麥奀雲吞麵世家 (威靈頓街)

營業中

休息中

這不是飽肚腹而欲，而是口和心的享受！若說其不值者，人們明碼實價，甚是無理。而麵細，乃因若麵多，則未吃完，麵已被湯浸至變質。正宗雲吞，也是以「一口一粒」為原則。以上種種，非其闕失，而是為去蕪存菁之方法！

食唔到蓮香樓點心, 轉而過呢度食麵! 唔太多人, 我地仲坐到卡位, 反面對面沾仔記就有人排隊! 我地叫左雲吞麵, $25, 四粒細細粒, 麵都幾彈牙! 另叫左個蝦子撈麵, $38, 蝦子味香! 蠔油芥蘭, $18, 一般, 個人對蠔油麻麻! 三樣都細細, 我諗女士們會岩岩好! 隔離既一對男女要了碗雲吞, 牛根撈, 食完再黎兩碗雲吞麵, 唔怪得之唔多人排隊食啦, 打工仔要做野, 細細碗都唔飽啦, 食兩碗都成$50!

咁出名,當然要試下啦,不過都幾失望.叫了一碗水餃麵($28),第一個感覺:嘩!乜咁細碗架,真係好少麵及等3隻水餃,個湯底都幾鮮甜幾好味,但麵同水餃真係好普通,邊度都食到啦,收$28元實在離譜,試完就算,無下次.

Many people complained their size. I have to said that it is the right size of 雲吞麵. 雲吞麵is snack and should be consumed in 2-3 mouthful!! It is the tradition!! I think many of us are not construction site worker here. Don't show your ignorant on the net, there are a lot of people online ;)

見係老字號, 旅遊書又介紹,所以試叫了細蓉和水餃麵湯底係鮮甜,雲吞都好食,但好似有d貴 因為好少麵, 好細碗...食完好似冇食過野咁

20-12-2006今天到中環上課, 要找些快食, 在麥奀和王府之間太座選了前者, 六點半人客不多, 有卡位, 細蓉和凈水餃各一。湯底鮮甜, 最重要的是非常夠熱(滾熱), 吃完整碗麵湯底依然很熱, 讚! 雲吞的好味不多說啦。

應該是將麵放在上面,雲吞留在最後才吃,免得d麵浸淋!!!!

同對家平價麵店比,差不多一開二!雲吞size又調番轉,佢地標榜ge麵,雲吞,重有湯底?以麵來計,確實不俗,幼細彈牙,雲吞放在麵上,必須先吃掉,免得浸淋,至於芥蘭,其實無咩難度!做唔好?佢個廚房可以炒得!腩撈真係唔錯!不過,一講到湯底,老實講,你收我25個大洋,係報紙吹得咁勁,差不多代表我地香港雲吞麵咁,似乎好「失敗」!!!竟然有「師父」,仲係好勁下,真係唔好當我呢個香港仔係LuLu?因為我以前成日幫我老友開檔(大排檔),我知點去整個湯底,所以佢地應該好好檢討下!我無咩興趣buy個d所謂食家ge膳稿!

今天開始有三天假期，有機會行行街，購購物，順便去一些平時無時間幫襯的食肆，吃一些久違的小食(因為肚皮有限大，而想吃的東西又太多，所以專揀小食來吃。)首先去麥奀食麵。呢度D雲吞麵好「的骰」，仲要25蚊一碗，唔使三分鐘食晒。不過無計啦，淨係呢度D麵同埋湯，尤其是D湯，先至有細個時候食o既口感同味道，第二度無。童年時食o既雲吞麵全部都係咁o既味，而家周圍已經失傳，剩係得呢度碩果僅存。食其他D雲吞麵完全感受唔到食雲吞麵o既樂趣。莫講話D青年才俊讚口不絕o既乒乓波咁大o既雲吞，就算好多其他好出名o既，又係賣廿幾蚊碗o既麵，食落都係完全不是那一回事。無辦法啦，幾十歲人，無謂因為o個十元八塊虐待自己，一於貴就貴，食o左至算。

