鮨處松戶 (彩星集團大廈)

營業中

休息中

鮨處松戶👻又係時候同朋友搵好野食尖沙咀日本餐廳夠哂多不過依間貪佢夠舒服係apple store隔離環境啱feel同frd傾下計😛.🔅雜錦刺身(上) HKD 450好豐富既刺身拼盤海膽 甜蝦 吞拿魚劍魚 帶子 油甘魚有成七款刺身夠厚又夠新鮮個海膽大大份再配埋三文魚籽一流😆🔅雜錦天婦羅 HKD 120炸得啱啱好又唔會好多粉最鍾意天婦羅蝦同蕃薯蝦夠彈牙蕃薯夠甜🔅牛肉豆腐鍋 HKD 150個醬油湯底好濃味啲牛肉吸咗汁豆腐又滑一滑🔅帶子牛油燒 HKD 85大大粒帶子牛油味重吸哂落帶子到加少少檸檬汁 正🤩🔅醬燒新鮮帶子好新鮮既帶子燒既帶子配佢調既汁再提鮮好多😙🔅燒秋刀魚燒得金黃啱啱好好耐無食秋刀魚又幾好味魚肉都幾多又濃魚味🥳.整體黎講:日式裝修 多款鮮味😚.🎈 鮨處松戶 (彩星集團大廈) (尖沙咀)尖沙咀廣東道100號彩星集團大廈8樓

今次係第二次再黎食lunch原因係覺得呢到環境好日式座位空間也很寬躺 坐得舒服食物方面 質料幾高之前食過同大廈另一間日式餐廳覺得呢間刺身比較高質價錢方面 比同區海港城抵食超多會繼續幫襯

彩星集團大廈出租地下給蘋果之後已有多年，將大廈門口改窄收細，每每都只是去處理手機事項，真的忘了樓上有多間食店⋯⋯最近又到訪蘋果，故又想起了松户。每次乘座升降機到達5樓再轉Lift, 一出Lift 門，看見那忍者龜，黑黑的，高高在上，筆者每次到來，都會幻想他們會在晚上走出來巡查太厦⋯⋯五樓再轉升降機到達八樓，松户在這已有多年，經過疫情這段時間，仍然屹立不倒，必有其實力。中午差不多12時許，由於預早電話預約，所以一行四人，可以有卡位坐，稍後食客相繼到達⋯⋯番查食評，原來上次到訪已是四年前了⋯⋯中午定食餐牌，多年依舊，只是價錢微調，但在通賬下仍算合理。葱吞拿魚碗定食$150~朋友選擇了葱呑拿魚碗定食，由於各自各精彩，筆者在此項不加任何意見。剌身定食$160~另一朋友選擇剌身定食，個樣又幾靚仔喎，但又係嗰句，冇食過，不作評論。壽司5貫、卷物3件配迷你烏冬$120~筆者心多多，想樣樣都有一點點，所以選擇這個，又有壽司又有烏冬。紅豆雪糕~定食套餐可以選擇飲品咖啡、餐茶或雪糕，當日是紅豆雪糕，由於食店提供只是即冲咖啡，並非即磨，所以筆者最後選擇了紅豆雪糕作句號。整體來說:松户水準隱定，定食選擇多，在

餐廳裝修帶點懷舊日本風格, 好有日本味道✨豆腐沙律前菜叫左豆腐沙律, 蔬菜新鮮爽口, 夾埋冰凍豆腐一齊食好特别, 一爽一滑又有一陣涼涼的口感, 夏天最啱食來到日本餐廳首先當然會食魚生啦.....雜錦刺身, 共有三文魚鯛魚呑拿魚, 帶子, 海膽, 甜蝦及三文魚子幾款❤️三文魚子咬落仲有爆脆口感, 非常新鮮❤️三文魚真係超級新鮮厚切大件，好鮮味充滿油香！so fresh 三文魚正！✨燒魷魚上枱時全部都是剛剛燒好, 魷魚不會燒過火, 口感很仍柔軟✨串燒其它串燒特別係冬菇串燒super juicy亦夠香口✨日式炸雞雞肉夠嫩, 炸完都冇鞋口感覺, 食落有小小微辣酥脆, 做得好出色✨忌廉薯餅因為實在大懷念日本呢種小食, 所以就叫了一份忌廉薯餅作結, 呢餐實在大滿足

