鮨和居食屋 (已結業)

周末走到了食肆林立的登龍街， 想輕食點，揀居食屋係最好不過~點了客胡麻豆腐沙律  沙律菜分量都唔少，加了胡麻汁令清新的沙律菜、日本豆腐增添非常濃郁既芝麻香味。《和風沙律卷物》做法有點似越南既米紙卷，不過唔係用米紙而係紫菜卷住，入面有蟹柳、生菜、青瓜、蛋，加上和風醋汁，特別清新開胃～　　蒜香牛油燒蟶子皇($168/2隻)蒜蓉加牛油既配合，唔洗多講都知會有幾香~大大隻蟶子皇鮮甜彈牙，沒有半點沙，加左少少粉絲，吸引哂蒜香精華非常惹味!

今日晚上和朋友往銅鑼灣鮨和居食屋食宵夜,我們點了秋葵串,里芋萬頭煮和長崎縣岩蠔, 秋葵串燒得爽脆, 食落爽口鮮甜, 而且秋葵配上少許鹽, 食落惹味, 口感十足,佐酒一流小食；里芋萬頭煮賣相吸引, 芋頭炸得金黃乾身, 賣相好似一座小山,食落好香甜,醒胃美味,芋頭蓉外脆內軟,口感十足, 甜度適中,食落口感豐富；最後長崎縣岩蠔食落鮮甜, 岩蠔大大隻, 入口肥美, 食落爽口, 蔥花能帶出岩蠔的鮮甜味美。居酒屋座位舒適, 食物美味有特色, 適合三五知己聚會宵夜好地方。

好像很久沒有到永光中心的餐廳吃飯，今晚女神相約我到銅鑼灣逛街兼晚飯，我就建議到鄰近Timesquare的永光中心看看有什麼好吃。看看水牌發現一間日本餐廳叫做「鮨和居食屋」，不確定新開與否，一於試試。我們喜歡吃壽司，於是點了《廚師發辦特上壽司》，一共有十件，魚生新鮮，當然我最愛的是拖羅壽司，入口魚脂香豐富。然後點了一板《日本馬糞海膽》配上香脆紫菜可自行包卷海膽。海膽鮮甜味香，滿足。《(卷物)和風沙律卷》其實像沙律菜卷，很健康，蘸上沙律醬會不錯。《長崎縣岩蠔》大隻肥美，入口十分鮮甜，加上少許醬汁更提鮮。

星期日諗住喺屋企休息下,好好享受下假期。點知突然記起朋友明日會來香港留一天,並托我幫忙去銅鑼灣買東西給她帶回北京,咁我就拿拿臨換件衫出門口,買完之後又到左食飯時間,一個人就上網睇下有咩好介紹,見到鮨和居食屋口碑都唔錯,一個人就上去試下。我點左串燒蕃薯仔,好甜嘅蕃薯仔。鯛魚白湯,我個人好鍾意飲奶感嘅湯,呢個湯完全符合我嘅標準,魚鮮味極濃,唔膩,好滿足。北海道栗蟹,蟹膏有啲似栗子味,呢種蟹🦀味道特別同好新鮮,一個人自己食晚餐又食到好滿意嘅食材,感覺非常好。👍🏻👍🏻

今晚跟朋友吃飯點了幾樣野，都覺得很不錯。 茶壺海鲜湯 在我印象中日本人飲湯，如果不是麵鼓湯，就是這種茶壺湯，也因為文化，盛器亦非常講究。以茶壺盛湯，外形確是美觀，而他的保温，倒在小小茶杯上，份量溫度也剛好。 每次喝茶壺的湯，我都覺得特別鮮味濃味，可能材料在壺中焗一焗，把精華都逼出來了。 原隻魷魚燒 燒物我們點了魷魚，原條上，燒得恰好，細軟又惹味。 長芋梅天婦羅，炸醬不太厚，配上長芋的脆口，梅肉的香氣，加上剛炸出來熱騰騰的口感，好吃。 點了個刺身拼盤：有帆立貝、平目魚、甜蝦、三文魚、鰤魚及吞拿魚。 還是喜歡刺身天然清甜的味道，特別是帆立貝、甜蝦，鮮味。 燒粟米...永遠的美味！粟米非常飽滿且清甜，不吃飯吃粟米，非常好的選擇，大愛。

