影片
更多
2016-12-20
1310 瀏覽
今次食到去灣仔既鮨鶴日本料理，再次體驗Omakase（廚師發辦）。餐廳就喺謝斐道既一座商住大廈既一樓，好彩本人對港島區既路都尚算熟識，所以唔難搵到餐廳既位置。若果唔熟路既朋友，可以由灣仔港鐵站，沿住去入境大樓既天橋，行到Physical附近就會見到，餐廳就喺Physical隔住天橋既對面。入到餐廳，先係感受到一個舒服既環境，室內既裝飾用上同一色調，但有不同既物料，俾人感覺統一得來又有層次感。最特別係對住料理枱呢盞用樹枝整成既燈，同餐廳既格局幾協調。講返食物，呢晚食既係丹楓（$1000/head），包括有15件刺身同壽司，另外再有卷物、玉子燒、吸物同埋甜品。師傅會視乎季節送上時令既食物，所以下次再嚟或者食物既款式會變，不過這正正就係Omakase既重點，由師傅發辦俾最適合既食物俾你品嚐。玉子燒香甜，亦食得出鬆化的層次感而唔會死實一舊。之後仲有文蛤麵豉湯，係用上唔同既麵豉煮成，飲落比較有層次同麵豉香，唔會得個鹹字，仲有兩隻煮得剛好既大蜆，帶來一點鮮味。師傅問過我意見知道我對卷物麻麻之後，將卷物換上吞拿魚腩蓉飯。睇相都見到呢碗飯有幾邪惡，滿滿既吞拿魚蓉混入漬物的黃蘿蔔粒，加上䓤碎同埋師傅即磨
入到餐廳，先係感受到一個舒服既環境，室內既裝飾用上同一色調，但有不同既物料，俾人感覺統一得來又有層次感。最特別係對住料理枱呢盞用樹枝整成既燈，同餐廳既格局幾協調。
講返食物，呢晚食既係丹楓（$1000/head），包括有15件刺身同壽司，另外再有卷物、玉子燒、吸物同埋甜品。師傅會視乎季節送上時令既食物，所以下次再嚟或者食物既款式會變，不過這正正就係Omakase既重點，由師傅發辦俾最適合既食物俾你品嚐。
玉子燒香甜，亦食得出鬆化的層次感而唔會死實一舊。之後仲有文蛤麵豉湯，係用上唔同既麵豉煮成，飲落比較有層次同麵豉香，唔會得個鹹字，仲有兩隻煮得剛好既大蜆，帶來一點鮮味。
師傅問過我意見知道我對卷物麻麻之後，將卷物換上吞拿魚腩蓉飯。睇相都見到呢碗飯有幾邪惡，滿滿既吞拿魚蓉混入漬物的黃蘿蔔粒，加上䓤碎同埋師傅即磨既碎芝麻，飯上面仲有菇粒，豐富咗入口既口感。即磨芝麻加上肥美吞拿魚蓉，老實講，如果唔係已經好飽既話，再俾一碗我都食很落呀！
白子茶碗蒸，剛食過生既白子，接住再嚟熟既。茶碗蒸內除咗白子，仲有銀杏，配合蒸得滑滑既蛋，蛋香十足，熟食既白子又有另一番風味。
坐低飲啖茶，抹抹手就送上前菜-日本茄子，係用醋漬過，再加上蘿蔔蓉同木魚絲，茄子既口感剛剛好，唔會太硬感者太軟，保留到咬口之餘亦能吸到醋汁既味道，再加上清新既蘿蔔蓉，入口酸酸地正好打開胃口迎接之後既食物。
春子鱲 - 師傅先燒過魚皮後再加茗荷及䓤粒，魚皮燒過後有魚油滲出，而且燒得恰到好處，香得嚟唔會有燒到過火既苦味。加上茗荷帶點薑既香氣但又唔會感到薑既辣味。燒帆立貝加紫菜 - 呢一味師傅準備紫菜時已經叫我拎定手機，影完相要即食，因為紫菜本身香脆，但好快就會因為帆立貝既濕氣而變淋，所以要快食。睇住師傅先將帆立貝浸喺醬汁一陣，輕輕燒過後再浸一次再燒，入口半生既帆立貝彈牙得無話可說，配埋脆口既紫菜，好味。