病了一段時間，很久沒有外出吃飯，好返當然要約朋友吃好東西來慶祝，選了收藏很久的鮨處松戶，來吃我最愛的日本菜。環境方面寧靜而有情調，相約朋友來聚會聊天感覺不錯。鮨處松戶海鮮沙律 $95先來個海鮮沙律，沙律菜加大量魚生刺身，醬汁在底下，先要拌勻，微涼的口感，醬汁酸微微很開胃，沙律菜和青瓜粒新鮮，各款魚生粒切得大件，口感佳，加上三文魚子粒，感覺豐富，而且份量比想像中多，十分抵食。雜錦刺身(特上)$660我們很多刺身都想吃，不如就來個刺身SET吧，這一款有牡丹蝦、赤貝、赤身、三文魚子、油甘魚、海膽、深海池魚等，魚生都是厚切而刀功利落，更能品嚐魚香魚油的鮮味，比較特別的是有新鮮赤貝，其獨特貝香令人難忘，配上鮮檸汁味道提升。華味雞翼 $48@新鮮燒烤出來的日本雞翼，皮薄薄脆脆的，雞肉特別有雞香味。沖繩苦瓜豬肉炒蛋$88個人頗喜歡的一道日本熱食料理，沖繩苦瓜切得薄片口感爽脆，味道甘香，配上豚肉的香甜，取得平衡，又有芽菜、蛋等配料加持，味道同營養同樣豐富。最後還送上紅豆雪糕，很奇怪的，吃完生冷食物反而咳少了很多，難道美食能醫百病是真的？

今日帶咗仔仔過嚟食依間好多人推介嘅日本餐廳🤤🤤叫咗雜錦刺身、鍋仔烏冬同埋啲串燒同埋炸物🍣🍣啲嘢食真係超好食又好適合打卡 食材都好新鮮🙈🙈員工都好友善👍

早排番工好忙，忙完要慰勞一下自己。所以約咗朋友食餐好嘅。呢間鮨處松戶就喺尖沙咀Apple store隔離，好易搵。環境方面，一入到黎覺得幾日式，日本嘅古色古香咁，感覺都幾舒服。食物方面真係覺得好高質。叫咗個雜錦刺身（上）真係覺得款款都好好味好新鮮。最中意海膽😍都幾大舊，而且味道相當鮮甜，好新鮮好好味呀！朋友一向都中意食得健康，佢點咗個蟹子沙律，一路食一路大讚。蟹子沙律分量十足，上面有好大堆蟹子，下面係青瓜絲切到好幼，每條都沾到沙律醬架！仲叫咗帶子牛油燒、燒鱔肉、鹽燒雞翼同埋鍋仔烏冬。帶子牛油燒有四大粒帶子，粒粒都肥美又彈牙。加上牛油味好惹味呀🤤平時好少食鱔，朋友食過介紹話好好味。鱔肉好厚身好鮮嫩。個皮脆脆地，正！呢度唔只食物好食，仲好好坐，好適合一路食野三五知己一路傾下計。下次想食日本野都會再幫襯😍🥰

呢日過黎拎完i phone就同朋友過黎食埋晚餐，餐廳就係隔離上樓舖餐廳裝潢幾有日本風格，環境亦舒適餐牌有主餐牌，亦有店長推介餐牌全部都有晒中、日文先送上餐前小食辣味帶子裙邊，辣辣地幾開胃鮨處松戶海鮮沙律入面除左有幾款角切魚生，豆腐粒，青瓜粒之外，仲有唔少天婦羅炸醬脆脆食落口感幾好叫咗個雜錦壽司(特上），食得出好新鮮海膽勁鮮甜，甜蝦肉質細綿，味道甜美非常滿足！燒魚翅送啤酒一流，口感幾好雜錦天婦羅炸槳唔會過厚，入口鬆化雜錦串燒唔會燒到好乾身，最愛燒雞皮，脆到好似食薯片咁最後來碗牛肉喬麥麵作結

星期日同老公出尖沙咀食餐好既。餐廳格局好有日或既感覺。池魚碎切我地第一次食，將池魚刺身撈埋薑蔥一齊食，我老公鍾意食薑蔥，覺得好正。雜錦壽司(上)有吞拿魚腩、油甘魚、三文魚、鯛魚、帶子、池魚、海膽、三文魚籽、青瓜卷，壽司已加芥末係入面，魚生無雪味，吞拿魚腩最好食。雜錦天婦羅有3隻大蝦、紫薯、冬菇、魚、茄子，炸皮卜卜脆，炸得好香口。日式炸雞雞應該用左薑同黑椒去醃，好濃味，而且即炸既好夠熱。吉列黑豚肉炸粉薄薄地又夠脆，黑豚肉都夠厚，幾多肉汁。鹽燒小鯛魚肉嫩滑，無乜魚刺，好食。牛肉網燒牛肉唔鞋唔韌，好軟腍，個汁同牛肉好夾，好出色。燒白鱔白鱔肉質結實，燒得岩岩好。帶子牛油燒同鴻喜菇一齊燒，帶子好新鮮，食到有酒味。

