麗姐廚房

營業中

休息中

在商業區，要揾一間又抵食又可以食得清清地的地方真係唔容易。前一排反覆地病，要迫自己戒口，所以揾咗呢間素食餐廳試一試。呢度中午的飯餐係 $48 6 選 3 個餸，配搭一個指定的湯和一碗飯。雖然湯的味道淡到好似水咁，但都會有少少湯渣食吓，而 d 湯渣都仲有少少味道的。在餸菜方面，如果選一些看來唔太花巧的款式，其實味道是合乎預期的，但如果是試新款式的話，例如是仿肉的菜式，有時可以幾好食，但有時會感覺怪怪，口感跟肉類不太相似，但都不會難食。可能每個餸菜的份量看來比較少，但最貼心的一定是湯飯任加，所以食完之後係可以飽飽的行出門口，而且又可以食得健康，所以而家每次中午自己去食飯的話都會來呢度~

🤠感恩智耀法師是今次聚餐的緣起！👍總來說，法師喜歡麗姐廚房的環境優雅舒服，食物有中餐和西餐選擇。今次我們點了西式，賞一下西餐素食的樂趣！🤡今晚要了一個焗千層香草肉碎茄子，一個用意大利飯（risotto)做的餐名字卻忘了和一客素炸魚柳（特別order）。味道和賣相當然有5星級酒店水準！吃飽還可以喝茶聊天不趕客，服務態度一流👍！😤要澄清：最近政府要求刪走外掛式招牌，一下子有人誤傳麗姐榮休唔do! 麗姐年年攞最佳食肆獎項有咩理由唔do! 係咪

今晚約了幾個朋友聚餐，最後去了灣仔麗姐廚房。（屯門柏麗廣場開多一間麗姐素食館）。我們一行6人點了西餐越叫菜越興奮樣樣都想食，價錢又不貴！一於食得盡興！炸蘑菇一咬落滲出白蘑菇鮮味！👍👍👍燒汁釀茄子一大條肥嘟嘟好抵食，燒汁好食到叫個白飯撈！Pizza餅底做得薄而脆是我的口味，是師傅親自手工做的一點都不馬虎。不像pizza xxx的餅底是大陸做的。芝士加黑橄欖是絕配新鮮出爐香噴噴！👍👍👍最後加個心心相印甜品和鮮磨合桃糊，正所謂辛苦一天吃一頓素非常滿足！😍😍😍大家食得好高興,下次一定再去幫襯！素食萬歳！✌️️✌️️✌️️

80後搬咗去灣仔，同事仔成日帶80後周圍揾正地方食lunch，今日同事仔帶我到麗姐試下佢哋嘅素lunch。佢哋嘅位置係大廈2／F， lunch time 嘅提供三餸素菜$48，湯飯任裝，價錢都ok。菜心苗真心正！湯係好清，飯係有小小紅飯，健康啲啲！

每當中午放飯想係灣仔搵間餐廳食素，第一時間都會諗起麗姐。雖然位於二樓，但一到午市例必坐無虛席，無他，呢度午市套餐好平民化，三餸一湯，白飯(p.s.紅米飯)任裝都只係$48，灣仔區黎講，算抵！同出面大X樂做法一樣，呢度買完餐要去自助排隊取餐。午市套餐六餸選三，今日見有D口淡，揀左較濃味既「酥炸雞腿」、「素茄子」同「西芹炒百合」。「酥炸雞腿」睇落似雞脾外形，其實係素千層夾住支雪糕棒，咬落外脆內軟，幾得意。「素茄子」就冇乜特別，食落唔算油膩膩，清淡之選。「西芹炒百合」既百合煮得爽甜，西芹咬落亦爽甜，唔會煮到太腍腍。唔知點解，每次黎食感覺菜既份量都比其餘兩個餸多。順帶一提，呢度齋菜標榜「少鹽、少糖、少油」，幾好。

food is bad Wait for so long but the food is not goodvery bad taste are bad basically wait for a long time but got very bad food and the waiters are rude

睇完电視節目介紹這間素食店，滿心歡喜同朋友慶祝生日，点知服務質素麻麻，食物一般成晚找個待應都難。薑蓉蒸腐皮要蒸40分鐘，要這麼久嗎芝麻糊，不是生磨的，不值48蚊流汁蛋餃子，原來是茄汁包餃子胡椒xx鍋一般燒素义燒一般羅漢齋炒麪

