鮨鶴日本料理 (已結業)

一直都想來試呢間壽司店，今日放假黎開灣仔終於想去一試！今日係禮拜六，佢係身處於一棟商住食住宅的一樓，Sushi店實屬少見😅我係店裏的第一位客人跟師傅問好後就被安排坐係壽司吧！Ken師傅的風格是江戶前，壽司飯採用赤醋，味道更加深厚和一濃郁，值得一讚👍🏼👍🏼Ken師傅亦很建談，好驚壽司吧枱嘅師傅好cool！今日我㨂嘅係十二件壽司加卷物，有前菜，蒸蛋，十二件師傅精選，最後有熱烏冬同埋雪糕！都幾多😅😅師傅每款壽司都靈活運用不同的配料去配搭魚類，很用心！芝麻用即磨，已經睇得出佢對食材嘅執著！當中嘅甜蝦配蝦膏，坊間嘅做法只係將蝦膏放上甜蝦，佢用火槍輕輕將蝦膏燒一燒，將蝦膏的香味爆發出來，人間美味😍😍其他的壽司以午餐來說都中規中矩！要彈的地方就是壽司飯略為鬆散，用手拿起sushi時有點不穏，希望會有改善😁呢歺埋單三舊水，喺灣仔商業區都可算話10分超值👏🏼會再黎幫襯晚歺😁

有時我會係到諗.. 點解自己唔係日本人 我咁鐘意食日本菜LOL 我好認真既想講日本既刺身真係永遠第一，抗拒唔到..上個星期經朋友帶路介紹之下，去左呢一間專食OMAKASE既日本餐廳，佢話呢一間野新開無耐，趁仲未有太多人知道既時間，一定要快D食。入到去餐廳，環境好寧靜，燈光暗暗地，帶少許神祕感。坐底後，我打開OMAKASE既MENU， 簡而精既感覺特別有日本味，MENU主要有四個SET選擇，分別係「櫻都」、「正葵」、「丹楓」同「祥鶴」，主要係按個件數，定出唔同既價錢。我同朋友都叫左櫻都 (HKD600/SET) 即係十種加卷物，點解我地叫咁少，係因為我同朋友都唔想夜晚食太多呢HAHAA… 因為我地坐係師傅BAR台個到，第一道菜係「平正魚」，坐係呢個位可以睇到師傅點樣處理條魚，見到師傅全神灌注咁切條魚，個下覺得師傅好型啊! 佢仲要切到好薄好薄，真係好考刀功呢! 第2係一隻蠔，係一隻巨巨蠔! 我見到個時真係嘩左一聲!就咁睇圖都見到，呢隻珍蠔又幾肥美，我嘗試一口食晒成隻蠔，差D食唔晒!!LOL 口感好CREAMY，而且咁大隻一口食晒佢真係滿足呀!其實仲有好多好多野食，但係有部份我都掛住食，唔記

香港越黎越多omakase，最幸福當然係為食既我地啦。今次試左灣仔隱世廚師發辦，位置都幾偏僻，識食先有機會食到。今次點左 正葵 ($800) 十二款加卷物。首先有漬物作前菜先。之後就到刺身既部分，分別有赤貝、深海池魚、燒帶子、左口魚昆布漬。新鮮又爽口。白子蒸蛋，好滑嫩。:壽司就有墨魚、醋青魚、牡丹蝦、煮穴子、拖羅。蝦爽口嫩滑、拖羅油膩豐富好肥美。北海道馬糞海膽杯，一口食落去滿口鮮甜，太幸福了。拖羅蓉手卷香口，紫菜亦好爽。V魚湯香滑解膩。最後以日本密瓜作結。花錢食野最緊要花得享受。

