鱻潮手工私房鍋 (已結業)

知道這家餐廳有專門吃蟹的套餐，但個人還是個不喜歡拆蟹的懶人，所以一場來到還是選了海鮮蒸氣鍋。蔬菜類方面可選三種。先來梅菜蒸菜心，菜心洗得頗潔淨，加上不會太鹹的甜梅菜，非常鮮甜。蟹籽南瓜福袋味道也不錯，咬下去內裡的蟹籽會在口腔內爆發，很有口感。手工墨魚膠配冬瓜，墨魚膠新鮮彈牙，冬瓜亦十分鮮甜。海鮮方面，十六款中可以選六款。各款海鮮確實新鮮！鮮魷造型如玫瑰花，新鮮爽口。白鱔圈肉嫩鮮甜，不用多蘸醬油已夠鮮味！龍蝦仔，基本上不用刻意拆肉已經可以食用，非常方便，味道當然鮮甜。鮑魚、象拔蚌、扇貝皆選料新鮮，無需多蘸醬汁便可吃到它們的鮮甜味美。其實重點是店方有告知我們每款食物蒸多少分鐘，所以蒸出來的東西只要夠火喉，就能吃出他的鮮味。肉類方面，我們點選了黑毛豬和荷葉蒸雞。黑毛豬雖然薄切，但豬肉味濃郁。荷葉蒸雞雖然蒸出來沒有荷葉香味，但那些雞確實有雞的鮮味，非常嫩滑。最後，這個晚餐以鮮甜的江瑤柱粥底來作結。看！內裏真的有許多江瑤柱，就二人份量來說，這個粥底份量也未免太多了，絕對令人捧着肚子回家。整體而言，食物是新鮮美味潔淨的，但由於附近是街市，要是環境衛生能加以改善就更好了。

我家寶寶要去大圍睇醫生，晚間當然係喺附近食啦！今次去咗沙田嘅鱻潮手工私房鍋，位於沙田博康邨的熟食市場，皆因呢度有蟹餐食、做緊$288 優惠！仲要免＋1添!首先出場有凍蟹，我哋三個人食，每人一隻、夠晒新鮮好味！汁肉先甜！跟住佢個黑胡椒炒蟹好入味！雖然得半隻，但是都好大隻！花甲蟹鍋係啲花甲有一隻有少少沙、其他都唔錯！最犀利係佢個珍寶蟹柳！真係超超超超長！我哋叫咗個手工魚皮、呢個好特別！因為係新鮮即整、仲要係人手！超級大塊！而且好好食！比起出邊加工過嘅感覺上新鮮好多！當然唔少得就係肉啦！佢用嘅🐷肉係西班牙黑毛豬，另外仲有幾粒手工餃、不過食到呢度已經好飽。Btw ,因為當日抱住BB、食得唔係好自在、所以、佢哋好細心安排左張BB櫈俾我哋、仲要有軟墊、服務真係好好！#鱻潮手工私房鍋

其實呢間嘢初開張時已試咗一次，佢地設計嘅餐係有心思嘅，但係試完無再幫襯。 隔咗咁耐身痕又嚟試下有無變，係無乜變！首先上次同今次都係見女店員，佢哋係好落力亦好勤力，絕對要贊嘅。奈何食物方面真係有好大改善空間，餐單係吸引而且唔貴，不過味道不合格，令到有花巧感覺食物上埸序:1) 咖哩蚧: 夠大隻，夠熱，都好味，合格2) 餐另叫椒鹽鴨舌: 夠香口，但無乜味3) 大辣雞煲: 又一間將大辣同大咸分唔清楚嘅舖頭，幾難食，超老超咸超多油，便利店叮雞肶好食好多，不過份量好足4) 红白麻辣湯底: 個煱好靚，白湯無味，红湯亦唔好味，心諗佢哋想學台式，可惜只有外表5) 配料: 四種花巧丸，二選一，虛有其表心思有，店員亦真係好，知佢哋想做好間嘢，問題係厨師差到極點，完全無改善過，點解唔去人哋度試下味呢。 材料已經响度，攪壞哂！花臣多而不踏實

