鮨和居食屋 (已結業)

放假就出銅記逛，登龍街真係勁多嘢食。 想同朋友吹吹水，飲翻杯，於是嚟呢度。貪佢小食多～唔太肚餓，主要吹水，兩個人吹左枝大吟釀🤣伴酒菜當然唔少得～食豚肉生姜燒 ，件件大大片，加左少少芝麻同燒汁，香口👍🏻 伴酒一流～鰻魚玉子燒就更正，鰻魚新鮮烤又夠厚肉，玉子蛋外皮滑一滑，又充滿蛋香。兩者加埋一齊食，天衣無縫，再啜一啖酒 😇冷盤都食下～ 和風沙律卷好fresh, 紫菜同菜都咁爽脆～ 加沙律醬，女朋友最啱～(一品料理)鮨和豆腐 🤩 刺身夠晒新鮮，豆腐夠滑夠香。兩者加埋，滑入喉嚨，第二度好似食唔到～絕對係個飲酒吹水好勝地 ❣️

隔左一星期老公話要再黎食喎，講真我舉手讚成啦，因為我真係好鐘情日本美食，其實辛苦工作為為揾食，老公最近工作較忙，正好為他打打氣，決定再去食銅鑼灣登龍街鮨和嘆啦！迷你三色丼必叫推介~賣相已好豐富，粒粒飽滿閃令令的三文子，入口脆卜卜咬爆三文魚油， 香蔥吞拿魚腩蓉入口即溶，甜蝦食落膠口點，海膽更鮮味，大滿足呀！ 鮑魚磯煮鮑魚彈牙又咬口還好夠味道，用鮑魚內藏做翻個醬汁好特別。醮點來食鮑魚更提鮮！今次還加 Sake添蒜香牛油燒蟶子好好味蒜香飄飄，落牛油令肉質都軟熟唔會乾身，有咬口。老公最鐘意就係燒尤魚，原隻金黃色碎上見到都大滿足，雖然燒過外表乾身些，但隨後食落尤魚質感都軟熟可口。鰻魚白燒極正嘅燒鰻魚，燒到金黃皮微微焦脆口還帶鹹香唔會蓋過肥美鰻魚鮮味，魚肉亦有彈性添。無失手圖示其實好多海鮮都可以做刺身，當然要選當造季節性的來品嘗啦！

最近屋企裝修，搬咗去北角住，今日去灣仔睇燈同埋買傢俬，行到好攰想去銅鑼灣搵下啲高質素嘅嘢食，見到有間叫做（鮨和居酒屋）有好多高級高質素嘅刺身同埋居酒屋燒物等等。(A5和牛盛宴)A5和牛西冷， 份量十足，色澤粉嫩，好有牛味，肉汁爆口仲好juicy。(串燒)雞翼，我最鍾意食日本嘅燒物， 食到食物原味之外，又有炭燒香，夠曬惹味。鰻魚玉子燒 ， 鰻魚夠厚肉，汁甜，蛋香豐富，有幸福的感覺。刺身拼盤(帆立貝、平目魚、甜蝦、三文魚、鰤魚及吞拿魚各2)， 鰤魚即油甘魚，肥美油甘，脂溢滿足。 其他刺身都相當新鮮，價錢又唔貴，相當抵食。

近日工作壓力大，朋友帶我來鮨和居食屋relax一下，餐廳位於銅鑼灣登龍街永光中心，客人衆多差不多坐滿，人多但不覺嘈雜，餐廳環境帶日本風味，很合適同朋友聚會。居酒屋內有很多優質美食，而且亦有多款清酒選擇，今次來到是為飲清酒為主，所以先來點一支【純米大吟釀 - 倭櫻】嘆返杯。清酒杯有多款選擇，隨個人喜好，我就選了帶紅色彩的酒杯，而朋友就選了帶藍色的，清酒味香醇，容易入口，不嗆口。食酒梗係要叫點下酒食物啦，來一個【長崎縣岩蠔】，岩蠔肥美，鮮甜可口，入口爽滑，好似滑進喉嚨裡，很不錯。【(揚物)日式炸雞】這個日式炸雞不油不膩，外脆內軟，份量十足，惹味非常。【里芋萬頭煮】朋友推介這個小食，將芋頭炸到金黃色一粒一粒，堆疊起似小山丘，香口可脆，送酒一流，得確美味。

