鳥棲日本料理 (已結業)

日本餐，大家都經常食，但原來係觀塘的工廠大廈，一樣是臥虎藏龍，有著好好食的日本店。今日無意中發現了這間日本料理，叫了明太子芝士蛋卷，壽喜燒，醬燒茄子，原條饅魚飯。明太子芝士蛋卷熱辣辣的蛋卷包著帶有咸香的明太子。玉子好滑，好香，而在明太子之前，還包了一層芝士，為味覺再帶來多一層的感受 • 芝士裡面再是明太子，相當不錯。壽喜牛肉鍋壽喜牛肉鍋熱辣辣，配個牛肉，豆腐，炒絲，菜等食材，其實大家都好喜歡。特別係湯底，今次的湯底令人愛上，而同時店員提供芝麻醬，沾牛肉食，實在人人都愛。食材新鮮又美味。原條饅魚炒飯。饅魚大條，厚身，而且味濃。真係原條上。而飯並不是普通白飯，而是加入了饅魚汁，炒香的飯，又有相當的配料，更配合饅魚味道。當一口饅魚，一口饅一齊食，實在是好味道。醬燒茄子燒茄子，醬汁確是好食，加上蔥花等。令簡單蔬菜多了一層的味道，而且該醬汁，真是令人食不停口，飲品是一杯巨峰富士山， 想不到這麼精緻，上面有雪糕，裡面放了個會變色的裝飾，好有趣。 而且巨峰味濃，配食物一流。

宜家都是大部分時間都是home office ,難得咁啱同公司同事一齊返工，一齊收工係公司附近食晚餐傾下計，一直都知道駱駝漆大廈都好多野食，搵到一間日本野 好似不錯，決定訂位食，入到去侍應安排位置給我地，環境不錯，好舒服，睇到佢餐牌 選擇都好多，有啲似日本居酒屋感覺，小食，炸物，飯類... 芝士明太子蛋卷 $ 42 熱辣辣食，好香蛋味，明太子唔會好咸 一口煎餃子 $52 外脆內軟，好香口。 原條鰻魚炒飯 $128 整條鰻魚上，好正，再加炒飯 好好味。軟殼蟹天婦羅 $72 食落去好脆口。藍桔富士山 $35 波子汽水 加 雲喱雪糕 好好飲，仲要影相出黎好靚。

鳥棲日本料理 (觀塘).位於觀塘工廈，係屬於多人去嘅駱駝漆大廈三期!.⚜️牛油果🥑蟹籽沙律🥗⚜️.見到牛油果🥑即刻心心眼要食(⁎⁍̴̛ᴗ⁍̴̛⁎) 大大盤好開胃，好耐無食過蟹籽沙律，青瓜絲新鮮清爽！.⚜️牛肉稻庭烏冬⚜️.牛肉好惗好香，大大碗，而且份量都唔小！.⚜️牛肉他他燒⚜️.生牛肉片再配以酸汁吃，味道即是食生牛肉刺身咁，幾特別而且價格也不貴才$88！.⚜️串燒 雞軟骨，雞腎⚜️.(˶‾᷄ ⁻̫ ‾᷅˵)呢到都幾多串燒食，叫左兩串平日食開嘅試下，味道都唔錯！⚜️南瓜雪葩⚜️.呢個好驚喜！ 佢應該係原個南瓜🎃入面挖空再整雪葩入去，好香好滑好creamy!! 因為我男朋友係不吃南瓜，所以我自己食曬成個雪糕好好食☺️ 南瓜味出面又少有！環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️.📌 鳥棲日本料理 (觀塘)觀塘開源道60號駱駝漆大廈3座5樓S舖.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#hkfoodbl

很少寫食評但餐廳很sweet每檯也有獨立的酒精搓手液然後是openrice book 檯有discount雖然在結帳時漏掉了而我們在結帳時也忘記了提醒但店長也很sweet 在事後退回給我們食物款式吸引 會再光顧這餐廳

