鮨一 (厚福街)

營業中

休息中

今日去尖沙咀做啲野，夜晚就去左係厚福街，近尖沙咀站的鮨一去食野了。𥚃面既陳設有日式居酒屋既風格，仲有三層樓咁大，開放式廚房見到師傅埋頭苦幹地準備野食，好relax好舒服。今日我哋一於樣樣都叫啲。前菜店員首先送上了日本海萄葡番茄沙律，開開個胃先！比人感覺很新鮮同清爽。日本真蠔生蠔是師傅即開即上的，夠晒新鮮。蠔夠晒大隻同有蠔味，加埋佢哋特製嘅醬汁，很令人醒晨的一道菜。刺身到了是日的重點刺身了！師傅很有心地精選新鮮直送海產，有心地逐件切逐件去上桌，不用刺身更用了不同的處理的方法，給大家不同的享受。如左口魚刺身用了簿切的方法，一啖一口，比人吃到了刺身的原味道。黑鯥和銀鱈魚刺身新鮮味美，食落入口即溶。鬼虎蝦肉質有口感之餘亦很鮮嫩，又不會樣香口膠的硬口，又一出色之選。至於A5和牛刺身和超甜粟米，也是很不錯的。這𥚃的刺身料理正正體現出日本人辦事的細心和認真的精神！串燒我哋仲叫咗串燒食。串燒燒得十分之香脆，淡淡都係肉，一啲都唔會好油膩，份量仲唔少添。鯛魚奶湯湯非常之香口同埋醒胃，湯料煮熟左一樣都系咁好食。令人想一飲再飲。為完美的一餐畫上完美的句號！

以往對哩間日本餐廳都幾有好感 每次食親都成千蚊1個人 今次大失所望 4人都只系食左千幾 只因食吾落 日本馬糞海膽比以前腥 冇色澤 吾夠新鮮 鮨一沙律更加冇野好講 以往沙律菜多 魚生粒都好新鮮 今次又少菜又腥又吾好食 連簡單既吉列豬扒都變質 豬扒又粗糙又有渣滓 希望餐廳能改善下

契妹上週返港，因得知尖沙咀有玩具特賣場，所以即約同小肥契哥過海購物。適逢七四美國國慶，兩口子就豪啲食日本野賀一賀佢，喺OpenRice度揀咗間就腳嘅「鮨一日本料理」。樓上餐店面積唔算好大，兩口子被安排入座最埋邊嘅壽司吧位；近廚得食，應為最佳位置也！細問下得知原來其他合拼式散座早已有人訂座。其實當日生啤做緊特價，只係細佬揸咗車車，所以冇得飲酒。。。點餸例牌交由靚女負責，XO仔自然會飯來張口。日本海葡萄蕃茄沙律（$128）：同契妹食飯一定有菜食，幸好遇上細佬食菜嘅日子，佢總會挑選啲較易入口嘅沙律。日本海葡萄蕃茄沙律紅綠分明，顏色鮮美，墊底嘅生菜十分鮮脆，爆於口中嘅海葡萄爽潤醒胃，鮮紅嘅蕃茄亦腍潤芳香。三款刺身包括龍蝦、日本活海膽、帶子一次過以拼盤呈上，擺盤相當震撼。龍蝦刺身（$348/隻）：活生生嘅龍蝦係由師傅仔喺面前即叫即拆，上枱時啲鬚仲郁吓郁吓架。龍蝦肉白裡透光，爽嫩帶脆，鮮甜無比，冇得彈呀！活帶子刺身（$128）：雪白嘅活帶子被分為兩部份，帶子背位厚潤清甜。裙邊薄片清脆得黎其甜味更加鮮濃，各有各好食。日本活海膽（$168/隻）：原隻日本活海膽刺身鮮黃潤澤，幼嫩甜美，原汁原味就是最完美

上月日本旅行回來後，仍然對日本的美食念念不忘，於是這晚下班後立刻到這家料理店解一下癮。我們選擇了吧枱就座，桌面佈置整齊大氣，玻璃櫃面上的狸貓擺設也很可愛。宮崎縣玉米-白鬚玉米第一次吃到原支粟米做的前菜，來自宮崎縣的粟米爽口多汁，而且超甜，簡直推翻了一直以來對粟米的印象。鳥貝簿身的鳥貝味道甘甜，嚼感富彈性。伊佐木刺身質感柔軟的厚切魚片連魚皮上，經火炙處理後不但魚皮簿脆，稍為溶化的魚油脂更使整體質感更油潤嫩滑。沙甸魚刺身時令的沙甸魚不是經常吃到，同樣厚切的魚片肉質紮實鮮甜，魚香味濃郁。和牛刺身牛脂紋路分明如雪，接近入口即溶的質感使牛香味充滿口腔，油而不膩。博多冬菇釀入蝦滑的冬菇天婦羅外酥內嫩，口感多元有層次。華味鳥雞翼串(左) 及 鹽燒牛小排串(右)燒物方面亦處理得很好，微焦的外皮充分鎖住肉汁，整體鮮嫩多汁，不會太乾身。