今日喺銅鑼灣登龍街附近做嘢，約了朋友晚飯有排都未夠鐘又肚餓便沖了入去這間＂鮨和居食屋＂食少少嘢頂下個肚先😜鹽焗日本銀杏 $80本來只想吃個玉子燒頂頂個肚，見到隔離枱食這個鹽焗日本銀杏非常吸引，銀杏大大粒非常飽滿，口感糯糯的，用粗鹽焗微微鹹後回甘，是不飽肚又過口癮的小食😆明太子玉子燒 $120一層層的玉子包着明太子，蛋味濃郁而且又唔會太乾身夠濕潤，濕潤甜絲絲的玉子包著鹹鹹鮮鮮的明太子，味道很夾👍🏻不用點豉油也很滋味！見到其他食物都好吸引下次一定要同朋友再來品嚐😛

一個月總有幾餐想食日本菜，無他嘅因為覺得日本料理比較健康，少啲濃油赤醬。於是今晚收工就黎一轉味覺日本之旅。原條伊佐木刺身。一黎就吸引咗我地嘅目光。美食當前都唔可以忘記打卡呃LIKE嘅精神，哈哈。雪白通透肉質，入口柔軟帶啲啲脂香味。輕點醬油就已經好夠味。胡麻豆腐沙律。想食得健康就一定要點返啲蔬菜平衡返，香酸又帶點奶油味嘅胡麻醬就最啱了，配上豆腐，個味道真係無得彈。日本香魚燒。估唔到小小嘅一條香魚，燒得好香好好食。簡單灑上岩鹽再燒製，因為本身魚油好豐富，令到肉質入口時依然嫩滑。點點鹽分增添風味，食時仲散發住香魚獨有嘅橘子香味，真係連骨都想食埋落肚。哈哈。蒜蓉牛油燒蟶子。蒜蓉同牛油永遠都係最佳拍檔，兩都香味突出但又唔會搶咗對方味道，鮮甜蟶子加咗佢地，味道即時提升更多。實在太邪惡啦呢個組合。清酒煮蜆。個湯好甜酒味好香，應該係煮完後再加入少少清酒吊一吊味。時間掌握得恰到好處，令到蜆肉食落飽滿而又無沙。最後連少少嘅蜆湯都清埋，絕不浪費。明太子玉子燒。非常有份量嘅一道菜式，明太子多到滿瀉出黎。玉子鬆軟有彈性，配埋微熱嘅咸香明太子，一啖入口甜中帶點脆脆顆粒感，好滿足。唔係因為聽日要返早，一定點返支清酒

又係最愛日本野既時間~2個女仔唔係好大食,所以我地揀左間樓上店想慢慢傾下計!7樓一出車立見到個門口都幾靚。係日本式布簾~特上鮨和海鮮丼好豪華呀個感覺，刺身好多好夠，唔會有飯多過送的情況。虎河豚兩食夠特別，魚生入口比較爽，唔要wasabi都好OK!熟左唔腥又有咬口,好推薦~慢慢滾下滾下好過癮!另外叫左一個揚物-日式炸雞2份食,原來真係幾多份量,顏色比較淺(唔係萬年油)都幾香脆同熱,但係真係有D食唔哂

