鮨一 (厚福街)

營業中

休息中

{爆場日本料理}.❣️鮨一沙律 $128沙律份量好多，配上唔同嘅魚刺身！做開胃菜啱啱好！.❣️秋刀魚刺身 $168❣️花竹蝦剌身 $156刺身非常新鮮！🤩.❣️燒子持香魚 $98同醬汁好夾，忍唔住一啖有一啖🥺.❣️安康魚肝 $138呢個就未必人人啱胃口，魚肝嘅味道非常之濃🙈.📝總結9點去食仲爆場🥺唸住咁夜可以靜少少，唔知係咪太多人服務質素冇想像中咁好，枱都幾逼下，呢個價錢應該有更好選擇.❣️食完俾分時間❣️🌟食物: 7.5/10🌟環境: 7/10🌟服務: 6/10🌟打卡: 7.5/10🌟推介: 6/10.📍 鮨一日本料理 尖沙咀厚福街12號藍馬商業大廈18樓

想食日本野就喺openrice搵下啦見到呢間喺尖沙咀嘅日本野都幾多好評一於試試佢叫左秋刀魚刺身對秋刀魚嘅印象係定食入面幾常出現但好腥 唔係我本茶見到廚師推介嘅黑板度竟然有秋刀魚刺身生嘅秋刀魚之前未試過 就叫一條嚟試下啦嘩 完全推翻咗我對佢嘅印象加埋特別調配嘅醬油 好好食呀一啲都唔腥 好鮮甜又好嫩赤貝都好新鮮好爽口仲有一部分係夾住紫菜青瓜絲同調左味食落好清新海膽吞拿魚蓉飯好足料呀 好多層海膽同鋪滿晒吞拿魚蓉充滿油香仲跟左幾片紫菜 夾住海膽食 💯下次再試其他野先

雞肉親子丼 $58其實佢個名叫咩日式雞蛋飯，可以揀雞肉或者豬肉，不過都係覺得親子丼呢個名貼切啲～用洋葱炒香雞肉，加入雞蛋煮到半熟，落埋醬汁，好好送飯。一個親子丼好難有大驚喜，但做得中規中矩算係唔錯，起碼調味剛好，雞肉嫩滑，份量足。作為午餐 comfort food 都唔錯。

食過呢個餐廳兩次，忍唔住要要寫返個食評提醒*記得要訂座，座位有限，經openeice訂座仲有得賺asia miles **勁欣賞佢個午餐，百幾蚊有壽司、烏冬、麵豉湯、茶碗蒸。我哋另外單點咗海膽飯同三文魚子飯海膽超新鮮又鮮甜我老公就鍾意成碗咁食，不過我都係鍾意包紫菜食多啲，感覺會比較似壽司，好似一碗可以食到好多件壽司咁最後仲有甲羅燒！濃濃嘅蟹膏配上生雞蛋，攪拌均勻後，再點麵包食，超級好食！好似去返日本磯燒水產咁

難得忙裏偷閑，今晚來鮨一吃餐好嘅日本菜，這店佔地三層，每層地方不是太大，今晚我們有幸坐在師傅前的吧枱！黑板上寫上「廚師推介」，跟着點一定沒錯吧！先來一個日本蘋果沙律（ $98 /份），青蘋果絲加蟹柳絲混入沙律醬，面頭仲有一大堆蟹子，以及最底層的沙律菜，蘋果絲好爽甜，整個沙律十分清新開胃，而且份量很多！是個不錯的開始。接着是蜜柑鯛（ $220 ），薄切鯛魚刺身灑上蜜柑碎，魚肉嫩口而吃的時候帶着橘子香味，對我來說是很新鮮的做法，很喜歡！相比就咁食刺身，層次又提升了。然後來了兩隻「令和之怪物」（$98/隻）其實即係日本真蠔，果真非常大隻，漲卜卜好飽滿，海水味較濃，真係要合埋眼慢慢品嚐！之後還叫了秋刀魚刺身（ $168 ）銀雪魚刺身（ $148 ），這兩種魚平時通常煮熟來吃，刺生還是第一次。銀雪魚刺身是厚切的幾件，肉質實淨彈牙，跟煎香的感覺完全不同，魚味相對淡口。秋刀魚一條切開擺好魚骨後，魚肉一件件拼好，份量也不少，偏紅的魚肉表示魚味相對濃烈，食落感覺有啲似沙甸魚味，可以點醋汁一起吃，第一次嘗試也不錯。可能因為師傳手勢好，吃這個刺身完全無骨，比吃燒的方便很多！最後還點了是「燒子持香魚」（$9

