鱻潮手工私房鍋 (已結業)

朋友跟住網上推介搵食搵到去博康邨，勁愛蟹的我聽到有蟹拆開心到不得了。我相信這裡都很出名，全店爆滿，好在訂座了，坐喺門口冇緊要，最緊要好食。叫了加加埋埋每位HK$308的餐食。內容有點複雜，去到點菜時侍應會逐個問，照指示點菜就是了。先來一人一隻凍蟹，小小的，鮮甜嘅，還可以。再一人半隻咖哩 / 胡椒蟹。哩個正呀！好好味，勁野味的大肉蟹，個個食到 Lam Lam脷。再來開始火鍋喇，先上几個指定的鍋料，肥牛睇個樣都知係正野，不過再叫就要付費了。另其他還有好几款指定火鍋料，印象中，沒有一款覺得唔掂嘅。亦有一個任叫的火鍋菜牌，雖然任食，但絕對唔係hea野。總括來說，正！好好味，服務亦很好，非常滿足的一頓晚餐。

誤打誤撞下得悉碩果謹存既東菇亭-沙田博康邨-美食天堂一去到東菇亭，我雙眼即刻發亮，咁多美食，食邊間好呢？(真係間間都好想食!!!!!)於是，我忍住個肚既打鼓聲，忍住啲香味，行一個圈擇今晚既晚餐，最後擇左你-鱻潮手工私房鍋原因係因為比蟹宴吸引左冷盤係潮洲凍蟹無錯，佢的確比較細隻，不過單張有寫明重量，而唔係單純用圖片取巧，我又覺得ok ar店員跟左個泰式酸辣汁比我地，不過隻蟹太鮮啦之後就到我最期待既胡椒炒蟹完全係驚喜之作，非常非常之好味，有鍋氣，同新加坡食既有得揮更加冇諗過隻夾大隻到咁之後就上左鱻潮花甲蟹鍋右為手工魚皮上為安格斯牛頸脊右為雙魚岀海，手工蝦棒，滿載而歸，全部都係店家誠意自製，真材實料（當日長蟹棒冇貨，所以四選三)仼添仼食的食材中，韮菜餃非常有驚喜敖湯既花蟹同花甲我冇浪費到，點翻跟凍蟹既泰式酸辣醬就已經非常好味另外，不得不讚小店既細心，提供埋乾濕紙巾，手套仼客人使用當日雖然爆場，但店員態度都非常親切，令人賓至如歸遺憾既係當日係 walk in去，原來+68/位仼食蟹係要卜以供店家準備不過唔緊要，我絕對會再去(問左店員，凍蟹同薑葱蟹仼食，好吸引)(Ps如poster所示，牛係要另

開始凍 去左食半放題套餐套餐有除30款配料任點仲包左每人一隻凍蟹 🦀🦀半隻黑胡椒炒蟹/咖哩蟹👈黑胡椒蟹新加坡風味 微辣惹味 夠多肉 黑胡椒汁稠身夠濃郁8吋皇帝蟹棒 👈用左多拉A夢放大電筒 好大條丫!😆西班牙黑毛豬🐖/安格斯牛頸脊 🐄👈揀左黑毛豬 灼熟後夾著青瓜吃 肉味份外突出 👄手工魚皮/響鈴👈試了魚皮 大大塊即炸 又脆又香口 10級滋味還有幾種特式丸類 全部都好好食!無得彈火鍋湯底還要是花甲蟹窩!!好鮮甜 淥菜一流加上員工服務態度好好 可 encore!

第一樣要提既，就係要訂位呀！真係好full，食食下有人自己走黎，無book位，結果就係白走一趟，有book都可能要等呢！大大隻蟹，唔怕揾唔到，因為都唔易揾架！不過有google map，咩都揾到啦。我地食呢個套餐，另外要俾$10醬油，$10周五六日，$308一位，無加一，只收現金。凍蟹先上，我一向唔鍾意麻煩野，好彩有朋友幫手，都食得到！果日凍，再食凍蟹，一流。個汁調得好！４隻先得１隻有膏，因為細隻？唔識。再上熱蟹兩隻，鍾意咖哩多ｄ，好入味，同埋大隻好多，好多肉！黑椒就重口味ｄ，如果食兩款，記得食左咖哩先。同埋快ｄ食，凍左就無咁好食啦！（我地坐出面）打邊爐最緊要個爐，龍頭爐，夠霸氣啦掛？湯底都正，而且佢地會間唔中黎加湯！好服務。火窩料有個叫蝦棒？唔記得，但好好食，任叫架！粟米超甜！丸好正常！第一次出去食蟹，唔錯！值得去！