踏進六月，是自己定下要盡量吃得少、吃得清的目標月份，何解突然萌生此念？簡單來說是為了健康，眼見自己的腩肉腩脂日漸增長，腸胃有時不太順暢，我想是時候給自己排毒了！記得小時候曾看過老爸 (當時仍是嫩爸) 多張的處世格言，例如勤奮好學、待人如己、三思而後行、心平氣和等等，但時至今日，試問自己又能吸收多少，凡夫俗子當然仍有好些心浮氣燥、態度惡劣的時候，幸慶朋友和至親的包容，不過確實有著時刻自省的必要！想不到抱著控制飲食而第一次到訪「麗姐廚房」，卻為我帶來深刻的體會！這裡沒有豪華的裝修，可見的空間排放了兩排座位，陳設簡單，但整潔，窗邊放置了打理得不錯的小盆栽，栽種植物是一種養心及養生的怡情愛好，從此可見店主是一位細心、有耐性的人！侍應先送來餐前小食。酸菜爽口，令人胃納大開！一品燉湯 HK$38我十分喜愛湯品，曾嚐過不少美味的素湯，在家經常試著弄，但總也做不出餐廳或寺廟的理想效果。一品燉湯色澤深濃，主要湯料為冬菇、猴頭菇、蟲草花、三角豆和紅腰豆！經老火燉製後，湯韻清甜純和，即時感到一份舒暢，絕對是物有所值之選！薑茸蒸鮮竹 HK$78賣相不算得漂亮，不過我卻欣賞其構思。將鮮腐竹捲起，頂部放上薑茸來蒸

係灣仔lunch要揾個位食飯閒閒地都等20mins, 朋友話麗姐唔使等，所以就黎試下。因爲佢地方幾大，又真係唔使等喎！三餸素菜$48，湯飯任裝，係灣仔都算係咁。因爲喉嚨唔係好舒服，叫左南乳齋，菜心苗同埋翠肉瓜素肉。菜心苗好新鮮南乳齋有雲耳豆卜蘿白個d, 者得好入味！翠肉瓜平時我麻麻，但呢度煮得好淋，素肉都好特別，好似真肉。湯好清甜，第一次發現原來無用肉淆既湯都可以咁清甜。飯係糙米飯，食完覺得人都健康d

麗姐既午市套餐最抵食，小菜六選三，揀左薑蓉千層、蕃茄牛肉、羅漢齋。薑蓉千層，淡淡既芡汁無薑蓉味。蕃茄牛肉，味道濃郁好多，有啲似茄膏味，仿牛肉煙韌有口感。羅漢齋係食素菜既例牌，典型既味道。糙米飯可以任加，佢一開始只會畀好少既份量，免得浪費。飯身偏軟。紅蘿蔔粟米湯都係可以任加既，清清地，幾健康。

Went here to celebrate a friends birthday.The memorable dishes that night were the rolls which were loaded with vegetables and they were triangular shaped .The vegetarian intestines looked realistic but they were beancurd skin with a chew.It would probably taste good with bbq sauce.

今次主動提議幫F小姐搞生日飯，她只要求要輕巧，我想不如食素吧，第一時間便想起灣仔「麗姐廚房」，估不到一呼百應，原來朋友們想起食素，麗姐都是首選。麗姐廚房有提供私房菜，不過，因為我的朋友們都比較忙，好難確實人數，所以，還是炒小菜比較划算。閒日晚上來訪，食客不算多，但穩陣起見，還是預早訂了枱。朋友當中，有不少嗜杯中物，但因麗姐賣素食，所以不供應酒類飲品，也不許自攜酒品，於是，我們這晚便乖乖地吃個零酒精素菜宴。素菜不一定清淡，麗姐亦有很多煎炸食物，口味其實不輕的。餐牌上寫的什麼羊腩、叉燒、咕嚕肉、呑拿魚等，全都是素菜，不必懷疑，並非掛羊頭賣狗肉。而仿肉所用的材料，估計以豆、豆腐和菇類居多，只是用不同的烹煮方法，變化成多種菜色。如果像我們般喜歡煎炸食物的，可以點酥炸大腸、香煎蓮藕餅、芋頭魚、五柳魚、糖醋咕嚕肉、燒汁油錐煲、枝竹香芋煲等，尤其炸大腸，香脆而質感有點煙韌，仲好過真的豬腸。較清淡的選擇有牛油果吞拿魚卷物（用蘿蔔和青瓜代替肉），黑松露牛油果炒飯也很清香而富果味，亦不會太油膩。「一品燉湯」用上多種菇類，包括猴頭菇，還有蟲草花、栗子及腰果等，十分鮮甜又滋補。作為素菜，麗姐確實並不清淡，但醬

