鱻潮手工私房鍋 (已結業)

勞工假前的一夜，放工相約好友去沙角邨搵朋友聚，之後好友介紹在附近博康邨晚飯，說這裡很多很多好正的餐廳! 在眾多選擇裡，好友推薦鱻潮手工私房鍋，我一去到也被吸引了!朋友早已訂位，但因為客人很多，我們在店外等了大半小時才可以進去。好友推薦的就是這個餐了 --- 蟹宴夜!說明蟹宴夜，第一道菜就是凍蟹了! 四個人吃，一人一隻!我很少吃凍蟹，沒想到原汁原味沒有添加任何調味的凍蟹是這麼好吃的! 完全可以吃出蟹的鮮味!再來便是咖哩蟹! 天呀，咖哩蟹好香呀! 有點辣，但是不算很辣，咖哩香有點點惹味!蟹很大隻，啖啖肉!之後來了我十級推薦的星洲黑胡椒炒蟹! 我本身不太吃胡椒，但沒想到這道星洲黑胡椒炒蟹居然如此美味!簡直超出我所想!! 汁很香很濃，如果有白飯的話，可以用這道菜的汁吃上很多碗白飯啊! 是佐飯的最佳選擇!吃了三道不同煮理方法的蟹後，我們便開始吃火鍋了! 湯底配料非常足! 有不同菇菌，還有補眼的杞子、准山等藥材! 湯底很濃呢!套餐包括招牌手工蟹子蟹肉珍寶珠! 我是蟹柳的超級粉絲，八寸長的皇帝蟹棒簡直是我最愛，我當然要吃!但沒想到旁邊外型很像珍寶珠的手打丸味道如此正，而且彈牙，超出我所想!手工魚皮&

最近好想食麻辣火鍋，所以特登去到博康村試個手工湯底加麻辣湯底。入到去環境一般，但店員好熱心招待。店員就講解左有咩套餐食，咁就簡左個任食打邊勞，個湯底一黎個麻辣味勁香，口水都就流埋，而另一邊既鮮魚湯就好鮮甜，又冇咩味精而佢任食既配料非常多有成四十款，仲有個海鮮拼盤送。拼盤D海鮮都好新鮮，放埋入去鮮魚湯到，更加鮮甜，D豪都好大隻好鮮甜，其他配料最特別就係個魚皮，勁大塊又脆卜卜，最值得一提就係個麻辣湯底，真係越食越辣，好入味

平時跟朋友聚會，一般都會挑選較得體的餐廳，但跟知心好友吃飯，那就不同說法了，通常著重食物質素多於環境氣氛。可以不施妝粉，戴副眼鏡，隨便踩對鞋就去用餐，因為反正對方都熟悉最不修邊幅的自己，這就叫做知心好友。今晚去沙田吃海鮮蒸鍋，這還是我的第一次吃蒸海鮮呢！飯店裡面裝潢實在簡樸，感覺以街坊生意為主。星期一至四，每位$198，可選擇六款海鮮，兩款肉，三款蔬菜，還有一鍋南瓜排骨粥。免加一，不過要收醬油費$10，任飲汽水或啤酒另加$20。最底層是粥，頂層蒸海鮮，有鮑魚、大蝦、海花蟹、蜆、鮮魷和蚌。但每種海鮮蒸的時間不一，蟹花5分鐘，其他2-3分鐘基本就熟了。鮑魚大小適中，軟腍爽口。大蝦肉質彈牙清爽。蚌甘脆嫩滑，海鮮整體新鮮。鮮魷卷成花瓣好看又好吃。⭐️安格斯牛頸脊脂肪分佈較少，肉質結實爽滑，肉味濃郁。⭐️黑毛豬薄切，入口嫩滑。⭐️蟹籽南瓜福袋以豆腐皮包裹南瓜，嚐起來有新鮮感。⭐️手工墨魚膠配冬瓜將冬瓜雕空，以墨魚膠填滿，墨魚彈牙爽口。▫️海鮮很鮮美，菜式在平凡中也見精緻，是比想像中出色的體會。

朋友住沙田圍附近推介呢間，於是山長水遠搭咗成個半鐘車入嚟！好彩不負所望！一開始先食個凍蟹，認真好鮮甜！然後重點嚟啦！超大隻咖哩蟹同椒蟹，每人係半隻，4個人就2隻，每款可以一隻，如果細食，食埋隻蟹可能飽咗😂食完蟹就可以打邊爐，叫咗鴛鴦，一邊麻辣一邊菇，強力推薦麻辣！！！差唔多所有嘢都放咗落麻辣！值得推介係炸魚皮同響鈴，超長，炸魚皮其實唔知要唔要好似平時咁浸落湯，因為就咁食都已經好味😌佢係新鮮即炸，上到嚟仲係熱辣辣！總括都好滿意，有濕紙巾提供，有嘢問一定要問侍應，會推介比你食！