某日收到朋友邀請話想試吓呢間手工火鍋，第一眼望住三個魚字.....係唔識讀嘅睇完餐牌後決定試下個$198套餐，首先前菜揀左螺肉，都幾大粒幾好味！不過就多左啲醬，食得多會膩。跟住就黎個湯底，第一次就試下佢個招牌鴛鴦鍋，一邊係麻辣一邊係鮮魚湯，似乎係普通湯底，魚湯鮮味未見突出，麻辣湯底都幾濃味而且夠麻，不過嘴刁的我認為可以再辣啲！跟住黎左盤勁野就係我最喜愛嘅海鮮拼盤。拼盤有蝦、龍蝦仔、魚片、蜆同魷魚，各款海鮮都幾新鮮冇雪味，如果可以ENCORE就好啦！接住黎既係一份肉，我地揀左安格斯牛頸脊，份量都算多而且油脂分佈都幾適中，淥熟之後啲牛味更加出，一啲都唔肥，肉質幾軟，值得一試！！之後我地都點左啲配料，有蔬菜盤、蘿蔔蕃茄粟米、韭菜餃、丸類芝士腸同鮮腐竹等等，不過佢每樣野都只會俾兩件，所以至少要叫兩次先覺得夠食。特別推介佢嘅新鮮熱辣炸魚皮同響鈴，由於係新鮮炸架所以要即食，響鈴好食必推可惜又係只可以叫一次同埋得一舊，完全唔夠喉丫！唔知係咪餐廳之前係網上社交平台落左廣告，驟眼睇店內都幾爆，所以老闆同職員都幾忙唔多得閒照顧我地，出現有少少漏單情況，而食物質素同份量方面我認為可以控制得更好，期望下一次再

最近沙田博康邨出現咗一間以手工鍋做招徠嘅火鍋店。睇完佢個Menu之後我同朋友都心郁郁好想去試吓。本來book咗夜晚八點鐘但係因為塞車嘅關係，所打電話去餐廳改時間啦，職員都好有耐性同埋亦都服務態度好好咁願意幫我地改時間。我同朋友叫咗個$198套餐第一款至第五款呢唔係任食。不過佢有提供30款配料任食。我哋前菜叫咗麻辣皮蛋。我本身自己就唔係好食得辣人，但係佢辣得黎又啱啱好。食唔到辣嘅朋友仔都可以食。打邊爐最鍾意就係混醬油時間😍佢地算幾細心呀，提供埋濕紙巾。重頭戲黎啦，我哋叫咗個胡椒豬肚湯底。啱晒冬天驅寒又保暖。總括而言：我好欣賞佢嘅服務態度，同埋鋪頭都好整潔乾淨，令我食得安心。食物質素方面，佢嘅湯底係做得好出色嘅，完全食唔出有味精， 湯底就好似屋企煲嘅胡椒豬肚湯，好夠火喉。飲得出係真材實料。海鮮好時令，響鈴係新鮮炸嘅。

生日飯，食都好吾開心，忍吾住要講。。。話說朋友請食生日飯，就搵左呢間睇落近朋友又有得打邊爐，而且好評又多，應該吾差得去邊？來前已睇定Openrice叫咩，諗住快快食完第2日仲要返工。叫左$198既餐，鴛鴦鍋火鍋料龜速上，第一輪起碼等了15分鐘，我見場內其實吾多客，但都慢到甘，已心知不妙第二輪叫到上台時間起碼等了35-40分鐘，我們等到無野好食，食哂第1輪本身用來煲耐d既粟米同蘿蔔....途中再問左5-6-次...姐姐就叫我地order多次...ORDER完....都係無到...再問...姐姐話趨左...但都係都無黎，我地清啦d湯料，係到發牛逗，佢先終於上第2輪...連第1輪無黎既豆腐卜同脘魚都終於有... 但仍然冇冬瓜片，都已經放棄問...其實......都食到冇乜mood㗎喇第二輪既雲吞同潮州魚蛋，發現酸酸地。。放棄一開頭小食叫左八爪魚，趨左一次，最後係無黎既！（因為我地卦住趨火鍋料已忘記了它，店員亦當我地無事發生？！明明一開始無咩客都可以比漏。。）只能說 $198既“30多款任食”除左第一輪，之後再落order係要厚住面皮趨趨趨...都未必有，好耐無試過遇過甘既服務...講返d可以

