鳥棲日本料理 (已結業)

Found a lot of good reviews on this newly opened restaurant which wasn’t opened a long time ago. When we arrived, it was actually full house despite the current situation. The environment looks really cozy and the chairs were comfy and nice. The staffs greeted us politely, checked the temperature for us and also offered some hygiene preparation for us before dinner. the environment operates as an open kitchen, quite nice. we ordered their popular starter the fried chicken with mayo. Wow it came

最近少出去吃飯，想起最多的一定是日本菜，年初去了觀塘的鳥棲日本料理，覺得值得和大家分享一下。餐廳環境寬敞，桌子之間的距離很足夠。廚師推介的燒肉頗吸引，決定試試。芝士明太子蛋卷 $38大大件蛋卷口感軟綿綿的，明太子的份量也絕不手軟，但味道亦不會太鹹。他他醬魷魚圈 $58邪惡的一道炸物，炸漿不會太厚，口感夠香脆，內裡的魷魚軟嫩，配以混了碎蛋的他他醬，絕對讓人想一吃再吃。燒汁牛舌 $68牛舌連鐵板一起上，自己燒，熟度可以由自己控制。牛舌切得厚薄剛好，2邊輕輕燒一陣子已夠，剛熟的口感最好，而且牛舌的牛味十足，不錯。原條鰻魚炒飯 $128真的很大條鰻魚，鰻魚燒得頗香，而且肉質夠厚啖啖肉，味道不過不失，但不會有腥味，炒飯也炒得夠乾爽又粒粒分明。櫻花水信玄餅 $38以甜品作結最滿足，選了水信玄餅，賣相精緻，味道不太甜，口感又夠清爽。

連我都唔記得有幾耐無黎過駱駝漆，以前係附近返工，會經常幫襯呢度的餐廳、特賣場，今日再黎隨即到地面店鋪掃左幾盒面膜，真係好抵買！再慢慢行逛每層商店，睇下有咩新發現，有幾間餐廳未試過，見到門口有大大塊「草牆」的鳥棲有得食壽喜燒，忍唔住即刻入左去。天氣凍左最適合食返d暖笠笠既鍋物，好多枱都叫左壽喜牛肉鍋，我地都忍唔住叫埋一份 醬油好快滾起，甜度唔會過甜膩（呢樣好重要），粉絲、娃娃菜、豆腐吸曬湯底精華，最甜最入味。牛肉分量亦不少，大概6-7片，慢慢淋醬油將牛肉涮熟，確保食到嫩滑多汁的牛肉片，肉質不過過老。串燒種類多，我地揀左秋葵豚肉卷、芝士免治肉棒、鹽燒牛舌，三款之中最中意芝士免治肉棒，將整塊燒香的芝士鋪在免治肉棒上，同時食到碎肉和軟骨部份，口感爽脆。鹽燒牛舌簡單以鹽和胡椒調味，再撒上少許檸檬汁，肉質爽口又軟熟；秋葵豚肉卷亦不遜色，平時食開蘆筍/荔枝豚肉卷組合，秋葵卻係第一次，感覺幾健康新鮮。打卡之選藍桔富士山，粒燈係會轉唔同顔色，呢隻水藍色真係超靚，本來以爲味道會麻麻地，點知飲落又唔錯喎，有d似波子汽水，配埋一球Vanilla雪糕，$35一杯價錢合理。豚肉炒麵可算係日本家常菜之一，豚肉片分量

今次又響觀塘區開餐，其實依家工廠區呢邊食市已經發展得好成熟，選擇多到你唔信，高中低檔次乜都有，但中要樓上鋪居多。而今次㨂左呢間日式料理就響著名嘅駱駝漆大廈。請留意，此大廈繁忙時間真係會非常繁忙，等電梯真係要等一段時間😅今晚2個人去食，而且同伴食量不大，所以只係點了2份食物，不過原來份量都幾足，所以都足夠有餘。分別點了一份豚肉炒麵，與及一份松葉蟹鉗海鮮鍋。前者大路嘢，不過不失，反而後者極力推介，好足料，而且啲料都新鮮。是次雖然等𨋢等到小小嬲嬲地，但都真係值得一試👍🏻👍🏻

