鮨處松戶 (彩星集團大廈)

營業中

休息中

通常喺公司附近放工之後一班朋友約食飯，好容易選擇日本菜，一係約韓國菜，不過當然日本菜係九成時間嘅選擇，今晚同事話嚟食飯，於是就喺廣東道附近一路搵，搵吓啲新餐廳。廣東道Apple樓上嘅商業大廈原來有間開咗一段時間嘅日本居酒屋同食廚師發辦嘅餐廳，夜晚七點幾去到，竟然差唔多全場滿座，勁多商務客。幾個人當然樣樣都叫啲，叫刺身同熟食。先來一個沙律，好簡單嘅蕃茄豆腐沙律，呢個冇乜特別，純粹開下胃。我哋叫咗一個刺身拼盤，有好多唔同嘅刺身，海膽、拖羅、赤貝仲有一啲比較特別嘅魚生。另外叫咗熟食，好似南蠻雞都幾好。我最鍾意食魚，於是叫咗份燒白鱔，都處理得幾好。松前燒，真係無聽過，仲要係白子，熱食加青檸真係幾特別。我鍾意食油份高嘅魚，所以加咗份左口魚裙邊，好正。仲叫咗份燒魷魚，肉地煙韌彈牙，火候啱啱好。尾聲叫咗個炒飯，幾有鑊氣。呢度氣氛幾好，價錢又相宜，係唔錯嘅選擇。

話說首次到訪🇯🇵 鮨處松戶 的時候，應該也有5至6年前吧～當時下課後與媽媽來吃晚餐，多年前真的好年輕呀，現在已經畢業好久了🤣!!! 多年沒來，裝潢沒變，有點回至以前的感覺呢。服務員推介下，吃了好幾款食物😚，味道都不錯耶～ 「 雜錦刺身🐟 」 刺身大大盆，味道新鮮✨! 有三文魚、吞拿魚、油甘魚、帶子、牡丹蝦、海膽等笑，色彩繽紛，質素不錯。 「 忌廉薯餅🥔$80 」 薯餅外脆內軟，軟心內餡，蘸點沙律醬更好。「 鮨處松戶海鮮沙律🥗$95 」 不愧為招牌沙律，味道真的不錯耶! 不但有三文魚、吞拿魚、三文魚子，又有天婦羅碎增加口感唷! 「 牛肉豆腐鍋🍲$150 」 熱辣辣的豆腐鍋，冬天吃超適合☺️! 壽喜燒湯底好入味呀~

⛩️ 同朋友食飯傾計，最緊要坐得舒服，餐廳大部份係卡位，仲有幾個榻榻米包廂，裝修夠曬日本風。🎗 女生食量唔多，今餐主要點，刺身，壽司，沙律，飽肚野就唔啱我啦。🐟 雜錦刺身 (上) $380海膽，立魚，吞拿魚，油甘魚，三文魚，帶子，牡丹蝦上碟沒有花巧的擺設，更加著重食物的質素，我個人特別喜歡立魚，帶子是厚切的， 牡丹蝦大大隻，鮮甜爽彈，這個價錢包海膽，性價比幾高，刺身相當新鮮肥美。🍅 日本凍蕃茄零捨甜美，清清味蕾，再嚟下一道菜。🍣 雜錦壽司(上) $350海膽，蟹肉，吞拿魚腩，帶子蟹子，青瓜 等等🦈 脆炸右口魚有驚喜，右口魚肉質非常嫩滑，起骨後砌開幾件小小的。另外，主骨連同魚鰭一起炸，非常酥脆，連骨都食曬。🎎 總的來說，餐廳座位不多，因為每個卡位都幾大，坐得舒服，所以要早啲訂位。同時，刺身由日籍師傅主理， 好專業; 服務員人數充足; 整體的用餐體驗唔錯。

My colleagues brought me here as they think it offers good value and the atmosphere is cozy.The restaurant is spacious and there were many lunch set options. I had tonkatsu, it was crispy but the coating was a bit too thick. The pork was tender and well seasoned. No dressing for the salad so I didn't finish that.With the price of $90+10%, they value was not too bad, but of course can't compare with Tonkichi on the quality.

