鳥棲日本料理 (已結業)

有人講過觀塘工業大廈入邊有好多好嘢食，原來呢句話係冇錯，喺駱駝漆大廈入面又真係有好多間食店而今日我就揀咗鳥棲日本料理，而咁啱佢就做緊晚市九折優惠！（即係唔使比+1服務費）我哋今日就揀咗個二人套餐，上面有勁多嘢食😋而且每樣嘢食都幾有水準例如佢個網銷牛扒同埋個牛肉鍋，牛肉份量都好多，而佢個網銷牛扒個黑椒汁加埋牛肉一齊食非常之夾，分量方面兩個人食絕對係足夠！而咁啱佢冇晒沙律菜所以佢俾我哋轉同樣價錢嘅食物我哋就揀咗酥炸廣島蠔，揸得夠趣而且個生蠔冇乜腥味，如果大家去我覺得可以試吓😋總括喺觀塘工業大廈入面真係有好多穩世好食嘅小店等大家探索！

難得好多個月未同過4個以上同事食飯，今日有機會黎食，真係滴住汗咁食，希望好快改善。食物一般，冇乜特別。午餐時間，每人平均80，在官塘可以有好多選擇。希望改善一下。

駱駝漆大廈本身超多嘢食，今日嚟到呢度食日本嘢。夜晚七點已經座無虛席，入到去感覺都好舒服。menu明太子雞翼 48雞翼入邊釀咗明太子，令到啲雞翼辣辣地。牛油果蟹籽沙律 $52牛油果同蟹籽份量啱啱好，加上青瓜絲好清甜。原條鰻魚炒飯 $128見到勁多人食都一定要食！因為係成條勁大條鰻魚，加上燒汁好惹味。 鰻魚燒到好香，小小脆，冇乜骨。胡麻汁牛肩胛 $72自慢燒肉，自己燒。大約有6-8片牛肉，自己調教生熟程度，小心好快熟同有油脂不停分泌出來，沾上胡麻汁係牛味勁出！巨峰富士山 $35推介！打卡一流！仲會閃閃發光！巨峰提子迷一定要飲。梳打味好夾。藍桔富士山 $35一樣會閃閃發光！杯既形狀都係富士山！加上雲呢拿雪糕感覺就係山頂積雪既富士山，藍桔味唔太重，小心梳打超有汽！

餐廳座位幾舒服⋯好幾枱客都為朋友慶生日⋯服務正常冇乜大問題⋯食物方面質素對哩個價錢已經係幾好～叫左牛舌，一串三片，普通冇特別個蝦天婦羅幾好佢個粉不厚，蝦有爽彈吉列豬飯係同gas爐一齊上，職員會➕蛋液去個吉列豬度⋯個豬幾香口，汁剛好不會過多或辻重味⋯

這一次到了觀塘駱駝漆，在這一間典型小鋪鳥棲日本料理吃個午飯，這裏的定食比預期中好，小吃更正。咖喱吉列豬扒滑蛋定食：滑蛋的香滑質感完美地勝過吉列豬扒，對我來說，只有咖哩跟滑蛋可能更回味。大蝦雜錦鍋燒稻庭烏冬定食：雖然大蝦🍤是最吸睛，其實燒鍋內還有其他豐富的材料，烏冬也很煙韌。水菜牛肉稻庭烏冬定食：這一碗烏冬就比較清淡，所以牛肉的鮮味就跑出來，剛剛熟的牛肉是最鮮甜。究竟應該先吃掉所有牛肉，然後才慢慢吃烏冬？難道這店最殺食的就是小食？這一碟雙重芝士年糕最令人難忘。雖不懂得芝士雙重在哪裏，而芝士卻如奶式一般香滑，海鹽鹹跟隨年糕甜味一同溶在口中。隨着午餐，再加錢叫了兩杯乳酸梳打，小朋友立即嘴不離館。對我來說，草莓乳酸梳打、菠蘿乳酸梳打，這兩杯都是差不多。對小朋友來說，邊吃邊飲都幾爽。令人驚喜的，就是這一杯朱古力咖啡，非常有心思的拉花，咖啡中帶着香濃朱古力味，非常容易入口。午餐的選擇比較精簡，多一點廚師推介那就好了。@ CalvinCanEat.com