今天相約海膽與魚生愛好者我的朋友一同到鮨一吃晚飯! 剛好那段時間鮨一推出魚生丼優惠, 所以我倆下班後懷着興奮的心情出發! 由於海膽是重點所以我們點了一樣的痛風丼! 魚生飯的構成是海膽、三文魚子、吞拿魚茸以及生蛋生薑! 海膽份量也挺十足的, 以一客小板子另上, 餐廳也給予紫菜讓我們包起來單吃也可以! 至於魚生丼方面三文魚子是鋪滿整個飯, 讓你每一口都有三文魚子在口中炸開的感覺, 再配上吞拿魚茸增加飽腹感! 下次推薦吃完魚生丼後加碗熱湯更好啊!

日式燒牛肉丼 $68高質牛肉，味濃肉香，份量豐富，絕不將價就貨，半隻手心大既牛肉片至少有6-8塊！洋蔥可以炒耐啲香啲，甜味會更突出。醬汁唔會太咸。尖沙咀黎講呢個份量、質素、地段，可算係性價比超高。

鮨一因為疫情，所以真係好耐無飛過日本。但係又想食一餐好的日本料理，所以就黎左呢鮨一日本料理。場內食客都幾多，所以先訂枱，應該會比較好。侍應安排我地坐ＢＡＲ枱，可以睇到師傅準備食物。我地兩個人叫左四樣料理包括蘋果沙律，柑蜜鯛刺身，秋刀魚刺身，同埋特上十貫目壽司。蘋果沙律：蘋果清新爽口，作為前菜係一個不錯的選擇。柑蜜鯛: 真係不得不讚師傅嘅刀工，每片刺身厚度都好一致，都可以散出碟上的花紋。而且魚肉新鮮鮮甜，上面灑左少少柚子鹽，配埋個醬油，真係非常滋味。秋刀魚刺身通常見到秋刀魚都係熱食，比較少見到刺身，所以今日見到都想試一試。刺身個賣相真係好靚，師傅將成條秋刀魚起肉，然後餘下的魚身捲起作裝飾。秋刀魚鮮甜，而且有豐富的油香，配上特制醬油，非常有驚喜。特上十貫目十件壽司排放得整整齊齊，飯的比例剛剛好，用上赤醋飯，無論味道同個外貌都值得加分。十款壽司包括７款魚，海膽同埋牡丹蝦。魚類一如之前兩個料理都係新鮮鮮甜，而海膽大大瓣，十分飽滿，清楚看到上面顆粒，食到海水的味道。如果唔係已經食飽飽，仲想食多一碗千層海膽飯。

好耐冇食過日本嘢啦，今日就同男朋友嚟呢度試吓係tst 厚福街，好易搵，平日既夜晚都full full地，大家記得要book位我地坐係廚房前既bar 枱位，可以睇到師父整野食叫左個特上十貫目款款壽司上面塊魚生都好肥美，真係見到都流晒口水，個人最鐘意係滿瀉既海膽壽司同埋拖羅壽司，拖羅一啖食左滿口油脂既感覺真係好滿足。秋刀魚刺身好新鮮，唔會有腥味白子刺身質感柔滑，入口感覺滑溜，真係一試難忘🤭白子其實係魚類既精巢，有豐富蛋白質，想補身要食多啲喇～安康魚肝安康魚肝原來係媲美日本人拚死要食既河豚魚，係日本屬於保健食品，好似話營養幾豐富，口感黎講綿密，味道新鮮最後仲叫左個沙甸魚壽司好滿足既一餐，呢度魚生種類比較多，唔係一般放題既貨色😋😋好滿意！

