鮨鶴日本料理 (已結業)

今日晚市Omakase揀咗祥鶴，然後就坐定定等食。一路食一路師傅都同我傾下計，介紹下料理特別既地方。坐住bar檯睇住師傅準備我啲嘢食，又係另一種享受。首先係前菜，有白粟米，水雲同埋菠菜帶子裙邊，第一次試白粟米，原來係咁甜，好似食水果咁。然後就係肥美生蠔，有手板咁大，有鮮海水味。然後就嚟刺身，分別有海螺，北寄貝，帶子，海膽腐皮，赤貝，同埋白蝦。貝類刺身真係好新鮮，入口肉質唔係死實而係爽甜嘅，而且放落碟果時係睇到啲肉係有收縮，證明係非常新鮮。再之後就係火炙太刀魚，太刀魚輕輕用火槍燒過，有微微焦香。跟住嘅係鰹魚，竟然完全唔腥，我諗一來係師傅處理過後，二來係食材新鮮時令。之後就係全晚高潮，只見師傅用火槍燒過帶子後切開，再放入海膽，然後用紫菜包住食。就咁諗都已經好好味，食落真係唔識點形容，只係feel 到好幸福！再嚟係煮八爪魚，食落肉質唔似，因為唔韌，原來師傅話買返嚟之後要係咁樁佢，將佢嘅纖維打爛，所以先咁軟。最後整多個抹茶布甸。滿足呀～

今日經朋友介紹，去咗鮨鶴試咗人生第一次Omakase.......成壽司，分別有平政魚，金目鯛，深海池魚，鯖魚，石桓貝, 筋子，頸拖羅，大拖羅，海膽，赤身聽講個筋子係岩岩淹起, 味道又唔太咸, 而且帶有幾分鮮味, 黎之前記得打黎問問呀, 如果唔係唔妝彩都冇得吃架。碎拖羅腩筋子飯，呢個係全晚個高潮！師傅仲搵另外一舊拖羅用火槍燒佢，令佢啲油慢慢滴落碗飯到！最後送上用7款鯛魚煮成嘅鯛魚湯，奶白色嘅魚湯，非常養顏！ 然後師傅仲送多款甜品俾我，柚子雪芭..總括來說, 呢度的OMAKASE係好抵食, 下次我想再來多次, 捧住個大肚子走呀!

香港真係有好多好好食既餐廳，前兩日就同朋友試左呢間樓上鋪Omasake餐廳位於灣仔，由地鐵站行去只係2-3分鐘，十分方便好有特色既餐牌，4款Omakase餐廳裝修精緻，感覺置身日本頭盤北海道生粟米，清甜多汁，一粒粒咬開食好鬼滋味一杯既係用醋醃過既海雲，酸酸味味，海雲滑滑的，準備功夫多，唔係好多地方有呢，我就連醋都唔錯過海螺片、赤貝、生蠔，鮮甜肉爽伊佐木加薑蔥食，味道豐富，魚味重食到海膽腐皮令我諗起京都既懷石料理呢難得有新鮮既鯖魚壽司，同一般醃製左既有唔同既好食，驚喜Omg...大大隻帶子加上海膽夾埋紫菜食，每一口都滿足鮑魚同八爪魚兩款熟食都食到師傅既耐性同心機，鮑魚爽甜（師傅話要煮足5個鐘），八爪魚香口感特別，鮮味突出金目錭、辛子、右口魚，牡丹蝦加上蝦膏點綴拖羅、赤身、海膽飯蔥吞拿魚手卷、魚湯，甜品是晚由頭盤到甜品都睇得出師傅用心同功力，享受左非常滿足既一餐，回味無窮肯定係會再encore 既餐廳呢

同老婆仔的紀念日，當然要食好d啦，老婆仔又鐘意食日本菜，Omakase 係不二之選。之前朋友介紹過一間灣仔的呢間Omakase 食材新鮮，今次就帶埋老婆仔去試下。果然無介紹錯，食材新鮮，款式亦特別，Ken 師傅又會細心介紹每款菜式。呢一餐非常滿足前菜三點北海道白粟米，鏗魚絲冬瓜 和 日本野生海雲師傅介紹日本海雲是海藻類的一種，似一絲絲的頭髮，被形容為日本發菜，由於野生的關係，準備功夫較繁複(包括清洗隔沙)，是一道心機菜，所以吾多地方有得食。海雲口感爽口，配上醋汁，酸酸的感覺非常開胃。另外北海道白粟米 (生吃)超級爽口鮮甜多汁，一般粟米完全無得比，一試難忘。刺身(順帶一提，伴碟的都不能忽視，師傅介紹牛蒡及蘿蔔全是自己挑選及醃製，有自己獨特的味道，食落較甜及爽口。另外山葵是即場用新鮮山葵磨成，並不是一般市面上的合成山葵)粒貝刺身 ， 赤貝刺身，帶子粒貝及赤貝新鮮爽口，配上柚子皮碎，將鮮味帶出及感覺清新。帶子刺身由超巨大帶子切出，帶子味濃郁，配上柚子皮碎及岩鹽兩食。白蝦配鰹魚內臟白蝦味道甘甜，而鰹魚內臟經醃製後味道咸咸的有點像蝦醬，兩者伴混後一同享用，味道豐富，北海道珍蠔超巨型珍蠔肉質爽口，