今天來到厚福街揾食，午市的日式料理最底食，我和朋友選了位於藍馬商業大廈18樓的鮨一日本料理。檸檬酸汁鮮茄沙拉—以新鮮的北海道蕃茄，配搭檸檬酸汁，簡單得來又醒胃，作為第一道前菜十分合適。。北海道真蠔—超肥美鮮甜，大大隻，好爽甜。龍蝦刺身—配有鹽水，加上原身龍蝦的鮮甜，每一口也吃出龍蝦的鮮味。最驚喜的是龍蝦上碟時還會跳動，果真活龍蝦刺身！。紫海膽—味道清甜，因受精而顏色變淺，肉質嫩滑而水分重。壽司飯—赤醋飯，飯軟不太淋，比白醋飯多了幾分味道，不太酸，有點甜，味道跟沒有白醋飯香，但胺基酸含量高，十分健康。黑鯥—又名黑草，屬深海魚，高檔次食材，產量稀少，油脂豐富，但肉質彈口爽甜春子鯛—春子鯛是鯛魚的幼魚。這是春天的「定番」壽司材料。鯛魚，長大後到遠海棲息，但在牠還是幼魚的時候，會在比較近的淺的水域（所謂江戶前，則江戶的前面的近海）群體棲息。春子鯛的特徴是其淺粉紅色的優雅魚皮，加上其白色魚肉，構成非常美麗的對比。壽司師傅保留其魚皮，用特別的刀法切春子鯛肉，經過醋浸後製作握壽司，這是江戶前壽司的傳統做法。春子鯛的特徴是有微些鮮味和幼魚獨特的軟身肉質，春子鯛握壽司會在您的口裡告訴您「春天的來臨」呢。

餐廳最深印象就係佢哋嘅海膽飯今日約咗朋友嚟食lunch，想試一試這裏的海膽。。餐廳係同一幢大廈總共有兩層樓，自身商業大廈內，環境不算太大，不過有一些開陽嘅位置，窗外嘅景色也不錯，坐在吧枱，能夠欣賞廚師為我們預備食材，又可看看景色，實在賞心樂事。。見到餐牌介紹赤醋壽司飯，原來呢度嘅飯係用赤醋，以酒粕發酵嘅主要原料，有獨特嘅酒香味道，而且啲飯係好似琥珀色，比一般嘅白米更加柔和嘅酸度，更加香醇濃郁，個人覺得味道更有層次感，配上刺身，更加能夠襯托出刺身嘅鮮味呢。。首先來一個前菜蕃茄沙律呢個番茄沙律真係超新鮮。而且佢個汁帶一點酸味，令人好開胃。。北海道真蠔呢隻號簡直係超巨型，差唔多同我隻手掌一樣大，而且好肥美，肉質好厚身，一食落口已經覺得係超級新鮮，亮點就係生蠔上面嘅酸汁啫喱，帶出生蠔的鮮味。。刺身拼盤黑鯥魚北海道紫海膽龍蝦廚師好細心，佢同我地解釋咗食刺身嘅次序，先食龍蝦🦞—>北海道紫海膽，黑鯥魚刺身，而且龍蝦和海膽上面已經噴了鹽水，所以不需點任何嘅醬料已經能夠品嘗到刺身的鮮味。會置身當中，個人最喜愛當然紫海膽，記得第一次完個食海膽就是在京都，能夠在香港也能這樣品嚐海膽，實在難得。另一個

今晚同朋友慶祝，當然要搵間朋友喜歡食嘅餐廳先至可以，這裡就係朋友之前食完大讚嘅餐廳，地方環境都唔錯，一望就要到有師傅嘅吧枱，亦有餐枱選擇，當然吧枱就看得較清楚師傅為你準備食材時嘅過程同手勢！今晚最開心是點了隻日本原隻活海膽，呢個感覺同當年第一次去日本時食到嘅感覺，師傅原隻開了活海膽就立即上枱，海膽入口味道鮮甜新鮮，份量就係一隻海膽內出現嘅份量，雖然有啲唔係好夠喉，但要好味道嘅東西就係咁新顯得矜貴同好味！另外銀雪魚刺身亦十分新鮮，魚肉帶豐腴油分卻不膩口，口感有點像Toro，不過更爽且嫩滑，所以呢個都十分推介！另外活北寄貝亦十分出色鮮味，肉質除了爽甜的口感之外，還有陣陣鹹香的海水味，吃起來脆卜卜，果然新鮮！而喜歡食刺身嘅朋友再點了份羽太薄切，呢種魚肉質雪白略帶桃粉色，爽滑而富有彈性，入口都有同平時不同嘅感覺！最後朋友推介了呢款超清新嘅天婦羅，日本無花果天婦羅，薄薄一層嘅天婦羅，入口外脆內軟，無花果肉嫩多汁鮮甜，口感清新！朋友推介果然係個識食同比平時不同嘅選擇！

