點去到好在仲有位睇完個menu 樣樣都想試,環境干淨好有怡保feel ，最後叫左個細滲，職員好快就比左2個碗仔免費提供肉骨茶! 細滲簡直係大雜懀（雞腳，排骨，豬肚）足夠2個人份量，味道重藥材味，值得推介！老鼠粉係要試既

麥金.麥金馬拉特式茶啡室咖央多士（$20）呢道咖央多雖然烘得夠香，但烘得唔夠耐，所以比較軟身。咖央多味嚟講比較淡味，得薄薄地嘅一層醬。舊街白咖喱麵（$50）平時比較小機會會叫白啡喱嘅餸菜嚟食，所以唔知道係白咖喱本身就偏濃味定淡味🤔🤔，不過對比下面嘅娘惹咖喱撈麵，白啡喱較為濃味。值得一提嘅係，白咖喱係湯麵嚟，下面娘惹咖喱係撈麵，而湯麵比起撈麵濃味，咁可能白咖喱係偏向濃味啦。娘惹咖喱雞撈麵（$48）娘惹咖喱對比白咖喱較為淡味，對於撈麵嚟講都係適合濃味。配料嘅雞肉係雞脾肉，可惜做得唔夠嫩，食落都幾硬身，有韌嘅感覺。呢道嘅份量比較小，上面嘅湯麵同撈麵size好似食細蓉雲吞麵咁。$50食碗細蓉，抵唔抵就見人見知了。檸檬薏米水（凍）（$18）桔仔話梅水（凍）（$18）呢道嘅話梅水唔夠酸，又唔夠凍，完全無解熱解渴feel。甜度足夠，不過比較期待桔仔同話梅嘅酸味，可惜欠奉。呢道裝修係馬拉風格，連冷氣都係馬拉風格，完全無冷氣，已經坐門口短都勁熱同焗。

今日中午出左大角咀搞一搞啲私人野搞好哂之後，打算食返個下午茶醫下肚仔先咁岩行過大全街見到開左間馬拉餐廳一於去整返個TEA SET先唔駛5秒已經知自己想食咩「咖映多」再加多個$18「招牌老鼠粉」麵包烘到好脆，食到成日都係碎😅咖央醬幾香甜，醬既份量足夠，不過就塗得唔夠混💔好在牛油塗得夠，補救得返，唔係啲邊好似食白麵包咁。咖央多整體黎講係合格的。拉茶滑身夠哂香甜，味道不錯。鐵匙羹仔係花花形狀，挺漂亮的！半熟蛋味道一般。老鼠粉，即係銀針粉，因為一條條好似老鼠尾咁，因而得名！？首先老鼠粉尚算滑身，撈勻醬汁同肉碎後，味道都唔係好夠，只係上左色咁。老鼠粉完全入唔到醬油既味道老鼠粉＆肉碎＆醬汁完全分開哂3樣野水準一般，未見驚喜。如果下次再行過，我會選擇只叫一份「咖央多茶餐」就足夠了。

早前朋友介紹過大角咀開咗一間特色馬來西亞餐廳，讚佢價錢大眾化，但食物質素一啲都唔輸，今日約咗兩位好姊妹出街shopping，專登過去試一試。一去到街口已經被佢嘅外觀吸引，佢嘅懷舊木門很突出，有別於其他鄰近嘅店舖。由於大家傾得太投入，忘記了食午餐，所以我哋決定早點食晚飯，6:30前已經成功入座，驟眼看佢嘅座位已坐滿9成，不消15分鐘已經全店坐滿食客了。因為我哋勁肚餓，所以點到全枱放滿食物，有《牛肉配椰漿飯》牛肉算幾淋而綠色椰漿飯亦好香好味道。《古仔路肉骨茶-一字骨》個湯好香材料味，T 字骨雖然大大舊但都非常入味，望落以為啲肉質會鞋，但食落又比想像中好好多。另外仲有點咗《招牌芽菜雞飯》，不愧係佢哋嘅招牌菜，D鷄肉好夠滑，雞油飯完全不覺得油膩、飯粒分明、軟硬度剛好。我哋仲點咗兩款小食《香炸滷肉春卷》、《馬拉沙嗲串燒》，同一個小炒《蛋黃奶油花甲》，全部食物都頗有水準，冇一款令到我哋失望，特別要讚下個《蛋黃奶油花甲》，因為我本身好怕係街食呢啲有殼食物，怕會洗得唔乾淨有沙入口，但佢完全冇呢個問題之餘仲要隻隻花甲都好肥美，令我一試便愛上。總括來說呢間食店係好食兼夾抵食，多謝朋友嘅真心推介，我哋已約定

