鮨處松戶 (彩星集團大廈)

營業中

休息中

老公話有個日本客帶過佢嚟餐廳有好多唔同嘅新鮮日本食材～一到埗店長就招待我哋坐然後送上熱毛巾熱茶，服務好有日本 feel席間都有不停斟茶、換碟等等來自北海道嘅白粟米刺身！北海道嘅粟米顏色奶白，好罕見生食好爽脆，粒粒都好多汁超甜 💦呑拿魚山芋蓉山芋係好有營養價值，男女老幼皆宜我奶奶都成日煮，不過就切片囉個山芋蓉質地滑潺潺，唔同平時粉粉咁店員話點啲日式豉油食就 OK呢個食法幾特別～刺身新鮮度高，我最鍾意時令嘅深海池魚魚皮令身，魚質爽身啲啱哂夏天食蝦好大條，食落有啲啜咀，好正 👍🏻拖羅又肥美又無筋～海膽顆粒分明，大大啖好鮮甜～ 😋食完刺身就食燒深海池魚頭啲魚肉好滑嫩阿！煮熟都一樣咁鮮味！老公就鍾意食串燒牛舌燒得恰到好處，啲牛舌有嚼勁唔乾落少少檸檬汁就夠哂好食！涼拌三文魚皮好爽口，醋酸味好開胃好好食壽司同刺身一樣都係好新鮮有少少去咗日本食飯咁 😄

上一次去日本已經係前年嘅事，要食下日本野去止下癮，要食嘅當然搵間好嘅日本餐廳啦。去呢間餐廳都要野有啲橋妙架，先喺蘋果手機店旁邊搭𨋢上到5樓之後，再轉另一家𨋢去8樓就到架啦。去到嘅時候會即刻有一份前菜，今次係四季豆配芝麻醬。雜錦刺身特上$560每一款刺身都好新鮮， 重點係每一件都切得非常厚身。拖羅一向係我最愛，入口即溶，魚腩油脂十足，赤身其實都唔輸蝕，都有入口即化嘅感覺，海膽配海藻都係第一次試，口感更豐富，每一啖都好滿意，濃滑嘅海膽喺口中溶化。燒牛肉$140牛肉內裏仍然保持粉紅色，外表煎得脆脆地，牛肉味重，啲肉質依然保持到鮮嫩，不會鞋口，沾上旁邊嘅醬汁更加好食。炒麵＄88上菜嘅時候，柴魚在炒麵上不停地擺動，好似不停叫我地快啲食佢啦。炒麵用上醬汁去炒，入邊配菜有椰菜，香菇，味道適合我哋，而且唔會炒得好油膩。

又係星期五happy friday當然食好嘢嘅時間，今晚大家都諗住食得好少少，所以搵咗間日本餐廳。餐廳裝修不錯，一入門口就見到有一啲私家房，同埋普通卡位，我哋兩個人就坐外面既卡位。估唔到餐廳都有日本人幫襯，可見水準不俗。海鮮沙律份量都比想像中大，而且每件刺身都係厚切，非常好食，刺身嘅品種都多，有三文魚，拖羅，油甘魚，拖羅嘅脂肪紋理分布分明，入口油脂咁重，估唔到沙律刺身都有咁高質。雜錦刺身（特上） ＄560簡直係全晚嘅高潮，我同朋友見到呢個刺身拼盤，都即刻心心眼左，拖羅入口即化，但係因為厚切嘅關係，非常有咬口，牡丹蝦都超級大隻，蝦肉鮮甜，好有蝦味。所有刺身都非常新鮮，而且高質素，咁嘅價錢絕對值得。湯豆腐朋友話想飲湯所以我哋帶咗呢個清淡啲嘅湯，如果只飲湯，有淡淡大蔥嘅味道，如果想食濃味一點，佢哋都會有提供醬油，但我自己比較喜愛清淡，所以都冇特別加其他醬汁。