白子加醋汁 - 白子即係鱈魚既精巢，入口creamy，經火燒過後帶點香氣，再配合辣蘿蔔蓉及醋汁，令到感覺唔會好膩。
菓物或者雪糕，我選擇咗豆腐雪糕，入口有濃濃既豆腐味，亦算滑。
壽司既部分，餐廳既所有壽司都用上赤醋飯，食落比一般醋飯好食。左口魚昆布漬壽司 - 左口魚肉用上昆布漬過，再灑上一點柚子皮，入口清新，吃到尾時隱約有點昆布的味道。
彷彿魚壽司 - 配辣蘿蔔蓉及名荷，這件彷彿魚吃起來比較有咬口，我個人比較喜歡。
剝皮魚加安康魚肝 - 安康魚肝用檸檬汁處理過，令到食起來無咁膩，只要一丁點安康魚肝就帶起剝皮魚肉的鮮味。
醋小肌 - 師傅話即係黃魚，連帶銀色的魚皮入口，魚味比較濃，加上有魚皮比較有咬口，好味道。
金目鯛 - 輕輕燒過後既魚油滲出，這件魚肉比較彈牙，也不錯。
飛魚 - 魚味濃，肉質的膠質重一點，睇見師傅將唔同既魚肉用上不同既切法同處理，將魚肉最好食地方的交俾食客。
白蝦 - 呢件絕對係師傅手工之作，將細少既白蝦排成花形，再加上青檸檬汁及竹炭鹽調味，靚到我係咁影相都唔捨得食。味道方面，入口蝦味濃郁，小小的白蝦估唔到味道都咁濃。
牡丹蝦加蝦膏 - 蝦膏鮮甜，而且燒過後把味道濃縮起來，而牡丹蝦本身肉質爽，配合起來係好好味。而且這樣的食法比一般把蝦頭拿去炸要特別一點。
Toro - 師傅用上兩片薄切既Toro疊住，開頭見師傅切既時候仲心諗點解要薄切咁孤寒，但原來有兩片疊住口感更好，肥美既Toro入口油香十足又無筋，但又食到魚味，唔會成口油咁，真係食完都唔捨得吞口水。
師傅將刺身同壽司的濃淡次序都安排好，先吃淡味的，到最後才吃濃味的，這樣可以令味蕾唔會因爲先吃濃味食物而影響到吃淡味食物時的感覺。
刺身有：赤貝 - 師傅刻意俾兩件，一件係原味點醬油同wasabi食；另一件就加岩鹽同柚子皮碎。坐喺料理枱前睇住師傅先將赤貝'撻'去砧板上，咁做會令肉質收縮，入口會更爽。個人認為加上岩鹽及柚子皮既一件比較好食，岩鹽及柚子皮比較能帶出赤貝既鮮味。
值得一提既係，呢度用既係即磨新鮮山葵，香味絕對唔係一般既現成wasabi比得上。不過放喺面前碟上既wasabi同醬油就只有呢次機會用到，因為其他刺身同壽司都已經由師傅調好味先送上，所以根本唔需要再加。
深海池魚 - 師傅將一片池魚肉包住海膽及日本芽䓤，海膽既鮮甜加上池魚既魚味，配合埋細細條但有清新蔥味既日本芽䓤，的確係好食。
成餐飯同師傅邊傾邊食，食咗3個鐘先走。過程中體驗咗omakase既精緒，就係同師傅既溝通。而且亦睇得出師傅有細心留意進食既速度而上菜，每每都係食完一件，下一件就剛整好，令到食物都係喺最適當最好食既時間入口，呢點唔係香港每間日本餐廳既omakase都做到。btw，女士們嚟到除咗品嚐食物，師傅既外型都好剎食。
張貼
