鳥棲日本料理 (已結業)

 肺炎之亂,人心恐懼,搶米搶糧但飯始終都要食,難道不出街坐困空城？轉戰樓上鋪，人流相對少一點可約訂位先，觀塘區相對多樓上ＣＡＦＥ今次走到過黎，試下日式ＣＡＦＥ有串燒,烤肉,烏冬,主食串燒和牛,烤帆立貝,網燒安格斯牛扒牛肉烏冬麵 先上湯烏冬,熱湯撞生牛肉片,類似越式湯粉牛肉不會過熟,肉質細緻,肉味甘鮮夠滑湯底清甜,整個配搭相當出色,對得起個價錢 麵條彈牙,吸飽湯汁,好滑嫩牛肉片不會煮過熟~這做法值得讚  再來帆立貝燒,原隻上,放滿特製醬汁再烤焗醬汁開胃! 串燒和牛,肉味濃,夠油花,酸上少許檸檬汁非常對味 網燒安格斯牛肉烤好切片再淋上特製燒汁甜中帶辣,與牛肉味有相輔之效果食起來十分開胃觀塘開源道60號駱駝漆大廈3座5樓S舖Shop S, 5/F, Camelpaint Building Block 3, 60 Hoi Yuen Road, Kwun Tong

📍 鳥棲日本料理（觀塘）係好食既！平時最鍾意係觀塘工廈捐窿捐隙，駱駝漆大廈真係好多嘢行，如果有時間真係可以比我行半日呀！ 行行下比我搵到呢間日本料理，鋪頭小小但閒日都勁多客服務都好好架！.🔻招牌原條鰻魚炒飯$128 😍好食嘅鰻魚炒飯其實唔易搵，一係太甜太濕中或者鰻魚有腥味，但呢間真係好好食。個鰻魚好厚好大條，啲炒飯粒粒都好香又唔會太濃味，同條肥美鰻魚好夾！.🔻七味墨魚咀$58 不嬲唔中意食墨魚咀，覺得好似食骨頭咁食完好似冇食過嘢咁！但呢間好有驚喜，墨魚咀大大粒juicy又入味，食到停唔到口🥺🔻牛肉壽喜燒係好食既，個牛都高質，但略嫌份量太少，如果多啲粉絲就好。地址：鳥棲日本料理 (觀塘)觀塘開源道60號駱駝漆大廈3座5樓S舖人均消費：$180

話說今晚準時收工. 順便去KWUN TONG拎野. 即刻SEARCH下附近邊度有好食既餐廳. 見到呢到評價唔錯, 於是即管上黎睇下!位於駱駝漆大廈5樓,  呢座大廈名聽就聽得多, 黎就真係第1次, MTR行過黎再過條馬路, 只需要幾分鐘, 不過就係LIFT細人多, 等LIFT時間比較長! 上到5樓一推開門... 原來有好多唔同既樓上鋪@@ 我仲以為係D好舊式既工廠大廈7:30PM左右去到, 唔駛等位, 安排左SOFA卡位, 2個人坐4人位, 夠闊落, 不錯! 打開MENU , 選擇唔算十分多, 不過都有幾十種~ 我地冇叫SET, 散叫左幾樣野, 有原條鰻魚炒飯,壽喜牛肉鍋,他他醬魷魚圈,日式餃子,同綠薄荷富士山飲品!等左大概5-10分鐘就上菜, 速度好快! 讚!  他他醬炸魷魚圈 即炸, 好香, 配埋他他醬, 有D蛋黃碎, 好好食! 餃子隻隻飽滿, 上檯時熱辣辣, 好食過好多拉麵店既餃子!! 鰻魚炒飯係超級正, 因為原條鰻魚, 好肥美! 不過可能係冬天關係, 一上菜好快就凍, 呢個要趁熱食會比較好! 而牛肉鍋佢有埋個爐一路慢慢滾住食, 不過建議一燙熟D牛肉就好快D夾起, 如果唔係就好U

