麥奀雲吞麵世家 (威靈頓街)

營業中

休息中

碗麵超細碗... 粒雲吞又細...你估你俾細路食咩?貴又唔抵....出名又有乜用...早知去對面食...叫碟油菜仲衰...$18仲淨係得芥蘭...果然高招...葉又少...如果識食的香港食家...一定唔會再去...

唔好對佢地既期望太高, 因為雲吞太細粒, 麵質都只係一般! 最搵笨既係: 碗麵太少了, 但要$25!!!! 咁既價錢, 你估你真係半島酒店咩?!

上星期六和男友到麥奀記lunch, 我要了牛根雲吞麵, 牛根雖入味但未算十分出色, 雲吞皮薄, 不錯!! 最令我深刻的是它的麵, 很爽很好吃, 男友要了牛腩雲吞麵, 他說牛腩也很腍. 但每碗麵真是少得可憐!!! 我們點的是雙拼, 每碗$30, 以其份量, 實在是太貴了試一次就可以了.....

雲吞無乜特別, 麵條幾爽口, 但真係一d 都唔特別.唯一勝過出面d 麵店0既係湯底, 味精無咁多, 所以食到唔會太口渴.唔係好明點解份量咁少, 都咁貴.出名還出名, 但好唔好食真係見人見智. 我就覺得佢超級唔抵食!Service 就幾好喇, staff 好有禮貌.睇0黎mainly 都係做遊客生意的

$25一細碗淨雲吞，雲吞只有蝦沒有豬肉，很不慣，不過都有雲吞應有的香味。湯幾好，不過喝得多就好口乾。

無蝦了雲吞撈，叫淨蝦子撈加淨雲吞。真係不大，仲可以話係細碗。不過幾滋味。雲吞細細粒，撈麵蝦子香。講唔出有咩好食，但毫無菱角先顯得佢好食。就係咁簡單。

太細碗，價錢貴，要讚的是湯底，夠鮮，下過功夫。但雲吞細粒，或許是傳統應該如此，而且沒有豬肉，但我真的不覺得特別好吃，也沒有口感。

成日聽人講呢度既雲吞好正，前個排就同屋企人去食，點知真係有點失望!首先，地方好細，環境唔太舒服。價錢方面睇完有點嚇傻，細碗既價錢差唔多等如出面普通茶餐廳既大碗!叫了個細既，真係好"細碗"，d湯好似salty左少少，食完亦有點口乾既感覺~雲吞既水準冇我想像中咁好，質素冇乜特別~整體黎講，佢俾我想像中既差~

一碗雲吞麵都廿三蚊講真係幾ok o既...不過真係就真左d囉=-="...d 粥都幾好食廿三蚊碗以上普通粥店咁大碗ok la ...

廿五蚊一碗雲吞麵，貴到死。重要係屋企果隻碗咁大。呃錢！雖然味道ok，但係好唔抵！！

去完王府食餃子, 即刻走過對面的麥奀食碗雲吞麵.以前光顧過一次麥奀, 印象很差, 雲吞麵唔好食, 招呼亦唔好......今日再去, 印象轉好了. 雲吞麵水準不俗, 而招呼也不過不失. $25 一碗亦唔算貴. 但要我選全港最好食的雲吞麵, 我會選池記(時代廣場對面).P.S. 今日見到一隻小強在店內漫步, 令人胃口大減.

雲吞爽麵彈.除左第一次食覺得"乜真係咁細碗"之外,已經一早習慣左碗麵既大細.每次去都一早預左"想食少少野",不為飽肚.平日去不嬲都係叫雲吞麵,伙記放低雲吞麵,食完雲吞麵就比錢走.今日有點特別,可能拎住野又成頭汗,伙記竟然遞盒紙巾比我抹汗,飲完杯茶仲即刻比多杯我叫我慢慢.所以今日服務會多分D.少食多滋味喜歡"便宜又大碗"既人奉勸唔好去,見完個價錢,再見到個碗既大細,唔會食得出麥奀出名既地方.

尋日吃了腍腍的把鬼黃枝記，有點心心不忿，今日誓要吃回正道，就唯有在連串的會議中找個空間去麥奀記。平時麥奀已不多人，下午茶時間，再加埋下晝場欄門雨，就更少人，得至少我一個人坐卡位都得。只叫一碗細蓉，見師傅淥雲吞、下麵餅、過冷河、再灼一灼、用熟油撈一撈、下湯，碗份量不大的雲吞麵就上檯，全程一氣呵成；麵在上，一半浸在湯中，雲吞在底，下面還放隻瓷匙，是正宗雲吞麵的格式；麵即淥，當然有咬勁又爽口，比起黃枝記那些自命馳名又腍腍的把鬼麵，完全比下去；雲吞是一口份量，個人覺得味道也不比任何地方差，不過若認為沾仔的兵乓波雲吞才好吃，也是無話可說；湯是不錯，大地魚加蝦頭當然還有味精。三兩啖就食完，好滿意，這才是雲吞麵啊！原來呢度的雲吞麵比黃枝記還貴一蚊，不過若以25 蚊一碗計算，黃枝記應該值8蚊，還比沾仔平2蚊！

好細碗,而且都幾貴....況且品質味道只是一般....雲吞同麵都還有微細的鹼水味...不值...

我同男友o係上個月試過呢間舖頭o既雲吞麵...我o地一致覺得間舖頭好過分...個麵勁細碗，又唔係特別好食>.< 總之，一句講哂：不外如是!!!