Happy sunday~朋友仔約jor我食飯, 佢係甘話要去居酒屋feel ge日本餐廳, 佢同事介紹我地去lei間係海港城對方ge日本餐廳。餐廳都幾隱秘ga, 係apple隔離有個入口入去, 搭上5樓再轉上餐廳。上到5樓竟然見到大大個忍者龜像, 好得意ar, 唔係食飯都唔知lei座大廈有d甘ge嘢!!!一層一餐廳, 門口已經feel到唔錯甘!!!餐廳環境都大, 有卡位, 吧枱位, 同埋有vip房添ar!! Vip房好日式feel ga!!坐低後, 侍應會奉上茶同毛巾, 服務好甜心同細心。餐牌選擇多元化, 壽司仲有押壽司, 比較少見!!! 日本凍蕃茄沙律, 好好味, 第一次食到甘甜ge蕃茄, 茄肉軟綿綿, 好似食緊生果gum!!底下仲有d醋沙律, 唔錯唔錯。水母沙律好得意, 水母口感好似水一d ge蒟蒻, 醬汁都係酸酸地, 食落都好fresh。叫jor特上刺身拼盤, 上枱真係令人嘩嘩聲!!! 擺盤好靚, 令人食指大動ar!!!海膽新鮮甜美, 無異味, 片片分明, 好正正子, 同朋友仔兩個人食, 好邪惡甘!!拖羅厚切, 入口魚油味濃, 新鮮好味, 朋友仔都話好正!!!Lei個深海池

今日32度勁熱，吾想食熱呼呼野食，自然諗起食日本野，之後係openrice 找到間環境吾錯又近我的日本餐廳，黎到見到裝修吾錯喎，因為一個人關係就決定坐bar 桌順便可以睇住師父新鮮整食物。這裡午餐價錢有由90-240元，產品十分多選擇，價錢都合理價，今次壽司方面叫左個鮨處松戶精製自選壽司（13）$240 不久燉蛋就到，蛋質好滑又香濃味道剛好，而且入面仲有少有白果，整體十分好味。褔岡凍蕃茄好冰涼，剛好消暑！酸度同甜度剛好又多汁。不久壽司就到啦……件數吾算好大，飯份量剛好，而且仲有我最愛的薑添，不可不講這裡的芥末味道辣得黎吾會好假又咸，十分好食，但其實師父係壽司入面已加了，所以落少少豉油已十分足夠，再者我諗是因為這裡的刺身材料十分新鮮。大拖羅入口即溶，魚脂香又滑身而且難得冇根，所以十分軟熟，十分好味，推介。燒拖羅當初以為好油，但剛好相反喎，因為燒過好有魚香而有少少燶的口感，而且十分1厚身又保持到軟熟，吾錯。池魚，池魚味本身偏濃再加上好濃郁魚脂味，味道十分特出。赤身十分厚身而且入口即溶，意外十分高質素。而油金魚係我最愛，師父切得非常好，由薄到厚，所以夠厚身口感十足。帶子軟熟又大隻，一咬落去

VIP室係和室設計，要換室內拖鞋先可以入去。不過我地冇約到VIP房。坐係用餐區都唔錯，可以見到師傅製作壽司。特上雜錦刺身刺身冰山十分美觀！好吸引！總共有七種刺身可以食：吞拿魚腩、牡丹蝦、赤貝、油甘魚、海膽和深海池魚。牡丹蝦超巨型口感新鮮彈牙，唔係一咬即開個種爽口，係結實既蝦肉帶來的彈牙。味道鮮甜，甜到令人好回味，就連蝦頭都好甜。油甘魚同三文魚都係厚切，同樣肥美。三文魚有種特別的鮮味，唔係連鎖壽司個種平淡無味既三文魚。油甘魚味道香醇，質素非常高。赤貝十分爽口，一咬落去就有水份同甜味爆發出來。吞拿魚腩係幼筋部分，有韌性，口感唔似一般既拖羅，但魚味極濃，好好食。海膽實係好難忘，佢creamy 之餘又夠挺身，濃濃既鮮甜味，仲有種回甘。帶子牛油燒醬汁比較杰身，牛油味好重，亦有香草既香味，帶子肉厚多汁，帶有甘甜味，加上檸檬汁食都不錯。