呢度都有好多日本人幫襯，亦有兩位識講流利日文嘅同事，所以都應該算係幾正宗日式料理，裝修體現到日式文化，座位10分寬敞，又可以睇到師傅喺度處理食材。雜錦刺身（上），有七款刺身，每款都好鮮甜新鮮，特別我最鍾意油甘魚及海膽，夠肥美。日本鮮茄子，只係加少少醋就可以帶出茄子嘅鮮味，茄子好甜完全無酸味。雜錦壽司（上），8款壽司，青瓜卷夠高質；吞拿魚腩亦夠肥美，油脂感好重；蟹膏壽司亦都唔錯，其他都係水準之作。酥炸右口魚，全條友口魚起肉後酥炸，魚肉做到外脆內軟，最好係魚身，連埋啲骨一齊食，卜卜脆又有鮮味，如果餸酒簡直一流。海鮮燒材料豐富，淡淡魷魚好有咬口。

好朋友聚會就緊係揀我哋都鍾意食嘅日本野，今次去咗尖沙咀呢間鮨處松戶，一入去就覺得呢度充滿日本feel，環境好寬敞, 座位之間有相對位咁，唔使怕聽到隔離枱講啲咩，聚會一流🙆🏻‍♀️仲設有榻榻米包廂，而餐廳中間仲尼有個石磨流水,令人感覺好舒服❤️我哋兩個女仔叫咗💕雜錦刺身，入面有吞拿魚腩、吞拿魚、𩶘魚，赤貝、油甘魚，牡丹蝦、海膽配三文魚籽😍😍😍重點係好新鮮，特別推介吞拿魚腩，厚身油脂味好重，入口即溶，推介，另外想介紹牡丹蝦，肉質鮮甜，好大隻🙆🏻‍♀️💕鮨處松戶海鮮沙律份量好大，充滿厚切魚生粒, 三文魚籽、天婦羅脆脆, 沙律菜, 食完好開胃🙆🏻‍♀️💕牛肉網燒肉質軟腍, 濃郁，口感一流👍🏻💕鍋物材料豐富, 入面有三文魚、菇類、蔬菜，魚頭、帆立貝、豆腐等等, 湯底味道鮮甜，令到入面嘅材料好惹味，飲到停唔到口呀❣️食後感:由於我哋6:30左右去，去到暫時未有人，一望入去空間感大，服務好好，見到我杯無水，會主動refill，重點係食物方面都好惹味，值得一去

👍🏻 (特上)雜錦刺身雜錦刺身非常有誠意🤗竟然有海膽三文魚籽 海膽好鮮甜 加上三文魚籽嘅鹹香味 令到海膽嘅鮮味更上一層樓❣️另外刺身拼盤仲有吞拿魚、拖羅、赤蝦、赤身、油甘魚等等 全部都好新鮮 特別係拖羅 油脂豐富超級好味🐟👍🏻 燒雞串雞肉同大蔥 兩樣配埋一齊食味道勁正 京蔥平衡返雞肉嘅油膩🐓有清甜嘅感覺👍🏻 燒牛舌牛舌一D都唔韌 反而有點爽口 而且有油香搭配簡單嘅調味 無論口感同味道都一流🐮👍🏻 日式蟹肉燒薄餅燒薄餅樣子有點像大阪燒 蟹肉味道唔錯 唔會俾醬汁蓋過 燒薄餅上面更佈滿了木魚碎、紫菜碎等💕👍🏻 海鮮鍋物鍋物用左鱲魚湯底 本來已經充滿魚香味🤩加上有蠔、三文魚、帆立貝等等海鮮 越煮越鮮！煮出來嘅豆腐、菜類都非常鮮甜🥬大滿足👍🏻 紅豆年糕甜品時間 烤過過嘅年糕可以拉絲 配上甜甜綿綿嘅紅豆🫘煙煙韌韌 口感十足 作為一餐嘅終結真的很開心🥳注意事項⚠️- 餐廳有包廂供應 不過有最低消費要求 詳情可向餐廳查詢☎️- 餐廳位於8樓 但係要喺5樓轉𨋢🛗