老遠又來到了沙田博康村，多年前有來過這裡的熟食大排檔，味道依然回味中，印象感很好！這次是來尋找網上瘋傳的「蟹宴」，熟食檔入口位置便是要尋找的對象「鱻潮手工私房鍋」！店鋪的招牌外裝修很吸睛，但一進入室內卻很簡陋，像是想要裝修成一間正式的餐廳，卻變成了臨時裝修似的，只是大排檔多了幾幅牆...牆上掛了一些玩懷舊的海報畫作裝飾，但明顯的簡體字便變成了格格不入。店內餐檯不多，只有數張，店內來來去去也只有一個女侍應。餐檯腳有點不平，不停搖來搖去的。二話不說了，既然衝著蟹而來，當然便要嚐一嚐「蟹宴」。侍應細心地講解了一次蟹套餐所包含的食品，落單後兩分鐘，先來一客頭盤～凍蟹！相影出來也不小，但一擺上餐檯會有點驚呆...凍蟹小得可憐呀！尺寸比我拳頭還要小...應該比小朋友的拳頭大些少...但又何必呢？何必這麼小就拿去烹調，有肉可食嗎？翻開蟹蓋，果然沒肉沒膏，蟹身亦只是有少許肉，蟹的腳也不見得有肉，辛辛苦苦去解剝一隻蟹，卻是辛苦得不到滿足的感覺，真是何必呢。第二道菜是咖喱肉蟹或胡椒蟹選其一，咖喱蟹比較普遍，當然要試試師父的胡椒蟹吧！賣相很不錯，蟹殻雖然有少少燶感，但不影響蟹肉的味道。兩人一隻蟹，蟹不算大隻

今天有住在沙田博康邨的同事提議去食火鍋，佢話在他邨內熟食中心有一間私房鍋，有多款蟹食，另外30款火鍋配料是任食，免加一又免茶芥，好底食，所以今天我們一行三人就前往試試！我們一致選了這款蟹宴手工私房鍋套餐！點菜後，侍應立即送上混醬材料，這店還有乾濕紙巾和即棄手套給客人用，好細心！套餐首先上枱是凍蟹，每人一隻，蟹好新鮮，蟹肉很鮮甜，美味！星洲黑胡椒炒蟹，每人半隻，黑胡椒味甚濃帶微辣，蟹肉結實鮮甜，與黑胡椒醬汁非常夾，十分惹味！套餐有另一種煮法選擇，就是咖喱蟹，二選一。鱻潮花甲蟹窩：火鍋湯底清甜，材料豐富，有花蟹，花甲、菇類、蔬菜等。用銅鍋盛載，兩邊還有龍頭，美觀又具氣派！右邊的是招牌手工蟹子蟹肉珍寶珠：鮮甜彈牙！中間的是八寸皇帝蟹棒：比普通的蟹棒長，味鮮甜！左邊的是滿載而歸：即是蝦膠釀油炸鬼，鮮美彈牙，油炸鬼索了湯底好惹味！西班牙黑毛豬：薄切的黑毛豬，輕輕灼一灼，夾上一片青瓜片，口感爽口，黑毛豬鮮甜，美味！手工魚皮：香脆可口！30款火鍋配料任食：材料新鮮，任叫任食！

今日同媽媽去沙田圍探訪朋友 隨後朋友帶我地去食野。就第一次入左去食下 見佢有蟹就即入左去了！凍蟹：每人一隻既凍蟹 外殼為軟身 方便食客一咬就有肉出黎！個人喜歡點埋酸酸辣辣一齊食 別有風味。星洲黑胡椒炒蟹：個人非常推薦大家以黑胡椒炒煮 因為用黑胡椒令成隻蟹味道更香口之外 仲好野味！蟹身好大隻 所以就算食蟹鉗蟹腳同樣啖啖肉！肉質吾系林身而系實肉的 點埋黑胡椒醬汁 味道一流！鱻潮花甲蟹窩：花甲數量刀幾多 可知幾足料 花甲爽口 絕無沙石系入面 食客可放心食用。當中同樣又蟹的 可以有三種食法。湯底方面 味道為淡 清清地 不用油膩！招牌手工蟹子蟹肉珍寶珠：珍寶珠彈牙 帶有鮮味 另外仲有蟹子 增加口感！八寸皇帝蟹棒：非常長既蟹棒 記得吾好滾太耐先可以食到佢既口感。帶有少少甜味 連埋烏冬一齊食仲正！滿載而歸：用墨魚同豆泡整成 有不同口感既層次 香口彈牙。西班牙黑毛豬：脂肪分佈比較好平均，顏色為粉紅色的。食落帶有不少肉汁 口感吾會太過鞋身。職員提示我地用青瓜包住黎食 食落吾會太油膩！手工魚皮：見好多食客揀左手工魚皮 對比街外 佢特別長身。口感好脆 帶有咸味！30款火鍋配料任食：味道不錯 一般打邊爐既配料