因為家住大角咀，常常晩飯都去搵好野食。今次去麥金麥金已經第三次了，食物水準keep 到。鋪頭只有10幾張枱左右，因為有啲元凱所以如果兩個人去食呢就坐得一半啊我地叫左叻沙，多士，拉茶同肉骨茶。肉骨茶無限refill性價比高。拉茶同多士都熱哄哄幾好味。至於叻沙就有叫左海鮮叻沙，蝦都有4至5隻，味道同其他的舖頭差不多，不是太特別。我老公就叫左美祿恐龍做飲品，味道都不錯。總括麥金麥金服務態度好好，只是冷氣可以調降一下就更好。支持小店

呢間位於大角咀嘅《麥金麥金。 馬拉特色茶啡室》淨係睇大門已經相當有特色 有著一股古撲風裏面嘅裝修亦非常有60年代嘅感覺吊扇加上磁磚 充滿懷舊風味可能大家對馬拉菜嘅認識唔多但一講起肉骨茶同巴東牛肉相信大家都唔會感到陌生呢度嘅《古仔路肉骨茶》用上咗祖傳秘方一聞已經知道用咗大量藥材 香氣十足飲落順喉暖身 而且一啲都唔苦 帶一點回甘一字骨肉味香濃點埋黑豉油 蒜蓉同紅辣椒 份外美味《仁噹牛肉配椰漿飯》 綠色嘅白飯加入咗椰漿同班蘭葉食一口椰漿飯 香味十足馬拉菜出名味濃 仁噹牛肉有點似咖哩牛腩混合埋秘製辣椒醬以及銀魚仔一齊食 更為惹味《辣椒板麵》 更係每次食馬拉菜必點項目好辣嘅我最喜歡板麵加入咗指天椒碎以及辣椒乾辣得呢非常過癮而且裏面亦加入咗豬油渣以及銀魚仔食起來除咗增加香味之餘 亦加添咗脆卜卜嘅口感撈埋溫泉蛋一齊食 令麵條增加滑度誠意推介俾各位好辣之人《馬拉沙嗲串》 夠曬惹味沙嗲醬味道非常香濃 帶一點甜味 加入咗花生 食起來更加有口感沙嗲串可選擇豬牛雞我最喜歡牛肉串 牛味夠香《檳城香炸滷肉卷》 亦非常有特色外面嘅腐皮炸得金黃香脆裏面嘅肉餡有芋頭同豬肉另外亦加入咗大量嘅香料 味道層次豐富最後呢個《

今日專程搭車過來試一試馬來西亞的芽菜，馬國的芽菜是短短肥壯的，加上餐廳獨有的豉油，一試回味。但很可惜⋯這餐廳用上本地的普通瘦弱芽菜，和餐牌上的相片有出入，加上怪怪的醬汁，完全吃不下去，和深水埗另一間馬來西亞餐廳出產的芽菜，水準爭太遠了，沒有信心再來幫襯😐

點解我會嚟到呢間馬來咖啡室～我係睇到網上推介本身冇乜期望～但係出奇地好食👍👍 直得一試～直得大家山長水遠嚟試我係喺下午茶時間去食～貪佢人少少靜靜地

上網見到呢間餐廳裝修幾特別而且嘢食嘅款式都風味十足所以就捉咗我朋友一齊嚟呢一度食晚餐啦。餐廳感覺上好乾淨，同埋燈光亦都好光猛，佢係一啲懷舊嘅風格，牆上面掛住唔同嘅佈置，黎影吓相都幾靚嘅。餐牌嘅選擇實在太多啦三心兩意嘅我都唔知食咩好。到最後我係叫咗一個雞絲米粉而我朋友就係叫咗一個娘惹喇沙。我仲叫咗一杯羅漢果菊花茶幾好飲清甜。呢一本野嘅份量係非常之夠，尤其是啲雞絲係食極都仲有，米粉吸左清湯嘅精華好好味。不過一食就知道啲蝦係唔新鮮嘅，完全冇下面仲有一陣雪藏味。呢一碗喇沙嘅份量亦都唔野少㗎，佢裏面係包含好多唔同嘅配料。個湯底好有椰子嘅味道所以食落去係非常之惹味。兩個人平均都係$70以來就可以埋單其實幾抵食嘅

