鮨和居食屋 (已結業)

已經食了4年，很小寫食評，為這小店支持一下，食物繼續保持到應有水準，老闆及待應也相當有禮貌，現在這些小店已經相當不錯了，刺身新鮮，串燒也很不錯，非常好味魷鱼軟骨，口感特別好味

我第一次去，兩個人，返屋企至發現一隻軟殼蟹&一碟豚肉生薑燒 數量分別計咗x2！！收多咗成舊水！冇下次！！環境唔算乾淨， 布料sofa 滿佈污漬，食物係好食，不過唔老實咁做生意..

今日同老公喺銅鑼灣搵嘢食，OpenRice路過，見到好多人推介呢間，就打算上嚟試吓佢哋嘅「🎋會席料理」。一坐低就送上熱茶同豆腐沙律，然後就問我哋有啲乜嘢喜好。晚飯嘅時間，坐低首先會比一盤好靚嘅酒杯仔俾我哋揀！用嚟飲清酒🍶🧡我哋今日試呢支🍶，少少甜甜地易入喉，我哋兩個差唔多飲晒一支！唔知師傅會比啲咩我哋，問我哋鍾唔鍾意食蠔，我同老公都好啱！今次第一次是令和之怪物，清甜爽口，個汁好開胃酸酸地😋😋我哋第一次試鮟鱇魚肝，原來好Creamy好滑，加埋個酸酸地嘅汁同沙律菜，一啲都唔鯹！唔錯，唔錯！我哋今次可以每人一盤魚生拼盤🍣，勁滿足又靚仔！呢個係我全晚最鍾意嘅菜式，超級超級超級新鮮嘅海膽配拖羅蓉同大大粒嘅魚子。加埋紫菜一齊食，好清爽好鮮甜😍🥰！平時我個胃唔係太受得難消化嘅鮑魚，但原來鮑魚刺身，係咁林咁好食！全晚最特別嘅菜式，就係呢個！強烈推介俾大家！沙甸魚刺身卷！！！冇諗過沙甸魚都可以用刺身上碟，我喺外邊，睇到師傅用好似眉鉗嘅工具，逐條幼骨拔走！完全就係一道功夫菜！沙甸魚刺身嘅質感好肥美好鮮甜，係講唔出嘅特別，我一定會再食😋👍🏻！月見雞棒，啖啖肉，質地好嫩滑，夠飽肚！白象拔蚌刺身，爽甜！最後師傅

難得一日跟老婆一齊放假，就準備跟老婆去食佢最鍾意食嘅日本餐之前聽朋友講過鮨和居食屋唔錯，所以就揀咗佢一入到去環境唔錯 日本式簡潔裝修。我第一時間當然叫我老婆最中意食既刺身啦所以就點左廚師發板刺身刺身拼盤非常滿意非常新鮮，之後唔夠喉，就問問樓面今日有咩原條魚刺身佢就推薦左活海膽跟原條池魚刺身生野食完緊係試下d串燒啦免治雞軟骨串 唔錯 可能我唔係咁鍾意食甜野 個汁有少少過甜牛舌 好食 面香內嫩 雞翼皮脆肉嫩 其他都唔錯整體大致上都很滿意之後埋單嗰時有個小驚喜啱啱遇着四周年優惠 全單有85拆

今日黎左銅鑼灣燈籠街永光中心7樓《鮨和》居食屋，刺身非常新鮮，鮮甜，特別海膽，口感奶滑而又濃郁，而且入口即溶，味道相當鮮甜！仲有日本直送「独眼竜」海水味濃肥美厚身，都係超級鮮甜。埋單先知道，原來慶祝4週年紀念，全單85折，真係非常抵食又好食，絕對可以再幫襯

