鳥棲日本料理 (已結業)

觀塘既工廈真係有好多好野食，唔同種類既野食都有，而且價錢相對平啲。今次，我就同朋友搵左一間食日本菜既餐廳，呢間餐廳環境都唔錯，入面有好舒服既梳化。打開餐單，見到呢度有好多好吸引既野食！主食方面，我地點左原條鰻魚炒飯，鰻魚超長超大條，而且燒到好香，配埋炒飯真係好惹味！另外，我地仲點左大蔥雞肉稻庭烏冬，烏冬湯底清清地，而且質地彈牙，正！小食方面，我地點左帆立貝北海燒，帆立具新鮮又多汁，好吸引。飲品方面，呢個洛神富士山外形好靚，有閃閃既燈，而且味道亦都好好。