今天在觀塘工作，放工後已經很肚餓，於是和同事一起找東西吃。同事說這邊有一間很不錯的日本菜，在工廠大廈裏，於是我們來試一試。上到5樓，走到一旁，就看到這一家門面行漂亮的日本料理。招牌很綠化很有藝術風格。裏面環境也不錯，可能因為是工廠大廈地方比較大，座位也很寬鬆，燈光也有氣氛。現在是抗日時期，職員也很細心地預備了洗手液，每一張桌子也有。我們先點了一個前菜沙律，三文魚是高檔的，更喜歡的是他的沙律醬調味很不錯，酸酸甜甜的，菜和蕃茄的味道也很新鮮。每次到日本店我也很想點炸雞來吃，因為炸雞其實很巧師傅的水準，若果沒有心思會炸得等乾。這家餐廳的爛漫炸雞就剛剛好，外面香脆，一口咬下去是肉汁有滲出來，加上蘿蔔炸雞醬味道一流另外還有這個牛肩胛燒肉，爐火不會很大，慢慢吃慢慢煮亦可以當然鰻魚飯就是我最喜歡的，鰻魚燒得剛剛好，魚皮還有點脆口，加上炒飯的醬汁也調得不錯，師傅好有心機預備。從這個角度看就能夠看到鰻魚是有多大條加上我們也點了一串和牛串燒，還有豬頸肉串，雖然不便宜，但手工精緻，也值回票價了。

如果唔係睇Openrice，一定唔識搵到來呢度，位於開源道駱駝漆大厦嘅『鳥棲』。前菜叫咗『韓風牛舌』，數量唔少微辣又爽滑，口感滋味满足。『燒雞軟骨』有咬口幾過癮 。『鳥棲和牛』用得自己店名，一定唔差，腍滑，多汁，入味。『川海老唐揚』，即係炸蝦仔，細細隻，炸到脆脆哋，成隻可以吃哂入肚。『原條鰻魚炒飯』，好大一條鰻魚，够晒肥美，而且咁大條都冇骨，吃到好痛快吖。『藍桔富士山』呢杯Special drink，好玩在不時變幻的燈光顔色，勁吸睛，反而似唔似富士山，就視乎你嘅想像力喇。满足又幾正嘅一餐

疫情嚴重，已經幾日冇出過街食飯，今天決定約兩位姨仔一起食飯，上openrice睇吓觀塘有乜好食，大姨仔話不如試吓呢間，樓上舖應該冇咁多人啩，上到去其實都唔算少人，咁應該水準唔會太差喇!比卡豬最鍾意食串燒，呢度全部都係即叫即燒，所以要等十幾分鐘，等唔緊要呀，好過D燒定放喺度再翻熱嘅，燒菠蘿清新多汁，豬頸肉就唔會太肥，肉質好嫩滑，和牛就好重牛味，燒得啱啱好，唔韌!南蠻炸雞籃，食落外脆內嫩，咬落去要小心，雞油和肉汁會一齊溢出，仲可以點他他醬，各有勝場!大蝦天婦羅，皮薄而脆，唔會食到成口粉嘅感覺，蝦肉都幾鮮味!牛肉稻庭烏冬，牛肉份量多，熱辣辣上枱，豬骨湯底夠味，而呢度嘅烏冬好彈牙，唔錯!鳥棲豚肉炒麵，用鐵板炒嘅日本拉麵，有三色椒同美奶滋，口感唔錯好豐富!原條鰻魚炒飯，有一條鰻魚鋪面，而且唔係單薄，炒飯用返鰻魚汁去炒，所以好鮮甜，比卡豬非常鍾意!總括係一間好值得食，性價比高嘅食店，下次一定會再嚟!

