麥金.麥金馬來西亞特式茶啡室 (已結業)

係大角咀做完野揾d野食先，夜麻麻唔知食咩好，行下見到有馬來西亞菜食，又見天氣凍凍地，飲碗肉骨茶暖下都好喔！菜單寫可以無限添肉骨茶飲，如果你鐘意，可以飲多碗。落完單就會有姐姐過來幫你倒肉骨茶，上圖↑，顏色似涼茶，飲落幾甜下，但是無乜藥味同大蒜的甜味，似糖水，淡口。仲叫咗杯拉茶，嗯……都好甜。海南雞飯都ok，就是普通雞，雞肉比較滑，但是我就略略覺得有d凍，雞皮比較肥。細兜肉骨茶，裡面材料幾豐富，有豬肚，雞腳，豆卜，油條，排骨。這個湯底會好過剛剛個碗，起碼有少少蒜甜味。