同朋友係附近打完羽毛球，就行入大角咀搵野食，行過俾佢既門面吸引左就入去試下，廢事次次都西餐or茶記🤣入面裝修都幾懷舊🤣我就簡左咖哩雞椰漿飯，咖哩食落小小辣，旁邊既辣粉可以令成個咖哩加辣，超惹味！雞肉食落嫩滑，份量亦算多🤟🏻椰漿飯食落反而椰味唔重但就有好香既椰味朋友叫既老鼠粉肉骨茶就要左細滲，有哂唔同既配料，最中意係佢既豆卜同豬肚超濃郁入味，豬肚份量亦十分多！另外五花腩食落都不錯，起碼冇雪味！不過主角既排骨竟然有d硬😩😩有d失望。湯係可以refill，不過其實飲一碗已經超夠，飲落好香濃但唔會太重葯村味。再叫左個咖央多士，CP值超高，有4大塊，入面既醬亦算多！熱辣辣食夠哂香脆🤤🤤飲品就要左美綠恐龍，超肥但超正🤣🤣🤤其實menu上仲有幾款好似好正既食物未試，下次打完波再食🤣價錢十分合理，質素亦高，不錯！

行過見到呢個牌見天氣有啲凍即刻俾佢吸引左入去飲我上一次飲肉骨茶已經係好多年前突然之間又想試吓佢個門面設計都非常特別內在環境非常乾淨坐得都幾舒服當然有冷氣啦睇完餐單之後就係自己點菜嘅我就首先點左雞啲雞肉非常滑而且有肉汁之餘又唔會好鹹呢碟餸都可以送幾碗飯我覺得加埋少少醬汁一齊食仲好味！個醬汁仲要係呢度嘅侍應教我地調有頭抽啦黑醬油再加啲蒜蓉真係好好味不得不提呢度啲侍應服務好好非常細心而且非常友善啲嘢飲都好好飲非常解渴主角肉骨茶終於到啦入邊有豬肉片豬腩肉豬肚油炸鬼豆粕等等飲落去會有少少藥材味但係真係幾好喝而且仲有得無限添飲啲食材亦都非常入味另外我哋仲叫咗串燒有雞肉豬肉同牛肉上面加咗自製沙嗲醬汁好香嘅花生味上碟嘅時候仲要熱辣辣我同朋友都超級大食重點左個多士做甜品覺得佢服務好之餘食物都性價比高而且份量都好大碟下次會再嚟食

打開Menu第一樣見到就係佢哋既招牌雞，我咁鍾意食雞一定點啦。當員工介紹時話d 雞都係用新鮮雞做，啲肉同油嘅分布好均勻食落唔會太肥膩當然一定要點肉骨茶啦，因為我好鍾意中藥同香料味，重點呢到嘅肉骨茶除咗你點嘅嗰一份完整之外佢另外仲會開多一個碗淨係裝湯俾你最正係啲湯可以潻飲到夠為止，啱晒我啦。我哋點嘅呢碗肉骨茶係雜錦所以乜都有啲，本身我哋以為可能每樣得少少，點知呢度一啲都唔會偷工減料，好有誠意，大大碗！連我個女仔朋友都話: 細食 d 既人，分分鍾真係會食唔晒。另外值得一讚呢度服務好好，因為個肉骨茶有配張枱上幾款汁醬 但我又唔識整喎，然後個員工就好有心機咁逐樣介紹，仲好好咁幫我mix埋添另外重點左三串串燒黎試吓，有豬牛雞，各一。啲串燒味都好香口，食得出燒烤味。另外甘鍾意醬汁嘅我一見到啲串燒上枱特別開心，睇相就知啦~ 因為沙嗲汁勁多!你知啦,有時啲食店比得嗰一滴半滴，食都食得唔爽 ~ 咖咉多士，上枱時辣辣，啲醬汁唔會太少，甜度適中，一個人食晒都唔覺得”漏”. 整體來講呢間餐廳唔錯，食物有質素，幾好坐， 最緊要係服務費呀嘛，所以我諗我下次都會再去！