近排出一次街一定係PLAN好哂行程盡量minimize出街次數, 一星期一次點都要買食嘅飲嘅, 最近仲買多樣: 烘焙嘅. 今日嘅駱駝漆採買日收獲豐富, 差唔多7點, 食埋晚餐先返屋企. Li間日本料理之前食過lunch大份夾抵食, 夜晚menu都好正呀.>南蠻炸雞籃 (HKD62)推介😋炸雞大大件, 外皮係新鮮炸起嘅酥脆, 雞肉肉質勁tender.>帆立貝北海燒 (HKS38@)>香草燒羊架 (HKD52)個人比較鐘意超級重孜然粉嗰隻燒羊架, 店家嘅燒羊架雖然無咁孜然, 但就非常juicy, 啖啖肉都滲住唔羶嘅油香.>雙重芝士年糕 (HKD45)必食!!! 一碟兩件芝士年糕輕糯到不得了, 咬開啲芝士緩緩流出, 超好味.>滑蛋黑毛豬 飯 (HKD82)黑毛豬扒炸皮good, 又唔肥, 滑蛋喺醬汁滾起先落, 洋蔥索滿濃濃嘅味道, 送珍珠飯正呀.>鳥棲和牛 (HKD36)一人一條和牛串燒, li隻和牛唔算太多脂肪, 完全無筋的👍🏻.>牛肉他他燒 (HKD88)正!!!! 一片片冰鎮牛肉他他Dip 加左蘿蔔蓉嘅汁, 非常新鮮.>藍

觀塘一直都好多隱世美食，仲要又平又好食😋今次嚟到駱駝漆大廈，係依度買完野，順便過嚟醫下肚，俾我發現左依間又高質又抵食嘅日式料理！每樣嘢食都好有特色我同朋友2個買單都只係$350，食到捧住個肚走🤣軟殼蟹天婦羅🍤$68皮薄餡靚，外層炸到脆卜卜，裡面嘅軟殼蟹好香蟹味，勁鮮甜😋超邪惡美食南蠻炸雞籃 $62炸雞係高水準，雞肉鮮嫩多汁，必食炸物壽喜牛肉鍋 $128依個係必食推介，材料勁豐富，裏面有白菜、娃娃菜、豆腐、冬菇、粉絲，仲有超多超多肥牛，餐廳一啲都唔吝嗇，食肥牛都食到勁飽🤣而且肥牛好香牛味，正！富士山飲品$35好特別，下層係薄荷可樂，上邊係軟雪糕，當飯後甜品一流，賣相好，味道好😚原味波子汽水$24我朋友就叫咗支波子汽水，日本製嫁，係童年嘅味道啊😛❤️

成日掛住日本又無得去住，咁啱經過觀塘見到有間日式料理就去試吓✨壽喜牛肉鍋🥘日式料理點可以嗌牛肉火鍋，鋪滿肥牛配上豐富嘅配料裏面有豆腐、紅蘿蔔🥕、冬菇、金菇、粉絲同埋白菜🥬，仲有蛋汁索晒所有湯嘅精華，兩人份量啱啱好明太子雞翼🍗脹卜卜嘅雞翼一啖食落去啖啖肉，配料不算太重明太子味，而雞皮又薄又脆口，再配合沙律醬同檸檬汁有幾好味喎原條鰻魚炒飯🍚又係鍾意食鰻魚嘅我點都要一碟你試吓，賣相已經睇落去好豐富，原條鰻魚脂肪比例適中，炒飯加咗鰻魚汁口感唔錯喎藍桔富士山🗻話明富士山佢個外型好似🗻好睇又好飲唔好睇佢係藍色唔知嚟，佢真係桔味嚟仲要加咗粒閃燈冰🧊夠晒夢幻白雪雪頂層原來係雲呢拿雪糕，俾佢賣相吸引住，打卡位必試百香果乳酸梳打🥤鍾意百香果茶加咗乳酸梳打酸酸甜甜再配合唔好嘥，夏天飲必備推介

觀塘啲工廈通常都搵到好多驚喜，呢間喺駱駝漆大廈上面嘅一間日本料理店鋪，就認真可以再食多次。由於疫情關係店主同員工佢哋都好貼心，擺咗好多消毒酒精搓手液喺每一張枱度，務求客人食得安心又放心，呢度坐得好舒服，每個座位都係梳化同埋枕頭，可以放鬆一下。第一道菜迷你磯煮鮑魚，切成六小片，食落去好爽口，磯煮的味道香濃，像薯片一樣，食過返尋味，奈何鮑魚非常珍貴，好快食晒嚕。之後朋友話想食炸雞，呢度嘅南蠻炸雞籃都做得相當出色，千島沙律醬蓋滿了新鮮炸起的雞塊，外脆內熱，令人急不及待放進口中，炸雞仍保持新鮮的雞味。花魚一夜干這個名字有趣且有詩意，附上天婦羅蘿蔔絲酸汁，朋友食到剩返一條骨，可想言之魚係幾新鮮同好吃。大蔥雞肉稻庭烏冬用一個熱鍋上枱果真有很多大蔥和雞肉，頓時可以果腹，味道什佳。甜品當然唔少得呢度嘅水果雪芭，日本嘅柚子不嬲都好正，所以叫咗柚子味，酸酸甜甜冇令我失望，能中和口中大蔥的味道呢。