$288一位(2位起)額外加$48(每位)有任食牛頸脊(p.s.同枱每位都需要加$，才有任食牛頸脊優惠)無奈$68任食時令蟹，需訂枱時預留，今晚無得任食蟹啦~~開始先有2隻凍蟹蟹比較細隻，但肉質鮮甜(好新鮮)之後上枱係~黑胡椒炒蟹嘩!蟹好大隻(每位半隻)肉質一樣鮮甜(用黑椒炒蟹，味道辣中帶點胡椒的香味)巧香口惹味~味道辛辣花甲蟹窩龍頭窩柄(好有氣勢)窩內有蟹，花甲，冬菇，蔬菜(味道鮮甜)'手工炸魚皮好大條(2隻手掌長)，香脆帶點鹹味(好香口)手打墨魚腸配墨魚丸外型有點似壽司(上層雪白色墨魚滑，好鲜味，有口感，下面係黑色墨魚汁腸(好香味)蝦珍宝珠蟹滑變左蝦滑造(口感足，好香鲜蝦甜)8吋帝王蟹棒外表超吸引(足8吋長，蟹柳鲜甜，啖啖肉(正!)跟餐選了牛頸脊(肥肉多左小小)新鲜(入口嫩滑)味道不錯(每位加$，任食牛頸脊)安格斯牛頸脊加$牛頸脊瘦肉部份較多(啱我)整體食材新鲜，值得再食~~(任食蟹，訂枱先預訂)

今晚一行10人book左由朋友介紹🤗來到品嘗【全蟹宴】真係冇介紹錯，人齊起菜，店員詳細講解，態度親善，先黎—人—隻凍蟹，同食評—樣…鮮味十足~跟住胡椒蟹……全程十分滿意，會推介聚會必選。。。。

作為新界人，當然不會錯過新界區的美食，得悉沙田圍博康邨有新食肆進駐，當然第一時間去試吓啦！我最鍾意食辣，但朋友唔食辣，所以點個招牌鍋（四川麻辣／鮮魚湯）就good fit啦！鮮魚湯真材實料，每日新鮮熬製，果然鮮甜美味！麻辣湯底更係不得了，又麻又辣，令人大呼過癮！$248/位的套餐非常豐富，有一部份配料set死左，亦有一部分係任叫任食，唔夠亦可以單點追加。時令海鮮拼盤（日日不同，店家精選其中五款）龍蝦、鮑魚仔、帶子、魷魚、聖子皇、象拔蚌仔、元貝、龍躉魚、白鱔圈、蠔鱻潮手切封門柳牛肉比較瘦，肉質較韌，勝在牛味重！手工私房（店家手製，誠意和創意十足！）：黑白墨魚磚手工雙蝦棒福袋手工魚皮、手工響鈴脆皮芝士腸、鮮枝竹、粟米、冰豆腐薯粉注意不能淥太久，否則便會失去口感了！韭菜餃雖然餐廳地點不是很方便，但用餐過程好感受到店家誠意，待客的態度很好，非常友善，食物都是誠意用心之作，推薦大家來試下！

有朋自遠方來於是試下呢間野，見佢新開睇Menu靚唔靚仔仔估計唔差得去邊，誰不知就中伏。3人叫左198set，招牌湯底一邊係辣一邊係魚湯，辣湯完全唔辣，魚湯好清淡。頭盤皮蛋尚可，但麻辣醬不辣，響鈴應真孤寒，每人一塊。肥牛質數幾好但只有十幾塊，眼見同鄰枱2人份量一樣，朋友都講笑話早知分開一人一枱....任叫的食材都係訂返來的貨，只有韮菜餃同雲吞比較驚喜，兩款都係人手包，但韮菜太大粒，感覺係一塊皮包住大堆草咁。最後叫左個薯粉，口感好難食，唔似平時酸辣粉質地總結黎講，收費太貴，侍應唔夠醒目，多數要叫幾次先意會都落order，屋村地方竟然收$198+10一位，價錢未包飲品，想任飲任食都係出返旺角呢啲大城市或者對面新廣發算

漲卜卜！鮮墨魚釀墨魚膠🦑 秋風起，打邊爐🍲。這家在沙田博康村的火鍋店實在不錯！雖然乍看像是普通屋村小店，但火鍋的醬油配料、湯底、食材都製作得十分用心！在平凡之中頗見細心！。在一隻隻鮮墨魚中釀入手打墨魚膠，一看便知道是「功夫菜」，在普通的火鍋店絕對不易看到。。手切肥牛，口感十足，啖啖肉，牛味香濃。。濃底濃郁，打完邊爐完全不口乾！加分加分！還有可愛的蟹型小蘿蔔！醬料的配料選擇甚多，完全不輸大型的火鍋店。