三文魚牛油果沙律牛油果攞嚟做沙律唔係新鮮事，但係呢度好食嘅地方係在於佢三文魚同牛油果兩個係好夾，三文魚好新鮮，咬落去陣陣嘅三文魚油香味，牛油果入口即溶，配上沙律菜同埋酸酸甜甜嘅沙律醋，食落去超級開胃。明太子蝦天婦羅明太子同天婦羅係我兩分別好鍾意食嘅食物。佢嘅天婦羅蝦好爽口彈牙，粉漿唔厚，炸到脆卜卜，而最特別嘅係入面釀咗明太子，陣陣嘅鹹香味連埋個天婦羅蝦一齊食，唔使點天婦羅汁都超正。刺身拼盤呢一個刺身拼盤有帆立貝，平目魚，甜蝦，三文魚，鰤魚同吞拿魚，真係超級多種類。佢嘅刺身好新鮮，一啲雪味都冇，帆立貝爽口彈牙，平目魚嘅魚味好濃，甜蝦鮮甜，三文魚魚油爆出嚟，鰤魚同吞拿魚入口即溶。赤貝刺身赤貝係我好鐘意食嘅刺身，佢嘅好食在於佢嗰種鮮甜同埋本身嗰種爽口爽脆。呢一款赤貝刺身就做到呢一個效果，因為佢真係非常之新鮮。秋葵串燒而家好興秋葵用嚟做串燒，佢呢一個串燒燒到外皮香微脆焦香，灑上少少鹽，食落去好香口。

今日夜晚肥妹仔去咗呢一間居食屋度食晚餐，其實肥妹仔對日本菜真係百食不厭， 尤其係一啲高質素嘅日式餐廳，仲加係抗拒唔到。海鮮鍋肥妹仔好少出街會叫海鮮鍋，但係聽店員推介佢哋嘅海鮮食材好新鮮，所以肥妹仔就叫咗一個嚟試下。呢個海鮮鍋有三文魚，海蝦同埋其他魚類等等，每一種魚既肉質都好嫩滑，海蝦爽口彈牙，就咁飲個湯已經好濃嘅海鮮味，鍾意食海鮮嘅朋友一定要試。特上刺身拼盤呢一個刺身拼盤有拖羅，鯛魚，赤貝，甜蝦，帶子，油甘魚，種類非常多，而且佢嘅擺設超級靚，未食都已經覺得好吸引。個拖羅入口即溶，充滿魚油香味 ，個赤貝超新鮮，超爽口彈牙，帶子就好厚身，啖啖肉，甜蝦非常鮮甜，蝦肉好新鮮，油甘魚魚香味好濃，鍾意食刺身嘅朋友一定要叫一個刺身拼盤，冇得輸。和風沙律卷好特別，通常我哋叫沙律係一盤咁上，但佢就捲成壽司形狀咁上。 個沙律卷入面有蟹柳，青瓜，蛋，蘿蔔絲，配上酸酸甜甜嘅醬汁，超級開胃，肥妹仔一試難忘。A5和牛西冷肥妹仔不嬲都好鍾意食日本和牛， 佢呢一個a5和牛西冷真係超級好食，入口即溶，牛尾超濃，一絕。

又到星期五，心情放輕鬆當然下班後要去吃好的，我和朋友選擇了這間「鮨和居酒屋」，但由於朋友飯後要駕車，所以我陪他不喝酒。我喜歡吃甜蕃薯所以點了兩串《蕃薯仔串燒》，外層都是甜甜的很好吃。《明太子玉子燒》厚身大份，包卷著的明太子比預期多，玉子燒入口清甜有蛋香，而且調味適中不會偏咸。忽然很想吃Sukiyaki(牛肉壽喜燒鍋)喜歡那甜甜的湯底，牛肉又不韌，加上生雞蛋拌勻整體口感更滑溜。朋友喜燒吃海鮮所以點了《(鍋物)海鮮鍋 》，魚有兩款而且嫩滑，但要快吃怕會變腥。

位於銅鑼灣登龍街的日式餐廳，地點非常方便。餐廳是以日本裝修為主，氣氛好好而且乾淨舒適，成個dinner嘅過程我都好enjoy!(天婦羅)明太子蝦天婦羅，非常考廚師手藝的一部手工菜。這天婦羅炸的時間拿捏得剛剛好，外皮炸得鬆脆，而且天婦羅炸得油而不膩，粉漿好薄，入口香脆軟熟不黏口，香口的蝦香味與滿滿的明太子鮮味相當搭調。十分惹味好鐘意螢光魷魚這個名字，在已調好味道的醬汁，所以螢光魷魚的味道非常鮮美爽口，味道獨特、有特殊的甘香。(串燒)雞翼燒得好好味，首先雞本身已經好嫩滑， 而且佢層皮燒得好脆口，配埋嫩滑嘅雞的口感就唔錯。總括黎講，呢間日本餐廳好值得去，服務當然好好，最欣賞佢嘅就係無論環境定係食物嘅味道都好地道。