娘惹叻沙，喇沙味道十分正宗，有住香濃嘅椰油香味，味道唔會話好辣，仲有大大隻嘅鮮蝦，爽口彈牙。仁噹牛肉配椰漿飯，椰漿飯嘅椰漿味道未算好濃，可能因為隔離紅色個醬汁搶咗個味，不過攞個紅色汁嚟撈飯食都相當啱feel，牛肉用嘅係牛腩位置，充滿咬口，有少少似巴東牛肉嘅意味，伴碟帶有蜜味嘅小魚同埋脆到無朋友嘅花生，亦都為呢一個飯生色不少。蛋黃奶油花甲，見餐牌有青辣椒黑胡椒甘香同埋呢個蛋黃奶油花甲可以揀，初時都有啲心大心細，既想食黑胡椒嘅香，又想揀青辣椒嘅辣，不過最終都係揀咗呢一個咁特別嘅蛋黃奶油，貪佢唔係度度有得食；花甲嘅味道既有蛋黃奶油嘅香，亦有紅辣椒嘅辣，係一個味道好創新嘅炒花甲，絕對衝擊你嘅味蕾，值得一試。檳城香炸滷肉卷，滷肉卷嘅外面係炸到脆卜卜嘅腐皮，裏面包住飽滿嘅肉碎同埋一啲好爽口嘅粒粒，個口感有啲似粉葛，香脆得嚟又夠惹味。桔仔話梅水， 我好鍾意呢個桔仔話梅水， 佢個甜度啱啱好， 有好清香嘅桔仔味， 酸酸哋十分開胃，愛酸嘅朋友飲完仲可以食埋粒桔仔，異常咁生津。

一位馬來西亞同事推介我這家位於大角咀的馬來餐室，她推介這裡的裝修有特色，而且食物風味十足。今天來到餐廳感覺不錯，走傳統懷舊風格，牆上掛著特色的佈置，也是個拍照打卡的好地方。 麥金.麥金提供馬來菜式，有肉骨茶、叻沙、芽菜雞、椰漿飯、拉茶等等。先來肉骨茶，這裡的肉骨茶原來是無限添飲，店員先送來兩碗。馬來西亞式肉骨茶的湯底顏色較深，藥材味濃剛好，記得要要趁熱喝否則會有點點澀味。一字骨不會太老，煮得剛好適中。另外裏面還有其他的材料例如是豆卜、豬腳、雞腳、豬肚等等，吸收了湯底的精華實在十分惹味。色澤鮮黃的咖喱麵，賣相吸引！香濃的咖喱麵，內有雞件、薯仔、魚片、豆卜等。湯汁並不多，但咖喱頗辣，米粉和油麵沾上湯汁，十分爽口。最後加上一杯冰凍的奶茶，十分完美呢。

朋友介紹下嚟到大角咀食好西！今晚嚟呢頭食呢間人氣街坊小店—麥金麥金:-D 餐廳自助style. 自己填食乜，冇加一的。上菜速度快🦔🦔 主食叫左個白咖哩湯滲滲($50)👨🏻‍🍳湯底比較清，帶椰奶香，個人嚟講好喜歡😘 配上獨家辣醬，食落更有風味👅魚片頭好彈牙！蝦都幾新鮮，底仲有d豆角同豆卜😋😋 另一個嗌左芽菜雞飯($63)😝雞件嫩滑，可以點自已調嘅醬。另外飯係薑黃飯，夠補氣又健康🌟 小食點左個通菜，唔會油，食落小小辣，又幾惹味🤤 炸雞件幾特別！肉幾滑，皮唔太厚🤩飲品要左羅漢果蜜😛滋潤解渴😗😗