今晚到觀塘的駱駝漆大廈吃日本料理工廈裡的日本料理點了個二人前套餐，包括了前菜、沙律、炸物、燒物、鍋物、甜品、飲品，好豐富！磯煮保留了鮑魚的鮮味。煙三文魚大大片！魷魚圈外層炸得酥脆，魷魚仍然彈牙。醬汁惹味！牛扒燒得剛好，沒有燒燶燒硬，鎖住肉汁牛肉份量好豐富另外配了烏冬，壽喜鍋的湯底夠入味！櫻花🌸好漂亮水信玄餅Q彈彈的樣子好治癒淡淡的甜味好漂亮的富士山梳打飲品，加上雪糕，夠fresh吃得超飽飽的二人前套餐

前幾日同朋友係附近outlet掃貨，行行吓發現咗呢間隱世小店，位於觀塘工廈的鳥棲日本料理係一個放工嚟chill的好地方，座位舒適食品唔錯，一坐就同朋友坐咗3個鐘😂推介富士山藍柑特飲($35)，好靚的清藍色飲品，加埋杯入面的變色冰粒，杯嘢全由藍變紫，超靚！打卡首選。而且味道清新，又唔會太甜，酸酸哋好開胃。飲品上面配上一個雲尼拿雪糕，加埋一齊食味道好夾。原條鰻魚炒飯($128)好睇又好食，超長饅魚蓋上熱辣辣的日式炒飯上。炒飯唔同一般食開的中式炒飯，每粒飯都沾上豐富的饅魚汁，非常入味。壽喜牛肉鍋($128)牛肉唔軔有牛味，沾上日本生雞蛋及壽喜燒汁好惹味。鍋入面仲有好多蔬菜同菇，索晒鍋入面嘅湯好香口。南蠻炸雞籃($62)一上檯熱辣辣，剛剛炸好入口好香脆，炸粉比例剛剛好，唔會成口粉，雞肉多汁，沾上沙律醬好惹味。

今日夜晚出黎食飯 想食果間晚市暫停左 所以即時轉左呢間 個環境唔錯 播純音樂 適合吹水我地兩個人叫5樣野食原條鰻魚炒飯 不過不失 不過炒飯唔應該乾架咩😂 我食既唔系乾身 oh my god牛肉他他燒 切到好薄 蓋係冰上面 可以保持溫度 有肉味 都算唔錯 可惜太細片 感覺唔系好食到d特別出黎 黑松露焗蘆筍集菇 黑松露味好重 可惜蘆筍唔多 菇最多 味道正常 南蠻炸雞炸衣唔厚唔薄 岩岩好 肉汁juicy 值得推介 仲有個明太芝士蛋捲 個芝士味唔算太突出 但好流心 超一般🙁最後就系個富士山野飲😚就系因為佢先黎 果然冇失望 成杯野唔算太甜 雲呢拿雪糕好味道😋 一插支飲筒落 就即刻起泡 要即刻系咁飲 唔系會瀉 好似富士山火山爆發咁 真系好正😚 total 440😗另外一提 sofa 登坐得好辛苦 唔好坐😟

到駱駝漆買野路過見到鳥棲menu幾岩食就入去食晚餐, 當時係閒日大概8點幾9點。首先野食係唔錯既, 不過座位係d坐林晒既sofa, 好低, 食野唔舒服。另外, 有位男員工好似夢遊緊咁, 問佢拎杯水, 佢話好但轉頭等左10分鐘都無, 但佢唔係忙喎, 佢只係呆站左係廚房前...跟住另一位員工放低個海鮮鍋後, 又無俾碗我地, 我地又係要自己問。員工好唔主動又唔細心, 不了。

依家最大嘅好處就係出去食飯唔使等位！當晚7點幾到達，都見到有1-2枱客，侍應都好親切有禮貌，佢哋嘅抗疫意識都做得好好，入去之前要探熱，入到去睇到每張枱上面都有一支消毒搓手液，方便客人用膳前後隨時使用，十分貼心。我哋2個人叫左個燒牛肉他他（$88）同原條鰻魚炒飯($128)，招牌野飲富士山($35)，每樣食物都十分好味，鰻魚好肥美，好juicy，配上熱辣辣嘅炒飯，係完美嘅組合。下次再黎encore 試多啲其他野食！😍😋😋

