鳥棲日本料理 (已結業)

老公上去駱駝漆買完LEGO，又懶懶地唔想拎住盒野周圍行揾野食，我就諗起五樓有選擇。出𨋢行幾步就見到有間叫鳥棲既日式料理店，菜單款式同食物相都吸引，而且有梳化位感覺闊落舒適，就示意請店員安排入座。門口地面投射著店家LOGO並且順時針在轉動，好易認唔難揾。芝士明太子蛋卷端起蛋卷外層時質感來得柔軟富彈性，兼且內層輕滲出絲絲蛋汁。一啖可以整件入口，不單止帶餘溫，覆蓋在上層色澤誘人既明太子，夾附著已融化芝士把適度既咸香感散發在口腔之中。鹽燒牛舌 x 鳥棲和牛惹味肉類串燒緊係唔少得，點左我最鍾意既和牛及老公首選既牛舌。燒牛舌沒有過火，最正就係外層冇焦黑，咬落依然爽彈夠Juicy，唔會韌或呈乾巴巴，加一兩滴檸檬汁，咸香之中鮮味更爆。另一串和牛都值得點，肉質不單嫩滑更係油香度足，加點葱花伴隨吃既清新之餘更易歎到當中既脂香。川海老唐揚小蝦連殼一起炸，每一只都夠乾身香脆絕不油膩，入口細嚼時爆發著源源不絕既海洋氣息。月見免冶雞肉鐵板盛載著厚厚既圓型狀免冶雞肉餅，上檯一刻邊旁既醬汁還在彈跳兼發出咋咋聲響，濃郁既醬香隨著熱力飄散撲鼻，一幅色香味俱全既畫面經已讓人胃口大開。把置頂既蛋黃輕力分解，鮮黄濃郁既蛋汁徐徐

同舊同學食飯，行過開源道，剛好經過駱駝漆，佢話想食下啲樓上鋪，上網睇一睇， 5樓有間日本野好多讚㗎喎，一於上去試吓。一出嚟見到一大幅花草牆， 好易認，入到鋪頭有好多梳化位，我哋就坐其中一張。上網見好多人提過炭燒原條鰻魚炒飯，梗係要叫一個嚟試吓。上到枱，果然好大條鰻魚，有一隻筷子咁長， 幾厚身的！炒飯充滿鰻魚嘅香味，撈埋甜甜地嘅鰻魚汁，好好味呀。同學仔想食串燒，就叫幾款試吓。點咗煙肉蝦、大蔥雞肉、牛舌、仲有豚肉秋葵，每款串燒都處理得剛好，微焦得來保持肉嫩，我自己最鍾意豚肉秋葵，秋葵有少少脆口，外面一層豚肉片包住，個配搭又唔錯喎。最後叫多個月見免治雞肉，用小鐵板上枱，將生雞蛋同免治雞肉撈勻嘅時候，聞到好香嘅蛋味，再加上甜甜點地嘅燒汁，成為我今晚最愛嘅菜式！

好耐冇食過日本野，搵到呢間喺駱駝漆，食評又唔差既試吓，鋪頭唔算大，但係梳化位坐得好舒服。⭐️牛油果蟹子沙律分量正正常常，不過牛油果真係好百搭，作為前菜可以清新一下。⭐️胡麻汁牛肩胛本身以為係燒好咗，點知原來係一塊鐵板咁樣上，客人可以自己燒，又幾得意喎，不過有啲癡底，牛肉都幾嫩，加埋胡麻汁簡直係絕配。⭐️松葉蟹鉗海鮮鍋材料都幾多， 松葉蟹鉗當然係主角啦，另外仲有青口、帆立貝、蝦，仲有啲蔬菜同粉絲。驚喜位係啲蝦雖然係冰鮮，但係好彈牙，唔會霉。⭐️燒帆立貝厚肉， 而且有好多醬汁，好邪惡！

觀塘駱駝漆這個地方除了有很多OUTLET可以逛之外，其實它有很多餐廳都開在工廠大廈的樓上喔，而且其中有不少臥虎藏龍，就算是在地人也可能不知道，但往往這些餐廳的質素都是很高，今次吃的日本餐廳都是高質的。 今次叫了一個二人前套餐，這個很適合人數不多，但又想試多款菜式的朋友仔。前菜揀選了七味墨魚咀，不過溫馨提示一下，這個的辣是後來居上的，所以不太吃辣的朋友要注意喔，但我個人很喜歡吃這個，辣得過癮，七味粉的加乘令到整碟都很惹味。之後，煙三文魚沙律剛巧到了，為前一道菜作一個平衡，挺不錯的炸物方面，我們揀選了他他魷魚圈，炸得恰到好處，配上他他醬更是錦上添花。而網燒安格斯牛扒吃起來很嫩滑，淋在上面的燒汁帶少少甜，值得一試。隨後，牛肉壽喜鍋也差不多登場了，煮滾後可以下雞蛋，再把它攪拌一下，會令每一口牛肉都會帶蛋香而且幼滑，真的不得了。再把湯汁淋上烏冬吃，更是滿足。櫻花水信玄餅為這餐作一個完美的句號，而且難得在香港可以吃到這個，實屬難得，算是補回上次在大阪錯過的機會。這間店毫無疑問是高質的，環境舒適，食物質素以至款式都帶到不少驚喜。