第一次淨食蟹都食到飽！鱻潮雖然喺熟食市場，但係係有冷氣嘅鋪頭，地方乾淨整潔！我哋叫咗個＄288嘅餐，有超多蟹食，首先上一個潮州凍蟹，雖然未算太大隻但係都啖啖肉㗎，仲好鮮甜！跟住我哋就上左黑胡椒炒蟹同埋咖喱炒蟹，黑胡椒炒蟹好大隻嘎，黑胡椒味都好濃好重，有少少辣辣地好過癮！咖喱炒蟹就唔辣但係都係咁大隻，咖喱汁好正㗎撈飯食一流！食完咁多隻蟹跟住都係蟹囉，因為我哋叫咗個蟹煲，入面有兩隻蟹㗎！呢間食物的份量真係好多，譬如話佢哋嘅響鈴同埋魚皮都係超大超長，魚皮直情係成條魚咁長！好amusing! 佢仲有牛肋肉同黑毛豬肉啦，都係大大碟好鮮甜好新鮮㗎!另外仲叫左蝦滑同蝦丸，勁彈牙爽口，蝦滑係釀咗係腸上面，咁嘅食法都係第一次試，好特別！蟹柳係平時嘅兩至三倍咁長！樣樣野都太大件所以食到好飽，雖然火鍋係任食配料，但係我哋都食唔落啦，只係叫咗芝士丸同埋烏冬就算了！好滿足嘅一餐！

鱻潮手工私房鍋在沙田圍的熟食大排擋，搭馬鐵到沙田圍B出口，就可看到鱻潮，雖然係大排擋風格，但食物一啲都不求其，選擇又多款式，價格平民化，湯底有多款選擇，特別是鱻潮火鍋湯底，湯底味道濃郁，做到四川麻辣的特色。我同媽媽都愛食牛同海鮮，來鱻潮絕對是適合不過，今晚食左個胡椒蟹，超好味！推介！蟹肉夠甜，特別要個汁，超好味，凍蟹夠鮮，超級蟹棒，認真夠肉，味道極鮮，響鈴又夠鬆脆，陳皮魚旦可以用食指大動來形容；火鍋的份量亦上當足夠，鍋料款式多，新鮮。唯獨不太好是... 餐廳沒有洗手間，要出距離太約60 米遠的公廁，始終食蟹需要用手食，之後要到外面洗手始終不太方便，落雨天就更糟... 由餐廳行到公廁都是露天的... 幸好餐廳有提供一大包濕紙巾，都夠貼心。

相信大家都經歷過食海鮮「海鮮價」呢個情況😖食得出色嘆得舒適✨我大胃倩今次帶大家去沙田冬菇亭手工蟹宴😍明碼實價!貨真價實!包你話讚讚讚👍🏻鱻潮手工私房鍋房鍋位於沙田冬菇亭!火車站一出行三分鐘就到🌟環境非常寬敞你睇下我成枱都擺曬蟹仲可以咁輕鬆影相就知道有幾嘆😜我哋揀咗主打 $288手工蟹宴，淨係手工蟹宴呢個主題已經非常吸引✨套餐包咗每人一隻凍蟹🦀另外可以選擇星洲黑胡椒炒蟹半隻或者咖哩蟹半隻🦀第二樣要揀嘅就係鱻潮花甲蟹鍋或招牌鱻潮鍋(麻辣湯或🐠鮮魚湯)!仲有招牌手工蟹子蟹肉珍寶珠.八吋皇帝蟹棒! 手工魚皮或者手工響鈴二揀一!西班牙黑毛豬或者安格斯牛頸脊二揀一!滿載而歸或黑白墨魚磚或鱻潮福袋或香茜手工墨魚丸或鱻潮手工雙蝦棒五選一✨一坐低就有人拎調味盤過嚟，蔥、生蒜，炸蒜、辣椒油、指天椒、芫茜..任君選擇👍🏻🦀第一道菜凍蟹一人一隻凍海鮮通常容易有腥味，但呢度嘅凍蟹相當新鮮，唔單止冇腥味，而且仲食得出濃厚鮮甜味!。沾埋個泰式酸辣汁開胃醒神!🦀第二度菜星洲黑胡椒炒蟹我本身不太好胡椒!但呢個星洲黑胡椒炒蟹非常惹味!\超出我所想!! 醬汁黏在飽滿蟹肉上，香氣濃厚，辣味溫和不嗆喉!🦀我哋揀咗花甲蟹鍋魚湯湯

途經博康邨，見到竟然仲有冬菇亭呢的懷舊地方就諗住入去食下野，就比鱻潮呢個名吸引左我 ，膽粗粗入去試下 睇下佢的食物係咪好似佢既招牌所講甘新鮮我地兩個人就選198既海鮮蒸鍋一開始就有一個大鍋送上來檯面，上層係蒸海鮮，下面係粥底，之後海鮮就係老闆按當日貨源選六種海鮮比我地食 分別有龍蝦 大蜆 元貝 白鱔圈 聖子皇 店舖仲好細心 有埋計時器同各種食物所需時間表，令到你預計到用時間去品嚐食物同埋佢係用蒸既形式 令到食物可以原汁原味每種食物都好似店名一樣 好新鮮 好甜美 令到我好想再食另外佢的菜唔係 只係比菜你食。菜上面仲有牛肉 令到你食既時候 菜上面有牛既肉汁 令到菜都好味的最後的粥 我選左南瓜排骨粥 ，加埋之前海鮮既汁混左入去 令到的粥好鮮甜 不過兩個人真係食唔曬甘多粥。我已經好努力食左三大碗

