麗姐廚房

營業中

休息中

今日過了灣仔做嘢， 唔熟地頭唔知有咩食所以搵地胆友人推介。。 佢竟然話食齋， 咩料呀， 不過佢係地頭蟲一於聽佢介紹啦。佢帶咗我去呢間「麗姐廚房」。 午市係50蚊一位，可以揀三樣餸，而午市只有六款餸，所以我哋兩個人啱啱叫曬所有嘅款式。白飯任裝，湯又係任飲。所以一定食得飽！餸方面有齋雞髀，其實豆腐皮做嘅！炸都好鬆脆！羅漢齋好入味！青菜好新鮮。另外茄子亦有大自然的味道。仲有好味道酸齋。最後有一味好似蒸蛋又好似蒸豆腐，我諗係豆腐扮蒸蛋。不過好好味。送飯一流哩餐又經濟又好味又健康 ，整體感覺非常好！

今日經過灣仔，所以去了位於豪富商業大廈的麗鉏廚房。這一間素食的舖內面積挺大的，午餐份量很多，雖然味道一般，但價錢合理，所以媽媽很喜歡來這一間素食店吃午餐。而今晚，則要買外賣回家和媽媽吃晚飯。單點了一份咸魚雞粒炒飯(有蛋) ($88)和一份客家土豆絲 ($68)。之前都吃過咸魚雞粒炒飯，味道誇張地咸，舌頭都快要損的感覺!!!所以今次特意要求走鹽! 由於咸魚已經相當咸，足以為整個炒飯的咸味的來源，走了鹽後炒飯，味道變得更為正常，炒飯是一粒粒的，夠乾身，而配料都很足夠。客家土豆絲的味道很特別，由於有黑胡椒，所以帶有一點辣，土豆絲甜甜酸酸，很開胃，值得一試!😋😋😋

同友人食 lunch, 天氣開始涼涼地，想食D熱野，又想靜靜地坐得舒舒服服咁傾計，麗姐廚房是不錯既選擇，。呢度係食素菜，所以每逢初一，十五，呢度就好多人。三個餸，糙米飯及湯任食。盛惠$50。大家樂碟頭飯加杯野飲都要咁既價錢啦！呢度係自助形式，先去counter 買飛，講出想要既三個餸，然後去吧台攞。每日有六個餸揀，#1係例牌羅漢齋，#6係例牌炒時蔬。其餘4個就好多樣化，煎炒煮炸都有機會。有炸物我一定揀，今日係咖喱角，都幾 okay。而家南瓜當造，好甜喔！個湯通常有粟米同花生煲，齋湯都好好味架。

經常大魚大肉，間中會吃吃素清腸胃。晚上首次來到灣仔麗姐廚房，這裡主要做傳統素菜，不似坊間愈趨繽紛多元化的創新素食。店舖地方偌大，椅子比較殘舊，燈光昏暗，坐得不大舒服。看看餐牌，過了午餐時段，普通一個小菜都要動輒八十元以上，心裡一涼，怎麼素菜都這麼貴啊！點了一客露筍百合炒淮山 $98此價錢不包括白飯呢😓另外茶位另計，真令人摸不著頭腦。雖然味道不錯，蔬菜鮮甜，但這個價錢可以有更多飽肚且不失健康的選擇吧！

每次想食素食時，必定會去呢間餐廳😍😍好高質素， 50蚊一個餐，三餸一湯，配紅米飯，又健康又抵食👍👍值得推介炸素魚腐😍 香脆金黃，好好食湯每次都會唔同款式😍 今日係牛蒡湯，好清甜，好好飲，其他餸都好味同埋每次去呢間餐廳食時，店員效率都好高， 由排隊買飛，到自助拎餸，只需要幾分鐘嘅時間，好方便👍👍 絕對係一間平靚正既抵食餐廳

係灣仔準備搭地鐵返屋企嘅時候，忽然諗起兩年前去過嘅麗姐廚房，就走左去買個外賣返屋企做晚餐。餐廳大門外有掛畫，還有一幅是寫有心經。我叫左個羅漢齋炒麵，返到屋企打開，店員把羅漢齋和炒麵分開放，咁就唔會令炒麵咁易淋哂，炒麵好亁身，一啲都唔油，而且非常香脆，羅漢齋內有雲耳、粟米芯、芽菜、菜心、紅蘿蔔、白果、蓮子、菇等等，非常豐富

