鮨處松戶 (彩星集團大廈)

營業中

休息中

太太生日，想去日本師傅主理的居酒屋，朋友介紹鮨處松戶，一試無防。可能當晚是平日，有六成滿，在場應有三至四枱在港工作的日本人用膳。因有半價，點了個刺身拼盤及壽司拼盤，三文魚腩入口即溶，蝦也十分鲜甜，不足是海膽盛在蘿白絲上，差不多有三分一海膽滲在蘿白絲中，有點浪費了。另外點了牛油帶子，好大粒，很香牛油味。稻庭烏龍份量也十分大，幾煙韌！總括而言，環境雖然平實，但味道不錯。

星期日要返工，咁陰功，Lunch唔食返啲壽司真係對唔住自己。search咗好多間壽司店，近嘅未食過嘅星期日會開嘅仲要已經係下午2:15，仲有邊幾間可以選擇呢真係差唔多冇呀！無意間搵到呢度，咁就快快趣去食啦，如果唔係last order過埋，乜都冇得食啊！樓下嘅門面非常靚，不過上到嚟，咁嘅..... 裝修係以木為主，但整體環境好暗，而且啲木都好舊，所有野都好似甩皮甩骨咁，感覺上好似去咗廿幾年前嘅日本餐廳咁樣茶碗蒸好普通嘅蒸蛋，入面無冬菇但用咗另一款菇，有少量蟹柳，感恩地白果唔苦嘅，但質感好明顯係蒸過龍，有啲老有啲鞋，但蛋味都充足嘅自選壽司13件 ($240)吞拿魚腩、平目、油甘魚、帶子、海饅、海膽、蟹膏味噌、深海池魚、池魚、赤貝、蔥吞拿魚腩。魚類係新鮮嘅，大大塊兼肥厚；吞拿魚腩油脂夠正嘅；海饅有驚喜，肉厚而且燒得外脆內軟，一咬開啲魚油慢慢滲出嚟晒多，食多幾啖啲魚油就必晒出嚟；蟹膏味噌雖然其貌不揚，但膏味勁香濃，每啖帶輕輕嘅嘅味噌，口感好好；帶子雖然大粒但冇乜鮮甜味；海膽就最失望，其實睇個樣已經唔多好，淺黃色嘅，夾唔到完整一舊，海膽味欠奉，唔新鮮，仲有好少嘅苦味，老實講，係食過咁多間日本餐

從前常常到訪這兒食晏，自從有一次發現刺身唔夠fresh, 已經很久沒有再來。今天有同事提議到這兒食lunch，她說性價比高, 一於再試試。午餐有刺身，燒物等由95-240不等，好似無乜加價。我們一行三人，眼見鄰座個個都點北海丼，應該唔錯。我們也點了這丼飯和鰻魚飯。蒸旦剛出爐，夠熱而且非常滑有旦香。北海丼有四款刺身同少量海膽、魚子。刺身算是厚切，帶子味道新鮮，三文魚脂肪分佈平均，而海膽有少少甜味，以百四蚊的價錢有蒸旦，沙律同餐飲，在尖沙咀算是不錯了。而鰻魚飯則有兩片，雖未致覆蓋白飯，但肉質肥厚。這鯪魚是比較淋身的那種而不是一燒得脆脆的，而鰻魚汁甜甜地，送飯一流。咖啡是即磨的，味道比較淡囗醇滑，似乎是曰式咖啡的味道。整體表現不錯，中等價錢，可以再訪。

黎到彩星集團大廈。誤打誤撞嘅情況下黎咗8/F 鮨處松戶。原來有promotion 。壽司 & 刺身拼盤半價嘩。d刺身好新鮮。taro 肥美。油甘🐠油份佈滿口中。牡丹蝦大大隻。蝦頭有膏架。海膽無腥臭味。赤貝鮮甜。半價後盛惠3 佰幾咋。無將貨就價。抵讚👍🏼

尖沙咀日本料理餐廳實在多不勝數，今日試下鮨處松戶，這裡環境不錯，座位闊落。看看餐牌，幾十至一百多元一個午餐，算相當吸引！蒸蛋內材料豐富但有點過熟至老，像家中的蒸水蛋，太實唔夠滑。北海道丼賣相非常吸引，魚生厚切大大件，鋪滿飯面。但質素一般，魚肉肉質有點淋身唔係好彈牙，帶子有少許腥，但以這個價錢，有此份量又有海膽同大大粒魚子，我認為絕對可以接受！

約好了同事的飯局我們一行8人，一開始就先吃了4盤的刺身魚生魚生普遍都新鮮，有魚鮮味，亦彈口結實。肥美的吞拿魚腩吃一片就膩，同事們不太吃就夾了好幾片給我XD吞拿魚腩算不上是拖羅的級數，咀嚼時滿口油香，但還是有一二條大的魚筋。伴蔥粒及精選醬料，令屬於白魚的左口魚刺身帶來微酸酸的有趣味覺享受。蟹籽份量都算多，整體都尚好。大蜆肥美肉厚，香滑而蜆味濃郁。牛舌略嫌薄身，令牛舌偏乾身，失去嚼勁，如能增加厚度，就會更juicy味厚。豆腐不夠滑，豆味亦不香，這個略為遜色魚肉滑溜，但上枱後放了不到5分鐘開始聞到腥味。整體而言，魚生刺身都新鮮，食材質素高，熟食方面就有改善空間。地方方面，座位舒適，氣氛和諧，很適合跟一大班朋友同事暢談，店員都友禮親善。

