麥文記麵家

營業中

休息中

這是除了麥奀記外我會光顧的另一家雲吞麵店。我正在努力找第三家.....我的要求很簡單: 麵絕不可有鹼水味, 雲吞不能像兵乓球。此店用的應該是全鴨蛋麵, 全鴨蛋麵絕不容易做好。師傅需要多幾倍之氣力才可將麵粉和鴨蛋混好。鴨蛋麵有一種特別的鴨蛋氣息和彈牙之口感, 和鷄蛋是兩回事！印象中用全鴨蛋打麵的店子不多, 好像只有麥文和灣仔區的永華....豬手麵是招牌麵。豬手真的做得很好, 不油膩亦不太稔。我還是喜歡豬手撈麵多於豬手麵。蝦子麵及柱候牛腩撈麵同樣出色。起碼蝦子是上乘料子, 沒有沙。柱候牛腩的汁掌握得極好, 鹹淡適中。麥文沒有分店, 是明智之舉。看看只有中環麥奀總店才好吃就一清二楚原因了。像兵乓球般的雲吞, 對不起, 我真的不懂得欣賞！真正懂得做傳統雲吞麵的店子已不多了, 除了環境要保育外, 傳統的食物是否亦要保育一番呢？

一頓不爽的高級鐵板燒，還不如簡單一碗平民的撈麵來得稱心。銀座之後，想起半區之隔的麥文記，也是老字號的麵店，坐下二話不說來碟薑蔥撈加淨雲吞，亦順道加碟價值一個大洋的蠔油。看師傅輕描淡寫地將麵餅一開三，下點熟油及輕過水的薑蔥，客似雲來，卻只須稍等數分鐘便有得吃，效率無出其右。麵是較為粗糙的竹昇麵，麵身重撈起上來累贅得很，油水充足配合切得大小不一的薑蔥來同吃，質感是幾粗獷的，以嚼勁計，這裡的撈麵口感是較麥奀的強勁，伴鹹鮮的蠔油是絕配，加支可樂，平民美食也。淨雲吞以偏甜的大地魚湯浸著，下了些韭菜，鮮蝦配豬肉，富口感也有肉香，喜歡味濃的雲吞這裡是不錯選擇，細緻輕盈一點話可選麥奀，對雲吞要求不高，已很收貨了。靚姐來回上菜，見偶在拍照，又寒暄一番，沒特別的招乎，但已吃得很窩心，會再來。

下午三點鐘,店內只有幾枱客,竟然有卡位,兩人坐下,叫了: 蚝油撈麵(16元),韭菜花(10元),淨雲吞(21元),可樂兩支(16元).蚝油撈麵:只有麵,豬油,連葱花也沒有,加了碟裝的蚝油,味道還可,麵爽身,沒甚梘水味,ok.雲吞是一貫的淨蝦,沒有挑剩的蝦腸,皮很薄,味道和新鮮度ok.湯底沒有鮮味,不夠熱,不及格.最差的是最易做的汋韭菜花,過火至極,變成暗綠色,淋咇咇,垃圾一般,沒有了特有的性格.無意中看見隔離枱的郤翠綠非常,達到應有的水平.可見是有人有做好份工.人客給足價錢而得不到應有的品質,連最簡單不過的操作也做不好.十分可悲.

云吞麵係香港地導食品，真係通街都有得賣，但係好食嘅就唔係好多間。麥文記都算其中之一。云吞做得OK(蝦多爽口，但係我仲意少啲蝦因為咁先至傳統啲)麵底爽口(但對面海有間仲正Ｄ的)湯底鮮，但比較赤色，味道係似足幾十年前街邊排檔(相當傳統)每次必食淨云吞加蝦子撈麵成四五十蚊落樓幾十蚊揾返Ｄ童年回憶仲相點啦相當唔錯大家可以試吓(都算係另類保育吖)

因為晏晝食左tea,夜晚唔係咁餓,所以特登o黎呢度食晚飯,因為早知佢份量好細我地兩個人叫左一碗雲吞面($21),蝦子撈面($32),一碟蠔油菜心($11)同一支汽水($8).雲吞面, 有四粒雲吞,d蝦幾爽口,面亦食得出同一般粉面鋪唔同,彈牙得o黎又幾香,整體味道絕對不遜於鏞記!!!只可惜係份量有點少,始終地區係佐敦唔係中環~蝦子撈面, 叫左先發覺死啦~點解唔係叫蠔油蝦子撈面o既?!不過好彩,油菜果度叫左,唔會點得哂,所以可以撈o的落面度. 呢碟撈面一上枱,賣相麻麻,細細碟,面上勁多蝦子,加左少少上湯同蠔油,一食入口,噢~~~好好味呀~~~面身唔會太硬,但又夠彈牙.蠔油(值一蚊的)好味再加埋大量蝦子的鮮味,只計味道的話,我相比滿分佢,我覺得美中不足的是貴左d菜心,都唔錯,十蚊碟,份量ok,加多一蚊有碟蠔油,呢一蚊絕對值得比,因為佢同一般粉面鋪食到的明顯係高一皮一間好食的面店,但如果好太食的人,就真係要預起碼四五十蚊一個人啦