冬至，大家仍要上班，只有極少數同事可以提早下班。如是者，有同事提議一起飯聚，慶祝冬至。同事大部份均為食肉獸，竟有人獨排眾議，選了這裡作為午飯地點。其中一個原因，這是極少數接受午市訂座的素菜館。同事傳來一份完整菜單以供挑選心水菜式。看了一下，基本上平均取價七十多元，最貴的也只是一百廿多元，款式由中西式冷盤、湯羮、小菜、烤焗菜式、粥粉麵飯、煲仔、甜品，一應俱全。確認訂座後，要即時決定菜式，如不預先決定，基本上是不可能臨時「加餸」的。為免遇上樓上食友因遲到被「責怪」的遭遇，安排部份同事提早到場。怎知到場才發現，昨天下單的資料，疑似不見了，還好店家願意即時下單，不然可慘了。侍應的態度真的很一般，還有不斷意圖或企圖在未吃完食物時收碟，原因不明。由於有上司在場，不便拚命拍照，所以根據手頭菜單資料，紀錄一下今天所吃的：流沙餃($58 8件)及雙併餃($68 8件)：流沙餃據說是這裡的名物，不過呢，吃不到流沙的效果，但蕃茄、薯仔和蛋花的配搭很清新，湯頭清甜，梅菜餃我沒吃，不評論。黑醋咕嚕 ($88)：份量不算大，黑醋味道醒胃，但我不喜素咕嚕的質感。蕃茄炒蛋 ($68)：不過不失，但炒蛋的份量不多。金菇

今年生日一班 Blogger 朋友為小妹慶生, 絕對係受寵若驚。其實我份人平時好低調, 亦都唔想朋友太破費,所以選擇了來個素食慶生聚 。由於素食地方乃清靜之門, 師主們講自重勿攜酒。就算無酒其實我地都可以自得其樂, 有時心境要自己去調節的。小妹都做左幾十年人, 對於調節心境早已熟練。小妹茹素的機會不太多, 對上一次可能講緊三, 五, 七年前。所以都唔無乜心水食菜式, 所以交由朋友發辨。這裡既出品是家庭式, 沒有精雕細琢菜式 但唔緊要, 總之大家食到無停口就最高興 。 就介紹幾款印象深小小既菜式。比一般日式較大的「素壽司」, 以青瓜絲, 豆干, 牛油果等卷埋一大件 雖然有啲求其, 不過配埋好脆口既紫菜就好妹味 。我記得兒時同家人吃素時一定會點「五柳鮮班」可能是情義結或許是念舊吧, 所以大個女就算和朋友茹素也必點, 今晚亦不例外一般做法以芋頭蓉做出魚形狀炸香, 以酸甜汁餵之香脆就必然, 我最愛酸甜汁令人好開胃, 而且份量很有壓埸感。像真度十足則有「炸大腸」「炸脆蟮」前者麵根, 後者鮮菇。飽肚之選有「黑松露牛油果炒飯」香味撲鼻, 飯粒干身加入有大量雜菜粒和牛油果,又好味又健康。最後感謝朋友送

因為公司喺灣仔，好多素食餐館都無得訂位，咁啱呢間有，所以今年的生日午餐就訂咗麗姐㕑房。之前無去過，不過見食評都唔錯，我哋對環境唔係太高要求，所以試吓。訂位時要order定嘢食，幫手訂位的女士好好人，我心諗：素食館啲人真係友善㗎啫。嗯！人類真係好天真。Book一點正，一點鐘去到樓下，等𨋢期間就收到call：「係咪嚟緊，我哋要交張枱畀人。」ok ok，𨋢都唔等，慌張嘅大家即刻飛虎隊上身：跑樓梯！都係二樓啫。奈何我哋並唔能夠突破人類極限，上到去，頂！遲咗一分鐘，侍應再面黑黑同我講多次：「你哋遲到我要畀張枱人㗎勒！」真係當頭棒喝，我覺得自己真係死不足惜。雖然講咗好多次唔好意思對唔住，但係若然有刀仔喺手，我真係會當場切腹謝罪。搞到佢咁唔開心，真係好想喺生日時封返封利是畀佢；不過無利是封喺手咋。睇見牆上掛嘅佛偈，如果俾我加多一幅的話，我會喺「莫生氣」隔籬加「咪遲到」。我決定下次，如果仲有下次，不過多數都唔會有下次，我會book遲十分鐘；因為我真係希望令食素嘅大家開心，千祈唔好好似食咗成隻牛咁嬲豬。懷住內疚、悔恨嘅心情，到底我仲有冇資格食呢？我好疑惑，不過飯菜經已預備好，而呢張咁稀有咁珍貴咁不得之了