鮨處松户聽聞呢間嘢都有好多日本人幫趁所以先黎試下。先來了個前菜，有鰻魚、酸青瓜、海帶等，好開胃，很好味！魚生併盤，魚生新鮮, 海膽同魚子都非常鮮味，決定 encore 再叫多份。雜錦刺身(特上) 有吞拿魚腩、牡丹蝦、赤貝、海膽、吞拿魚、深海池魚及帶子。海膽起正蝦、帶子都不錯，其他魚都ok～蟹腳雜錦鍋就比較普普通通, 皇帝菜都好味. 不過好少蟹腳, 完全唔夠喉. 烏東彈牙好食, 於是叫多一碟。帶子牛油燒，個帶子好大粒，有好香既牛油味，帶子用唔會韌，味道好好。牛肉豆腐鍋，裏面既豆腐夠滑，不是很入味但都可以接受。稻庭烏冬幾好，烏冬幾滑幾煙韌。牛油果軟殼蟹卷，D飯卷得有D鬆散，味道唔錯。總括而言，呢間係水準唔差既日本餐廳。

本人有時會在尖沙咀海港城附近工作，而每次到附近，都會到附近的彩星大廈(即是apple store旁）選擇餐廳，大廈內有很多高質素日本餐廳。今次選擇了八樓的鮨處松戶。一入到餐廳，門口的同事就帶我們就座，店內設計比較暗，不會太嘈，可以跟你的商務伙伴好好聊一下。很快看過餐牌後，就選擇了兩個定食：鮨處松戶每日定食是餐廳中的每日定食，定食包括三文魚剌身、吞拿魚刺身、炸蠔、燒鯖魚、燒豆腐、 一碗白飯、一碗味噌湯、及一舊靚橙。剌身十分新鮮，而且很厚，味道很好，果然是一間高水平的日本餐廳。而炸蠔不會太炸，剛剛好，配上沙津醬味道十分好。而燒鯖魚加上檸檬汁後，十分開胃。整體都好食。剌身、壽司定食定食包括一些壽司，而中間有很多種不同的刺身。當中的剌身依然是十分好食，刺身蝦味道十分甜。而且我覺得整個定食最令我驚喜的，就是海膽壽司，味道實在太好了！一點都不苦，是甘甜，味道可以跟日本的海膽比較，可惜只有一舊，令人會有再想食下去的感覺。但是份量不算太好，如果是男性，未必會夠食。

餐廳位於Toyhouse 8 樓，空間寬敞，比一般小店坐得舒適。見到不少食客點北海丼，我也毫不猶豫order 左。蒸旦尚算滑溜，有鮮甜味，但是內裏什麼都沒有，只有少少蟹柳，有D似港式蒸水旦。刺身頗多，每款有2，3片。三文魚子有D腥，海膽甜味欠奉，有少少苦. 三文魚片尚算可以，但是十分薄切，所以口感不太好。帶子完全沒有甜味，唯油金魚較為新鮮，肉爽身。面鼓湯：有腐皮海帶，有白味噌的味道，口感豐富。咖啡是蒸溜咖啡，奇怪的是店員給我的不是coffee cream也不是鮮奶，而是淡奶，感覺怪怪的，也許這就是港式曰食吧。

跟朋友慶祝生日飯，朋友比較喜歡選日本人主理的日本菜， 見食評話日本人師傅，便上網訂位，因為經訂位所有刺身拼盤都有半價優惠安排坐bar枱， 入座後發現沒有一個日人師傅，只有本地人師傅， 可能放假吧！ 不過亦有兩枱日本客， 應該也不太差點了一盤特大刺身拼盤， 半價優惠約$4xx， 真的很抵！壽司拼盤亦有半價， 很新鮮， 沒有因為半價而品質下降日本真蠔， 沒有半價，$9x 隻，有點兒貴，也不覺得特別鮮甜飯後一人一杯雪糕， 完結這個抵食的晚飯原來東亞， 渣打，恆生都有半價優惠

朋友介紹黎食其實前一次是食晚餐 , 印象唔係太深刻今次佢又約我在這裡LUNCH係彩星集團大廈間間都不是便宜貨所以很少同同事黎彩星食今次望望餐牌, 咦...又唔係好貴 (定我已經被我一班富貴同事帶壞了)由於我想食蝦, 所以已鎖定食那幾款....猶疑在那個....那個海膽我不喜歡食海膽...次次食都覺腥....(爸爸新鮮開過給我試我都頂唔順)朋友堅持你再試 , 好, 我就決定點北海道魚生飯先來是蒸蛋及湯, 叮完已飽了半主角上場了我先試海膽...一入口, am...味道唔錯bor , 滑滑不腥, 我竟然可以ko 晒刺身好新鮮 , 工文魚籽我就唔知啦, 我唔食的最後加上雪糕一球, 完美完結$130 價錢都算合理 ps 如果男人可以未入夠飽回味海膽中~ 好想快點再食一篇