決定每星期都要有一日全日食素，所以今晚就去咗麗姐廚房度試吓，我哋兩個人叫咗三個餸，第一個係牛油果吞拿魚壽司,第二樣係魚香茄子煲,第三樣係牛油果松露炒飯。個牛油果吞拿魚壽司份量好大，入面夾左好多牛油果加埋入邊有啲脆脆同青瓜感覺非常清新而且好開胃，非常適合夏天食第二個魚香茄子煲真係唔講都唔知佢係素食煮得非常嘢味，個味亦都同平時嘅好相似。最後個牛油果松露炒飯，個松露味非常香而且啲飯一啲都唔油，炒得非常好啲飯粒粒分明。

今日小編跟住3個猛男同事去食LUNCH，講都唔信，堂堂大男人竟然話去食齋WOR？通常D男人成日嫌食齋唔夠飽架嘛，甘我當然樂於奉陪啦！我地一行四個人12：30之前就到達餐廳啦，都唔係好多人，可能今日唔係初一十五啦，原來佢地既午飯MENU好簡單，通常有6款餸比你揀，今日既CHOICE系椰汁芋頭，羅漢齋，咖哩角，翠瓜雲耳，豆角蒸蛋，時菜，6選3，白飯例湯任裝，都只係50元渣！勁抵食！唔怪得之D猛男都去食啦原來白飯任裝係幾吸引既。至於味道呢，其實不過不失啦，好好味就唔算，

lunch來到灣仔搵食, 時間不太多, 揀左呢間近地鐵站, 而且食物煮好晒, 唔駛等, 更好的是, 呢度飯堂形式, 一個人都唔會好怪, 先買票, 後拎飯餸, 一個人搵位都唔難!$50/ 6個餸揀3個餸, 包飯同湯, 喜歡它飯預設份量比較少, 有需要再自己添, 咁就唔會浪費, 湯亦可自行添加, 不過唔可以畢湯料。 叫左南乳齋, 翠瓜雲耳, 菜心苗餸的份量好足, 實在好需要少飯, 飯夾雜紅米, 較健康, 今天湯是蓮藕湯, 無肉飯的關係, 無咁濃, 但有清清的甜味。菜心苗眼見大部分人都點, 果然不錯, 菜的甜味自然, 唔需要加好多調味已足夠。翠瓜雲耳不過不失, 南乳齋個味較得岩岩好, 有輕輕南乳香, 亦好入味, 惹味, 拌飯食一流, 相信係招牌菜。飲左兩碗湯, 飽得很, 價錢合理, 健康飲食, 調味不過份, 好過食茶餐廳好多, 相信會再來!

交通：港鐵灣仔站A5出口，「悅香飯店」樓上 付款方式: 現金 (午市免收茶芥及免加一)評語：午市素食套餐以自助形式進行，包括落單付款、領菜、飲用水、餐具以及收拾杯盤 「麗姐廚房」位於灣仔港鐵站附近一座商住大廈的二樓，大廈地下正是以招牌悅香雞聞名的「悅香飯店」。聽說麗姐以前在企業「樂農」負責過烹調齋菜(亦有人說麗姐曾於船街主理華夏素食館，暫時未能求證)，後來決定自立門戶經營素食店。所以麗姐廚房的運作模式和樂農大同小異，都是自助排隊取餐。其後更在屯門區開設分店，可惜現已結業，無緣光顧。 麗姐廚房現在樓上作舖，招牌比較小，不過餐廳佔據整個樓層，面積大且座位較多，座位闊落，一點也不拘束。飯堂格局，裝修簡潔，環境優雅乾淨。開放式廚房，令整間店的視覺空間變大，可以看到部份製作過程。麗姐廚員工總是笑臉相迎，親切的態度，不是每家素食餐廳都有。我本來打算品嚐麗姐廚房的下午茶自助餐，但由於反應不如理想而停辦，實在可惜。我唯有改為試這裡的午市套餐，包括六款菜式給客人選擇三款，而且老火湯及紅米飯是任添的，每位HK$50及免收茶芥及免加一 (晚市可以叫餸食飯，茶位12元)。午市每位最低消費50元，晚市80元

今日一行三人去食lunch, 添左一碗飯，食食下有啲硬物，lur 出黎一睇竟然係玻璃碎，即時同執枱個男職員講，提示一下佢個大飯煲可能有玻璃，佢一睇我枱面粒玻璃，就話應該唔係玻璃，仲轉身就走左。 好心提示下你，好似當我係自己放粒玻璃呃飯食呃錢咁，即時閃人返去搵食環投訴。一間店舖，有啲咁嘅黑面神服務，就算好平好好食都唔會有得做，何況唔係囉😡😡😡

