鮨處松戶 (彩星集團大廈)

營業中

休息中

雖然店入口隱藏不顯著，但是好容易找倒，因為地下入口就是在廣東道蘋果店右側。上店都幾崎嶇，搭升降機到5樓，再要轉升降機往8樓。但係一入到店內，卡位及擺枱有寬闊距離，覺得好舒服，沒有擠迫的感覺。先來個鮨處松戶海鮮沙律，哇！真係海鮮粒多過沙律菜，海鮮新鮮，沙律菜新鮮，加埋新鮮夾好食，正。（$95）雜錦刺身，我不細說每一款刺身，總之新鮮及好食。尤其是海膽，赤蝦及三文魚腩，正正正。（$300）涼瓜炒蛋，涼瓜有一種清涼的感覺，沒有一點苦澀味。（$88）花魚鹽燒，燒功了得，調味剛好，外脆內軟。（$160）鍋仔烏冬，勁多配料有：天婦羅蝦，冬菇，菠菜，大蒜，金菇，溫泉蛋，蟹柳。味道清甜淡。（$100）服務週到，出品唔錯，環境舒適。

雖然入口有啲難搵，但係捐窿捐罅搵到嚟呢度係值得嘅入門口已經見到充滿日本歷史風情既民宅corner，廂房嘅客人可以除鞋入榻榻米房，即使坐出邊嘅都可以享受置身於日本既庭園，中間既石磨流水造景除咗可以營造一個日式園景效果，應該仲有招財作用呢～雜錦壽司(上)($300)有六品刺身呢個價錢包埋海膽，價錢非常合理，海膽完全零腥味，鮮甜肥美，其他刺身都新鮮，最好嘅係三文魚腩，入口即溶，幸福滋味在口中～點咗呢度招牌海鮮沙律($95)食落就知點解咁受歡迎，海鮮即切角魚生，有吞拿魚、三文魚、帶子等不同的魚生，份量仲多過啲沙律菜，當然啲沙律菜都新鮮爽口，成個感覺好fresh好回本~一品料理嘅苦瓜豚肉炒蛋($88)本身已經好鍾意食苦瓜，呢啲苦瓜片爽口又夠甘香，唔知係咪沖繩苦瓜呢？越食越掛住沖繩～花魚鹽燒($160)比一般鯖魚大條一啲魚肉既白又滑，魚皮煎得金黃香脆，一定要食埋唔好嘥窩仔烏冬($100)一人份量的的式式但係配料和味道都唔馬虎，有溫泉蛋、蟹柳、菠菜、金菇、冬菇，仲有天婦羅蝦

今日同朋友係尖沙咀行開apple，先知原來apple隔離個大廈有唔少餐廳，我地最後揀左入呢間居酒屋食dinner。餐廳環境都幾寬敞，好有日式居酒屋feel。整體食物質素都唔錯，而且價錢合理。日本凍蕃茄凍蕃茄味道鮮甜，作為前菜黎講十分開胃。和風汁左口魚薄切平時好少食叫左口魚刺身，通常都係食開炙燒左口魚壽司較多，估唔到左口魚刺身味道都唔錯，口感爽滑，而且和風汁非常入味，食落酸酸甜甜咁，愈食愈有胃口。松戶特製中卷中卷卷得十分厚實，入邊包裹住拖羅蓉。拖羅蓉口感綿滑，十分足料。蒜片雞肉南蠻漬雞肉炸得非常juicy，肉質滑嫩，非常之高質。帶子牛油燒略嫌帶子味道偏淡，如果牛油味道再出d就好啦~鍋物牛肉鍋份量十分慷慨，有好多肥牛同豆腐，我地食到最後都食唔哂。