食$288/人既餐， 食到捧住個肚走！1. 首先來個凍蟹，好鮮甜，仲有少少咸咸地配埋個泰式生蝦醬。成疏疏肉，太正了！2. 咖喱蟹：個蟹比個凍蟹仲大隻啲，都係咁新鮮，啲肉好嫩滑！個咖喱醬汁唔係普通咖喱醬，好欣賞佢既係仲會有蛋絲係入面，仲帶點椰香。好好食，做得好出色！3. 邊爐有兩個湯底，分別係麻辣同清湯 麻辣湯底落足功夫，有花椒、八角、當歸、鴨血、好多香料。個湯好香好麻。4. 清湯有紅棗、玉竹等藥材，連個湯底都咁好心思。5. 邊爐配一碟安格斯牛頸脊，好重牛味，如果再薄啲會更好。不過好新鮮！6. 邊爐配菜： 粟米：十分甜 芋頭：夠粉、淋，唔會生水 南瓜： 甜、淋嚮鈴同魚皮：超大條同好脆鯇魚片：好新鮮、爽，唔似出面啲梅梅欄欄。蟹柳棒：好長、甜鮮冬菇：好有心機，每個都有介開 咁熟左後就好靚豆腐包：入面有蟹籽 好特別韓國年糕：煲耐左後食落就好似牛筋咁 太正了烏冬係讚岐，薯粉好QQ呢到樣樣食材都好新鮮，又好細心預備濕紙巾同手套。仲有有好好聽既歌，可以好享受地食。唯一需要改落就係冷氣唔夠！

一路都好想試下海鮮蒸鍋, 經朋友介紹下, 一行3人走去博康邨熟食市場的鱻潮手工私房鍋, 地點相當方便, 於港鐵沙田圍站A出口步行約5分鏗就到達。餐廳裝修十分平實。我們點了這個"私房蒸鍋"餐, 店員很細心講解蒸鍋程序!先送上蒸鍋1個, 上層蒸海鮮, 下層煲粥。另附上蒸食材時間參考及計時器, 令你不會蒸過籠, 十分細心呀! 6款由廚師發辦海鮮, 有聖子皇 - 十分新鮮, 扇貝 - 很大隻及十分鮮甜, 鮮魷  - 好爽嫩!龍蝦仔 - 十分鮮, 多肉又甜美, 鮑魚 -  大隻得黎又夠軟腍, 仲十分鮮甜, 白鱔圈 -好爽口!安格斯牛頸脊 - 好有牛肉味, 爽口又唔韌。荷葉蒸雞 - 雞肉嫩滑又充滿荷葉味。手打蝦膠配勝瓜 - 蝦丸非常彈牙。手打墨魚膠配冬瓜 - 都係好彈牙。蟹籽南瓜福袋 - 好有新鮮感。乾瑤柱粥底 (下層) - 好綿好鮮甜。**全部用料新鮮, 又平民價錢, 我會再黎!

今晚去左沙田圍既鱻潮食私房蒸鍋，估唔到比想像中出乎意料的滿足。先講交通，都好方便，一出沙田圍馬鐵站 A 出口轉左就見到，大大個招牌，完全冇難度。入到去，好多人食蟹煲，但本人對蟹敏感唔食得，於是叫左私房蒸鍋食，係海鮮類點左6款無蟹的海鮮。蒸鍋分兩層，下層放水、米、乾瑤柱等，一方面提供水蒸氣，另方面順便煮埋粥，一物二用，幾得意。上層就放新鮮材料，老闆仲有個專用既計時器同時間表，方便蒸煮，唔怕d 野唔熟或太熟，讚。先講海鮮，鮑魚、聖子、扇貝、龍蝦仔係必食！新鮮蒸熟再點自己混合既醬油辣油，肉質keep得鮮嫩又惹味，如果用黎送飯我估我食到3碗飯！食完海鮮主菜，已有點夠喉，點知仲有安格斯牛頸脊同荷葉蒸雞，嘩正。跟住仲有彈牙爽滑既墨魚膠同蝦膠丸，好在我戰鬥力強，繼續清貨。最後當然有之前係第2層煲緊既瑤柱粥，做一個完美既終結，唔知係咪時間岩岩好，d粥夠杰夠稠，雖然已飽到上心口，但真係要值得一試。以$198可以食到咁新鮮同豐富既私房蒸鍋，性價比真係好抵，食完好滿足，諗緊可能下次再約多班 friend 黎食！