觀塘工廠大廈處處都充滿驚喜，今次朋友帶咗我嚟一間日式嘅餐廳，餐廳唔算大，好適合同朋友安靜咁傾偈。我哋叫咗好多小食同一份原條鰻魚飯，鰻魚飯系炒飯底，配上鰻魚汁，撈埋非常之好食。他他醬魷魚圈非常之好食，他他醬系自家制嘅，而且炸粉唔厚。而佢最有特色嘅就系佢嘅飲品，佢哋嘅飲品都用啲好特別嘅名稱去命名。我哋叫咗綠薄荷富士山同藍桔富士山，原來系飲品上面加上雪糕，睇落去又真系幾似富士山喎，入邊仲有粒好似冰，但系識得發光，用嚟打卡真系一流呀

胡麻汁牛肩胛🐄$72自慢燒肉系列😛大約7片牛肉😚可以自己燒牛肩胛，自行調教生熟程度😎然後將熱辣辣嘅牛肩胛😆沾上胡麻汁，食落更加美味😚滑蛋黑毛豬扒飯🐷$82滑蛋黑毛豬扒賣相相當吸引🤤炸到金黃色嘅黑毛豬扒😝同滑蛋配合得天衣無縫😍肉質不會鞋身，帶有豐富肉味😊壽喜牛肉鍋🐮$128鍋中有冬菇、豆腐、金菇及椰菜等😉內配仲有粉絲𠻹😚牛肉份量夠，肥瘦適中😋牛味非常濃郁，肉質鮮嫩😛川海老唐揚🦐$48蝦仔細細，鹹鹹哋，不會太油😎炸得啱啱好，食落香脆可口😆鳥棲日本料理 (觀塘)觀塘開源道60號駱駝漆大廈3座5樓S舖

駱駝漆大廈開倉我就去得多，食飯真係第一次，話說今日我就係同朋友shopping 完，行到累又肚餓，朋友就拖我來食。睇到個餐牌 我和朋友不約而同選擇左原條鰻魚炒飯， 冇計我們都超喜歡食鰻魚，所以就叫了一人一客，另外仲叫左一客八爪魚丸唐揚。朋友話佢之前來過食鰻魚炒飯一食難忘，佢話我一定會超喜歡😄鰻魚炒飯來到我真係好驚喜，因鰻魚好長呀， 一大口鰻魚夾著下面的炒飯來食超滿足。而八爪魚丸即叫即整，外面卜卜脆入面的八爪魚粒都唔錯。呢間的食物唔錯，下次係觀塘 shopping 完又多個地方開餐了。

今日同屋企人去到觀塘食晚飯，知道呢間日本餐廳晚市全單做75折，網上食評亦寫佢幾好，於是我哋去試下咁抵食好食。網上面好多人介紹呢個，壽喜燒牛鍋，貪佢價錢公道份量亦唔少，所以我哋都叫咗試， 發現性價比好高，牛肉新鮮不講，絕對唔係普通肥牛質素，而中層係金菇冬菇之類，底層係菜同粉絲，食起上嚟真係要兩個人以上先到，真係要試下。值得推介！！北海道陶板腸-- 呢個亦係介紹之選， 雖然價錢有少少貴， 但當你食完之後，你會覺得成晚最值得畀錢就係佢，因為從開頭直到到最後，你都係覺得佢都咁好食咁新鮮，食法係唔需要用肉汁配搭，直接鐵板上，相當juicy 。安格斯牛排--- 食落你就知道佢真係用安格斯牛扒，而唔係用其他牛扒去代替，如果重質素嚟講佢ok嘅，但係賣上有少少唔吸引，如果佢下次可以改用鐵板送上，效果會更好。

这一家餐厅就是吃日本菜,现在疫情严重,不要吃生的日本菜,这里有很多选择,我们可以选择寿喜烧,满满的牛肉还有菜十分配合,这里的猪肉腸也十分好吃,要试试！我的女儿很喜欢这里的饮料,放了一个冰,有光,很奇妙喔！还有很厚身的一夜乾,燒得很好,不贵但是很好吃,鳗鱼也很好吃,但是我比较喜欢这个炒饭,甜甜的,整理很干净,吃得舒服又安心！ 呢間餐廳喺工廈入面， 其實都係大家熟悉嘅地方， 好近地鐵站, 又容易搵到， 下次搵食大家識做啦！