早一排明明寫左呢個食評, 但唔知點解遲遲都未出呢? 唔緊要啦, 師傅我再寫多次啦!話說師傅我都好耐冇黎呢間食店度食野, 早一排忽然心癮起加上有少少肚餓, 於是乎決定黎呢度再試一次! 入到去二話不說就叫左碗雲吞麵, 再睇一睇餐牌發覺又加左價, 不過唔緊要啦, 最緊要係d野好味!雲吞麵好細碗, 一碗得四粒雲吞, 雲吞都算皮薄, 而個餡係全鮮蝦, 係好爽口, 但係係爽口得濟, 爽到有d硬咁, 口感唔好; 麵係全蛋麵, 都係好爽口, 又係爽過頭, 有種好難消化同埋好易胃痛感覺, 一般啦; 湯底都算清不過鹼水都唔少, 都係一般!總括黎講, 呢度d食物質素又退步左, 係一次比一次差, 但價錢就一次比一次貴, 加上食物太細, 又細又貴仲要唔飽, 完全唔化算; 如果你淨係想過下口癮的話, 都可以試下, 可則師傅忠告一句都係少去為妙; 相信短期內師傅一定唔會再去, 作為老字號, 佢都算差得緊要喇, 唔比喊面真係比晒面啦!

小肥: 食完澳洲牛奶, 轉個頭又食過, 呢間店出名係食雲吞面, 但我地o黎o既目的係食薑葱撈面喎~點知又係要等, 不過都唔係等好耐, 我地叫o左雲吞面同薑葱撈面, 雲吞面細細碗, 雲吞都唔係大大隻, 但我諗呢度出名o既原因係佢蝦味好夠, 裏面係完隻蝦, 一咬開重見到橙色o既蝦子, 至於面就夠晒彈牙. 薑葱撈面方面係大肥o既至愛, 我就對呢味冇乜研究, 呢次都只係我第2次食o者, 講真我就冇乜興趣, 因為好油, 所以冇乜特別評價.高質素o既雲吞面唔係周圍都食到, 呢度係其中一間我覺得最好味o既, o黎開呢頭的話應該會再幫襯o架!大肥:哩頭食完澳洲牛奶之後去7仔買左支野飲，跟住小肥就話前面咪就係麥文記囉，我心諗，中環麥奀我就食得多，就睇下你麥文記有幾猛料。唔好彩地入去岩岩無位等左陣，係門口睇住佢點煮麵同雲吞，見到佢既功夫都OK，亦係先落雲吞再落麵，以免D湯浸軟令到D麵唔夠彈。等左陣到有位果陣又要搭台，算，叫左個薑葱撈麵，同一個雲吞麵。薑葱撈麵係因為自己鍾意食，而且越黎越難搵到地方有得食，所以叫黎試下，第一啖覺得淡，原來佢D薑葱無落豉油，落左之後好味好多，但都只係中檔水平，距離好好食仲差D距

出差好幾天，坐船回港時在船上已經記掛香港美食，亦開始盤算落船後的打算。原先想來碗不錯的中式甜品，但經過這裡，始終被這麵香吸引，卒之過來點了份水餃麵。仍是沒有鹹水而且彈牙的全蛋麵，加上咱家認為比娓這裡雲吞的水餃，簡簡單單；雖然份量太小，但剛好把胃納半飽，心滿意足也！

明知是細碗，又要廿幾蚊一碗，但都係忍唔住幫襯了幾次。舊區舊店，不能要求甚麼服務，加上等位人多，當然希望你食完就「撇」水餃麵、豬手麵都有水準和風味（其實最好食係D麵), 油菜介蘭掂，加一元可有秘製蠔油，我試過也不錯，但認為清吃更健康。反而唔好點柱侯牛腩麵，有一次食我覺得好「啃」

一直都想去食, 但成日都無機會去食, 上個星期終於有機會入去食我覺得間鋪頭最正唔係雲吞, 而係水餃. 我上星期叫左一個雲吞麵, 一個淨水餃同一碟油菜.d 雲吞就普通, 但d 麵一流, 食左好多間麵鋪都覺得d 麵好"痴"口, 一係就"鹼水"太勁. 但呢間d 麵就無呢d 問題.水餃就好正, 有好多唔同既料係入面(唔止得有d 入面80% 都係豬肉.). 反而唔明點解咁多人要雲吞, 不如試下水餃la.個油菜都ok.全部加埋都係$30, 唔知係咪佢收錯數, 定係真係咁平. 不過就算$50 都抵食, 以係佐敦呢d 位既租金咁計.