聽朋友介紹呢間餐廳食蟹唔錯,所以慕名而來而且價錢仲好吸引！$288有蟹食，仲有40種火鍋配料任食頭盤凍蟹，蟹好新鮮而且每隻都有膏除左凍蟹仲有胡椒炒蟹及星洲咖哩炒蟹胡椒炒蟹有新加坡風味今次我哋揀咗鴛鴦鍋其中一邊係麻辣湯底😱除左蟹之外另一個重點推介即炸魚皮、即炸嚮鈴，d魚皮仲長過筷子香脆可口，必食推介！火鍋配料新鮮，份量十足八寸長蟹棒鮮味十足，手打蟹肉滑十分彈牙總括：雖然地點有d遠，但以優惠價格食到高質食材，值回票價！

適逢母親節 於是就帶左湊大我嘅婆婆去食返餐好 孝順下佢老人家🤗今次黎到沙田圍嘅鱻潮手工私房鍋雖然有少少遠 不過食物真心高質👍🏻我哋叫咗個蟹宴手工私房鍋套餐 ($288/1)一人一隻凍蟹(約六兩重) 蟹肉都幾多然後可以選擇黑胡椒蟹或者咖喱蟹我哋揀咗重口味啲嘅咖喱蟹都唔係算太辣 咖喱味都幾重 好味然後主角登場 鱻潮花甲蟹鍋🦀湯底好鮮味 配上特色手工雙蝦棒同皇帝蟹棒個種鮮甜係好正😆 極度推薦佢嘅手工炸魚皮炸到勁脆 而且好長 真係好食❤️最後仲有牛頸脊 同三十款配料任食添啊🙈________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

友人推介博康邨有手工私房鍋食，放工後一於過去沙田圍覓食！鱻潮手工私房鍋位於熟食市場內，環境算整潔一坐下便被點餐紙上的九大簋手工私房鍋吸引著，二話不說就點了這個先來既係星洲胡椒蟹一上桌已經有濃濃的胡椒香，蟹大大隻，肉多，沾上胡椒醬的蟹肉非常惹味！推薦！鱻潮雞煲點左唔辣，雞件數量很多且嫩滑，煲內有不少香蔥和紅蔥頭，使雞肉更加香口時令海鮮拼盤當中有蟶子、鮮蝦、鱔片、同鮑魚，新鮮鮮甜火鍋湯底揀左芫荽皮蛋，由於加入左大量芫荽，所以湯底非常足芫荽香！更有玉子豆腐在內😂😂黑毛豬薄切黑毛豬肉味濃，肥瘦適中。夾住青瓜片一同食用，感覺好fresh手工響鈴果然係手工制，大大條，有手掌咁長呢！由於係鮮炸既關係，上桌時還有餘溫，灼半秒已經林掉了😂建議一落湯就要即刻撈起蟹肉蟹籽珍寶珠黑白墨魚磚兩款都爽口彈牙，真材實料放題配料方面，特別好吃的有蝦肉條雲吞大大粒，蝦肉味濃韓國年糕煙韌有咬口非常飽肚和滿足的一餐

位於沙田灣嘅一間隱世手工火鍋食店，無論係用料、味道都超晒班。一個靚料蟹宴唔洗三百蚊，真係好難搵到第二間。［餐具］貼心濕紙巾，一陣用手食蟹唔怕污髒。黑椒蟹—醬汁惹味，有d辣，食得辣嘅朋友一定鍾意。講店員講足足一斤，好滿足！咖喱蟹—簡直係咖喱fans最愛，唔洗太辣，咖喱味香甜。因為黑椒蟹同咖喱蟹每人只可揀半隻食，最好夾4個人分配，可以試齊二款蟹。係dragon火鍋爐，好霸氣！麻辣、杞子魚鴛鴦火鍋。手工火鍋料特別巨形，牛脊肉要加錢，加喇 試埋喇 冇伏。特別介紹響玲係新鮮炸，超脆，記得落湯2秒夾起。［總結］鮮、巨形入味、抵食。唔多講試左先，大滿足！

為左食蟹！我入左未過既沙田圍。驚喜驚喜！食足8 道唔同口味既蟹！300唔洗！！食左好多蟹！超值。推介哂俾所有鐘意食蟹朋友！- 甲羅燒 唔差過蟹道樂- 胡椒蟹 夠味！辣甜咸十足👍🏻👍🏻👍🏻一定會再食！下次食蒸鍋。用心 小店！支持支持