如果唔係朋友帶我黎食完全唔知道喺海港城對面嘅大廈係會有咁靚嘅餐廳成間餐廳都好有江戶時期風格周圍都見到好多藝妓既裝飾鮨𦺋松戶海鮮沙律 $95⭐️⭐️⭐️⭐️個沙律份量係想像唔到咁多入面好多刺身，有油甘魚，吞拿魚甜蝦同三文魚子我覺得最好食嘅喺上面加咗啲天婦羅脆脆👍🏻跟住叫咗個雜錦刺身$300⭐️⭐️⭐️⭐️刺身個份量兩個人食啱啱好每人一件對刺身完全冇任何抵抗力既我🤤🤤🤤師傅嘅前面係一格格嘅海鮮一品料理 $280⭐️⭐️⭐️⭐️呢個一品料理，可以叫做一口和牛入邊每一粒都係和牛好Juice同埋好香份量勁多朋友喺Menu上面見到有炸雞忍唔住叫左份日式炸雞 $80個炸雞炸到啱啱好啲肉勁嫩滑同埋好Juice⭐️⭐️⭐️⭐️⭐️最後叫咗個明太子露荀炒飯 $98個飯係即炒既 上枱嗰下勁香

我又走左轉日本啦🤭🤭🤭餐廳入邊嘅裝飾同日本一樣，有置身於日本既庭園感覺，而且有廂房嘅客人可以除鞋入榻榻米房，中間有個石磨流水裝飾營造一個日式園景效果雜錦壽司(上)有六品刺身擺盤非常精美，而且仲有海膽，海膽完全零腥味，刺身都新鮮，每一啖都係幸福嘅感覺🥰鮨處松戶海鮮沙律係一碟色彩繽紛的沙律撈即切角魚生，有三文魚、帶子、三文魚子、吞拿魚、玉子，好大碟，魚生份量仲多過啲沙律菜非常抵食鐵板和牛和牛粒份量勁多，肉味香濃，夠林，唔「鞋」口，加上蒜片，非常惹味日式炸雞炸得非常香脆，唔會油淋淋，加埋檸檬汁食，同沙律醬，送酒一流明太子露荀炒飯勁多明太子加埋嘅蘆筍一齊炒，個飯炒到粒粒分明乾身，而且非常香蛋香味，非常開胃

我同朋友都好鍾意食日本野🍽️, 今次就搵咗呢間感覺正宗嘅日本居酒屋食晚飯🏮 餐廳環境寬敞, 更設有榻榻米包廂, 座位私隱度高ꕀ 餐廳嘅中央有個石磨流水, 營造出一個日式庭園嘅感覺, 裝潢設計充滿日本風格🇯🇵𓌈˒˒ 雜錦刺身(上)上面有多款刺身, 包括有：吞拿魚腩、赤貝、油甘魚、吞拿魚、𩶘魚各三件、牡丹蝦、海膽配三文魚籽。款款刺身都好新鮮！吞拿魚腩超肥美, 油脂豐富, 入口即溶; 牡丹蝦大大隻, 肉質鮮甜爽彈; 油甘魚口感細嫩; 海膽甘香鮮美, 食完好滿足😋！𓌈˒˒ 鮨處松戶海鮮沙律🥗有好多款厚切魚生粒, 仲有三文魚籽、天婦羅脆脆, 加上新鮮爽脆嘅沙律菜, 係清新開胃嘅沙律⸝⸝ 𓌈˒˒ 牛肉網燒牛肉肉質軟腍, 食落肉味香濃, 油脂分布均勻, 油香四溢ꕀ𓌈˒˒ 鍋物配料豐富, 裡面有三文魚、魚頭、帆立貝、豆腐、菇類、蔬菜等等, 湯底入口鮮甜, 每一啖湯底都有魚湯嘅鮮味

經理大人搵到呢間日式餐廳，所以就帶咗我哋來試食。中午1點，我哋來到餐廳，入面好多人，差唔多全場滿座，好在我們預先book 咗位，職員安排咗我們坐房，咁大間房我們三個人座，好舒服我哋每人order 一個午餐set ,每個套餐都包括有麵鼓湯&蒸蛋。味道正常不失水準。雜錦魚生飯定食，有好多魚生口感豐盛，魚生都鮮甜美味，好有滿足感。壽司定食，魚生好新鮮，份糧略為有點少，唔夠飽肚，岩細食女仔最後係壽司5貫+卷物3卷+烏冬（忘記拍照），味道都唔錯。最後仲可以叫餐飲 或者食雪糕，我哋3個都揀咗雪糕，紅豆雪糕味道唔錯。

