麥奀雲吞麵世家 (威靈頓街)

營業中

休息中

廿多元一碗可以兩啖食哂的麵的確是貴,但是從高質素和東主那種數十年不變的堅持來說,還是值得支持的.請不要和其他十元店相比,正如不要把遊客區的行貨油畫和名家手筆比較一樣.請看坊間的所謂正宗日本拉麵要六七十元一碗,假如你把三碗雲吞麵放在一起,份量也不會相差太遠,何以前者很少人說貴,且其門如巿，而本地薑便嫌貴呢？現今肯為這傳統食物的質素而堅持的實在不多，正所謂買少見少，假如所有雲吞麵都變成十元一碗的時候，才是我們真正的損失．

致下面那位網友;你的描述令人懷疑你是否有吃過這間麵店。因為麥奀雲吞麵世家的雲吞麵祗售25元咁多,並不是你所講的"三四十蚊食碗咁細碗既野"！你就算不相信我所講,也可參考下面幾十位網友所說到的雲吞麵收費。若你誤會了一碗麵要收30,40元是貴,那麼現在知道原來祗是收25元一碗!!你該覺是平宜非常了。

或者係我窮, 三四十蚊食碗咁細碗既野真係唔係好抵o係中環lunch time, 間間都full 晒, 而佢可以保持小貓兩三都知咩事不過佢d 面係好食d既, 雲吞細就細d, 但係都好食既不過真係冇一次囉...

I love wontons. I have been actively searched for the the best wonton noodle in Hong Kong by continuously eating wonton noodles for one weeks in different places including: Chee Kee (opposite to the Times Square), Ho Hung Kee (Causeway Bay), Chung Kee (Wing Kut Street), Wing Wah (Wan Chai), Wong Chi Kee (Wellignton Street). Based on my taste buds and memory, Mak Un is the clear winner. The noodle, wontons, and soup are excellent. In my opinion, the best is the soup, which can not be found in the

香港人好奇怪下,去食日式拉麵得個2小片又凍又硬的豬肉叉燒,收你35元一碗.,會覺得合理。而好食的正宗日拉麵.,又係得2小件叉燒.,收你60至80,反而會話抵食.,又吾會話"得個2件叉燒仔就收我60元.,有無攪錯呀!好吾抵呀!!一於無下次"!呢間係全港知名的正宗雲吞店,佢的麵好食,雲吞正宗(蝦同豬肉各半)得來又好食,湯又鮮甜有香味!!但吾係學日式咁祗得2件雲吞咁少呀,都係收25元,反而話貴.,話吾抵食,一於無下次,寧願食返日式拉麵。一到去食日式拉麵.,又第二個咀臉啦.,收35元話正常.,正宗既日式拉麵收你60元話抵.,2件仔叉燒都夠食羅！呢的乜野心態??

但d雲吞就普通~~~d service我又覺得ok wor~~~又說你好, 又多謝晒~

唔~佢門口貼左d剪報講到好似好出名咁,所以入左去食~一坐低見到咁貴真係好想即刻走...不過本住一試無妨既心態都係叫左碗雲吞麵...食完之後我既評語得四個字:「物非所值」雖然佢d蝦係幾爽,但唔算好出眾....而且實在係太細碗喇..未見過咁細碗麵...$25一碗...我覺得唔抵~

特地去食既雲吞麵…只有呢一間…真係好正架…好鮮甜…好好食…唔好都唔介紹…兩個人叫三碗食會飽d…

22-12-2005 1720乜野為知係細蓉。是日係還比過年大既冬至，難得提早放工，拿拿聲落中環買禮物，買既過程唔駛5分鐘就搞掂，有少少口癢，又好耐冇食雲吞麵，又唔想去沾仔記食個飽，這裡未去過，經過這條街一上一落，像人生一起一落。入到鋪後，人客沒有因為返去過節而減少，幸好近收銀的卡位仍容納我呢類無賴，就二話不說要了雲吞麵，份量真係好小，不過的湯係有魚的根底，與別不同，麵有少少鹼水味，可以落少少醋去除，雲吞真係細細粒，索索聲，蝦味十足。好老實講，真係可以用一口吞世呢碗麵，曾經見過我係蓮香樓一口一啖蓮蓉包的人應該唔會懷疑，不過都係該句「有包就冇我，有我就冇包」，25蚊都可以話食得過。落去搭巴士其間，又見到佢，真係只能說「有點邪」，不過過左去年後已成為陌生人，當發左場「美夢」。

想食粉麵,但又未想去九記,老婆笑我麥奀都未食過!?好,一於去試,入到去,睇個餐牌真係標汗...乜咁貴既...招牌雲吞麵照叫喇,真係好細碗喎,一咬D麵,嘩,咁大個人真係宜家至知乜叫一咬即斷,彈牙又冇皂水味,好野~雲吞係細細粒,有蝦味,唔錯~係唔夠飽架喇,至多下場食糖水囉~