有朋自遠方來，特意揀左間有品質保證的日本餐廳帶好友o黎品嚐！鮨處松户係彩星集團大廈八樓店內是傳統和風裝潢，好有到訪左日本的感覺！餐廳的服務水準也很高，感覺很好。左邊是日本凍蕃茄，很清甜好吃，右邊那碗透明的東西口感很特別，類似是海哲，很爽口，配上酸味醬汁實是個很開胃的前菜！先吃點熱食，這是日式薄餅燒，外層煎得香口好吃，醬汁和木魚比例恰到好處！朋友的至愛 — 日式唐揚炸雞，雞件非常入味又肉嫩juicy，配上清新酸甜的醬汁減少油膩感，真是食不停口！是日主角之一雜錦刺身 每件刺身都新鮮無比，水準很高！超級鮮甜美味的海膽！推薦！另外來這裡也是必點的特上雜錦刺身拼盤一口吃下吞拿魚卷有濃郁吞拿魚蓉味道在口腔散開，好正！三文魚子也是每粒都晶瑩剔透！叫了酒飲，所以點了枝豆送酒簡簡單單的牛肉烏冬也是平實的美味，湯頭不錯！最後以三色雪糕作結。朋友十分滿意這一餐，非常期待再次到訪！

啱啱去完日本無耐，反而仲更加掛住日本！所以呢排係勁食日本嘢止渴 😂朋友話呢間鮨處松户係有好多日本人幫襯果然淨係去到門口已經好有日本 feel 👍🏻坐吧枱可以睇住師傅處理食物～不過我哋一行四人，就揀咗坐返大枱方便傾偈【日本凍蕃茄】紅卜卜，好圓潤就咁睇都見到好新鮮，食落清甜多汁根本唔駛啲咩花巧嘅調味【日本水茄子刺身】幾特別係日本嘅茄子先可以咁樣生食口感比較清爽，同平時煮到軟腍好唔同係爽口好多～【雜錦刺身】每一樣刺身都係非常新鮮！中間嗰兜【海膽】好有光澤，味道甘甜加埋少少青瓜絲一齊食，啖啖都好幸福～ 😍【牡丹蝦刺身】好剔透，大大隻～肉質爽甜，好有膠質 👅【深海池魚刺身】全部魚嘅刺身都係好肥厚！【呑拿魚刺身】都有齊赤身同拖羅左邊魚腩油香就香濃啲，但右邊魚味重啲成個刺身盛合都好正，必點！😛【甜蝦壽司】本身加咗少量 wasabi，做法正宗除咗巨型之外，仲要已經剝埋條尾！極之好食 🤤【呑拿魚腩壽司】同刺身一樣都係好厚身肥美油脂好豐厚 🍣【海鮮茶碗湯】個壼好精緻 💜啲湯充滿海鮮料，有蝦同魚肉倒出嚟個湯好清，但係味道係非常鮮甜！【吉列豬扒】外皮炸得脆薄裡面嘅豬扒仲係好嫩滑有肉汁平時我會食少少椰菜絲減輕個

朋友帶左黎尖沙咀食日本菜，一入到去已經好鐘意佢既裝修擺設，好似去左日本旅行咁兩個人叫左勁多嘢食，完全失控了日本蕃茄，勁甜勁新鮮海蜇，爽口得黎，中間有啲軟身既，口感特別。配埋個醬汁，好食刺身拼盆嘩，件件都好正完全係高質素，同放題既爭太遠啦。海膽鮮甜，三文魚，吞拿魚，整塊放落口一咬，油香四溢，嗰種幸福感同滿足感真係不得了燒香魚，配上少少青檸汁，味道清香燒蜆，里面好厚肉，好甜汁燒喜之次，朋友話呢條係日本貴價魚，唔怪得咁甜，豆腐勁滑麵豉湯，完全無味精既，唔錯雪糕，三種味，白色係荔枝味，紅色係紅豆，綠色係蜜瓜味。個人至鐘意紅荳味，里面有一粒粒紅荳今晚係生日飯，全晚朋友話事，兩個人食左勁多嘢，勁飽十分滿足既一晚