朋友約食飯，佢公司同事介紹喺佢公司隔離嘅工廈有間日本菜幾好，所以想我陪佢去食😊為食嘅我當然願意去啦😆呢度嘅座位好舒服全部都係梳化位，環境好適合同朋友慢慢傾慢慢食👍🏻原條鰻魚炒飯($128):鰻魚都算厚身同埋原條上真係幾大條，唔會有腥味✌🏻鰻魚汁同平時出面食開嘅蒲燒汁有啲唔同，有少少似美極豉油😆日本火鍋 - 壽喜牛肉鍋($128):除咗牛肉之外仲有金菇，冬菇，紅蘿蔔，菜，超滑豆腐同粉絲，份量都幾多。我哋仲加咗烏冬($15)爽滑彈牙，索哂鮮甜嘅湯底好好食❤明太子雞翼($48): 雞翼炸到好香脆入面包住明太子，好惹味🤤南蠻炸雞籃($58):炸雞香口嫩滑配埋酸酸甜甜嘅他他醬，好開胃好想食多幾件😍藍桔富士山($35): 酸酸甜甜都幾好飲，入面仲有雪糕同埋一粒會發光同變色嘅«冰»，都幾得意😆

跟朋友覓食，最終來到了工廈😎😎😎而我們早上已訂桌，所以被安排到卡位坐，大大張沙發，超舒服~原條鰻魚飯~好吃👍👍整條吃起來都完全無骨，邊位還燒得脆脆，鰻魚汁亦調較得很好，不會很咸的那種，味道剛好~南蠻炸雞籃~炸雞籃份量都適中，雞也炸雞很香脆，不錯😋😋迷你磯煮鮑魚~比想像中冧軟，吃起來帶點爽爽的感覺👍👍燒菠蘿~超級甜🙈🙈🙈鮮菠蘿，很正啊～櫻花水信玄餅~打卡必備😂😂味道甜甜的，加上黑糖漿來吃，及玄餅中的櫻花，幸福的由來啊😍😍

早兩日囡囡生日，搵左呢間日本料理，環境，食物質素都唔錯，我哋order左鰻魚飯，5份串燒，北海道帆立貝，燒牛舌，燒羊架，炸雞籃，同埋一杯巨峰富士山飲品，好得意，會變色，但碟頭細左少少，但鰻魚飯的鰻魚好大，總括不錯，可以Encore!

走進工廈內的一間日本料理，這餐廳裝潢並非日式居酒屋的裝修，反而像似Cafe。全是布藝梳化座位，環境舒適，氣氛很舒服。我得喜歡吃鯖魚，所以經常會點鹽燒鯖魚，除了美味，營養價值非常高的。🍱鹽燒鯖魚定食🍱鯖魚表面燒至微焦，肉質厚嫩細緻，調味剛剛好，不會太咸，再配附設的酸汁和白蘿蔔蓉一齊食，鮮味更出。🍵餐飲原先想點熱檸檬茶，我問服務員是否用新鮮檸檬? 她回答是，茶底是用烏龍茶，哈哈，所以我改變主意，點了杯熱烏龍茶，熱熱的一杯，茶味入口回甘。

觀塘區成日都有好西食架😋今次就去左食日本料理嘅鳥棲環境舒服 好適合同朋友係度食下飯傾下計今次想推薦大家食二人套餐 ($498)由前菜到甜品都係二選一😋前菜迷你磯煮鮑魚 肉質鮮嫩 有咬口煙三文魚沙律 食落感覺很醒胃然後就有我最愛八爪魚丸唐揚 好脆口好味道網燒安格斯牛扒 調味過的牛肉超級惹味😋最後仲有個牛肉壽喜燒 肉質幼軟嫩腍🥰甜品木糠布甸都好好味呀☺️最推薦大家飲我嘅富士山特飲👍🏻👍🏻_______________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

好不容易嚟到觀塘接個同事收工食飯，同佢嚟到觀塘嘅工業區搵好嘢食。之前一直見到呢一間日本料理門口非常亮麗光鮮，一直都好想入去食原來呢一間餐廳係主打熟食日本料理，而唔做魚生壽司等等，所以比較適合鍾意食熟食嘅朋友。呢度嘅座位好舒服同好闊，幾適合兩個人傾計。✨原條鰻魚炒飯 ($128)係成條鰻魚上嘅原條鰻魚炒飯，賣相非常吸引！下層嘅炒飯沾滿鰻魚汁，唔係一般乾身嘅炒飯。各位鰻魚控絕對要試一試✨串燒 (大蔥,雞翼,菠蘿) ($28,$30,18)呢一間餐廳嘅串燒價錢比較大眾化有$18至$30不等， 唔算好貴。大蔥雞肉串幾好食，燒到好香同埋好惹味，而菠蘿串燒亦都好多汁，認真唔錯！✨醬燒茄子($42)醬燒茄子顧名思義用咗燒汁黎做呢一道茄子料理，用咗燒汁木魚絲胡椒粉等等嘅配料。茄子燒到又香又嫩，味道有調校得恰到好處✨富士山特飲 藍橘味 ($35)呢杯富士山特飲係餐廳最出名嘅飲品，杯呈現着富士山嘅形狀入面仲有一個會發光嘅燈，非常有特色，飲落去係一浸好香嘅橘子味，面頭仲有一個雲呢拿雪糕混合上黎，個味道真係冇得彈！