又到周末搵食時間，愛日本料理的我同男友來吃一餐好日本菜。他帶我來到鮨和居食屋無論門口或內裡的裝潢色調和諧舒服。門口及餐廳內都有今日推介的食物。鯛魚湯挺喜歡的，因為鯛魚比較有營養價值，日本人亦以之為日常養生食材，鯛魚低脂肪高蛋白質、菸鹼酸...，促進血液循環、消除疲勞、降血壓...等功效！平民化得來有營養，深得人心。最重要時滿滿骨膠原，最適合我呢d愛美的人蒜香牛油燒蟶子皇，蟶子都相當出色，蟶子口感彈牙，牛油加蒜蓉的味道好好，與平時中式的做法完全不同，牛油香更有一番風味。(煮物)鮑魚磯煮，片片鮑魚一進口，味道鮮甜爽口，有點像糖心鮑魚，質地煮得夠腍身，容易咀嚼

難得和朋友聚一聚，朋友就搵到這間，雖然要去到銅鑼灣，我新界人好少出省（朋友港島工作😒）我點了一個迷你三色丼 ，分別為吞拿魚蓉、海膽及甜蝦三味。吞拿魚蓉好甘香鮮味，魚生飯中和了味道，食落不會膩。甜蝦好鮮甜。最後的是味鮮而濃的海膽，海膽與醋飯的味道，錦上添花。芝士鷄翼 超級雞翼控加上芝士控，簡直就是我的堂，砌開聞到濃濃的芝士香味，雞翼size 不少，烤得脆脆外皮的雞翼壤入芝士，一啖咬落，脆中亦吃到皮下厚的雞肉，有肉汁兼嫰，加上豐富的芝士汁味，真的吃不停。(湯)茶壺海鲜湯茶壺湯上菜形式，湯味道似淡身既麵豉湯，當中卻帶少少海鮮既鮮味。茶壺入面有大蝦、時令海鮮等材料。飲落口幾特別。(串燒)雞翼雞翼控見到好難忍手唔點，雞翼燒得幾香口，唔會太燶。整體黎講，呢度環境滿分，食物方面夠哂多選擇，而且即點即製，味道唔錯。

銅鑼灣咁多日本餐廳，羊媽媽今晚揀咗呢間！呢度選擇都幾多多，大路嘅居酒屋食物佢都有，而且仲有啲時令食材碎香蔥吞拿魚腩丼係必食推介！碎吞拿魚腩份量十足，同飯嘅比例近乎係一比一而且吞拿魚腩油脂好豐富，油香滿滿之後仲要咗燒飯團！個飯團燒得好香脆，配埋紫菜好好食我哋仲要左鮨和豆腐，日本豆腐確係唔同，豆味濃郁好多！！鋪左納豆呢款唔係個個鍾意食，不過我覺得個味都幾特別鋪吞拿魚呢款就更加好味呢兩款料理味道清清地，啱晒呢啲咁悶熱冇乜胃口嘅天氣～

今天在銅鑼灣約了客人食午餐，我隨意選了近她公司的《鮨和》，13:30 左右上到去，人不算多環境清靜不錯，午餐的選擇也不小，剛好現在做緊九折免加一，雖然也要一百多，但味道不錯！

今晚諗住傾吓計，食少少野，上咗黎鮨和。我哋未夠七點嚟到，唔算好多人，環境都幾清靜。先食個招牌卷物：鮨和卷 感覺有啲似加州卷，入面有三文魚、蟹柳、青瓜、甜蛋等等。之後就要左我至愛嘅日式蒸蛋 日式蒸蛋面頭仲有三文魚子同海膽呀蒸蛋真係好滑，好好食！侍應推介我哋食北海道栗蟹，佢話呢個係時令食物，唔係成日有㗎！我哋見價錢都唔算太貴，是是就叫左一隻試吓！栗蟹唔係好大隻，不過味道好鮮甜；餐廳已經起咗肉，所以都好容易食！之後仲要咗鮑魚磯煮味道真係幾鮮甜，而且口感唔錯！最後再點咗串燒牛舌牛舌我哋覺得薄左少少，如果厚啲就更加好味啦！今晚整體都幾滿意，呢度係一個靜靜地傾計食飯嘅好地方

銅鑼灣登龍街永遠系行CWB後指定晚餐點，第一次黎到鮨和居食屋，見裝修幾好幾新，就坐低同朋友食晚飯啦。見有好多主打，各種海鮮都幾平，師傅兩三下手勢就做好一份卷物鮨和卷，味道真係好好。個卷都幾大份，吾係細細啖既少女可以一噉食曬，但豪氣的中女就絕對無問題。三文魚好新鮮，又有青瓜同蛋同蟹柳，再鋪上芝麻同蟹子，正。作為職業鰻魚控的我當然不會錯過鰻魚玉子燒，鰻魚燒汁同甜甜地既蛋捲相得益彰，分量都好足，食到呢度開始有少少飽但當然吾會錯過海鮮鍋，入面有三文魚同蝦，定價都幾平，女仔清清地食呢個一定吾會肥！難怪日本無肥人，又鮮甜好食，又營養豐富，日本餐真係女人恩物！