一直都說觀塘是個覓食好地方而今次去的駱駝漆大廈不用多介紹大家都知道是個尋寶好去處皆因有不少特色商店而食店選擇亦不少這間既似Cafe又似日本居酒屋般的餐廳之前經過時已經有注意過它因為門口的一大片綠色草牆挺搶眼的今晚終於約了朋友來此用餐店內裝潢有點似優閒的cafe風格所有餐桌椅都是寬敞的梳化食飽過後坐著聊天真的舒適如在家裡般食物方面我們先點了軟殼蟹天婦羅及牛肉他他燒天婦羅炸的酥脆,油粉比例剛好炸粉不會太厚,而且不油膩至於牛肉他他燒真的不得不讚薄切牛肉整整齊齊地排在冰上從色澤看上去都已經覺得很新鮮入口果然真的食到牛的鮮味連同洋蔥條蘸上醬油同食更好味之後還有主菜蕃茄豬骨豚肉鍋湯底超好味,夠清甜,蕃茄精華完全溶入湯中豬肉肉質嫩滑,配菜則有花菇豆腐及冬粉兩個女生食,份量剛剛好食飽以後再點了兩杯飲料坐著聊天一杯是薄荷朱古力咖啡拉花的圖案拉得好靚,用來打卡最呃Like至於藍桔富士山同樣是必影相po IG之作杯底有閃燈做裝飾,幻變出不同顏色將雪糕球溶入特飲裏即瞬間起泡真的像富士山爆發般,好得意這店也有幾種雪葩甜品都見到好多食客有叫來吃應該也不錯,可惜今晚已吃飽,唯有下次再試

第一次來呢間野，其實我都幾憎來駱駝漆，因為我懶人多屎尿成日要去廁所，佢呢幢野去廁所好麻煩。但聽人講呢間野幾好食，咁就一定要試吓啦！今日商務晚餐約咗Miss Audris 試呢間野，呢間日本料理好神奇係冇壽司食，呢位靚女好識叫嘢食，叫咗啲炸物啊，各項嘢啦。作為女士的她，她非常欣賞，個飲品因為冰會發光！我哋叫咗鰻魚飯幾好食如果淡身啲就一百分，其他食品都幾好，大家看圖便明白，不用多作吹噓！靚女最喜歡食甜品，佢本來想叫蘋果嘅雪芭，點知冇貨就叫咗椰子雪芭，我就叫咗呢度最出名嘅櫻花乜乜乜唔記得，好得意應該係必叫嘅！其實由於同靚女食飯，成餐飯整體都好食咗😂😂😂😂就係咁，Hong Kong Dollar(講完)🤣🤣🤣差啲忘記講啲坐得好舒服😉

是日同朋友去到觀塘駱駝漆大夏的食店:鳥棲日本料理座位比較舒服，同埋最貼心的系，枱中會有支搓手給你，另外店舖的職員都好NICE，會主動同你加水，態度友善同朋友點左佢地出名的原條鰻魚炒飯，松葉蟹鉗海鮮鍋，櫻花水信玄餅，同埋藍桔富士山梳打原條鰻魚炒飯原條鰻魚炒飯一上來，鰻魚炒飯的香味真的好吸引人食，原條鰻魚味道唔錯，炒飯底味道好惹味，松葉蟹鉗海鮮鍋松葉蟹鉗海鮮鍋真的好多料，有菜有菇有好多不同的海鮮，松葉蟹鉗味道好鮮味，另外湯底清清地，真的暖暖我的胃，櫻花水信玄餅櫻花水信玄餅一上來，櫻花在入面，透明的球真的好靚，加埋黑糖汁，食落味道唔錯，藍桔富士山梳打藍桔富士山梳打真的好靚，好吸引人打卡，飲到系桔味，加上不太甜的香草味雪榚，真的好正的飲品，總括來講呢個價錢同食物質素都真的唔錯!

去觀塘行街街，shopping完，個人散晒，我地就向附近搵野食。觀塘勁多公廠大廈，好多野賣，亦有好多特色野食。我地搵到一間叫鳥棲既日式餐廳，就入去試下。一入門口已經見到好多張沙化座位，睇上去好舒服咁，重要係勁闊落。我地坐底左，店員就比餐牌我地，餐廳都勁多野食，要一段時間先選好食咩😂餐廳有2人套餐供應，價錢都唔算貴我地叫左個牛油果蟹子沙律，份量都算大，2個人食當前菜岩岩好。佢地啲牛油果好新鮮，將啲蟹子同沙律醬撈埋一齊食，非常好味👍🏻主菜方面，我地叫左一個滑蛋黑毛豬排飯，雞軟骨同埋牛舌串燒。豬排飯幾特別，要自己燒熱佢，再加入雞蛋，撈埋一齊先食得。味道不錯，豬排吸收埋啲汁，再加埋雞蛋向表面，好味。串燒都係整叫即燒，好新鮮，牛舌燒到岩岩好，加上檸檬汁，將味道提升了一個層次。雞軟骨外脆內軟，加上少少鹽，當小食咁食，一流👍🏻👍🏻總括來講，呢間餐廳面積大，坐得舒適，食物好味，推介指數達到⭐⭐⭐⭐