探訪朋友，順便去了朋友居企附近的博康邨熟食市場的鱻潮手工私房鍋，餐廳沒有華麗的裝修，但卻十分平實。店內座無虛席，即使我們訂了檯，仍要在門外多大約半小時右左才有檯給我們。我們點了一個名為蟹宴手工私房鍋。凍蟹，凍海鮮比較難做，要知道凍了的海鮮容易有腥味，但這凍蟹相當新鮮，不單沒有味道，而且是能食出凍蟹的鮮甜味。咖哩蟹，好入味，蟹相當厚肉，拆殼後啖啖蟹肉星洲黑胡椒炒蟹，黑胡椒汁相當惹味，比咖哩蟹味道更濃，更香，所以建議先吃了咖哩蟹，才食這個黑胡椒蟹。鱻潮花甲蟹窩，非常足料，用了新鮮的冬菇菌種，湯底充滿了菇類的香味。招牌手工蟹子蟹肉珍寶珠，這個相當推介，因為是人手打的丸類，相當彈牙，鮮味八寸皇帝蟹棒，其實我食火鍋時，一般的蟹柳我都不會食的，但這長的蟹柳是我唯一會食的蟹柳手工魚皮，手工響鈴，賣相相當討好，魚皮完整得來又大塊，而響鈴好鬆化，但灼時要十分小心，因為只要灼一秒鐘就足夠了，放多過一秒，響鈴就好容易斷。安格斯牛頸脊，有趙頭，夠肉味。總結：鱻潮手工私房鍋沒有華麗的裝潢，但所提供的食材都有一定水準，而且以三百元的價錢食蟹宴，價錢是相當大眾化，怪不得晚飯時間是座無虛席，值得推介。

一出新田圍站經過熟食中心既一間小店入面有火鍋磯燒同小食由於有個開放式廚房所以有d野飛黎飛去ORDER左每位198既套餐火鍋但飲品係另外收費有得揀前菜豬牛羊肉海鮮仲有四十種配料前菜只係一般既小食海鮮種類唔算多但都爽甜既配料任叫一般丸同蔬菜都齊全另外有好味既海膽丸同勁大粒既潮州魚蛋魚皮同響鈴勁大塊成個煱咁大但都唔失色聲稱無落味噌既清湯係真係清既麻辣湯都足麻椒同辣椒配豬皮魚皮真係一流最好既係食完身上既味道唔算太重

聽朋友介紹有間新既手工火鍋店專攻蟹迷，當然唔好錯過。間野係沙田圍站隔離一出就到，初頭以為係大排檔咁室外位置，估唔到係室內，仲要有冷氣，坐得闊落乾淨。今次我地揀左個蟹宴鍋試試佢，火鍋醬料有八款選擇，正式有6-7款主菜，另有30款火鍋配料任食😋。主菜1:潮洲凍蟹 -比較小型，但都啖啖肉主菜2: 胡椒蟹- 夠哂乾身入味、扁重口味主菜3: 蟹鍋 -兩隻完隻上主菜4: 手工肥牛，脂肪分佈均勻主菜5: 墨魚滑配墨汁腸、手打蝦丸、特長蟹棒❤️❤️❤️好長呀～～～～～另外仲有兩款主菜、本店自家製魚皮同響鈴，❤️魚皮亦係我今晚最心心眼既一道。大過我塊面呀⋯⋯⋯⋯⋯老闆娘話魚皮係佢地自家製同醃，再即場炸，見到之前食評話硬，但我地今次覺得好鬆脆，好好味，出面都食唔到咁大塊❤️encore!! 呢D就係任食既配料清單。食物好食，又有擺盤，大讚魚皮。隨左食物，服務都好緊要。呢個店服務好滿意，員工平陰姐姐都會有笑容，老闆娘好友善，走既時候仲有黎同我地講招呼唔到今晚好忙👍🏻👍🏻 完全對大排檔個形象唔同哂。下次可以再試試佢唔同既手工鍋套餐。