銅鑼灣食日本野一定諗起燈籠街，今晚為朋友慶生日，咁更係選擇左佢喜愛餐廳啦，而自己亦超喜歡日本野食咁樣就安排了。方便大家一早訂定位，去到唔使等，店內餐廳燈光較喑柔和，傾計食野啱晒我同朋友兩個密友，連裝飾罷設都係可愛達摩公仔呀難得朋友生日咁開支清酒未為過啦，店員介紹，就信吓佢試吓囉，月山丸都屬大吟樣之一，香純帶適當的辣味，是讓人感到寬度和縱深的柔軟的大米的味道。清酒杯都係自由客人選擇的，真係各有喜愛。鯛魚白湯 是我們的推介，奶白忌廉色，每口都嘗到鮮魚精華，香濃鮮味可口，令人再三回味的。明太子蝦天婦羅薄薄天婦羅脆槳包著紫菜明太子大虾同炸，非常香口鬆化，還有青辣椒可伴蘿蔔蓉天婦羅汁同食，減低熱氣感。豚肉生姜燒豚肉鬆軟入味，佐酒美食，同清酒都好夾的，調味適中跟蔬菜絲青瓜片也不錯。日式蒸蛋出奇矜貴的海膽同三文魚放在蒸蛋面，蒸蛋內還有香菇片，雞肉，銀杏，蒸得火路剛好，滑嘟嘟兼保留蛋香。

老公今次帶左我銅鑼灣燈籠街食日本野，日本野是我至愛，食飽唔會有罪惡感，今次呢間食完要高舉大母指添。 金色字大大招牌，裝修有日本風燈光柔和讓人感覺放鬆，罷設亦花心思，當然食物質素最緊要的! 是日 Menu推介，但今次就無我地的心水， 你地都可作參考迷你三色丼賣相已好豐富，粒粒飽滿閃令令的三文子，入口脆卜卜咬爆三文魚油， 香蔥吞拿魚腩蓉入口即溶，甜蝦食落膠口點，海膽更鮮味，大滿足呀！ 鮑魚磯煮鮑魚彈牙又咬口還好夠味道，用鮑魚內藏做翻個醬汁好特別。醮點來食鮑魚更提鮮！極正嘅鰻魚白燒，燒到皮微微焦脆口還用鹽吊味之餘唔會蓋過鰻魚鮮美，魚肉亦有彈性添。老公最鐘意就係燒尤魚，原隻金黃色碎上見到都大滿足，雖然燒過外表乾身些，但隨後食落尤魚質感都軟熟可口。整體高質食材新鮮味道佳，無論兩口子還可一班朋友黎嘆下都合適。

番工忙左咁多日黎到Happy Friday 緊係要約埋朋友食餐好😛簡左依間銅鑼灣既鮨和居食屋首先叫左個刺身拼盤(帆立貝、平目魚、甜蝦、三文魚、鰤魚及吞拿魚各2)最鐘意食吞拿魚夠厚身，油脂甘香魚油味濃，魚既鮮味係口腔散發出黎(燒物)原隻魷魚燒一上抬已經聞到燒魷魚的香味, 魷魚剪成條狀一口一啖，魷魚件有嚼口加上醬汁非常惹味麵豉牛筋煮 牛筋燜得相當淋身， 好彈牙滿滿骨膠原既口感蒜香牛酒燒蟶子皇上面放左滿滿既蒜蓉😍超香～蟶子好新鮮又大隻，抵食👍🏻

今次同朋友係銅鑼灣食飯，自從做左黎做野，賺到錢後放工餐廳鮨和居食屋居食屋就係日式料理的居酒屋，唔需要到日本都有日本的感覺，提供刺身，壽司，燒酒，串燒等美食。串燒雞翼十分入味，份量都足夠，釀得不錯，有咬感。查過原來白子呢個講法係源自日本，是雄魚腹部的精液結塊，多用於河豚魚，日本人視之係美味的營養足夠的食物，所以可以講話係河豚的精子。真河豚白子燒河豚唔係度度食得到，呢到香子燒十分新鮮，口感都好好，十分美味。虎河豚兩食兩食比到唔同的體驗,有熟食的熱食，魚塊十分入味，仲有蔬菜煲，湯都十分濃郁。冷食就有刺身，十分新鮮。