特登嚟試海膽飯海膽的確幾creamy，飯係用赤醋唔係普通壽司飯，仲有吞拿魚蓉，口感出奇地夾，本身唔好吞拿魚既我都有一齊食daddy叫左魚子飯，我試左一粒，無平時既咁腥，家人話不錯帶子鮮甜厚身牡丹蝦鮮甜彈牙~都係配赤醋飯👍另外再有叫其他刺身飯一齊食奶白色既鯛魚湯😍魚味濃郁~大愛雞泡魚乾嚟到係熱既，好好味銀雪魚都不錯~茶碗蒸無乜特別叫左d串燒，無乜特別，正常味道另外再叫左三文魚鮫~老公話幾香口~ 的骰左d訂左位都係要等，要準時，等位地方好迫，廁所麻麻地乾淨

- 他們所謂賣點的赤醋飯，弄得跟一般壽司飯無分別，甚至更差，因為飯乾爭爭的。- 魚生質素很普通，也是乾爭爭，很淡沒有魚味- 壽司味道和質素與$50幾$60 ge外賣壽司一樣，但價錢是好幾倍- 另外一個signiture 海膽飯，我們叫了個細的，接近$200，size真的超級細。海膽也不好食，雖然每舊海膽都大，但食落去有點腥味，海膽味很淡，唔點豉油接近無味。- 總括而言，這間嘢質素非常普通，貴夾唔飽，完全不值得一試

早排朋友食完話好正，我地即刻搵日去試先來個番茄沙律，我本身唔係太鐘意食番茄，但配合埋沙律個味道非常夾，好鮮味日本真蠔，有啲梄子喺上面，隻蠔好肥大同埋好新鮮，两啖食哂，安慰下餓左好耐嘅肚腩粒貝，份量充足，爽身，唔膩原隻活海膽，第一次喺香港食，同平時一板板果啲比，簡直贏到開巷。好新鮮好濃味最後係黑鯥加鯖魚刺身，可以用有今生無來世嚟形容，鯖魚一層層超肥美，魚味濃零腥味，黑鯥火灸過，肉質有啲似拖羅配合埋佢啲魚皮簡直係有两種口感同時轟炸，又鮮又脆又香P.s. 店員精心預備食材，無論食物質素，定服務態度，都一級棒！

聽聞在尖沙咀有間樓上日本料,理，以供應不同款式的海膽聞名，所以都想來一試。鮨一，不單只供應海膽，還有不少新鮮時令食材供應，包括了刺身燒物和料理，還有不少酒品。無論食物味道或質素都有很高水準，受歡迎程度更是常常滿座，難怪已經有2個單位的鮨一，還在裝修多一個單位。******************************走進電梯，發現共有3層都是鮨一的牌，只好先去最底層的問問，才知道自己入座於那一層，確實想像不到，鮨一受歡迎程度如此大。我們便被安排入座於吧枱，可以攪見窗外風景之外，還能看著師傅們為食客準備食物，以及今天所供應的魚生種類。店內會掛著廚師推介美食。日本海葡萄蕃茄沙律 HK$128，蕃茄清甜無比，再加入海葡萄，海葡萄營養價值很高，口感爽脆，再配上柚子醋汁，非常開胃，確實好吃。日本活海膽 HKD168，平常吃的海膽都是一板板上，但這次是一隻而上，即場切開，確實新鮮無比，所以鮮味十足，讓人回味無窮。鳥貝刺身 HKD98/2隻，鳥貝其實是貝類，貝足看起來像鳥嘴，所以得名鳥貝。貝足味道鮮甜，口感薄而爽脆，確實不錯。三色刺身，鬼虎蝦、伊佐目刺身、黑鯥刺身。鬼虎蝦  HKD136/2隻，有