鳥棲日本料理@觀塘工廈觀塘放工食好西食鳥棲環境吾錯梳化坐得幾舒愛職員態度都幾好🔅蕃茄豬骨豚肉鍋🍲天寒地凍最岩打邊爐蕃茄配上濃郁豬骨湯豚肉軟嫩材料十足有菜有金菇有豆腐小編最愛🔅藍桔富士山🗻少女打卡名物以富士山為主題飲品內地有粒變色的冰燈顏色轉變代表富士山的四季雪糕亦代表了富士山山頂的雪好有心思的飲品👍🏻👍🏻👍🏻🔅鳥棲豚肉炒麵🍝小編超愛吃日式炒麵尤其濃濃的醬汁呢個炒麵用拉麵為麵底醬汁不太濃仍能吃到拉麵味而且仲食到香噴噴的青椒味。🔅燒冬菇非常juicy的燒冬菇但醬汁欠奉🔅醬燒茄子🍆茄子燒得軟綿綿配上醬汁係一級棒嘅呢😋味道：7/10💰消費：$150（每人）

去觀塘掃口罩不成功，在附近工廈覓食，最後見到日式餐廳就進店，店內衛生環境良好，還有消毒濕紙巾提供，安全衛生，防疫好重要原條鰻魚炒飯 $128賣相吸引，整條鰻魚鋪上炒飯，跟湯匙一樣長，炒飯沾上鰻魚汁，炒飯有彩椒碎，不經不覺吃了蔬菜牛肉他他燒 $88老公覺得好好味，因為他表示冰鎮上枱，牛肉片好薄，入口好快食完，很滑口，配上醬汁好入味他他醬魷魚圈 $58魷魚卷脆炸過，配上沙拉他他醬很滋味，炸粉不太厚，魷魚圈很易咬，熱騰騰小心燙口雙重芝士年糕 $45年糕炸過，入面芝士很creamy,不是拉絲款，都不錯，上層有薄薄芝士，加上有沙拉醬，雙重芝士，不覺得很油膩整體唔錯，想不到工廈有不少優質食店，乾淨衛生，食物都不錯

和朋友到觀塘吃晚餐，找到這家樓上的日式餐廳，木系設計和花牆吸引了我們進去，整個環境令客人感覺舒服，而且沙發也很好坐。朋友和我點了不同的菜式，首先上枱的是韓風牛舌，不得不讚其韓式醬很惹味，不像平時只有辣的感覺，牛舌亦煮得恰到好處，一口一件剛剛好。軟殼蟹天婦羅很大件，而且啖啖蟹肉，即點即炸，配合天婦羅醬汁，酸酸甜甜的很開胃。串燒雞軟骨有孜然和檸檬汁作點綴，份外惹味，而且很容易咬，不用擔心咬到牙痛。松島魚餅亦是一樣較特別的食品，煙韌彈牙的口感，加上特製醬汁，煎得微微焦的表面，也是個不錯的小吃，賣相亦放得像一條魚一樣，證明廚師心思十足，我自己最喜歡的是大蔥雞肉烏冬，湯底十分清甜，烏冬和雞肉份量恰好，稻庭烏冬連着湯汁一起吃，在冬天暖暖胃十分不錯，雞肉亦不會太大件，一口一件剛好，兩個人吃這麼多東西都只是367元，推介大家來吃！

收咗工周圍搵野食果時比依間餐廳個門面吸引住，好靚好有花果山洞仙境嘅感覺😝好靚原來係食日本料理，原來食物都幾高質素!首先大蝦天婦羅$72有4隻，都好大隻，啲蝦肉好大舊鮮甜，唔會因為炸而無咗啲鮮味。旁邊有日式醬油比天婦羅🍤點，用黎送一陣嘅日式火鍋烏冬就一流！ 跟住就係最期待嘅壽喜燒牛肉火鍋🙈雖然個細睇落唔大，但都好足料！有冬菇，紅蘿蔔、娃娃菜、豆腐、靚牛肉最正真係個壽喜燒湯底甜甜地、超好食。仲可以選擇加蛋落去變蛋花湯或者用牛肉沾啲蛋。牛肉火鍋加烏冬$128+15=$143然後係屋企人最中意食嘅鹽燒牛舌，$35一串有三大舊，亦無令我地失望，溫度剛剛好，好有口感，又唔會太un，加啲檸檬汁真係好好食！帆立貝北海燒$38一隻，勁推薦！不過到咗真係要趁熱食，因為啲蟹杍、帆立貝仲暖暖地，凍咗就無咁好食啦！感覺好似入口即融咁！正壓軸出場嘅緊係唔少得甜品，亦係我覺得整得最出色嘅野食，佢叫做櫻花水信玄餅，$38，入面啲櫻花🌸好靚，晶瑩剔透咁，真係唔捨得食呀質感好似啫喱，甜甜地又好fresh，勁好食！

