麥文記麵家

營業中

休息中

與朋友仔已多次想來吃了，終於來了一試；先來了雲吞麵，當然由她試味，雲吞鮮味多料，全是蝦，口口有肉，很不錯！麵身雖很爽，但卻不是太特別．我就來了炸醬麵，侍應放下台上，我倆感覺就是＜細＞，吃下就不知去了那個胃，真是細得不得了，不過炸醬很好味，賣相也不錯，但麵也是沒有分別，湯又只是一般，我倆也覺永華好一點．吃完後，實在要多吃一點才可飽肚，以那細妯碗,相比就算貴一點，還是去別的努力！

麥文記麵家, 聽個名好耐, 但一直沒有去試, 試過之後, 又覺得不外如是!平均價錢是比一般的粉面店貴好多, 叫油菜, 加蠔油要加一蚊! 唔係好明? D蠔油又唔係好特別嗰隻!最唔好食碟豬手, 有咸都苦的口感!除了麵底是OK之外, 其他就一般罷了!註 : 只會去一次, 唔會再反轉頭!未去過此店的食神, 錯過了也沒所謂, 可以選其他更好的地方.

一間好古色古香既食店, 用吳同顏色既磚堆砌而已既地板, 懷舊味十足佢12點先開門, 但我未夠鐘就去到, 以為要係出面等下啦, 點知d伙記就叫我入黎坐住先。係度望下個menu, 點解叫碟菜加蠔油既話要加多一蚊? D野吳係真係貴左咁多呀嗎? 另一樣比較特別既就係不設雙併, 對於我呢d咩都想試既人黎講就吳係咁好啦, 不過如果好食, 去多次都無妨。未去之前已經諗好左食咩, 所以伙記埋黎落單既時候, 諗都吳使諗就叫左碗雲吞麵。一拎到黎, 第一個感覺就係: 好細碗!!!但睇真d, 佢都裝得幾滿。一碗有四隻雲吞, 原隻既蝦味道十足, 並吳係出面大大隻滿是肥豬肉既雲吞可比媲既。相反麵就一般, 軟硬度適中, 但食味就吳覺太大驚喜想睇相同其他食評可以去我個bloghttp://hk.myblog.yahoo.com/food_talk2008/

以前住佐敦, 差唔多一星期嚟兩次, 但係好奇怪, 以前唔識得叫蝦子撈麵, 可能細個唔捨得食咁貴, 每次都只係食雲吞麵, 佢地既雲吞真係好正, 全蝦, 細細粒, 咬落去不單夠彈牙, 而且夠實, 不似其他鋪頭的鬆散, 今次梗係叫左蝦子撈麵啦, 蝦子滿碟都是 香味濃烈, 實在太好味了, 眼見隔離枱碟豬手撈麵豬手大大件, 脹咆咆, 南乳味十足, 可皆太飽, 唯有等下次,

今日放好晏, 攪到又剪唔到頭髮, 又食唔到日本野, 又約唔到朋友吹水...最後唯有返佐敦食野.. 本來食呢個景X米線, 但居然話收左爐, 唯有轉過隔離街找野食.見到一間個款好trandition o既港式麵店, 又好肚餓, 唯有乜都唔理沖入去啦.入面都幾貴... 23蚊碗湯麵, 33蚊碟撈麵... 不過, 我發現間野的麵好好食, 好彈牙, 又夠味! D湯沖好好飲添! 食完後我個friend打來, 我話比佢知食左間好好味o既麵舖叫"麥文記", 好好食架.... 點知佢笑我, 話麥文記好出名, 好好食!!! 我居然唔知囉 不過人就係咁, 乜都唔知又冇乜期待的話, 反而會有驚喜架!!!

2008-06-21 一個星期六的夏至，只是中午12:30，門口已經有幾位客人排隊等候，當中更加有日本人!慕名來試雲吞和湯底。 一粒雲吞裡面包了兩隻蝦，咬一口，蝦的確很新鮮和大隻。 湯底淡淡的不口渴。 神奇在當我再咬一口雲吞，同時呷一啖湯，蝦味和湯味突然加倍鮮甜起來! 所以，記得要和著一起吃!還有很多想試! 豬手、牛腩、蝦籽撈麵!

岩岩係電話俾女友話我做乜３分鐘熱度．．．打食評都係....... T_T所以特意抽空 (返工＋考試＋歐洲國家盃同期進行中... ) 黎打食評 6月14 星期六是日下午12點多... 同女友行經佐敦由於諗唔到食乜於是又黎左食雲吞 ... 同隔離既澳洲牛奶一樣食飯時間既麥文記... 超級滯迫........今次點左... 淨云吞... 牛腩撈麵 + 蝦子撈麵鮮蝦雲吞一如以往的大粒...雲吞淨係包蝦... 用料十足... 又鮮味非常除左云吞之外... 我最愛它的牛腩撈麵... 牛腩蚊得好淋好入味........... 配合佢既美味生麵... (一路都覺得佢D麵好好咬口...) 一流 女友第1次試既蝦子撈麵....... 佢就話個味太濃.... 下次都係食番細冗咁話... 哈哈by the way... 咁樣食一食已經超過一百蚊......真係百物騰貴.................... >_<"記得第1次黎食既時候... 一碗細冗都仲未過20蚊架.......(好似都係2,3年前既事黎咋嘛........... )又... 成日聽人講話d云吞麵好細碗其實... 細冗...