今晚老友話揀呢間食晚飯，係一間上樓的日本料理，地方比想像中大，坐位舒適！🎖️鮨處松戶海鮮沙律（$95）好色彩繽紛的沙律，裡面有三文魚、帶子、三文魚子、吞拿魚、玉子，仲好大碟，非常抵食!🎖️和風汁左口魚薄切（$280）左口魚好新鮮，味道鮮甜。🎖️加州卷（$88）一共有6件，好低食。🎖️芝麻雞翼（2本）（$68）外皮燒得好香脆，咸淡適中。🎖️煱仔烏冬（$100）天氣凍，都係要食番一些熱食，要咗一個煱仔烏冬，兩個人分黎食，啱啱好！這個煱有1隻蝦、蟹柳、冬菇、菠菜、1隻蛋，仲有雞肉，非常豐富！🎖️雜錦天婦羅（$120）有沙鎚魚、3隻蝦、冬菇、紫蘇葉、南瓜，仲有蕃薯，炸粉夠薄，味道唔錯！🎖️日式雪糕 - 荔枝（$38）最後嘅甜品係茘枝雪糕，但茘枝味略為淡。

連續兩日喺尖沙咀的居酒屋食晚飯，都係幫襯老字號。鮨處松戶嘅裝修傳統全面，有榻榻米區，廚師發辦區，我哋坐大廳食居酒屋食物。鮨處松戶海鮮沙律沙律好大碟，材料好多，四款刺身包括三文魚子、三文魚、吞拿魚及帶子，仲有玉子、青衣瓜、生菜，最特別係用咗好多炸脆片，令沙律增層次。冇特別醬汁調味，就係靠海鮮，非常原味，口感爽！$95好抵食。和風汁左口魚薄切用醋汁醃過，肉質變咗爽爽地，酸酸地，又有紫薑少少辣味，比一般軟淋更有口感，$280，刺身來講唔算貴。加州卷味道豐富，大大件，食飽飽，$88/客有8件。芝麻雞翼一客2本賣$68，雞翼幾大隻，肉都幾多，相當酥脆，芝麻與鹽混合了的味道。雜錦天婦羅$120客，包括有三隻炸蝦、沙鎚魚、紫蘇葉、冬菇、南瓜及番薯，種類豐富分量十足，炸漿很薄，脆而不油，好食。煱仔烏冬（$100）呢個烏冬抵食，$100啫，兩個人分啱食嘅，有一隻炸蝦，另外湯料有蟹柳、冬菇、菠菜、一隻生蛋及一粒雞肉。味道清清地但又足夠，很有在家自己煮烏冬的味道，溫暖！服務態度都幾好，上菜速度啱，幾寬敞，坐得舒服，值得再嚟。

放假前想食好啲，老公話朋友尖沙咀有間日本嘢唔錯，就係呢間鮨處松戶餐廳環境都幾幽靜，旁邊可以見到幾位師傅料理嘅情形意外地餐牌上大部份食物價格都唔算好貴鮨處松戶海鮮沙律$95柚子醋醬汁，有雜錦魚生、野菜、同咸鮮味十足三文魚子，另加咗好多天婦羅碎碎增加口感牛油果軟殼蟹飯卷 $100軟殼蟹脆口唔油膩，牛油果口感變更creamy!燒物魷魚 $88沖繩苦瓜豚肉炒蛋 $100呢道真係好有日本小店感覺海鮮鍋物 $380價錢會有貴，但整鍋都是滿滿海鮮大大粒帆立貝蠔味十足鮮甜仲有三文魚同埋油甘魚

女朋友生日，見到有日本 YOUTUBER 介紹 （X島與X威），即管黎試下，第一度刺身拼盤，已經好精彩。海膽有久違了嘅鮮味，池魚碎切真心好食；其他都係中上水準（個人認為）。試埋田樂味噌生蠔，口感好似飲緊威士忌咁，頭微酸，中段酒香，尾段係鮮蠔味，價錢唔平，但係物有所值！沙律亦要一讚。清爽好食，重有多多吞拿魚粒。重有燒鰈魚，魚味濃郁。埋單係小貴，但咁嘅價錢有咁高水準，值得再黎。 