好耐冇兩公婆出去食飯！悶左係屋企咁耐，係時間出去食一食😌😌揀左個就腳點觀塘，平時去既APM怕人太多！所以揀左工廈，貪佢唔會太迫人我未到7點就到左！所以罐到靠牆邊位置我地揀左呢個二人前，咩都有d 第一味上菜既係網燒安格斯牛扒，佢雖然薄薄地，食落好食牛肉同牛油既香味！燒到啱啱好唔太「銀」再黎就係迷係磯煮飽魚，細細份既小食，每人兩啖秒殺到兩杯特像！我呢杯真係好像富士山囉！好靚呀佢上面係雲呢拿雪糕👍🏻👍🏻八爪魚丸唐揚，我佢表面好脆好香口，入面軟林林！又食到八爪魚粒呢個煙三文魚沙律，酸酸尾尾合晒我河車呢個我鍾意到最後既牛肉壽喜燒，三大片牛肉雪花均勻好吸睛囉個湯好香濃壽喜燒味！！結尾黎一個木槺布甸，食到新鮮既味道呀埋單$548，食到咁多野！飽到抱住肚走

觀塘工廈又一驚喜! Cafe setting D sofa 晉舒服! 裝修又靚。咁既環境食野, D價錢仲要唔貴! 工廈租金真係惠及消費者 芝士明太子蛋卷 $38個蛋好厚, 熱辣辣，明太子下面仲有濃濃芝士, 好正!唐揚淮山條 $42炸得勁脆, 感覺冇薯條咁飽飽滯滯, 反而入面仲有D蔬菜既水份。醬燒茄子 $42一見到燒茄子就會叫XD 佢呢隻係剝左皮既茄子, 食落就會林身D,佢呢度加左大量醬汁同木魚, 好入味呀 <3原條鰻魚炒飯 $128勁抵食, 條鰻魚好長長長長! 百香果乳酸梳打 $34上面有雪糕, 個果汁底酸酸地幾開胃, 仲有發光既冰打卡able ^.^

蕃茄豬骨豚肉鍋火鍋上枱等佢滾既時候 已經聞到好香好濃既蕃茄味 而個蕃茄湯酸酸地 好開胃😼😼😼花魚一夜干條花魚比我想像中大條 好甜 好厚肉👏🏻👏🏻點埋個汁真係好夾好食芝士明太子燒兩者夾得好好 咬落中間有淡淡既芝士味 鹹甜鹹甜間有個平衡點 唔錯唔錯鰻魚炒飯嚟到已經見到好多人嗌依個鰻魚飯 而網上都見到有人推介 所以我哋就叫咗個嚟試吓😂😂😂廚師一啲都唔孤寒 落鰻魚汁落得好爽手呀 所以食落個汁好濃味 每一啖都好香鰻魚味👍🏻👍🏻而條鰻魚更加無得彈 鰻魚有成15cm長 食完有啲想encore呀🥳🥳

今日放工之後約左舊同事去食dinner，近近地就簡左駱駝漆 3 座既鳥棲日本料理 門口位置係草牆好岩打卡  ▶️原條鰻魚炒飯 咁長既鰻魚仲有飯的份量也有很多，賣相非常吸引🤤炒飯的味道剛剛好，鰻魚很長都幾肥美，燒得好香，鰻魚汁唔會太鹹，細骨唔算有好多▶️迷你磯煮鮑魚 $58磯煮係日本煮海鮮的其中一個方法，意思係醬汁及昆布慢火去炆，令肉質保持鮮嫩彈牙😬▶️胡麻汁牛肩胛 $68係自慢燒肉系列中有豬、牛、羊、雞選擇，我就揀咗牛牛🐮2個人都每人都食到4塊左右，牛肉味也得濃🤤放鐵板上面自己燒，生熟自己控制~仲有胡麻醬汁可以點▶️富士山特飲 藍橘味 ($35)呢個特飲真好靚😍完全係富士山的樣子🗻仲會變色的💡飲落好香嘅橘子味，有舊雲呢拿雪糕係上面🤤將雪糕整落底，即起泡泡呢個影果真係預計唔到🤣不過又幾靚～