好耐都冇黎食過，唔知水準有冇差到呢？答案係冇＝）難得男朋友同我都早放，所以特登ＢＯＯＫ定枱黎食好西上到黎我地揀左ＢＡＲ枱坐，正！可以有最快最新鮮既壽司同刺身食我地叫左一份刺身拼盆、燒水泡魚、蕃茄沙律、壽司拼盆！望住師傅切刺身，簡直係一種享受！哈哈啲刺身好新鮮喎，啲海膽好鮮甜，比我係日本食仲正三文魚同蝦都鮮甜，ＴＯＲＯ好肥美～燒水泡魚我覺得咸左少少，應該係要搵啤酒送，可惜我唔飲得啤酒！個蕃茄沙律都係好鮮甜，同一般食既新鮮蕃茄好唔同。臨尾走果時，因為星期五好多人，啲侍應好忙，師傅又幾好傾，師傅見我地等左陣都未走得，所以就切左個北海道白粟米俾我地食同埋芥八爪魚，個白粟米真係好甜，正！唔錯，食物水準冇失準！環境唔錯，仲可以享受同日本人一齊進餐，哈哈！

餐廳實在非常之高質，實在好難用文字去形容餐廳嘅味道。首先一入到門口已經感受到係非常正宗嘅日本居酒屋，餐廳瞓咗包商同埋外面嘅座位，包廂房入面係榻榻米，餐廳嘅燈光非常之柔和所以入去嘅感覺係非常之舒服餐廳分左壽司吧枱同埋普通座位選擇，如果鍾意望住壽司師傅一路整壽司一路食嘅話就可以坐嗰邊，異想同朋友傾計嘅話就可以坐普通座位。今次難得黎到正宗嘅日式居酒屋所以就決定豪食一次，首先叫咗一盤刺身拼盤，來頭一啲都唔細，實刺身拼盤包括左拖羅，牡丹蝦，吞拿魚，海膽，油甘魚，同埋其他刺身，每一款嘅刺身都非常之新鮮，實在係令我非常之回味。陀螺同埋牡丹蝦當然係我嘅至愛，非常之鮮甜仲要入口即溶，海膽都比我想像中更加好味同埋新鮮，一啲腥味都無。一段時間冇去日本，非常之掛住一啲又新鮮又好味嘅刺身，嚟到依度終於都可以比我食到真係非常之好味。食完刺身就叫咗一份壽司拼盤，當然壽司都包括左海膽陀螺帶子同埋甜蝦等等嘅壽司，所有嘅壽司質素都好高，而且好新鮮。然後就叫咗一啲嘅小食同埋熟悉，分別叫咗雞泡魚干，湯，同埋叫咗一個靜岡蕃茄沙律，本身以為係普通蕃茄，但係精工番茄嘅味道非常之鮮甜同普通番茄完全唔同。最後仲叫咗一支sake味道清甜