尖沙咀廣東道一向都俾人感覺好高級，好多餐廳都好貴，將今日朋友介紹咗呢一間日本餐廳，喺Apple Store側邊入去嘅樓上餐廳！.餐廳入邊嘅裝飾十分日本，由佢嘅舊式日本叔計睇得出，呢間應該係早期進駐尖沙咀嘅日本餐廳，尖東好多呢類嘅設計餐廳(⁎⁍̴̛ᴗ⁍̴̛⁎).見到個裝修已經超期待啲食物啦，店員服務質素不錯，上菜速度比較慢，可以見到師傅精心製造食物.果然好令人失望，刺身非常新鮮，食得出海鮮嘅甜味，串燒燒得啱啱好，完全鎖住肉汁，尤其個白鱔，又彈牙又新鮮！查蜜糖薑好出色，炸粉比出邊嘅薄，但仍然係咁脆，食落去卜卜聲( ´▽｀).炒麵有大阪風味，芡汁酸酸甜甜，即是好飽都覺得好好味，食完所有嘢之後，仲叫咗香草雪糕做甜品

門口要係Apple旁邊小道上去的。入到去好有日本庭園feel，有好有日本特色嘅地台同趟門。忌廉薯餅外層整得好香脆，入面熱辣辣，忌廉味唔會太勁，連埋薯蓉夾埋一齊食，食落口感幾好。記住一定要點少少沙律醬，絕配阿！雜錦串燒串燒叫左幾樣野食，師傅燒功確實一流，外層唔會燒燶，而且保留到食物肉汁係入面，調味亦都跟返相應食物有少許調整。帶子牛油燒大大隻既帶子，廚師用牛油香煎，出到黎已經聞到好大陣牛油香味，咬落去帶子肉汁好香好Juicy！鮨處松戶海鮮沙律作為前菜，沙律份量十足配上色彩鮮豔既刺身粒，除咗新鮮嘅沙律菜之外,沙律有多款刺身粒、魚籽、同天婦羅脆脆，食落去口感層次感好好，可以令大家先打開味蕾。雜錦刺身主角拼盤有吞拿魚、三文魚、立魚、油甘魚、帶子、魚子配海膽7款。刺身由白到紅,從淺色到深色，服務員有提醒我地 一定要由淺色食起，因為亂咁揀黎食既話，可能會感受唔到魚生既原味道，而且每件都切得厚身,味道鮮甜,口感柔嫩。鍋仔烏冬

今晚同老婆去買新iPhone，順道去一間充滿日本懷舊的居酒屋，由商業大廈上到5樓看到四隻忍者龜🤟🏼再轉lift上8/F。入到店內見到有廂房可以容納十多人，鞋放門口（好有去日本居酒屋食飯感覺），店員安排我們坐卡位（寬闊），而且可以看到Bar枱有幾位日本師父準備食材（超多款式生蠔🤩）。我們先來個鮨處松戶海鮮沙律，嘩！好足材，雖然是角切海鮮，但一樣超新鮮，份量也不少，底食😆。再來是刺身，賣相靚，分別有油甘魚、吞拿魚、鯛魚、甜蝦、海膽等等😋，食完刺食再來一點串燒牛舌、燒雞翼☺️，雞翼皮脆卜卜，正。再來是鐵板和牛，加蒜片食香口一流，再加個明太子蘆筍炒飯一齊食，滿足🙂最後芝麻雪糕結尾👏🏻👏🏻。

一品料理 $180和牛切成薄片 每片輕輕用火灸過 好新鮮而且肉質鮮嫩 油脂分布均勻 上面嘅黑松露傳來淡淡香氣 配上香蔥同松露一齊食別有一番風味❤️❤️❤️雜錦刺身 $450刺身包括三文魚 油甘魚 赤蝦 吞拿魚 元貝 鯛魚 仲有我最愛嘅海膽 海膽香氣濃郁 旁邊仲有三文魚子伴碟 每款刺身都食得出好新鮮😍😍😍雜錦天婦羅 $120天婦羅有炸蝦 冬菇 茄子等 蝦肉質結實 炸得香脆 而且皮薄☺️☺️☺️明太子露荀炒飯 $98香濃嘅明太子同埋清甜嘅蘆筍一齊炒 非常開胃 而且炒得乾身👍🏻👍🏻👍🏻蒜片雞肉南蠻漬 $75好耐冇食過南蠻雞 調味非常入味 而且雞肉嫩滑 鋪喺上面嘅蒜片一齊食非常美味😇😇😇帶子牛油燒 $85大大隻嘅帶子用牛油煎香😁😁😁

