鱻潮手工私房鍋 (已結業)

近排天氣突然轉涼，腦海自然地出現羊腩煲三個字，但係真係未試過一間店舖既羊腩係值得回味，正當煩惱之際，就諗起一間近來經常幫襯既手工私房煱，鱻潮，因為食過幾次，同nice 既老闆&老闆娘混熟咗少少，就膽粗粗打去問下有無羊腩煲，點知老闆娘話咁啱老闆整咗少少，你嚟試下，我二話不說立即約三五知己去試，因為我知呢個老闆對食好執著，應該唔會令我失望，好喇入正題，一去到寒喧幾句之後，主角出現了，一煲熱辣辣香味十足既羊腩煲放在面前，我立刻試下個汁先，好香，好似飲緊羊奶咁香，正，跟住再嚟試舊羊腩，嘩！超水準，滑而不（鞋），成個煲唔洗一陣乜都無曬，連配菜乜都清曬，無得頂，最後食埋個黄金魚皮，又係一絕，大排檔價錢，食到咁既質素，抵！