經過旅行日日大魚大肉既洗禮後，我終於良心發現想食返清少少。 畢業後幾年都冇食過雙/三拼飯，難得突破到心理關口，我第一時間諗起既係區內聞名既三餸素食--麗姐廚房。以往係學校canteen多數都係九宮格 完實物先落單，呢度可能熟客為主，個個即時係門口收銀六選三、揀好餸再買飛拎飯。南乳齋、蕃茄肉片、菜心苗飯 ($50) 配老黃瓜湯首先我好驚訝於菜式近乎滿瀉既份量，三格弧形既器皿睇落容量唔大，但裝滿之後每個餸都足一大碗，十分足料。南乳齋既南乳味好香濃，調味雖然強調係冇味精，但同街外食開既餸一樣咁惹味，恰到好處，唔會過咸或口渴。 爽口既木耳、冬菇同軟腍既腐竹、蘿蔔等掛上濃郁既南乳汁，幾舊就夠餸半碗飯，打破左我對齋=清淡既誤解，難怪成為每日常備餸菜之一。仔細打量蕃茄肉片後，我真心問左朋友一句：「你話係咪真肉黎架呢下？」。 肉片既像真程度係連我夾起近睇都分唔到，咀嚼下食到係硬身腐皮之類既豆類製品，質感有幾分似豬肉片。 平日我對酸齋個種人工假齋好反感，但呢款色香味同口感都容易接受，感覺算健康。大塊蕃茄煮得岩岩好，軟滑得黎保持彈性，蕃茄皮透薄柔軟，仲有少少滑嘟嘟既籽肉添。 整體味道溫和，以食材原味為主。

去完會展好攰又肚餓，同屋企人決定你灣仔食埋先返屋企🤪聽聞麗姐廚房ok, 所以就去食下🤤🤤🤤大家估唔估到係咩？😆呢個叫牛油果吞拿魚壽司🍣裡面有d牛油果🥑同埋d脆脆，口感好得意😎仲有d青瓜🤤都ok既！呢個係金菇肥牛呀！個汁煮得幾好味，如果唔炸過就好喇！呢個竹笙湯羹，味道就一般，唔係唔好食既，係好足料，無特別的感覺🤨🤨🤨仲叫左個清炒菜！最中意既係呢個菜，選擇左蕃薯葉，炒得好好味，好香，好爽口的菜！總括黎講就都ok 😁

又有馬國朋友到港，這次這位貴賓是吃素的，太好了，我可以名正言順壓抑一下口腹次慾，接近一下的理想的生活方式。素菜不一家等如健康，很多傳統齋菜館的餸菜都油得要名或很多油炸的東西，麗經勝在真心少油。前菜花生傳統香脆，只是鹽強了點。雲耳青瓜差了一點清爽和味道。但這樣的鐵觀音好喝。店家推介菜色之一越南春卷，清新開胃，味道主要來看那酸汁，蔬菜的甜味不足，食材的組合及口感層次可更豐富。餃子很好，皮薄，湯頭也很清，一滴油都沒有，附有大量鮮嫩青菜。開頭怕梅菜會過鹹，但完全沒有這問題，反而取其軟軟的口感，與一般葷餃子食感相近。芝士素鵝，加了巴馬臣芝士在素鵝上焗。不難食，但個人還是比較喜歡傳統的素鵝。一大pat沙律醬加茄醬，像吃漢堡包內的醬汁，味道還算合理，但看到那海量的美乃滋，真的胃口大減。這個我喜歡，因喜歡黑醋酸酸甜甜的味道。很有鑊氣，出色。皮做得不錯，鬆軟輕盈，班蘭香四溢。餡料蓮蓉味比班蘭味濃。

新年日日大魚大肉，係時候清下腸胃，約左朋友灣仔食飯，一於去食素！坐底會有前菜，青瓜同木耳都好爽脆，夠入味。Menu好多選擇，前菜，小食，湯，小菜，甜品，樣樣齊。我地得兩個人，所以叫左四樣野。燉湯好足料，有雜菇同腰果，仲有幾塊紅蘿蔔，不過唔係好夠熱。呢個流沙餃唔少人推介，所以我地都叫左個試下。其實係番茄薯仔蛋餃子，冇咩流沙效果，湯底冇咩味。但58蚊八隻幾抵食。芝麻燒汁蝦，呢個最好食。素蝦食落去質感同真蝦好似，燒汁雖然傑左d，但味道唔錯，仲俾左好多西蘭花。呢個做得麻麻，好油，我食左兩件已經食唔到。。同埋包好多薑蓉，我唔食得辣，所以唔係好岩食。。我地揀左菊花茶，12蚊位，好飲。