朋友推介喺尖沙咀apple store同一座商廈有間好食日本菜，係啲日本人嘅聚腳地，反正咁就腳就去試下。商廈私隱度比地舖高，仲要佢係需要搭到5樓再轉𨋢，好在有保安員提醒，大家幫襯嗰陣就唔駛比部剩係去到5樓嘅𨋢嚇親😂😂餐廳好有日本風格，和紙嘅卡位屏風、石雕、木籬笆等等都令你有置身日本嘅感覺。餐牌有主餐牌，亦有店長推介餐牌，全部都有齊晒中、日文，適合唔同食客。叫咗個特上刺身拼盤，食得出好新鮮，尤其係海膽，十分鮮甜，配埋三文魚子超好食。炸薯餅外脆內軟，有海量沙律醬可以點。魷魚一夜干保持到魷魚軟嫩嘅質地，唔會過乾。黑松露醬牛肉他他幾有特色，牛肉薄片生得嚟唔會覺得好血淋淋，個醬汁亦令到成個菜式好開胃，如果墊底洋蔥預先有撈到醬汁會更正。蕃茄豆腐沙律幾清新，都係開胃之選。食完呢幾樣就到熱食喇，叫咗沖繩苦瓜豚肉片炒蛋同埋牛肉鍋，沖繩苦瓜真係只有回甘冇苦味，難怪成為到沖繩名物；牛肉鍋比預期清淡，牛肉量幾多，食完超飽。舊式居酒屋仲會送埋雪糕，今晚係薄菏雪糕，食完即刻消滯🤣

朋友食過呢間位於廣東道100號彩星集團大廈8樓嘅鮨處松戶,覺得吾錯, 於是同另一半去慶祝週年紀念🎉。餐廳除有特色嘅塌塌米外,裝修亦雅緻,柔和嘅燈光令人感到平靜舒服！日籍師傅主理刺身,十分專心又專業！鮨處松戶海鮮沙律🥗份量十足、色彩鮮豔既沙律,除咗新鮮嘅沙律菜外,仲有多款刺身粒、魚籽、同天婦羅脆脆,多重口感,先開開味蕾。雜錦刺身🐟🐡主角拼盤有吞拿魚、三文魚、立魚、油甘魚、帶子、魚子配海膽7款。服務員溫馨提示我哋「從白到紅,從淺到深」食起,亦即係味道上從淡到濃,咁先可以食到每種魚生嘅原味道。食材好新鮮有彩光,每件都切得厚身,美道鮮甜,口感柔嫩。和風松露牛肉他他🥓賣相似富士山,輕薄而油花平均嘅牛肉,脂肪少又無筋,卷住洋蔥絲加蔥花一齊食,口感鬆軟,富有黑松露香、洋蔥加蔥花獨特香,但又不失肉香味。喜愛生嫩牛肉刺身嘅朋友值得一試。花魚鹽燒🐠簡簡單單,只用鹽花燒烤過嘅花魚肉質細緻、油質豐富,而且肉多無咩幼刺,無需加點其他醬汁,鹹香原味道,非常健康！原來花魚燒烤前已經過曬乾,難得味道仍保持同新鮮魚嘅鮮雜錦天婦羅🍤🍆薄薄炸粉包裹著冬菇、南瓜片、辣椒、茄子、甜蝦同小魚,即炸即上檯,外香脆內新鮮,記得趁熱食

位於尖沙咀 廣東道 鮨處松戶，傳統日本居酒屋🏮風格，店內深啡色木系裝修，莊嚴中帶點傳統氣息，店內有幾間廂房，同幾個朋友暢聚，私隱度極高。先來幾個小吃 ：🦑魷魚一夜干，蘸點檸檬汁，更加釣出鮮味，入口煙韌彈牙，非常濃郁嘅魷魚鮮香，送酒一流。🍗炸雞，並唔係韓式果種卜卜脆口感，呢個係酥脆鬆滑，肉質好有水份，蘸些小沙律醬再夾埋沙律菜一齊食，可以減去油滯感，接住唔停一件接一件食。🍡黑椒豬腩串，肉質鬆軟林滑，黑椒味都好出位。（特上）刺身盛 - 整體極之新鮮有光澤，牡丹蝦蝦頭緊連蝦身，非常新鮮，入口彈牙，後帶黏滑，咀嚼越哨越甘甜；油甘魚肉質結實爽口，味道較淡，魚味清鮮；深海池魚味道都係較清，但魚皮微微炙燒過，另帶一份薰香；三文魚腩我極之喜愛，油花爆發力極之強勁，入口油花四濺；海膽色澤金黃，入口creamy鮮甜。🥩和牛他他，份量好多有驚喜，入口軟軟的，牛味非常豐厚，夾埋洋蔥🧅絲一齊食，味道辛辣帶點甜香。🥘食埋個鍋仔烏冬就非常飽肚完美，烏冬係我鍾意嘅煙韌口感，而且份量都唔小，兩個人share食岩岩好；天婦羅蝦就要快啲入口啦，鬆脆香口，爽口彈牙👍🏻。呢餐同朋友慶生飯，埋單都係一千蚊鬆啲，非常有睇頭👍🏻。