係尖沙咀食左個超高質日本餐。首先餐廳已經睇得出係日本高級餐廳。氣氛高貴又舒服。仲有好多靚酒係側邊。有熱毛巾可以抹手，好似真係去左日本咁。飲住杯熱茶，好寫意。叫左個茄子田樂。燒得好靚。同四川烤茄子唔同，茄子上層舖左一層甜肉燥，好特別既日式肉燥。茄子整得夠實，唔會完全爛曬，好易夾起黎。肉燥味道加埋茄子，口感好滑好肥美。燒到咁真係好考功夫，味道好。味增湯落左個大大粒既蜆肉。飲左一啖，個湯既鮮味係鮮到攻鼻，好惹味！睇落清清淡淡既湯，竟然可以鮮甜到咁徹底。碗湯真係俾左好大驚喜我。之後叫左個拖羅壽司。八塊拖羅壽司，由赤身食到大拖羅。痴線，慢慢食到最肥美。個感覺超正。唔洗點醬油，拖羅既肥美係口中融化，食到我真係融化左。個陣肥美既脂肪分佈同肉既分佈係好均勻，食左一塊已經返唔到轉頭。呢個真係驚喜之中既大驚喜。食完已經唔想再食其他餐廳既拖羅，質數超高。叫左個手打烏冬。烏冬質感煙un，好彈牙。終於食到普通烏冬同好食既烏冬分別。口感好，配清湯都咁好味。星期五晚食呢啲高質野真係好開心，不用靚酒，高質野食已經取代一切。

其實我好鍾意食日本野，先唔講呢間餐廳野食好唔好！但只講態度同環境簡直超差。我入到門口，個阿姐好惡咁問我「你仲咩呀」我黎餐廳當然食野，於是我話book 左檯架，那佢就帶我入去，原本是張近門口的檯，但我唔想太近門口，於是我話想個坐入些，佢即刻黑面話「到到都一樣，咁麻煩架！」但最後都有轉第二張檯比我！我望到張櫈，完全唔想坐落去，一達達污衊呀。詳見圖片。最離譜是，我不斷見到d 姐姐，企埋一邊大大聲用佢地既鄉下話，夾雜左d 國語係咁傾計。我一定唔會再黎！野食更加唔駛講，全部魚生都唔新鮮，好彩食完無肚痛。

第一次黎呢度食晚飯，所以我哋預早book位，我哋大概七點左右就上到來，一入門口都唔係好多人。但係我哋大概坐到八點，就已經成間鋪都係客人了，好彩我哋有book位。我見房入邊好多都係日本人，佢哋一大班人book咗房係入便食嘢，以鋪頭嘅裝修都好似日本嘅居酒屋，唔講真係以為自己去咗日本，同埋個經理識得日文，聽落去仲好純正添。我哋比安排坐係吧枱，師傅即場切完魚生就會好新鮮感放上嚟俾我哋食，同埋我哋可以現場欣賞師傅嘅刀工。其實我坐吧枱都仲有一個好處，就係可以同師傅有交流，師傅每上一度菜就會同我介紹一下。前菜係茄子，啲茄子好林好入味。好新鮮嘅刺身，刺身上面師傅都好俾心機幫佢哋𠝹花啲海膽好新鮮，其實我唔係好鍾意食海膽，我之前係日本食嗰啲海膽係苦嘅，但今次食落口好甜，連我女朋友都話好好食。啲蝦好大隻，成隻放入口是充滿我成個口，好肥好濃郁嘅味道，師傅仲提醒我哋叫我地食晒三文魚油金魚海膽之類嘅刺身先食吞拿魚。之後嚟咗個燒水泡魚，味道好濃，一流，但我覺得如果有得送啤酒更加好。蕃茄沙律，非一般嘅蕃茄，食入口勁甜同埋好新鮮，食落去可以幫你清潔一下頭先食過濃味既食物。佢哋嘅壽司真係好新鮮，同埋做得好精緻，每一件刺身

『鮨處松戶 』Sushi Dokoro Matsudo 平實嘅日本餐廳，第一次係同事請過嚟嘗試，覺得唔錯，又趁春節假期再同friend嚟食。網燒牛排幾大塊，味道唔錯，可惜有D烤過火，比較韌。烤牛油帶子連個汁都好正，炸雞juice配埋asahi效果一流！另外，鱈魚、蒸蛋、芝麻雪糕出品都好好，平凡中見不平凡！因為係吃午飯，唔想吃生，全熟食，下次要再嚟吃刺身！