如果你係去政府大樓既天橋途中不是只低頭望住手機 而有好好望望兩旁既大廈就會發現原來有好多店鋪都開係一些舊樓上層 鮨鶴就係其中一間 外面看起黎 真係舊得我無法相信從食店外面同內面的感受係甘不同 外面舊舊既外牆 內裡係好有特色既日本小店 坐係吧台前 仲可以睇住師傅整壽司 我點既係 壽司定食十二件+卷物 前菜： 壽司：師傅會續件續件壽司拎到每人面前的一個小盤 仲會講埋俾你知呢件係咩壽司 同埋會提大家要趁新鮮最好食仲有就係不用調味 因為師傅已調好喇一啖食落去 我的天！點解可以甘好味完全感覺自己去左日本甘呀 食材既新鮮魚味同埋師傅調得合當既調味係天作之合難怪唔使自己調味 因為根本唔需要用多餘既調味去掩飾食材既不足每一件都好好味！絕對稱得上驚艷係漆黑中既螢火蟲呀！ 另外其實仲有一個手卷+蛋卷但手卷太難影了 食左先講 配餐的迷你烏冬： 湯：平日我唔飲面鼓湯 但係呢碗有飲左半碗好足料 有蝦、魚去調味唔係平日淨係得豆腐同咸味同海帶既湯 甜品： 吃飽飽後真係感覺仍然魚生既香氣係齒夾中久久不散值得再次一試！到時我要師傅發板！惟一提提大家避免趕時間因為師傳真係要慢慢去製作俾好多客人架～

最近有好友升職，於是我地食返餐好慶祝 =]朋友一直都好想食 OMAKASE，於是近近地揀左灣仔既鮨鶴！入面既環境好靚，好舒服～坐低睇睇我地決定唔慳住食，一於揀最貴果款～"祥鶴" ，一共有18種加卷物！ 先黎前菜，有粟米、酸菜同波菜，食落開胃醒神！ 之後有蠔～大大隻好肥美，食落味道好鮮，仲有鹽水味！ 海膽腐竹湯～味道唔錯，海膽新鮮！ 之後有赤貝、粒貝、帶子刺身～赤貝色澤亮麗，肉質爽甜，海水以及鮮甜味濃郁；粒貝帶有少少輕微鹹，而且帶子食落肥美！ 之後有飛魚、伊左目、海膽帶子等 ~ 然後竟然有鮑魚～鮑魚濃香、爽口，食落好驚喜！ 然後到壽司呀～有鯛魚、深海池魚、鯖魚、沙甸魚！款款都好特別，平時好少0向出面食到的 =] 另外，仲有石門貝、右口魚邊、甜蝦，同埋３款吞拿魚！3款吞拿魚包括：中拖羅、頸拖羅、赤身~個赤身特別要講講，好特別，佢係有少少酸同鐵繡味，唔錯! 最後仲有個海膽飯 =] 三文魚子&吞拿魚蓉～賣相已經冇得輸，三文魚子粒粒都好晶瑩剔透，吞拿魚蓉都幾新鮮=] 最後仲有碗雕魚湯～味道相當濃郁，聽師傅講用左7種魚煲成的！ 最後個甜品真係好正！綠茶紅豆呢個配搭真心MAT

※本文以用餐當日的環境、服務和食物質素為準，口味亦因人而異，文章只作參考之用。-位於灣仔的「鮨鶴」晚市主打Omakase，餐廳屬於樓上鋪，距離地鐵站非常近。今晚我倆便去了品嚐久違了的師傅發辦，超期待的！餐廳打開門已看到呈L形的壽司吧枱，有3-4張二至四人枱，坐位不多，配合了簡單的日系風裝潢和擺設。一場黎到食Omakase，梗係要坐吧枱欣賞師傅的手藝，剛好被安排坐在擺設「鮨鶴」的附近，這位置影相不錯，不過離師傅就較遠一點。六點多去到未見人流，近七點多八點已經接近滿座，驟眼聽落餐廳大多以口碑相傳，做熟客較多。餐牌上有四種不同貫數的菜單選擇「櫻部」、「正葵」、「丹楓」和「祥鶴」，價錢由$800-$1500。當然價錢愈高款式和貫數也會愈多，今晚我們就選了$1200的「丹楓」，十五種加卷物，讓人相當期待。先來前菜三點，分別有超清甜多汁的北海道白粟米和惹味的鏗魚絲冬瓜。仲有小妹第一次食的日本海雲，如同香港的髮菜，同屬海苔一種，天然海雲會較幼身，養殖的會較粗，而且處理它黏上的沙石也相當費時。師傅用木魚湯加上醋和湯調較味道來伴海雲，食落帶強烈醋酸味卻不嗆喉，將小妹的胃口打開了！石板上放了自家醃製的柚子