星期六近近地住樓上落黎試下新野。9點3入座，每位298蚊。一開頭個職員叫我地可以298+28蚊每位任食火鍋，一睇張餐牌，任食火鍋竟然冇肉類，豬肉片都無，如果加肥牛仲要加298蚊，哇，離曬譜，叫罐野飲又要加10蚊。最後我地都無簡到火鍋，淨係叫咗個9大簋。第一道菜係蒸蟹仔，冇肉，冇膏。之後就黎胡椒蟹，蒸鮑魚仔之類，食到第5個餸都完全冇飽意 ，我係女人都覺得完全唔知有冇食過野落肚，唔好話岩岩 收咗工既男人(要提既係果4隻鮑魚仔，好腥，最離譜既係內臟都無清除 ，要自己清)每一道菜相隔既時間都好耐下，而且份量好小，送餐又比較亂，我地先黎，對面枱之後黎，反而有幾道蟹佢地上咗先。服務態度極之差，只係有一兩個短頭髮既好招呼，冇得免費飲野都應該一人一杯水，水要自己出去拎，唔講以為水好貴。有一個長頭髮既女人幫我地整蟹膏，全程黑口黑面，有一個高肥既女人，叫佢拎手套，佢話好，之後走咁去汁枱，結果要叫第二個去拎先有。之後我地漏咗一隻清蒸蟹未上，同佢講，佢話幫我地追，結果完全冇覆我地點樣，再一次問佢，佢唔耐煩咁話“有架啦“咁樣一句。結果都係好d態度果個去覆 ，最好笑既係我地食到最後上個蟹粥啦，個服務員先拎幾隻碟黎

自從前年去過新加坡食胡椒蟹，一直對佢念念不忘！直至喺facebook見到d post 介紹⋯博康邨熟食中心呢間3條魚，sorry 字窮唔識讀!係鱻潮手工私房菜嘅九大簋套餐有胡椒蟹，即刻好想食！今晚終於去試喇！雖然係平日但我都係穩陣d打電話嚟問下有冇得食，確保有胡椒蟹，其他就無乜所謂啦！哈哈！以為熟食中心環境會好差，但望落都幾四正，有室內同室外，就好似細個住果度嘅一間茶仔，早午市食茶餐，夜市食小炒可以坐喺外面，吹風對啤（當然係爸爸同叔叔對啦！）。唯一唔好就係無洗手間，要去街市個公廁，途中仲要經過d收咗嘅檔口，仲有米奇同我say Hello!一坐低就有人拎咗個調味盤過嚟，則係蔥、生蒜，炸蒜、辣椒油、指天椒同芫茜果d。不過佢好似全店得一盤咁，初初我哋坐低時，只有我哋同另一台客，過多陣有多枱客，佢就走嚟催我哋要我哋攞咗調味料先，當時係乜嘢食都未有，跟手好快就攞個調味盤去枱新客度。星洲胡椒炒蟹呢個套餐嘅蟹係可以揀胡椒或者咖哩煮法，咁我當然係揀胡椒炒蟹。打響頭炮第一樣嚟嘅就係胡椒蟹，食店聲稱係採用菲律賓肉蟹，略嫌肉質比較削，唔夠結實，但都鮮甜。胡椒汁比較少，炒起嚟隻蟹比較乾身，但胡椒味都夠辣頗惹味

11/3/2018星期日港島人約埋老友到白石踩單車釣魚，晚上我地打算到沙田冬菇亭食下大排檔風味！ 畢竟⋯⋯香港冬菇亭已買少見少⋯⋯踩著單車拖著疲累身軀到沙角邨，正打算搵一間好食既大排檔，但見沙角冬菇亭全場爆滿！唯有到博康邨再望望，見呢間餐牌上食物幾吸引，就坐底了。呢間火鍋係半任食既，價錢分別$198、248！主題係海鮮。本人對海鮮有極大喜好！所以抱著極大期望！可惜⋯⋯先説湯底，點了鴛鴦湯底，一邊麻辣一邊招牌魚湯！魚湯顔色很奶白⋯⋯但魚味吹奉，只有粟米的甜⋯⋯ 麻辣是夠辣，但沒有那種麻辣香味⋯⋯牛肉點了安格斯牛，上枱時和友人傻眼！！分量大約十片，遺憾是沒有影相！頭5片肥膏分布佔整塊牛肉8成，後5片分布各半！完全沒有牛味！！！海鮮拼盤⋯⋯二人分量，有大連鮑魚兩隻、中蝦兩隻、蜆兩隻，雪冰了的蠔兩隻及兩片一吋乘一吋龍躉肉！這就是海鮮拼盤嗎⋯⋯⋯手打丸，D名我唔太記得， 因為店主改左一D好美化既名字，味道可以，但兩人只有三款，亦係每款各人一件！任食任點的食物，一般火鍋店都有例如水餃，午餐肉等等！ 但你寫1字只給你1件臨走前，我地問店員$198同$248有乜野分別，店員講就係少左D手打丸，跟住我和