冇訂檯walk in 7點開始落order咗等咗半個鐘先有第一樣野食，每樣食物都唔熱普面冇咩味，等到差唔多全場淨返兩檯我先等到冷烏冬同燒油甘魚頭，魚頭又腥又冇味仲要2百幾蚊，原本想要三文魚頭又話冇貨極力推依個腥魚頭俾我地價錢仲要貴3倍，我相信冷烏冬都唔洗用咁耐時間煮，賣單個陣仲要俾錯隔離檯張單，明明得兩檯咁都會錯，成餐飯2個鐘9成時間係等野食，原本仲諗住食住先再叫，遲過我地黎概客人都食完走晒所以我都敢再叫最後係餓住走

本身想簡簡單單咁食吓剌身壽司，就搵咗呢間鮨和，因為見網上都多人讚。點鬼知一落單就出事喇，喺我哋落單途中不停打斷我哋問”食唔食生蠔？””食唔食海鮮？”食唔食雞泡魚乾呀？” 我哋答佢”唔使啦唔該”，之後佢眼神有些許奇怪並話”唔緊要”。老實講，落單過程我哋俾佢打斷咗足足3次，覺得有少少唔耐煩都正常掛？而最後更加落錯單…😅Anyway，大家睇foodie IG都係想睇美食而唔係放負，明嘅，宜家入正題🤣廚師發辦刺身拼盤 ($580)：刺身有七款，質素正常發揮喇！中拖羅夠肥美，魚油十足，而且冇筋，入口即溶🤤 唯獨是海膽和帶子較為失色，明顯食得出唔太新鮮和有少許腥味🥲壽司 (三文魚$40/ 三文魚籽$90/ 玉子$40)：每款兩件~錯有錯着，三文魚幾肥美，不過我哋就無緣食三文魚腩🥺因為本身係叫三文魚腩，不過最後上嘅變咗係三文魚🤷🏿‍♂️ 舍利(シャリ) 正正常常，無乜酸味，亦相對較黏口茶漬飯 (燒三文魚及紫菜) (各$48)：質素唔錯，味道亦唔會太鹹，食完幾暖胃，如果紫菜可以完塊上而唔係切絲就仲好😌總結，嘢食質素正常無伏，亦見到老闆和員工都好用心去營運呢間餐廳。唯獨是個服務真的有待改善。不過凡事兩面睇

喺OpenRice book咗12:00 2位 去到啱啱開門比較靜 環境舒適 日式裝修風格 點餐時職員有做推介 依點非常不錯 有交流有互動 我叫咗廚師發板嘅丼飯有好多款唔同嘅刺身 食材新鮮 壽司飯偏酸 -印象比較深刻嘅係搽左蝦膏嘅牡丹蝦 表面輕輕燒過 非常好食 香口 -海膽表現比較失色 有苦味 但冇見其他食評講過 -其他魚生都好新鮮好食 😋朋友叫咗個便當 生薑豬肉 鰻魚飯 刺身 天婦羅 🍤個人認為呢個便當十分抵食 -鰻魚多骨 但係佢燒得好好食 味道偏鹹 一定要配白飯-生薑豬肉 依個除咗油少少之外味道非常好👍🏻-天婦羅炸得好香口 表現正常 合格 蒸蛋 幾好 蛋味濃郁 甜品係紅豆雪糕 超濃紅豆味 好吃！

已經幫襯咗幾次，佢嘅魚生非常新鮮。 我三次都係食廚師發板一次就係佢個combination嘅set一次就咁係廚師發板丼。 完全冇令我失望， 唯一可以挑剔嘅就係佢嘅蒸蛋凍咗唔夠熱同埋好似比較差咗D。 最重要嘅甜品或者查佢嘅咖啡就真係唔好試同埋雪糕淨係得綠茶

真係好想同大家介紹一下呢一間日本餐廳，食物質素好好之餘，而且份量亦都好充足！叫咗一個照燒安格斯牛扒定食，呢一度嘅牛扒定食都係$158 ，好抵食！而且呢度嘅牛扒煮得啱啱好，牛肉嘅味道好香，仲要係非常之Juice！連埋呢度嘅珍珠米一齊食，真係覺得非常之吸引！