今日系一年一度ge大事，適逢屋企女主人生日，夜晚果餐唔搞得好好睇睇ge話，實行無好日子過。近年開始流行食Omakase，見灣仔近排都開佐一間主打Omakase日本料理叫“鮨鶴”。一行二人點了《正葵》，相對其他幾個，呢個系中等價錢，個人認為系Omakase入面比較抵食。《正葵》會有12種加卷物，都會配先付，刺身，合餚，壽司，卷物，玉子燒，吸物，甘味或菓物。一開始有一個文蛤湯飲，味道非常之鮮甜，有好香ge面豉味。聽師傅講因為近來天氣冷，飲碗熱湯再食刺身，感覺會好好多，如此貼心而又周到ge諗法，正正系Omakase ge精髓之一。旁邊會附上小小漬物當小食，師傅話唔好睇小呢d小食，用咗唔小心機同功夫去製作。首先黎ge系赤貝，上面有柚子和小小岩鹽，非常有口感。日本珍蠔，好肥美，蠔味濃郁，食慣法國ge生蠔，可以試下日本ge，另有一番風味。深海池魚，好新鮮，魚味濃郁，口感好好。白子，第一次食，原本以為系魚ge內臟，聽師傅講原來系雪魚ge精，食落口感好creamy，可以品味到好濃郁ge鮮味。之後就到壽司，個人覺得每一件都非常新鮮，而且口味各異。牡丹蝦配蝦膏，牡丹蝦size大！肉質鮮美，配合蝦膏簡直系畫

呢間係位於灣仔既omakase!店內環境不大~由於好少食omakase 所以試一下~叫左個800 12件既套餐! 計埋加一 就係880所有食既野都係新鮮整好~ 即場調味同被要求要5秒內進食! 口感才會最爽最甜最好食不用客人格外調味 當中最特色為白子白子為日本料理中的魚類睪丸~ 聽落很嚇人~但這是當晚最好吃的食物之一!口感好軟,似綿花糖~入口即溶!第2個值得介紹為珍蠔蠔肉十分多~蠔身也十分大件多汁! 已調味~夠新鮮~也是當天主菜之一! 完全沒有什麼海水味 處理十分好~蛋 用日本和風既風味帶給客人去試!入面有mushroom, 同埋小小似蟹肉~既野食落很香甜.魚湯也是很特色~主要湯味很濃... 真的十分濃魚味... 湯里有半條魚湯內材料很多~湯實際不太多~所以可以選擇試試吃湯內的材料!會別有一番風味~手卷拍照會比較辛苦因為師父叫我們5秒內即吃! 因為他新鮮制的食物會比較爽口, 過了時會沒那麼好吃!主要是他大力把魚肉撞擊了一下令其肌肉收縮的口感

臨近新年，就諗住食餐好ge，問朋友有咩推介，距話可以試下Omakase，姐系“廚師發辦”ge意思。見未試下，就去試下。去到灣仔一間開業無耐ge餐廳一試呢個Omakase！“鮨鶴”一個非常有日本風味ge店名。上到去環境可以用優雅黎形容，木ge裝修，一個長吧臺和幾張方形臺，簡約，有味道。師傅正一邊用心製作食物ge時候，不時又會和光臨ge客人傾計。食物未上碟，已經留意到呢度用ge餐具系好精緻，一碟一碗都睇得出系經店家細心挑選而用。果然餐具系提升食物層次ge重要元素之一，未食已經非常期待之後ge精彩。Omakase ge食法就係，師傅會根據當時有咩新鮮食材而系製作不同ge菜式，同時食物會系客人食完一道，再接著上一道，確保食物ge品質新鮮和保留最佳味道，期間師傅會問你有咩唔食，或者有無咩系特別想食，而去為你發板。一開始飲完一個暖暖ge文蛤湯當熱身之後，再品嘗刺身和壽司。食左北海道珍蠔，上面有特製ge醬汁和小小蔥花和柚子皮，呢個配搭非常新鮮清爽。深海池魚，深海池魚唔同普通池魚，距更加有口感，味道鮮甜，魚油甘香。平正魚，薄切，完全睇到師傅ge刀工，配搭特製ge醬汁，鮮美可口。白子，食落creamy，