成日都有幫親開，但係就第一次寫呢間野食評佢果麵好細碗下，食開牛腩麵，麵的確幾少吓，岩哂細食女仔，男仔就算係食撈麵都未必飽，當係下午茶就差唔多，不過佢果牛腩都幾好食，唔知係咪有時未夠火喉但又要應巿，個牛腩有時好硬下，個麵就有時都好重鹼水味雲吞都ok，比起出辺算係好味有次個菜，熟到諗哂，不知所謂抵唔抵食就真係見仁見智

之前睇食評, 知道e間野d雲吞麵出名, 所以去試下~滿有期望入到去, 可能因為時間太早,所以沒有人, 入到去, 還要等到12點才可落單~久等至12點, 終於可以落單了, 當然落了"全蝦雲吞麵", 之後等左陣就有得食~一望之下, 原來真係勁細碗, 我一望就知自己唔夠食,不過都要一試, 總算真材實料, 全蝦雲吞味道唔錯,麵質就只可以講一般, 至於個湯, 睇唔出"熬足四五個鐘".....食完個麵, 只可以講"我見識左一次, 唔會再黎."

去開佐敦試試麥文記，叫咗雲吞撈，上枱時雲吞在下麵在上，好似幾pro，先試麵，全蛋麵麵身硬但唔彈牙都預咗，但最失望係麵身得少少麵香，仲真係好少，再試湯，湯亦只有淡淡鮮味，但真係好淡，唯有追加碟蠔油，一蚊碟算幾大碟，但味道及不上屋企支舊庄李錦記；唯一驚喜係全蝦雲吞，皮薄蝦鮮，咬落爽口彈牙，蝦大大隻，一碟有六粒，算抵，鍾意蝦餃嘅要試吓。傳統麵食仲有好多選擇，唔一定要嚟呢度。

偶爾經過這間店，於是便試試，周五約7時半的時候，等了約2至3個食客，一會便有坐位。叫了一碗叉燒麵和一碟沒蠔油的芥蘭，叉燒的數目不少，不太肥不太瘦，焾的程度剛剛好，芥蘭則是甜的，水準不錯呢。吃完後，見門口排了不少食客，不知道是否愈夜愈多人？

五月九日(五)今日同老婆出左佐敦先，因為o念住去Nokia專門店睇下電話再去尖沙咀金水食壽司，但要十點先有得半價，牛奶公司又試過，所以黎左出名既麥文記度食番碗粉麵頂住肚先~ 入到去八成滿座，搭了最近門口的一張枱~ 睇睇餐牌，見價錢和下面27/3食評見到已經唔同左！加左價！宜家雲吞、牛腩、豬手等一律盛惠$24～雲吞麵($24)之前睇食評已知道尼度細碗，但真係o念唔到個碗真係細到咁！有心理準備底下都有d驚訝。不過以量黎講麵其實唔小，四粒細粒雲吞同湯就真係小左d。講番味道，雲吞真係好鮮美，全蝦雲吞尼種感覺係之前無食過，除左蝦之外配料係乜唔太清楚，但食落皮薄又好有蝦味，好好味！ 麵黎講真係似無淥過，幾硬下，雖然無鹼水味但唔岩食，唔係我地杯茶。 另湯底方面亦值得一讚，飲得出鮮味~豬手河($24)碗既size正常番，因為豬手大件，感覺上較抵。事實上有三舊豬手亦唔錯，雖然有兩舊係腳址，但好多地方都只係得兩舊，$24黎講貴d俾多舊你都可接受。味道方面豬手充滿濃郁南乳味，非常惹味，炆得亦軟硬適中。以南乳炆豬手黎講的確係上品，南乳汁亦令河粉及湯底充滿南乳香味，加上本身質地爽滑既河粉，實在好吃！$48黎講

昨日下午要到佐敦處理些公事。故趁有空檔，就跑去麥文記食我喜歡之牛腩撈麵($33)，淨雲吞($22)及在任何時間都可以供應之粗身及沒有苦味的芥蘭($11)。麥文記的柱候牛腩夠淋身及非常濃味，所以我要撈麵，好使柱候牛腩保持原汁原味，牛脯汁亦使到淨麵更加有味好食。因我貪心所以雖是下午茶的時間，但仍要多一碗淨雲吞去滿足自已的慾望。麥文記的雲吞可以說是非常新鮮及爽滑的。一個好滿足的下午竟然伸延到晚上啊！

除左食包之外,昨日仲食埋麥文彈牙雲吞麵碗麵比想像中細碗好多,真係好細碗,但係味道又唔錯,麵好彈牙,上湯味道香濃,不過我一個女仔食一碗麵都覺唔夠雲吞包得精緻,蝦肉唔算太多,有時會好怕太多蝦,因為會變成蝦餃,少食多滋味!味道好但價錢唔平,係我既評語

陪朋友飲飲下野, 她肚子餓, 便來個早場休息, 喫碗麵再說。朋友的雲吞麵, 小小一碗滿, 是麻雀雖小, 五藏俱全的。飽應該是沒問題的, 可是我想一定不能滿足我此等湯精。試吃了一口湯雲吞, 那頭湯是幾濃甜, 蝦肉雲吞沒有死實實的口感, 不過吃雲吞沒肥豬肉, 是稍遜色。芥蘭很清爽, 真的做到全走的效果。夜晚十二點, 還是很爆場, 証明好野,是有知音的。