好耐冇食日本野啦，今日忍唔住要去銅鑼灣食番轉。好，黎到鮨和居食屋，睇下有咩好食先。好多靚靚酒樽，點到要影下。螢光魷魚，個擺盤好整齊，每條魷魚大小差唔多，睇得岀師父有花過心思，而且魷魚新鮮，咬落爽口，果然係佐酒必食小吃。鰻魚蓮葉飯，鰻魚燒得唔錯，而家飯粒浸有啖啖蓮葉香味，好食！特上刺身拼盤，每款刺身都好新鮮，尤其係粉紅色既拖羅，入口即溶，帶子就鮮甜好味。今日終於滿足到我好想食好想食日本野既慾望，哈！

最近唔少日本餐廳都驗到魚生有蟲，真係令人怕左食生野。所以而加食日本野都會揀信得過嘅餐廳，而呢間鮨和居食屋就絕對令人放心。今次黎主要都係食魚生同海鮮。我地叫左呢個鮑魚磯煮，大大隻鮑魚，食落口感彈牙，鮮味十足。當然唔少得令人期待嘅刺身拼盤，有油甘魚、帶子、赤貝、拖羅等等，款式非常多，亦十分新鮮。我最鍾意嘅就係拖羅刺身，食落非常肥美，入口即溶，絕對係必叫之選。食刺身嘅同時當然要叫枝sake飲。鮨和卷係呢度嘅招牌卷物，入面有三文魚、蟹柳、牛油果等各種魚生同配料，口感非常豐富，值得一試。

依排睇新聞仍然有人感染德國麻疹真係唔敢搭飛機住～但鐘意日本野既我，唯有係香港揾間好食既和食屋望梅止渴上網見到依間居食屋介紹唔差，梗係要試啦～入面既裝修都幾和式，好舒服迷你三色丼脆口既三文魚子卜卜脆，每口咬破也是海洋的味道。再配他他口感既鮮吞拿魚配蔥粒，誘發海洋鮮味。口感滑又香既海膽撈埋煙靭又綿既珍珠米仲有新鮮的甜蝦，好彈牙！鮑魚磯煮磯煮完既鮑魚仲好大粒，有著鮑魚原味。質地一點都唔靭，煮得岩岩好～原隻魷魚燒表面青左一層醬汁再燒好香，而且燒得乾身又唔硬，好入味鰻魚白燒外面燒得好香，加上特製醬汁，味道好夾，加上肉質彈牙依一餐解我想念日本既情懷

一連食開日本餐，就是有慣性繼續食。這天放工來到了銅鑼灣和OT的朋友食飯。基本上永光大廈也是大家的聚腳地，所以選了未試過的鮨和來一試。    坐低先來一客胡麻豆腐沙律清清味蕾和慰藉一下飢餓的腸胃。滑豆腐和麻醬應是前世結下不解緣，不然怎麼今世還是這麼合拍？   接着來了一客食明太子玉子燒，因為着實太餓了，要先吃點熱的墊墊底。玉子燒樣子厚實，蛋味濃郁，上枱時還冒着白煙。厚厚的蛋包着橙紅色的明太子，食落多汁又飽肚，而且食到粒粒明太子。   朋友點的依佐木刺身肉質細嫩，以薄切的方式上枱。小小的一塊剔透晶瑩，點上少許芥末和豉油，最能食出其鮮！     然後就是我愛的燒魚，前幾日食過燒香魚，今日見到當然要回味一下。但這裏的香魚size比較細條。樣子仲要係醜醜的！但意外的是好好食！！！ 難怪隔離枱食完再encore多一條！香魚肉較散，但魚味十足！魚皮燒得金黃焦香，基本上我們連骨都食埋。 蒜蓉牛油蟶子皇佐酒是一流，但因為朋友揸車，所以酒兒落肚。切得碎碎的蒜蓉似座小山咁堆在蟶子上。蒜香足，而蟶子爽口！單食都好好食！   最後簡單的點了清酒煮蜆作結。蜆小小的但肥美，而且清酒味很濃。現在吃日本餐都習慣以