點了薑蔥撈麵, 淨雲吞. 雲吞沒有豬肉, 連肥豬肉都沒有的. 只有蝦. 份量大約有六至七粒吧! 蝦爽口, 鮮味, 清甜. 是沒有了豬肉的雲吞的另一番風味. 雲吞皮的梘水味不太重, 可以不佐醋伴食, 或加少少亦可. 湯底很有蝦籽味, 十分鮮甜, 而且沒有嗆喉. 湯色是深啡色的, 但清澈可看到碗底.. 至於薑蔥撈麵, 我沒有試吃1口看看就加了豉油和醋, 怎料太咸了, 所以不可置評. 留待下次吧.

食友們都眾口一詞,聲討這食店:太細碗,太貴,品質不稳定,侍應服務欠佳.座位不舒服,罪名全部成立.以廿元或以上一碗麵來說,而份量只有一口,雲吞只有兩隻小蝦,實在說不過去.就算忠於傳統,用料上乘,也是暴利得不得了.有些大酒樓也不見得抵食,但要看成本和廚藝，服務和環境,通常毛利只有一個開,賣你一百元,賺五十元是可接受的.但是一碗二十元的雲吞麵郤可以賺十五元以上便是暴利.假如交足貨,給予客人彈牙的靚麵,鮮味無味精的上湯,爽口的鮮蝦,週到的服務,潔淨的環境,舒適的座位.還是可以接受.偏偏這店就全都欠奉,那麼客人就會用脚去投票,請看龍華酒店,永合隆等老店的由盛到衰．

27-Jul-2007食完澳牛, 見好耐無食麥文就繼續掃場。雲吞麵, 芥蘭, 炸醬麵。芥蘭係靚貨, 份量細都底。雲吞都保持水準, 不過麵就覺得退步左。今次去又加價, 物價高漲, 加價是無可厚非, 但可唔可以保持水準先?!同意食友說水準不穩定時好時壞

媽咪同朋友book左場打波,點知朋友臨時有事去唔到,但已經book左場,就叫我同佢打,媽咪叫到,唔去都唔得啦媽咪真係寶刀未老,同佢打完真係好累同好肚餓,就大家一齊去搵食,佢選擇左呢度,因為媽咪同朋友之前來過,佢覺得d雲吞麵好食佢大名我當然聽過但就未食過,我一向喜歡食大大粒的雲吞,而佢就出名細細粒細細碗同價錢貴,我就對佢一d興趣都無,但媽咪想食,當然同佢食啦叫左兩碗雲吞麵~真係幾細碗,平日的我就夠食,但打完波特別肚餓,食完一碗都唔夠,但價錢貴唔想再叫,其實媽咪都唔夠飽,不過佢都覺得貴左d,所以大家決定去第度再食,d雲吞就唔太合我口味,不過佢d麵就唔錯,幾爽口同唔覺鹼水味,而d湯亦幾好,其實佢d雲吞麵係唔錯的,但自己就不會再來,始終唔係我杯茶

因為呢排都要起佐敦睇醫生，所以都會起附近搵0野食。唔想食太多，所以0黎呢度食返碗雲吞麵。不過唔知點解要等成差唔多十分鐘碗麵先0黎。而坐起我對面個女仔佢又係一個人等碗麵到，兩個人眼望眼，好尷！個麵0黎到見到個size真係好袖珍，好彩我唔想食甘多，所以對我都還可以！先黎拔啖湯飲下先，哇~好好味呀，無味精咖（因為我飲味精湯會咳）！再食一啖麵，哇~唔係cheapcheap麵黎咖，好彈呀，好味呀！再咬一啖雲吞，哇~皮薄，好多蝦，好甜好有味呀!!真係一分錢一分貨，同出面0個D十蚊碗無得比呀! 唔使十分鐘，我竟然連湯都飲埋，食甘多次雲吞麵….第一次呀！！