今天和男友來這家餐廳吃聖誕大餐，靜靜哋適合傾計。我們叫了安格斯牛排，牛排上加上黑椒汁，肉質較韌，要是熱些會較好吃。串燒牛舌、雞腎、和牛，肉質鮮嫩，價錢合理，不過不失。比較值得一試的是牛肉烏冬，味道驚喜，烏冬彈牙，牛肉薄身，感覺有點像越南生牛河，但牛肉質素不錯牛油果沙律，牛油果可以份量多一點，價錢也算合理。男友叫了洛神富士山，賣相夢幻，雪糕和洛神花茶不是太夾。爆谷咖啡十分驚喜，味道好match 。愛咖啡的人士一定不會失望。

觀塘工廠大廈，特別係駱駝漆大廈，真係有好多特別嘅餐廳，而且可以食到唔同國家嘅菜式。今次就同朋友上嚟是日本料理，晚上8:00去到，餐廳基本上已經坐滿，我哋好彩仲有一張枱，唔使等位。我哋叫咗招牌菜嘅全條鰻魚炒飯$128，鰻線好大塊，略嫌乾左少少，但個汁同炒飯都令人滿意。另外，伴碟有啲沙律，呢呢個配搭唔錯。其他食物方面，呢度嘅串燒都唔錯，今餐食左燒和牛、茄子、菇🍄仲有大蒜雞，全部都燒得好香，而且因為太餓，好快就俾我地掃曬。餐廳嘅人等最令人難忘，因為差不多每台都叫咗一杯會發光嘅富士山飲品，臨近聖誕呢杯飲品真係令大家增添節日氣氛，朋友叫咗一杯巨蜂富士山‘’名副其實就係用一隻小杯，上面加一球雪糕，外型就好像富士山🗻了，真係好得意😎。整體而言，呢度嘅食物質素不錯，環境都坐得舒服，餐廳用開放式廚房設計，但係店內有覺得很重油煙味，證明抽風系統做得好好，所以值得一讚。

周不時都聽朋友講話觀塘既駱駝漆大廈內有好多癮世美食,咁啱今日係觀塘到做野就放工同同事一齊衝去駱駝漆大廈望下.咁啱行到5樓見到呢間開外有好多人等緊,本住唔好執輸既心態就入左去.芝士明太子蛋卷做得幾鬆軟,入口軟綿綿蛋香又夠味,加上半溶芝士係蛋卷內蛋味又香.明太子又帶少少辣同咸香味配上微甜蛋卷味道一d都唔會單調.燒雞翼燒得乾身之餘外面雞皮脆身但內裏雞翼肉仲鎖住到雞汁,外層帶椒鹽香味.晚市推介既自慢燒肉同日式火鍋系列每樣點左一款試下.葱鹽雞肉先上左燒肉盤估唔到個盤同蠟燭咁細火力都幾強,自己燒又有得玩又有得食.雞肉醃得夠入味食落帶葱香.壽喜牛肉鍋用gas爐滾起,牛肉片份量都幾多而且質感唔係薄完會無嚼口既肉片,肥瘦均勻估唔到食落都有牛味.鍋底仲有好多菜同粉絲估底等鍋滾起後再放入生雞蛋,黏上蛋漿既牛肉片食落更滑同香濃.洛神富士山賣相好靚下層係粉紅色既梳打上層係雲尼拿雪糕望落已經好富士山既感覺,梳打入面仲有粒會發光既冰粒不停閃下閃下直到食完果刻都仲閃緊！

聖誕將至, 又係聚餐的時候。要搵一間可以盡情傾偈, 坐得舒適 (梳化位), 唔催人交枱的地方, 實屬不易。日棲食物種類不少, 價格相宜, 味道不錯, 蠻有誠意的。有興趣光顧的, 記得要訂座, 因為很快全場爆滿。牛油果蟹籽沙律 $48帆立貝北海燒 $38帆立貝肉厚, 配有大量醬汁, 十分討喜。汁燒魷魚筒 $88魷魚筒彈牙, 唯邊邊烤得有點焦。日本松島魚餅 $68原條鰻魚炒飯 $128鰻魚烤得惹味, 是飽腹之選。松葉蟹鉗海鮮鍋 $138壽喜牛肉鍋 $128蕃茄豬骨豚肉鍋 $118三個鍋份量滿滿, 每個鍋都可追加烏冬, 每份$15。

食晚飯似乎只能食套餐。似乎可以食串燒，有10多款，聊勝於無，但不賣酒。各種料有四、五款，餐牌有一半篇幅係甜品、飲品，重點錯了吧？餐牌以外有套餐同廚師推介，選擇都唔錯地方乾淨，侍應態度唔錯，味道還好