鳥棲原條鰻魚炒飯 $128 性價比高的一道飯菜。有原條鰻魚蓋在炒飯上，肉質厚實。賣相不錯，引起食慾。炒飯用了鰻魚醬汁去炒，味道香甜。更能帶出鰻魚香。牛肉稻庭烏冬 $82烏冬熱呼呼的上枱。豚骨湯底的烏冬上有不少薄牛肉片。這道烏冬需要盡快食用，因為牛肉片被熱湯焯過後，生熟程度剛好。牛肉片口感鮮嫩，烏冬彈牙煙韌。好味道！鳥棲豚肉炒麵 $82經鐵板炒過的豚肉炒麵。炒面是日式拉麵款。炒時加入了美奶滋同三色椒，味道層次更豐富，同時增添一份清新感。南蠻炸雞籃 $62 大推的一道菜式。愛吃唐揚的朋友必定要嘗試。外層酥脆，內層肉質鮮嫩無比。咬開時要小心，大量雞油溢出。無論原味炸雞或點上他他醬後的炸雞，都滋味無比。大蝦天婦羅 $78天婦羅好大條，炸衣薄而脆。咬落去不會有麵粉口感。而且大蝦肉實而鮮味。不需要加任何調味，都已經風味滿滿。燒菠蘿 $18 燒豬頸肉 $30 鳥棲和牛 $36全部串燒也是即叫即燒，需要等待十數分鐘。燒菠蘿燒至外皮微焦，咬開菠蘿肉多汁，好清新。燒豬頸肉有少量肥脂，燒出來有油滑的口感。和牛肉質鮮嫩，肉味濃郁。

今日去咗觀塘嘅工業大廈發掘親民抵食既餐廳，呢間餐廳食物款式選擇豐富，有齊烤肉、火鍋、燒物、日式料理等等，而且價錢亦都唔貴。汁燒油甘魚燒得好入味，魚肉有淡淡甜味，十分香口，口感亦都幾香滑，唔會乾爭爭同鞋口。有得自己係石板上烤肉，好有趣。豚肉經醃製過，特別香濃，肉味夠重，而且加咗香蔥點綴，更香更濃。海鮮鍋上有好多海鮮，鮮味十足。第一次食櫻花水信玄餅，外表晶瑩剔透，食落有淡淡花既清香。藍桔富士山入面個粒冰其實係一盞燈，可以變色。其實就係汽水再加雲呢拿雪糕🤤

要搵坐得舒適的餐廳， 食客與食客座位距離夠闊， 咁肯定係觀塘工廠大廈裡的餐廳莫屬。 今次就同朋友去咗 喺觀塘界都好出名的鳥棲日本餐廳食飯。 餐廳供應選擇多，由 沙律 ，串燒， 燒物，烏冬，炒飯，主食等等都應有盡有， 唔會怕搵唔到飯食。 串燒鹽燒牛舌35 鹽燒牛舌，口感 鮮嫩，肉質鮮甜，食得過癮。 燒物香草燒羊架52 羊架即叫即燒入口熱辣辣， 而且有炭火香切開羊肉中間肉色帶嫩紅，燒得啱啱好。呢件羊架係抵食之選。 揚物八爪魚丸唐揚58 章魚小丸子size一口大細，剛剛好。 而且呈圓球狀，配料都多蔬菜章魚粒等等， 燒汁的份量也剛剛好鹹甜柚子有紫菜碎和木魚的香。 食事原條鰻魚炒飯128 原條鰻魚 放在炒飯上，未食飯都已經勁吸睛。 而且鰻魚燒得香口， 配上用鰻魚汁的炒飯， 整個香氣撲鼻， 炒飯做得唔錯飯粒分明爽身。 甜品柚子雪芭48 個樣勁cutie， 雪巴圓圓碌碌， 食落好香柚子味， 清新而不覺有化學味。