去年來過這家, 印象中味道唔錯!可是近几個月來, 這大樓較低層位置正在裝修.還以為整個商廈都關閉呢!今天和同事再到這家日本餐廳午餐.經過接駁電梯, 再轉乘至餐廳樓層.職員馬上安排入座, 仲有毛巾抺手呀上次試過燒鯖魚定食, 這次依舊.職員先上日式蒸蛋(茶杯呈上)這是每個定食都有的.上面有一塊葉, 係什麼葉呢?再食至中間, 杯內有鳴門卷, 蟹柳及白果.蒸蛋當然係滑LUT LUT啦, 但很重蛋味(唔係蛋漿勁溝水果種)燒鯖魚定食HKD 80所有配件都擺放整齊,先喝一口湯, 內有油豆腐皮呢!腐皮雖然軟軟的, 但口感頗特別.開始動手食燒鯖魚了!  才發現没有那個酸酸的汁呀!一般日式放題或餐廳, 都會附上一小碗/一小碟酸酸的汁, 用以沾燒鯖魚!雖然不知道如何稱呼這個醬汁, 但同事都知道欠缺這個!於是向女職員提出要這種汁,這位職員竟然說 : 用枱面果樽豉油淋上去咪得囉!淋豉油??? 清蒸魚咩!!!!!!!! 呢度唔係食中菜喎!!!!!!!我心心不忿, 於是搵經理.他見到枱面, 馬上了解欠了酸汁, 並為我安排呢.擾攘一番後, 燒鯖魚雖已放涼!但仍然是又滑又多汁, 燒得剛剛好呢!如果在上枱時, 馬上品嚐,

有朋友生日佢好鍾意食日本野, 另一朋友介紹食呢間話有半價刺身~  樓上店, 唔講都唔為意同唔會諗起呢度~~ 裝修似居酒屋同客人應該都主打日本人~~半價刺身拼盤有3款, 壽司拼盤都有幾款, 我地叫左1個大刺身拼盤同2個壽司拼盤, 再叫其他小食~~服務ok同都好態度, 但朋友生日, 買左蛋糕切, staff只係原盒上要自己開, 就比較扣分, 之前打去問佢收唔收切餅費時, 佢只話同要同師傅一齊切先要收費(驚聽錯,我有double confirm係同師傅切???) , 但我心諗三唔識七同師傅切!!??? 好奇怪..... 不過所有食物都有水準, 當然食刺身同壽司拼盤最抵,無話半價就將貨就價, 會想再去~~

得悉鮨処松戶是因為上次到附近的Fandango時遇到一群日本戶紛紛都到８樓去光顧心想能吸引一班當地食戶必定有其過人之處趁着日本料理的心癮起之故特地走去看看這松戶一室的庭院裝修很風韻，榻榻米房很吸引，下次黎可以多叫幾個人菜單上很多罕見品，看來食材選得很嚴謹半價特上刺身拼，質素依然有保證，海膽Toro高質素唔洗講，鯛魚與玻璃蝦都好爽 (9/10)追加兩件壽司滿足大胃口，入口即溶的吞拿魚食幾多都唔夠喉 (9/10)吞拿魚鮫唔係度度有，一向喜歡佢冇三文魚咁油，雖然這個鹽燒有啲燶過頭，但皮脆肉嫩口感依然好 (8/10)喜歡鍋燒烏冬的鰹魚湯頭，烏冬又煙靭有咬囗 (7/10)店家送的餐後甜品，唔特別但濃郁得很 (6/10)吃得出這小居酒屋很用心從食材、煮法到招呼都很認真簡簡單單卻很誠懇很有日本店家的的神韻

見到網上既好評，特意上星期五去呢間餐廳慶祝女友生日平時都唔會打食評,但今次經歷真係太差,一定要寫出黎,希望其他人唔好中伏.....但一入門口已經傳黎一陣陣煙味，食到一半先發現原來係包房入面傳出，估唔到室內都容許食客食煙食物方面，侍應一開始俾左每人一碟前菜，食完埋單先發現原來收50蚊，覺得俾人搵笨咁，正常餐廳都會問客人需唔需要先安排，點解之前既食評都冇提到呢點？之後我地叫左個壽司拼盤特上，大部分質素一般，海膽尚算鮮甜，吞拿魚亦幾好食,另外叫左個明太子炒意粉 好細碟 完全冇明太子味只食到啖啖公仔麵調味粉味 而餐廳環境亦好嘈，因為一邊係房開緊party，隔住門都聽到，另一邊個壽司師傅竟然做做下野飲醉左，期間大吵大鬧，要其他幾個職員幫手送佢休息最後兩個人食左成700, 性價比低,同樣價錢係尖沙咀仲有好多更好既選擇整體黎講都唔需要點講，唔會recommend去呢間日本餐廳