冲著YouTuber嘅介紹 返香港後同朋友試食 失望了 性價比低 $160田樂燒日本蠔亦唔值！食嘅炒雜菜 比我到過嘅所有居酒屋都差好遠 服務更加唔好提了 就是亂！失望嘅 叫我唔好再信果啲介紹吧⋯⋯

#fafafoodblog尖沙咀 #fafafoodblog日本菜 🍴忌廉薯餅 🥔80 蚊外層整得好香脆 入面熱辣辣 忌廉味唔會太勁 連埋薯蓉合埋一齊食 點 d沙律醬好正 👍🏻 🍴燒魷魚鬚 68 蚊🔥🦑魷魚鬚色水好靚 夠彈牙 粗幼度適中 燒得熟程度剛好 夠哂彈牙 點 d檸檬汁正 🍴豆腐沙律 68 蚊🥗有車厘茄 新鮮既羅馬生菜 椰菜 軟林既豆腐 帶 d酸汁夠哂開胃好食 🍴雜錦天婦羅120 蚊🔥有青椒 香濃魚肉 juicy冬菇 香甜軟林既南瓜 當然仲有彈牙新鮮既蝦肉 都好好食 👍🏻 🍴明太子蛋卷蛋卷 68 蚊🥚上面帶 d木魚增加風味口感 蛋卷應該落左好多蛋 蛋味香濃 入面有葱花調味 明太子味香 蛋白同蛋皇層次分明 個味幾有層次感 🍴雜錦刺身 450 蚊 有吞拿魚味濃既赤身3 件 肥美既油甘魚3 件 軟林既三文魚3 件 香甜帶子3 件 大赤蝦三件 勁多膏👍🏻🦐 仲有軟林濃味既海膽。應該係馬糞海膽黎 加 d魚子都唔錯👍🏻 🍴明太子露筍炒飯 98 蚊🔥🍚明太子好多好足料 帶 d香辣 炒飯炒得夠乾身 露筍爽口 連埋一齊炒咸度適中好入味#沙律 #豆腐 #天婦羅 #刺身 #明太子 #炒飯 #蛋卷

朋友係尖沙咀彩星大廈做，特登介紹左呢間正宗既日本野，途經大大個忍者龜，係商廈入面。入到間餐廳世外桃源咁，入面仲有包房既tatami ，如果人多聚會，私隱度夠高 。我地要左刺身五款，有大大隻甜蝦、新鮮魚子同海膽，太耐無去過日本，食完好令人回味無窮。仲有肥美拖羅、三文魚同帶子，都係高質日本貨。我哋仲叫咗唐揚炸雞做小食，新鮮炸起雞肉嫩滑，點埋沙律醬，佐酒一流。同埋點少得有日本串燒有雞軟骨冬菇等，都係唔錯選擇！我哋仲幾點左壽司拼盤，特別推介玉子壽司同帆立貝，仲有大大碟嘅三文魚子沙律，食到咁飽肚不解油膩感播沙律配上柚子醬汁，酸酸甜甜好清新又開胃。整體餐廳味道質素不錯，難得喺商廈中搵到正宗日本菜，地方教隱蔽好處係唔使同人迫，可以享受下。

「鮨處松戶」位於尖沙咀廣東道100號8樓，餐廳以日式設計，座位寬闊舒適。帶子燒帶子肉厚多汁，入口彈牙爽口，味道鮮甜。 雜錦刺身（上）有油脂豐富，肥美三文魚、魚肉細嫰，甘香油甘魚、大大粒新鮮帆立貝、香甜鮮味海膽、肉質爽彈𩶘魚、大大隻口感清甜，鮮美甘海老等新鮮刺身。明太子蛋卷蛋卷外皮微脆濕潤，有蛋香，加上淡淡咸香的明太子，配搭簡單，入口清爽。脆炸魷魚鬚魷魚鬚沾上薄薄脆炸粉，入口香脆，有咬口。 鐵板和牛和牛以鐵板燒香，上面加上炸蒜片，和牛肉質嫰滑，有咬口，配以蒜片，提升和牛脂油香味。鹽燒雞翼雞翼外皮燒至香脆，中間肉質嫩滑多汁，咸淡適中，香脆可口。