近幾年真係多咗好多間鮨字頭的日本料理🎎主打新鮮食材Omakase，試多了就真係會愛上的❤️今次介紹這間開業不夠，而且價錢已一人份量算幾抵食，這次篇幅唔會太多📸以相會友作推介<Omakase-正葵> $800+10%這價錢包含15種加卷物，會有先付、刺身、合肴、壽司、卷物、玉子燒、吸物、甘味或菓物<先付-前菜> 是厚切醋茄子🍆已預先醃好而面上有蘿蔔蓉和木魚絲，味酸開胃仲有數款漬物比你當前菜小食<刺身>會用當天新鮮刺身去做，所以無劃一🐟我當日有飛魚、金線鯛、彷彿配芽蔥🐚另外仲有一隻日本北海道珍蠔加入醬油等配料去提味<合肴>其實類似間場小食，等師傅準備刺身，但都不馬虎地用上鮑魚、花菇配味道香濃😈鮑魚肝醬伴食<壽司>八款壽司會有淡味到鮮甜，也有爽口彈牙，或去到火灸香味跟濃味較重都有👍赤醋飯更將壽司的味道提升到極點<卷物>卷物換上了迷你拖羅丼飯<玉子燒>玉子燒換上鮟鱇魚肝😍肝香味細甘，口感軟滑，酸汁帶走魚腥令味道更出<吸物>是湯意思🍵是日鮮甜大蜆麵豉湯<甘味或菓物

鮨鶴料理座落在湾仔的商業大厦中，現時這類食在香港也很普遍，這種商業模式可使餐廳將租金省下，投放在食物中，對食客來說也是有利的。餐廳就近舊的辦公室，每天經過天橋都應看到，以後約人午饍又一個好去處。餐牌比較簡單，四種選擇：櫻都、正葵、丹楓、祥鶴，都是Omakase，價錢以日式料理來說不算貴，從600-1200。因初次光顧，先試試個正葵料理，價錢800元。菜式都有十二種，內有刺身、壽司、卷物、煮物等。先來的幾客刺身用料都新鮮，例如象抜蚌便很鮮甜，較為特別是深海池魚包裹日本幼蔥，便將較為淡薄的魚味發揮出來，效果理想。跟著來的壽司，釆用的是黑醋米，印象中釆用黑醋米的壽司店不多，原因是將飯味魚鮮調和適度，不易掌握，這裏的師父掌握的不錯。個人較為喜歡的是海膽壽司，除了賣相較討好，外形尤如飽滿的漢堡，而海膽的鮮甜也與沾滿醋香的米飯很協調，口感不錯。而最後而來的蚌湯面豉湯，蚌肉肥美，湯味鮮味，是滿足的一餐。

嚟到灣仔品嚐廚師發板嘅美食，先有餐前漬物，有牛蒡，醃蘿白，紅酒喬頭漬及麵豉蒜頭。麵豉蒜頭味道最突出，蒜頭用左鹽醃至出水，然後再風乾，再加入木魚和日本麵豉作調味料，難怪味道咁有層次。而醋茄子加入調味醬醋，再放上木魚蘿蔔蓉作配料，平淡得嚟味道又夠開胃醒神。接著落嚟係微微火炙過的真鯛，厚切而細嫩，有著火炙香的魚鮮。而白子係雪魚的精巢，配以酸汁放入口，細滑而creamy，係個幾新鮮嘅體驗。秋刀魚刺身，以茗荷、幼蔥及醬油調味，係非常傳統嘅日式風味。金目鯛壽司輕輕燒過後，魚身有著魚油嘅香味，魚皮則燒得香口吸引。而呢餐嘅煮物係野菜深海池魚頭。醬汁濃郁，魚香味濃，而配菜菠菜、豆腐、吸收晒醬汁嘅味道，盡收精華，點會唔好食。跟著落嚟係中拖羅壽司、肉質好嫩，魚身極之新鮮。鮟鱇魚肝口感極似鵝肝，配以酸汁調配，可以突出魚肝嘅鮮味，加上葱花味道更香。雙層馬糞海膽壽司，份量夠多之外，味道甘香、入口即溶，質素非常上乘。最後有大蜆麵豉湯，大蜆隻隻肥美，鮮味濃郁，跟麵豉湯一齊烹調，絕對飲得出有鮮甜味。