原來鮨一有幾層，今次光顧其中一層。中午時分，餐廳有幾台客人。來這裡主要吃刺身和壽司，所以點了幾款。⭐️穴子壽司$128鰻魚壽司，魚身又瘦又長，入口柔軟無骨。⭐️日本真蠔$88生蠔很新鮮，而且很飽滿，肥大肉滿。入口有如奶油般的口感，非常滑順，味道鮮甜，配上醋果凍，沒有海水的味道。 ⭐️金目鯛刺身$168經過炙燒，金目鯛的魚皮微微焦了，散發出魚香。入口肉質爽脆，口感很棒，魚味濃郁，入口非常香滑，非常好吃喔！⭐️象拔蚌$398象拔蚌小小一隻，上桌時已經被切成條狀，入口清爽脆口。⭐️銀鱈魚刺身$238厚厚一片，魚身雪白無瑕，入口軟嫩香軟，魚味濃郁。⭐️左口魚薄切$220片片晶瑩剔透掛在竹子上，入口味道清鮮芬芳，蘸酸汁吃，很清爽，魚味更突出。

下午和家人吃午飯，餐廳位於商廈，位置便利。餐廳以木系傢俱為主，樸實低調。壽司吧背後是大玻璃窗，引進自然光，讓人舒暢。點了幾款食物。⭐️宮崎縣超甜粟米$128跟一般的粟米不同，這是刺身級粟米，顏色呈米白色，顏色給予它不一樣的身分。入口十分清甜，咬下去，汁液四濺，清甜多汁，跟一般的粟米實在不能比擬呢！⭐️日本高糖度番茄沙律$62來自日本的番茄同樣美味，入口很爽甜，配上新鮮沙律和芝麻醬，味道一流。⭐️甲羅燒$98甲羅燒加了蛋液，除了蟹膏的鮮美，還有雞蛋的香醇，配上酥脆烤多士，口感很豐富呢！⭐️日式味噌煮牛舌$68牛舌厚實爽脆，味道香醇，我最喜歡它的湯，味道濃郁，喝一口暖胃。⭐️博多冬菇$58炸冬菇味道也很特別，造型獨特，入口香菇的味道很搶，喜歡冬菇的可以一試。

兩位淑女相約吃飯，大家都喜歡日本料理，我便遷就她到尖沙咀公司附近，能夠突圍而出被我們挑選的，都是美食中的精英，哈哈！最近頗具人氣的 《鮨一》，其中的活海膽是我們共同最愛，不用想太多一於訂位先吃為敬！《宮崎縣超甜粟米》 $128今天我們不吃沙律，弄點特別的作為前菜，超甜白粟米粒粒飽滿，水份充足，入口有爆汁感覺，味道清甜。店長說宮崎縣白粟米甜度高，顏色雪白，特別矜貴。《鬼虎蝦》$136/2日本直送的海老，名字很魔鬼，就連蝦頭都特別惡，又硬又有鋸齒，想啜蝦膏要特別小心呢！蝦肉幼嫩，入口鮮甜有彈性，味道豐富而濃郁。《石垣貝》$156/2我從前很喜歡儲貝殼，第一眼見到石垣貝確實是未吃先有驚喜，肉質爽脆軟彈，味道鮮甜。《日本原隻活海膽 》$168海膽呀！海膽呀！很久沒有吃過日本原隻活海膽，尤其是在香港更加少見。原隻連殼上檯，賣相認真一流！用小匙羹一口一口的少食多滋味，淡淡的海水味，鮮甜回甘，入口溶化。《白鱔串》$68燒白鱔是我在日式串燒中必食之選，白鱔微微的焦香外脆內軟，鱔肉飽滿結實多汁，肉厚肥美。《自家製免治雞肉串》$28自家製的免治雞肉棒即點即燒，口感軟中帶爽，應該是雞軟骨吧！肉汁豐富，沾上日

係網上見朋友去過尖沙咀的鮨一好吸引，就選擇左去食生日飯，店舖無論在壽司、刺身及燒物都很出色。日本海葡萄沙律沙律菜十分新鮮，日本海葡萄很有口感，很新鮮👍🏻帶有醋味非常開胃！宮崎縣超粟米食落很juicy好夠水份，而且味道好甜好香口👍🏻日本原隻活海膽 紫海膽好鮮甜的味道😋😋即點即開☺️伊佐木魚肉幼嫩細滑，魚味濃郁。銀雪魚（4切）好少會食到銀雪魚，今次點左黎食很肥美厚身，而且很鮮甜美味，味道都唔錯值得一試。沙甸魚沙甸魚刺身比較少食，肉質鮮甜帶油油香，配飯很合適更滋味😋雜錦天婦羅好香脆可口，蝦天婦羅十分彈牙美味👍🏻日式味增煮牛舌味噌味香濃牛舌好林，軟熟而彈牙充滿著味噌湯的味道。