最近都唔敢去咁遠食飯，近近地試下工廈日本菜。韓風牛舌 ($28)本來以為係冷盤，原來係熱食。 牛舌厚切入味，韓風醃料甜辣惹味。迷你磯煮鮑魚 ($58)雖然細細隻，切得好厚既關係，煙煙韌韌好有口感，點少少豉油更加鮮味。煙三文魚沙律 ($62)煙三文魚同蟹籽都幾多，沙律菜好新鮮，作為開胃菜一流。南蠻炸雞籃 ($58)全晚最滿意既一味。 食得出新鮮炸起冇翻炸，脆漿好薄好香脆，雞肉夠入味，直頭好食到覺得呢度應該直接轉營做日式炸雞專門店，一定大賣。鳥棲豚肉炒麵 ($82)一黎香味就令我諗起大阪燒，十分香口有鑊氣，我加左少少炸雞既沙律醬，味道更夾更上一層樓。 不過份量比想像中少，麵底多d就好。壽喜牛肉鍋 ($128)牛肉、豆腐同菜都幾高質足料，最正係底下有埋韓國粉絲索汁，牛肉用生蛋點一點更加滑，配芝麻醬完全係滿分。柚子雪葩 ($48)係其他日式餐廳都食過一模一樣既甜品，同幻想中一樣咁好味。 柚子酸酸甜甜，味道好天然，個人認為必叫，為今晚畫上圓滿句號。

同男朋友鍾意係觀塘搵唔同既餐廳食飯，今次搵到呢間係工廈有好多正平既日本餐廳一試。餐廳環境舒服，燈光較暗，今次坐沙化卡位，都有少少屋企既感覺😊職員都友善，helpful👍🏻我地兩個人，叫左3道菜都好夠飽，因為好大份，整體味道都可以，但無想像中咁好味，可能期望太高😅首先黎左個松葉蟹鉗海鮮鍋。值得讚既係用料好足，有蟹鉗，帶子，青口，蝦，冬菇，金菇，粉絲，豆腐同娃娃菜。湯同食材既味道都係較清淡，鍾意啖口味既可以一試，鍾意濃味既就不推薦呢道菜啦。原條鰻魚炒飯賣相好靚，好大份，味道唔錯，燒鰻魚既汁甜甜地，配個炒飯一流。但係個炒飯質地偏軟身，本人比較鍾意硬身少少既炒飯。八爪魚丸就中規中矩，同一般八爪魚丸一樣，唔太特別😂藍桔富士山，最特別係佢會有燈係杯飲品入面，不停轉色😂味道就係波子汽水既味道，但將雪糕攪拌埋汽水一齊飲就幾好飲😊

觀塘工業區一向多食肆，但係要知邊到邊層有就真係靠睇美食post，唔睇人介紹都唔知有間日式餐廳。枱面都有一枝酒精噴霧，比客人食野前清潔雙手。-💕原條鰻魚炒飯 $128💕牛肉他他燒 $88💕雙重芝士年糕 $45💕巨峰富士山$35-💕 原條鰻魚炒飯 ⭐⭐⭐⭐鰻魚好好好大條同肥美😍長過隻碟😂鰻魚汁調味剛好，鰻魚都燒得好香，不過未去到彈牙有口感或者係入口即溶個種，但係係個飯到仲有加分，通常鰻魚都係配定食白飯，冇見過係配番鰻魚炒飯，真係食鰻魚食到夠🤣炒飯味道相對就冇咁咸，加埋鰻魚同鰻魚汁就剛好了！/💕 牛肉他他燒 ［滿星］⭐⭐⭐⭐⭐‼️第一次生食牛😳冇仼何接受唔到既味道，反而一試就愛上，好似食緊吞拿魚刺身咁既口感，再配上酸酸地既汁，好特別！/💕 雙重芝士年糕⭐⭐⭐⭐即叫即整，熱辣辣，脹卜卜的😍芝士年糕內層除左有滿滿既芝士外，上層都放左一塊炙燒芝士，對我黎講就有點膩，不過一人食一件絕對ok，年糕都做得好煙韌，不錯👍🏻-環境：7/10服務：9/10好味指數：9/10回頭率：9/10