好多時聽人講高手在民間，今次真係俾我遇到。應朋友之約去灣仔謝菲道121-123香海大厦一楼A室的鮨鶴日本料理晚膳，店內雖然面積不算大，但勝在麻雀雖小，五臟俱全，店內設計充滿日式和風味道，一踏入店内就見到L型壽司吧及幾張四人枱，如想和客人一邊吃飯，一邊傾生意，亦可預約私人房間慢慢傾。餐牌清晰簡單，就用櫻都，正葵，丹楓，祥鶴代表十種加卷物($600/位)，十二種加卷物($800/位)，十五種加卷物($1000/位)和十八種加卷物($1200/位)，而所有餐種都有配上先付，刺身，合肴，壽司，卷物，玉子燒，吸物，甘味或菓物。喜歡它是Omasake,全由厨師主理發板，因應時令轉換食材。民以食為天，最好就是唔駛我傷腦筋就有得食，這個重任就交給厨師好了。好奇的問厨師omasake真正的意思是甚麼，原來有質素的厨師是懂得把食物由輕至重的有序上菜，令客人可以慢慢品嘗到食材的新鮮味道，這亦是omasake真正的意義精粹。由於是朋友請客的關係，我衹叫了櫻都(十種加卷物$800)。先嚟了四款餐前漬物，有牛蒡，醃蘿白，紅酒喬頭漬及麵豉蒜頭。四款前菜漬物之中，最喜歡麵豉蒜頭，細問之下，製造過程需時，有點像現時香港

淡妝濃抹總相宜，本是形容西湖平凡中並不平凡的美景詩句，今晚我打算用來比喻鮨鶴的加卷物，因為給予我的感覺就是這樣，外表不花巧以為平凡，其實化了淡妝略帶修飾，很不一樣！新開的鮨鶴，位於疑似住宅大樓的一樓，在樓下需要按門鐘，走進大樓有個小小管理處，但管理員並無查問我這個陌生人，直進電梯無阻。店子不大，一半面積是壽司桌，裝潢沒有特別風格，只有舒適的感覺。晚上只做廚師發辦，四款價錢，視乎你胃口如何，首次光顧，$800 十二種加卷物是最合適的選擇。四款漬物以四款漬物作前菜，估計是自家製造，紅酒喬頭、麵鼓蒜頭、牛膀及蘿蔔，鹹味自然適中，漬物爽口有汁。值得一提的是工序繁覆的麵鼓蒜頭，原來蒜頭需先用鹽浸過出水，繼而風乾十多天，方能令蒜味減退，最後加上木魚及麵鼓醬醃漬而成，富鹹香而無蒜頭霸氣的漬物。醋茄子另一前菜是浸漬在醋汁內的茄子，面頭一些木魚，對我來說是新口味，茄子腍度剛好保持堅廷，並非普遍的煮至非常腍，酸味討好，味道酸酸真的與別不同，配木魚亦夾，食味過得去。笠貝刺身細小的兩片，本以為沒有怎樣，原來加了少許青檸汁及柚子皮，口感非常爽口香甜，而又隱隱透出酸香，成功提鮮。真鯛刺身潮流新食感，也許來來去去呑

黎緊聖誕要去旅行嘅關係，所以我地決定提早慶祝聖誕節順便做冬。呢一餐本來係應承左佢係日本食的，但可惜年中攞唔到假陪佢，咁就趁年尾兌現返自己嘅承諾。上網搜尋完就同佢黎呢度試吓。四個餐入面我地揀左：正葵，因為佢想留返啲錢，係旅行先再食過。師傅先黎送上漬物前菜：牛蒡，蕎頭，蒜頭同埋蘿蔔，仲有醋茄子。醋茄子嘅酸咸甜做到好温和，開胃菜嘅角色恰如其分。而當中個蒜頭食落真係估佢唔到係咩，一啲蒜味都無，師傅見我地一頭霧水咁，就開始好詳細咁講解蒜頭同其他食物嘅製作過程。之後每一道菜師傅都一邊做一邊講，我地同隔黎嘅客人就好似學生咁邊聽邊食，OMAKASE除左食物之外，就係要同師傅交流，先會令食物嘅味道得以提升。我地嘅壽司知識都升級唔少。接着係三款刺身，先上嘅係平正魚，魚肉晶瑩剔透，可以師傅刀工嘅實力，食落咬口又香魚油味。點埋師傅調配嘅醬油，感覺幾清爽。另外嘅係笠貝同真蠔。兩款都係爽口彈牙嘅海產。笠貝有兩食，一個係無調味嘅，可以食到貝肉本身嘅甜味，另一個加左啲啲海鹽。個蠔以為佢係有奶油味嗰種，但入口海水味重，柚子碎大大減低蠔嘅鐵鏽味，咬落脆口爽滑。跟住係醬煮鮑魚，鮑魚切得幾厚，似咬緊牛舌咁，個鮑魚肝醬好濃郁，