看過下列的喊面食評，不禁令人搖頭嘆息。如果追求平平地，大大碗夾食得飽的，千祈不要來這裡，可以去對面沾仔記，或過兩條街的權記，再行落少少有公公雲吞麵。來這裡吃，就要吃正宗又精緻的靚麵。當然就算吃，也真的要識分才知是好野。朝早有會同班官開，搞到兩點幾至食飯，奄悶左一朝，已經無咩胃口，來吃個蝦子撈就最適合。過了午飯時間，呢度仍然多人，始終香港地，都有唔少人係識食的。蝦子撈都仍舊「的骰」，一個麵餅多一點的份量。上面舖滿的蝦子，雖然不及劉森記的澎湃，但色澤橙黃有光澤，味道鹹香有致，是靚貨，仍然是高質數；麵彈牙，有點點的鹼水味，冷河過不清，有點敗興；麵底略乾，用上湯來潤一潤就正好。埋單38蚊，係貴，係食完唔飽，係細碟，但我覺得有這個水準的麵店，香港不太多。當然試過不喜歡的仍然可以吃沾仔記/權記/雲吞成/自由麵食/公公，但未試過的，應該試試。

傳統的雲吞麵就是這樣子的,昔日廣州雲吞麵的代表是池記,而麥奀記和麥文記的東主就是池記的後人,來港後各自發展,曾有一個時間,各自堅持淨虾和淨豬肉雲吞,因食家稱虾和豬肉的烹煮時間不同,前者只需很短而後者較長,要豬肉十足煮熟,虾便過熟.數十年前當池記,麥奀記還是大排檔時便已經光顧,閒談時的確與主持人討論過這些問題,不過多年後,似乎大家都變了淨虾雲吞而不見了淨豬肉雲吞了.而麵的份量少,是麥奀記的東主親自對我說的,是怕太大碗,吃到尾時麵會變淋,不好吃.所以雖然貴一點,份量又少,但是要吃最正宗的雲吞麵,就是這樣.

我對雲吞麵很有研究, 也很愛食雲吞麵。中環麥奀記我只食過一次，反而老尖同九龍塘（已執）果間食過幾次，佢係我食麵其中一間至愛。當人人都以為佢細細碗唔扺食，其實這是一個誤解。雲吞麵在傳統上傾向細碗，坊間的大大碗只是哇眾取寵的做法，其實是洽人唔識食的做法。因為雲吞麵的麵要彈牙才能叫上品，但因為麵很易淋，所以麵家一般都會滾七至十秒左右（視乎樓面多大），因為樓面大，麵會浸得愈久，亦因為麵易淋，所以傳統的雲吞麵都一定細細碗，以求人客可以盡可能在未淋前把麵送入口。至於雲吞細粒也是由於要做到一口一粒，大粒的話也只是哇眾取寵，太大粒的雲吞，一口只吃到肉，一口只食到蝦，分數口才能食畢，整粒雲吞不能一口食下，把所有肉蝦混合，這不是雲吞。太大粒一口只吃到肉，不如食肉餅，一口只食到蝦不如去食清炒蝦仁，無需把二者混合做出多此一舉的雲吞。我個人也認為真的極細碗，很不夠喉，食兩碗也不夠，但我不能否認，佢的雲吞麵真的有過人之處，比起坊間很多爛貨好得多。湯是用大地魚、蝦子煲的，味道清鮮而不俗；麵彈牙而反光；雲吞一口一粒，蝦肉比例很好，蝦增加清淡感，肉增加充實感，二者比例配合很好。

看見很多食評，都說這裏的雲吞麵又貴又細碗，雲吞又細粒；但唔知大家知唔知道，舊式的雲吞麵，就是細細粒，一口一粒；而我自已就好喜歡了，當然價錢又真係幾貴，值唔值就真係自已決定了。昨晚和辣椒女到中環上堂，因時間關係，我們便來了這裏食。我們叫了一碗雲吞麵、一碗雲吞水餃麵和芥蘭一碟。雲吞麵- 雲吞細細粒，好有懷舊的感覺，一口一粒，內裏的蝦也好新鮮，味道唔錯；麵好彈牙，沒有水味，辣椒女也好喜歡。雲吞水餃麵- 水餃味道也很好，值得一試，可惜細碗，唔多夠飽。芥蘭- 辣椒女唔喜歡蠔油，所以走油；這裏只有芥蘭一樣，沒有得選擇，來到一看就知好新鮮，沒有落太多農藥，所以葉片很多穿洞了；味道就幾好，如能加多一點其它的選擇就好了。就我自已來說，我就唔多喜歡太大粒的雲吞，所以都幾喜歡這裏細細粒的。

碗麵超細碗... 粒雲吞又細...你估你俾細路食咩?貴又唔抵....出名又有乜用...早知去對面食...叫碟油菜仲衰...$18仲淨係得芥蘭...果然高招...葉又少...如果識食的香港食家...一定唔會再去...