路過中區﹐忽然想吃雲吞撈麵。吃這些傳統麵食﹐還是信老字號較好﹐所以就選了麥奀。選了卡位坐下﹐先看餐牌﹐嘩﹐果然是中區﹐果然是老字號。不便宜呀。再左看右看﹐咦? 怎麼無雲吞撈麵的?問問店員﹐店員聳聳肩﹐說: 餐牌沒有就沒有。你可以叫淨雲吞加碟蠔油蝦籽麵呀。說得有道理。但計一計﹐哇! 二十五元淨雲吞加三十八元蠔油蝦籽撈麵﹐共銀六十三!!六十三元一個下午茶﹐當我是傻的麼。我原來果然是傻的。想吃就想吃﹐不想再花時間去第二間﹐亦不想妥協放棄撈麵要雲吞麵﹐便跟店員的建議吃一個六十三的下午茶。效率很高﹐不一會兒就湯﹑麵﹑雲吞送到﹐當然先拍個照吧﹐否則感覺上更不值。先把蝦子麵和蠔油撈勻﹐吃一口﹐麵爽口蝦子味足但不夠香﹐一般吧。雲吞是細隻一口一隻的類型﹐賣相對辦﹐吃下去也幾好味﹐蝦肉新鮮彈牙﹐但同樣地﹐不夠香﹐跟大光燈比較﹐是欠了大地魚香的勁頭﹐略有不如。至於那個湯嘛﹐只用作濕口地喝了兩口便停﹐畢竟我不是為頂味精癮而來。吃罷﹐是滿足的﹐但並非味覺上的滿足﹔是成全了腹欲之後的那種滿足。六十三元吃下午茶﹐的確是貴﹐但又不是付不起﹐偶而為之﹐沒有問題。只知道﹐能吃到自己想吃的﹐已是福氣﹐夫復何求?只是下次想吃

中環老字號雲吞麵麥奀,有兩樣出名,一.麵如其名,份量奀得一兩口.二.價錢貴,份量奀的雲吞麵,盛惠$25大洋.難怪之前很多食家在食評,恨批價錢貴.份量又少.年前曾到過奧海城food court的麥奀,真係唔掂,鹼水味重到臭,記憶猶新.導致影響埋對中環老店的印像,已經有多年過門不入.在IFC上班的朋友又要OT,百聊無賴,點都要找個地方坐坐吧,諗起要吃些東西打底,見到麥奀依舊燈火香盛,入去整碗比眾"老饗"捧得天上有,地下無的雲吞麵吧.見到檯下的玻璃,有一份剪報,來自美國著名廚師兼食家-Anthony Bourdain的香港快餐遊歷.此名廚對我的印像,就係經常有意無意,在吹噓其Hometown紐約.同埋愛吃熱狗,和捧紐約洋基隊的球迷.其Cook tour節目,之前可在Discovery Channel看到.麥奀也得到此名廚歡心,可見此老字號的江湖地位.闊別多年的雲吞麵,份量細,雲吞細粒,麵身幼細,比其他店更幼.麵質很爽很彈牙,鹼水味都有,不過都唔大重.雲吞係全蝦,原粒蝦仁令到雲吞更彈牙.只係全蝦雲吞,並非小弟吃雲吞麵的信條.濃而咸香的湯底,師傅略重手少少.三口份量吃光,拿拿臨埋單,再致電正在O

我今日中午同老婆去食，叫左：雲吞麺 ＄25- 麺好食彈牙，雲吞和湯好味。靜水餃＄28- 鮮蝦，其他料唔錯。牛腩撈＄38- 麺少得可憐（差不多是一碗湯麺）- 牛腩得過四件，唔入味，菜都無條。以后唔再幫儭，唔値！！佐頓麥文記：雲吞麺 ＄20，靜水餃＄20，牛腩撈（大碟好味足料）＄30price performance 好得多！！

久聞這裡的雲呑麵出名, 終於找到個好機會來試試.來的時間是四時許, 店裡少人得很. 我就是特地選個不會多人的時間來.本來想叫個招牌雲呑麵, 但在餐單上見到有牛筋, 受不住引誘便叫了個雲呑牛筋麵.份量是少, 但十分適合我那怕肥又相信少吃多滋味的性格. 牛筋很淋, 又有點"痴"口的口感, 十分好吃! 雲呑細了點, 但味道也很好. 皮不厚也有著蝦味. 最要讚的是那個麵, 好吃得很! 彈牙得來麵味又香. 我不是個喜歡吃麵的人, 但我一定會再來吃這裡的麵. 唯一可惜的是我要了牛筋伴我的麵. 混了腩汁令我嘗不清湯底的味道. 不過混了腩汁的湯也不太"傑"不太油膩. 下次再到這店定會試個清清的雲呑麵.

Had a craving for wonton the other day so headed straight towards Mak's. Yes- the portion is small. Yes- it's $25. Yes- i wasn't even half full after finishing the bowl. BUT the fragrance of the soup is so enticing.... I felt so satisfied. Nonetheless I agree that the shrimp isn't all that fresh and the wonton itself has shrunk in size!!! maybe ordering 2 bowls would help preventing us from making any complains...Also, staffs are rude. I guess this is truly Canton.

同朋友們特意前來品嚐雲吞，細或價錢都不是問題，最大問題雲吞是沒有蝦味的，加上一點都不香。個皮唔滑，食下去硬硬的，一點都不吸引。最好是個湯，非常香和有蝦味，不過好像本末倒置，令人覺得不值。尖咀的某出名雲吞都是細細碗的，但就色、香、味俱全。下一次不會過海再來了，一次起、兩次止好了，畢竟它不好吃和不便宜。