周五放工跟男友想沙田附近打邊爐，想找家特別點的，男友網路上搜了下說推介了這一家。看它說是手工我亦心動。進到店竟然沒太多人，正合心意，一直都不喜歡人多的地方。抽煙的亦可選擇坐室外。我們點了個248套餐包7樣定量主菜，這裡想為大家逐一介紹我們覺得推薦的主菜。鍋底首次光顧當然要試它推介的招牌鴛鴦鍋，雜菌鮮魚湯味道很鮮甜，把海鮮和菇菜的鮮味完全提升。最後我們還忍不住要點一個出前一丁要把魚，海鮮，和菇菜的精華都盡情吸收帶到我們的胃裡😋😋 麻辣那邊麻味比較重，我不吃辣的也能吃一點點，可想而知辣味沒有很什。男友吃辣的，他應該是覺得可以更香辣一點。還有，我們打了兩小時到後期不知怎的麻辣這邊湯底變得略帶苦味。就是這點美中不足。先來一碟手工肉丸，左邊的那個應該是蝦丸什麼的很鮮甜彈牙，中間是我最喜歡的墨魚膠弄成壽司似的很有心思，右邊的我太飽沒吃。鴨血加入麻辣火鍋簡直是絕配，這家的鴨血完全不起渣，很滑，又厚富口感。主角海鮮都很新鮮大隻牛味道中規中矩，就係切得太細塊欠缺咗食肥牛果種大滿足口感。魚皮響鈴吃過不少，但這個手工的真的還是要點名讚一下。兩樣都做到好薄好長，浸落湯一兩秒已經全條均勻地達到半脆效果，而且是新

兩個人食！追加$248每位多一些海鮮！但原來上碟鮑魚，海鮮只得一只！最離譜魚只得兩片！餵貓都不夠！之後再來任食！全部都是下㰙嘢！可以夠胆死追加任食！來的全部兩件，如魷魚，豬皮，豬紅，雲吞⋯⋯⋯⋯一句到尾中伏

我就已經黎過兩次，真是好食到不得了，我住得好遠，特登由利東邨來沙田博康邨食野，大家識揀拉👍👍味道好，食物更好，地方坐得真舒服，牛肉入口即溶啊，正，咖喱蟹無得頂👍，真是全香港煮得最好食，是呢間，一定要試下，堅。好。食。正，夠香，夠味。如果下次我地黎食到扇貝，象拔蚌，等海鮮就最好了，如果款式多D就好，可以的話可以加放題食三文魚（任食）😂😂又可以加打完邊爐最好就食個雪糕🙆🏻‍♀️🙆🏻‍♀️🙆🏻‍♀️甜一甜會好開心滋味再滋味，甘就101分了😍😍😍最後大家未試過就快點黎👍👍👍真是好值得大家一試，😁😁ps:老闆娘好好人，好識做生意😂😂👍D啤酒夠曬凍👍👍夏天黎最好，又可以啤一啤，談天說地傾一餐。我五多講拉，未試過就試下，試過一定會愛上打火鍋

突然嚟到博康邨試吓依間私房菜，佢嘅蟹宴非常抵食，當中嘅咖喱蟹同埋潮州凍蟹非常好食，另外仲有個花甲蟹煲，都係非常唔錯，仲有自家製嘅魚皮同響鈴都係非常之一流，出面完全食唔到咁嘅味道，仲有啲肥牛真係堅係正，仲有佢個海鮮煲，絕對夠晒新鮮，龍蝦非常之大隻，確實係超抵食，位置都算闊落，我覺得改善之處有：朱紅冇咩味，放題配料可以有更多選擇會比較好，希望佢推出更多好嘢食就好啦！大家如果對海鮮火鍋好有興趣的話，記得快啲去食啦！

近排天氣突然轉涼，腦海自然地出現羊腩煲三個字，但係真係未試過一間店舖既羊腩係值得回味，正當煩惱之際，就諗起一間近來經常幫襯既手工私房煱，鱻潮，因為食過幾次，同nice 既老闆&老闆娘混熟咗少少，就膽粗粗打去問下有無羊腩煲，點知老闆娘話咁啱老闆整咗少少，你嚟試下，我二話不說立即約三五知己去試，因為我知呢個老闆對食好執著，應該唔會令我失望，好喇入正題，一去到寒喧幾句之後，主角出現了，一煲熱辣辣香味十足既羊腩煲放在面前，我立刻試下個汁先，好香，好似飲緊羊奶咁香，正，跟住再嚟試舊羊腩，嘩！超水準，滑而不（鞋），成個煲唔洗一陣乜都無曬，連配菜乜都清曬，無得頂，最後食埋個黄金魚皮，又係一絕，大排檔價錢，食到咁既質素，抵！