觀塘好多好好食嘅餐廳，但係呢一間餐廳都係我第二次嚟！因為個人覺得，佢價錢合理而且環境同服務質素都好好。餐牌影嘅相都好靚，而且食物選擇都好多。我哋嗌左呢一個牛肉他他燒，佢啲油脂分布好平均，啲肉都唔會好薄身。而呢一個大蔥雞肉稻庭烏冬，啲烏冬食落好彈牙，而且啲雞肉好嫩滑，份量都好多。同事我哋嗌左呢一個帆立貝北海燒同吉列廣島蠔，啲吉列號唔會炸得好油膩，而且仲有五隻咁多，好抵食！我哋見到餐牌上嘅飲品好靚，所以就帶咗一杯巨峰富士山！飲落去就係巨峰提子嘅味道，上面一球雪糕，可以順便食埋甜品，哈哈！

觀塘既工廈真係有好多好野食，唔同種類既野食都有，而且價錢相對平啲。今次，我就同朋友搵左一間食日本菜既餐廳，呢間餐廳環境都唔錯，入面有好舒服既梳化。打開餐單，見到呢度有好多好吸引既野食！主食方面，我地點左原條鰻魚炒飯，鰻魚超長超大條，而且燒到好香，配埋炒飯真係好惹味！另外，我地仲點左大蔥雞肉稻庭烏冬，烏冬湯底清清地，而且質地彈牙，正！小食方面，我地點左帆立貝北海燒，帆立具新鮮又多汁，好吸引。飲品方面，呢個洛神富士山外形好靚，有閃閃既燈，而且味道亦都好好。

這天和朋友去觀塘走一走，這個地方有吃有喝，還有很多東西賣!但這天的重點是來食日本料理的!富士山系列飲品：好看不算好喝，閃閃發光的。芝士明太子蛋卷：非常好吃，裡面有芝士加上明太子，可惜只有3件。他他醬魷魚圈：最喜歡吃的小吃，魷魚很彈牙。原條鰻魚炒飯：鰻魚吃起了有點兒腥味，不過炒飯好吃，好吃的!韓風牛舌：少少辣，味道不錯!

觀塘有好多穩世美食，今日去行街就比我發現呢間日式餐廳環境舒服，開放式嘅廚房可以慢慢欣賞廚師煮食芝士明太子蛋卷 $48外表已經好吸引，一咬外層蛋卷軟滑，一食就知廚師控制得岩岩好，保持到蛋嘅嫩滑，內層啖啖蛋香再配上層明太子帶出半溶芝士嘅濃香。原條鰻魚飯 $128鰻魚勁大條，由頭到尾都冇魚骨，濃濃鰻魚汁配啖啖肥美鰻魚肉，一口炒蛋飯一口鰻魚，食完都唔會油膩。韓風牛舌 $28牛舌夠薄爽口， 每塊都有小小辣味，令到我食唔停口。他他醬魷魚圈 $58除咗他他醬仲有檸檬旁邊，加咗檸檬汁後，酸酸甜甜加上外脆內煙煙韌韌嘅魷魚，十分 惹味。藍桔富士山及洛神富士山 $35富士山有幾款，完全係呃like既飲品，單影相都夠😄隨著富士山轉山代表四季嘅轉變，夠浪漫。影完再飲，不過不失😜當甜品都唔錯😄

駱駝漆大廈而家有好多唔同食店，呢間日本野門面望落去已經幾吸引。入到去都坐得非常舒適，而且食物多元化。我哋叫咗個燒肉，燒肉可以自己慢慢燒，而且肉質都唔錯，上面仲有醬汁，可以一路食一路玩，相當唔錯。另外叫左羊架，羊架都幾大隻，燒得味道幾香，一客有兩件。燒茄子亦都相當唔錯，面上有柴魚調味，而且茄子燒得幾「林」，仲配上美味醬汁。再叫咗個豚肉鍋，豚肉份量都唔少，而且鍋裏面嘅配菜亦都幾多，兩個人食就剛剛好。餐廳價錢合理，都係一個唔錯選擇。