番工禁辛苦間唔中都要慰勞下自己。今日又帶母親大人黎到尖沙咀食個高級日本菜。餐廳位置係蘋果店左手邊入口上5樓再轉電梯上8樓。門口好有氣派，師傅處理食材嘅位置係開放式，非常有氛圍。日本凍蕃茄 - 日本直送嘅蕃茄！我母親冇特別中意食蕃茄都覺得好甜！沙律菜係麻油調味好Fresh。雜錦刺身（上）- 有吞拿魚3件、油甘魚3件、三文魚3件、帶子3件甜蝦3隻、𩶘魚3件、海膽。刺身質素好高，我最中意其中三文魚同𩶘魚，新鮮又特別肥美。海膽同蟹子一啖咬落去又濃郁又鮮甜，非常滿足！我地叫症個時令日本魚。都係日本直送，魚燒得岩岩好皮脆肉嫩，魚骨唔多食得好滋味。鹽燒雞翼 - 雞翼開邊燒嘅，火候掌握啱啱得好，皮好香脆，加埋檸檬汁更美味！梅子大葉免治雞肉棒 - 一般街邊貨完全冇得比，雞肉棒裏面有好多脆骨，梅子醬將味道推上一層樓。最後嘅芝麻雪糕梗係估唔到咁好食，芝麻味好香仲有芝麻粒粒，同時又好香奶味。

前菜每個都要$50 都算係居酒屋平均有嘅入場價錢～ 不過質素都會唔同啲，係辣味帶子裙邊，再加上中華沙律。兩者撈埋都幾開胃雜錦刺身刺身嘅種類都幾多，分別有：三文魚，吞拿魚，鯛魚，油甘魚，帶子，而每樣不同嘅刺身都有三切。三文魚嘅味道令人最有surprise～ 入口可以話係非常之冧身新鮮～ 一啲癡牙嘅筋位都冇。吞拿魚亦都係。第三個值得推介嘅係鮮蝦。蟹子沙律🥗 味道唔錯，開埋青瓜絲入口幾清爽～ 另外仲有啲蟹柳絲一品料理：鐵板蒜香和牛粒稱之為一品料理，果然味道係突出一啲。用鐵板再加炸蒜頭片炒和牛粒～ 冇加黑椒，都幾突出到和本身嘅肉汁和香濃惹味。鍋仔烏冬烏冬幾彈牙，應該係稻庭烏冬。仲有一舊天婦羅炸蝦。炸雞軟骨有香港大排檔一般嘅質素，而且基本上每一粒都香脆，有啲咬口。點埋檸檬汁都幾refreshing 梅子大葉免冶雞肉棒梅子嘅味道唔算太重，所以唔會太過酸～ 免治雞肉燒完之後啖啖肉

呢個週末去左尖沙咀尋食日本料理，唔貴兼多元化，私人空間足夠，服務好，值得一讚！雜錦刺身有7款刺身，最抵係呢個刺身拼盤包嘅海膽勁新鮮份量都好多！朋友話呢度要食d出面日本食肆少有嘅料理，第一次食沖繩苦瓜豬肉炒雞蛋，豬肉炒雞蛋嘅甜味中和左苦瓜嘅甘味，有蛋香肉汁，苦瓜帶少少脆口，我幾鍾意食～呢個都好特別，和風松露牛肉他他，牛肉好似好生但食落一d都唔覺得有生肉味，而係有鮮牛肉味，食嘅時候連埋底下嘅生洋蔥食，完全令個牛升華～日式炸雞同鹽燒花魚都好食，炸雞肉仲幾嫩，沾一沾蛋黃醬好美味！個魚好大條，燒完仲好濕潤，但皮就好香口，食落咸咸地非常唔錯～估唔到炒飯係可以咁好食，高菜炒飯係一個酸酸咸咸嘅飯，呢個炒飯係算濕潤個種，但係飯粒粒分明！最後食埋好香紅豆同牛奶味嘅紅豆雪糕，perfect！