一間非常有正宗日本味道嘅居酒屋/日食店。推介呀~店面環境清潔寬敞, 亦有獨立禾室。可以因應各自要求去訂位。相當有日本風味!呢度既客路以日本人為主,所以就算開業十幾年都保持得非常干淨,可以放心幫襯!不過乜都係假,最重要係食物質素。事不宜遲,一齊睇下啲食物先!肥美鮮香嘅燒白鱔!香脆之餘仲要有焦香味!正到不得了!必食食日本嘢點可以冇sake!? 一於飲番杯!日本苦爪炒蛋,啲苦爪甘香鮮甜入口爽脆,仲要係非常juicy! 正呀~！穴子(海鰻)箱押寿司。穴子味道較鰻魚清淡及口感比較松散,但有一種獨特嘅鮮甜味!好唔錯喎!~田落味增生蠔,鮮甜嘅生蠔加上濃厚嘅田落味增互相佩合。既有鮮味又夠咸香! highly recommended!!個人非常鐘意食燒牛舌。呢度嘅燒牛舌夠厚切之餘又夠牛味,仲要入口爽脆!正呀！有濃郁豆味嘅豆腐沙律,清清爽爽~好味!牛肉湯煱正常發揮~好食但唔算凸出飲完清酒再飲燒酎~刺身講真只算一般質素,係新鮮嘅但唔叫做好甜美...點講呢...唔叫做好差但有少少失望囉~重頭戲燒喜之次~好_貴但超好食!食得呢味嘢千奇唔好諗性價比... 想食就食啦！啲漁油香真係冇得頂!好味不過荷包減重咗好多..

我同朋友都好鍾意食日本野，今次就搵左呢間感覺幾正宗嘅日本餐廳食飯。餐廳有tatami包廂，但我地去到嘅時候已經坐滿左，今次就坐住普通位先。✨松戶特製中卷（$120）就咁望落賣相已經非常吸引，卷物上面係三文魚子同吞拿魚蓉，下面嘅飯卷入面就包住左脆脆，層次豐富。✨和風左口魚薄切（$280）價錢有啲貴，但份量好多，左口魚薄片上加左特調嘅醬汁同蘿蔔蓉，味道酸酸地咁。✨日本凍蕃茄（$70）非常開胃嘅一道前菜，蕃茄新鮮清甜。✨帶子牛油燒（$85）帶子以牛油煮成，香味十足。✨蒜片雞肉南蠻漬（$75）幾有驚喜嘅炸雞，上面加左蒜片同醬汁，味道更佳。

去尖沙咀買嘢，行到又攰又肚餓，突然好想食剌身，醒起之前去過廣東道鮨處松戶食日本菜，環境同食物質素都唔錯，就去食返餐。餐廳是樓上舖，店內以日式裝修為主，以亭台、花木、石林擺設，環境優雅，最入面還設有吧枱，可以近距離睇到廚師烹製美食。餐牌提供日本菜,壽司/刺身等。雜錦刺身：三文魚肉質細嫩鮮美。吞拿魚脂肪比例較少，質感較腍。油甘魚食落淡淡甘甜，每口都充斥魚油香氣，具獨特清爽口感。𩶘魚刺身外表為淡紅、白身魚肉，肉質爽口、鮮美，食落煙韌有咬口。帶子刺身肉質柔軟，鮮味濃郁。甜蝦肉質細綿、味道甜美。海膽在日式料理中屬於昂貴的食材，橙黃色的海膽味道甘甜，質感細膩，幾乎入口即溶。魷魚絲天婦羅軟嫩彈牙，富魷魚香氣、香脆可口。

前幾日去咗呢間嗌咗好多個外賣，要同公司嘅人一齊食。點知開始食嗰陣，發現其中一個便當🍱入面有隻死咗嘅曱甴🪳，已經即刻打返去嗰間餐廳同佢講，又影埋相，但個店員直接無視咗，話唔關佢哋事，最後就直接講咗句 sorry 就算，冇再追究成件事⋯⋯個便當係差唔多$200，當然最後係直接揼咗。作為一間日式餐廳，價錢又比較貴，但我唔覺得佢值，勁失望😞同勁嬲😡可能佢堂食係好啲？我唔知，但至少可唔可以有啲衛生，同埋外賣上都做好啲？🚨🚨‼️圖片可能好嘔心，但我真係想俾大家知有發生啲咁嘅事⋯⋯而我係接受唔到😡😡