隱藏係港島區樓上既Omakase 之前有朋友介紹過呢間話好好食 所以專登黎到灣仔食門面裝潢非常日式風格 Staff都好細心 建議女仔唔好坐係風口位 又會周不時同我地傾下計 講下d日本飲食文化咁坐係到可以完美地欣賞Ken師傅既功架前菜 - 師傅話呢個粟米係大有來頭 叫未來粟米 好爽甜 好似食緊生果咁好正唔少得食北海道毛蟹 每一道其實都睇得出係好有心思 無論係個製法定係擺位蠔呀勁新鮮 大過我隻手掌 💯當然唔少得有🍣啦 呢到既🍣同出面既味道好唔同魚湯 岩哂女仔飲完皮膚靚哂啦最後仲有甜品中途KEN師傅都一路有同我地傾計介紹下料理特別既地方 講下正宗日本既Omakase點食 睇得出佢地好有心思擺係食材方面雖然平日真係行過都無乜為意有呢間餐廳但食過之後一定包會再encore

通常食omakase也是在晚上，最近朋友介紹了鮨鶴的主廚Ken師傅並大讚他有職人的執著和熱誠，我便急不及待的第二天午餐時間過去試了餐廳位於住宅大廈的一樓，好有私房菜的感覺，餐廳內裝潢佈置優雅，於外邊嘅感覺完全不一樣。Ken 師傅健談，而且對不同的魚類很有認識，對菜式也很有執着，力求完美。個人十分喜歡omakase ，但香港的餐廳日籍師傅的確太商業化，沒有在日本見過的對自己出品那種執着和熱誠。但在鮨鶴就找回這種感受，推介一試👍🏻👍🏻

Sashimi quality is so so. $600 Omakase for lunch is very expensive compare to what we can get in central. The kinds of fish are also very average, only a piece of toro is high end. It is also very short handed during lunch time, both myself and the lady next to me have to chase our food. I told the waitress that I only have 35 mins and preferred sashimi set but she insisted to sell me the omakase and promised they will arrive quick. At the end it took me 50 mins. The hot soup was sent to the w

Tried out Sushitsuru on the recommendation of a friend with some expectation. Was advised to try out the 12 piece sushi set which comes out to roughly hkd300 a person after service charge which is quite a bargain in this town for decent sushi. Was not too big of a fan of the restaurant setting as it was dimly lit and the airconditioning was a bit too strong as we were sitting at the end of the sushi counter right underneath the air conditioning. Service was average although they could improve in

首次踏足地點感覺隱世feel!店內環境幽靜，麻雀雖小五臟俱全旺中帶一點靜，可歇息一會！午餐供選擇頗多前菜份量合適，蛋夠滑、料足，沙律開胃主菜 海膽三色丼賣相非常吸引！三文魚子、吞拿魚蓉份量慷慨！三文魚子唔腥，夠彈，海膽新鮮，吞拿魚蓉口感都好正壽司飯用咗赤醋調味，同平時食開嗰啲除咗顏色唔同，口感較黏味道冇咁酸，感覺亦好似冇咁易滯！飯唔會過多，剛好！主菜後仲有烏冬同湯奉上整體份量唔會太多，剛剛好，每款食品都唔錯，睇得出有心機製作

結婚週年紀念，同老公再次幫襯質素一流的鮨鶴，每一碟上菜前都好期待～💖 最最驚喜的係呢個壽司蛋糕，天呀，Ken師父真係太窩心，知道我們結婚紀念日，特別準備了呢個花花壽司蛋糕！送到我們面前時內心真係大叫緊～ 😊😊 很完美的一天～ 不只食物一流，料理長的心思也很難得，很棒！謝謝，一定會再來～

lunch 見到$220 8件sushi加卷物加細烏冬真係好抵咪試下囉，間舖既格調係幾高級既, 諗住會ok啦，坐bar枱等食好野！ 前菜有三樣都幾多，都好食既，由其是蒸蛋！ 之後師傅問我地上唔上得壽司，幾好喎服務都！ 不過佢一野出晒三件真係嚇親，即刻叫停佢！開始三件白身魚基本上冇咩味，3件都冇乜魚味，調味又唔多夠，之後有甜蝦，好味，配蝦膏不錯！拖羅都係正路的，少少酸不過記得佢係$220真係不能太挑剔..到海膽..我聞一聞，有一陣異味..但果刻唔知點解都食左.. 好後悔... 大師傅之後有問我地意見，我地都有講海膽有怪味，好似唔係好新鮮，佢話福岡海膽有時會失手，不過應該唔係唔新鮮，唔新鮮會出晒水既 （心諗出晒水應該唔係唔新鮮咁簡單喇嘛！） 佢地係新開，希望第時水準穩定好多啦！

同學irenebear 介紹的鮨店❤️大愛性價比超高的Omakase。大廚經驗老到，用料新鮮。好多都係自己研發的，落手落腳做。值得大家一試！註：值得一提的是最後那兩張春薑和師傅自製的綠茶奶凍，係我食過最好食的薑同奶凍😍😍😍 味道無法形容！同埋師傅真係好好人，好健談👍🏻😃