今日終於可以忙裏偷閑出黎食個午餐啦！🤓 朋友介紹我黎鮨和既，佢話呢度乾淨又靜，慢慢食慢慢傾就岩晒☺️所有餐配左和風蒸蛋、漬物、沙律及麵鼓湯另外有柚子菜、小甜品加加埋埋都唔少，好夠食！日替燒魚定食🐟 即係未必每日一樣㗎燒魚就咁食可能會有少少乾身，唧檸檬後，中和左味道後，更加夾同易入口🍣朋友啲壽司定食睇落都幾新鮮喎 我試咗佢嘅赤貝、油甘魚，前者好爽口，後者油香！好滿足！最後食埋個甜品同飲咗餐茶，係朱古力蛋糕，以飲品就係柚子蜜

終於揀到個時間食餐好 🙈疫情嚴重影響之下，少左好多出街食飯既機會，晚市直頭無得諗😢，無得堂食！！朋友揀咗一個日替燒魚定食，份量岩哂女仔，每份定食都有好豐富嘅前菜💚：沙律、麵鼓湯、和風蒸蛋（真係好滑溜）、漬物我就揀左壽司定食🍣 樣樣都可以試吓嘛 😌 有吞拿魚、油甘魚、三文魚、帆立貝、甜蝦、赤貝、左口魚邊、時令魚🦐厚實質感既甜蝦上有少少蝦膏，夾埋好濃郁時令卷物上面系三文魚籽、吞拿魚同埋好甜嘅海膽！一啖放晒入口好滿足，🧡三文魚籽油香好正可以坐喺日式環境會更加舒服同有意景啦，快啲可以自由食飯啦🥺

永光中心有兩間我喜愛的餐館，西餐的Memoir 及鰭和居酒屋；今日想去午餐，才知Memoir 及中心大部分食肆都暫停營業，好在鰭和仍有開門營業。叫了兩客Bento Set, $132有刺身，天婦羅，豚肉生羌燒，鰻魚飯；跟沙律，燉蛋，麵豉湯，咖啡。保持一貫質鮮味美，服務態度及性價比相當高。兩小時內，連我倆共5位食客，肯定是蝕住來做；真的為經營者擔心，希望他們能跨過逆境。今日出入永光中心都只見保安員一人，以前午飯時要排隊等升降機的擠擁情況不知何時再見。堅持「動態清零」下的市況令人心寒，酒樓食肆及多個行業已被清零了。

疫情嚴重都要食飯㗎，食好食嘅嘢先會心情好。今次嚟到鮨和，套餐加埋一都唔使二百蚊，包和風蒸蛋，味噌湯，蕃茄配胡麻醬沙律，而咖啡/朱古力蛋糕係二選一。首先叫咗壽司定食 $188魚料好新鮮八件壽司包括：油甘魚、三文魚、帆立貝、甜蝦、赤貝、左口魚邊、吞拿魚、吞拿魚海膽卷。卷物入面係青瓜絲，外面包住飯，上面鋪上吞拿魚蓉，三文魚籽同海膽，一啖一件好滿足。另外一個餐係燒牙帶魚，一上菜果下，驚訝了🙀好似條辮咁燒，好靚呀。條魚又燒得香一間走中高檔路線嘅居食屋，環境舒服，食物又整得有心思，完全無令bi失望。

在銅鑼灣有好多食肆，今午特登去鮨和居酒屋食個午市定食，我比較喜歡食多啲味蕾重啲嘅食物，於是我們選了日替燒魚定食，包括有前菜的雜菜胡麻醬沙律，味噌湯，和風蒸蛋，日替燒魚及一個朱古力果仁蛋糕，和風蒸蛋蒸得非常嫩滑，裏面有幾顆銀杏，甜甜的蛋中帶出甘苦的銀杏，好有咬口，日替燒魚非常鮮甜好味，魚油很多，外脆內軟，魚肉掛住的醬汁恰到好處，醬油有些柚子味，是拌飯的好合適選擇，有平衡味蕾的神來之筆，飯後甜品是朱古力果仁蛋糕，它並不特別甜，只係連埋朱古力及果仁在小蛋糕內，滋味無窮，非常creamy，這個定食的價錢不貴，但性價比高，食完後我一定要再來食過。