觀塘多餐廳，花多眼亂，比原條鰻魚飯吸引住，所以揀左鳥棲。第一道上菜既，就係原條鰻魚炒飯。鰻魚肉質鮮甜，而不會因為肉質太厚，令口感太油膩。每一口再襯托充滿鑊氣既炒飯，令鰻魚炒飯既味道得以昇華。其次就係帆立貝北海燒。原隻既帆立貝，加上creamy 既芝士一齊去焗，令帆立貝既肉質可口美味，讓人一試難忘。之後，就係燒雞軟骨和燒豬頸肉。廚師巧妙既手勢，令雞軟骨和豬頸肉外皮色澤均勻。雞軟骨既肉質香濃可口，非常美味。另外，豬頸肉既肉質香脆，又帶點辣味作調味，非常野味。最後，就係巨峰富士山。濃郁巨峰提子汽水，令品賞完美食既我地，能夠止一止口腔內的渴，再加上一球白色雲呢拿雪糕，令飲品不再單調，亦有甜品的作用。

收工去屋企附近駱駝漆大廈搵食，五樓有呢間鳥棲，食日本熟食。今晚我地兩個人叫左啲串燒、兩個前菜仲有個飯。平日夜晚呢度都非常多人，全場30-40個位左右幾乎坐滿。牛油果蟹籽沙律$48係個蟹柳、蟹籽、青瓜絲沙律，牛油果有四塊薄片，加上沙律醬，都係個幾開胃既前菜。芝士明太子蛋卷 $38蛋味都幾濃郁，咬落都鬆軟。中間芝士略嫌未係好夠溶，成舊偏向一邊，面頭有明太子。燒冬菇 $15一串兩粒，上面有木魚絲。鹹鹹地。燒菠蘿 $18菠蘿唔會燒到乾曬非常好。燒雞翼 $30雞翼幾有驚喜，燒得好香，雞油出曬黎，個皮半脆，入面雞肉仲係好嫩滑。醬燒茄子 $42茄子係醬燒所以唔會好多蒜。燒完既茄子夠曬腍身。原條鰻魚炒飯 $128條魚幾長，而且味道控制得唔錯，鰻魚醬唔會太鹹。份量偏細，一碗飯左右。最後加一後人均$170。

最近好想食日本嘢，就約咗朋友來觀塘駱駝漆大廈嘅鳥棲日本料理，好耐之前食過一次，印象好難忘，因為水準非常之高，食物好有誠意。今次叫番上次叫過嘅鰻魚飯，真係好好食，同其他餐廳好有分別。佢嘅鰻魚好嫩滑，份量多，飯底味道好豐富，唔係只係白飯咁簡單。我哋又試咗上次冇食嘅磯燒鮑魚，嘩，好鮮甜入味，而且一啲都唔硬，好soft，味道係驚為天人呀！上次有叫嘅汁煮花螺，今次encore，都係咁好食😋呢度嘅環境超正，好chill，全部梳化位，真係嘆住食呀！

位於觀塘工業大廈內嘅鳥棲日本料理，好多朋友食過都讚，今晚嚟食完都好滿意，覺得食物好高質。首先呢度嘅佈置好有日本氣氛，而且梳化位好舒適。我哋一行四人點咗好多唔同嘅菜式share，好豐富呀。首先叫咗前菜有花螺，鮑魚，牛油果沙律同埋明太子沙律。沙律好清新，食完開胃。我哋又叫咗串燒，有菠蘿串燒同埋芝士免治雞肉串。芝士雞肉串非常美味，啖啖肉，燒得香。我哋還叫咗網燒安格斯牛扒，有朋友係牛魔王，佢食得好開心，大讚牛肉味濃。鰻魚飯可以話喺度嘅招牌菜，真係人人食過都讚， 四個人share，因為太好味搶住食，好快就清曬。下次可以再嚟，因為真係唔錯。