見到朋友喺 社交平台鋪咗相見到呢間嘅海膽小杯好吸引！有一日去咗尖沙咀突然之間好想食日本野！即刻諗起打電話睇吓有冇位！同朋友兩個人即刻有位、尖沙咀厚福街、我哋上咗20樓上面爆曬人、我哋被安排坐吧枱、地方雖然很細、但感覺良好！未睇餐牌，淨係睇到吧枱師傅出嘅食物已經好吸引！當然即刻點過個海膽小杯啦！一嚟到已經好開心即刻相機食先！海膽超新鮮一啲腥味都冇、平時食嘅海膽食一兩舊就會流！但我喺呢度食嘅海膽非常好食！竟然可以食晒成小杯😏赤蝦刺身非常新鮮爽口總之叫咗嘅嘢食樣樣都覺得好好食！食緊嘅時候已經知道自己會再嚟仲想帶埋老公同仔女阿妹嚟食呀😋

成日好想食日本野今日出到尖沙咀 當然都係揀日本菜朋友就介紹嚟鮨一果然冇失望！前菜。我地叫左個 長野縣高糖度蕃茄沙律唔係得個名 啲蕃茄真係好甜連平時唔食蕃茄嘅我 都食到停唔到口沙律菜都十分新鮮！另外 亦叫左個魴鮄魚刺身從未食過呢款魚 質感爽口特別 味道鮮甜 壽司方面我哋就叫左油甘魚 吞拿魚腩 深海池魚飯 溫度 同軟硬度都適中 整體亦好新鮮另外亦都點左 帶子海膽反卷兩樣都係我至愛 夾埋一齊 一次過滿足哂兩個願望！炸物方面就有明太子釀雞翼同吉列炸蝦兩樣都香脆可口 而不油膩食到飽 但都忍唔住叫多2個小食燒鱈魚乾甲鑼燒 勁多蟹膏 超香 好好食用多士沾蟹膏食 真係一流！今次用餐體驗非常好下次一定會再幫襯！

💕鮨一的食物水準一向高質, 而且餐廳裝修具格調, 絕對會令你回頭再試. 刺身]($168)~ 超肥美的刺身, 鮮甜完全冇腥味. 值得一試.($196/ 2隻)~ 喜歡食蠔既你一定不可以錯過. 好大隻又肥美, 最重要係鮮甜. 而且上碟靚, 影相打卡掂. 刺身]($156/ 2隻) ~ 蝦上枱時仍在郁動, 可感受到那種新鮮生猛, 入口爽口彈牙.($92)~ 外脆內軟, 天婦羅蝦大大隻.($68)~ 相當抵食, 價錢唔價但份量大碟, 牛舌配上味噌味道好夾.每一道菜都好好味, 賣相靚, 絕對係高質食材值得一試.🍰餐廳: 鮨一🍣地址: 尖沙咀厚福街12號藍馬商業大廈18-20樓

想去日本又無得去的日子,”鮨一”真係可以一解相思之苦😭*銀鱈魚刺身熟食食得多,刺身口感好似吞拿魚咁,但口感更加爽口*秋刀魚刺身店員話秋刀魚宜家係當季,魚肉係粉紅色的,肉質滑溜,入口唔會係爛巴巴,點左醬汁更加鮮味之後店員拎左魚骨去炸,炸到脆卜卜,連骨都食埋*日本真蠔超級大隻,又肥美飽滿,入口海水味重,肉質鮮甜爽口*女娓木壽司第一次見呢種魚名,肉質好結實,油脂豐富*牛油果軟殼蟹反卷軟殼蟹同牛油果永遠都係絕配!*煙肉荔枝卷荔枝好多汁,中和煙肉的肥膩同咸味*鹽燒白鱔外皮燒到脆卜卜,肉質彈口有口感*辣酒煮蜆粒粒蜆都好大隻,吸收晒辣酒汁,好惹味

今日同男朋友喺尖沙咀食飯去咗呢間日本餐廳我哋首先食咗呢個日本真蠔手掌咁大隻仲要好新鮮好甜之後就食咗呢個秋刀魚刺身佢個擺盤真係超靚 再加埋特別嘅醬汁唔會覺得腥之後仲食咗呢個日本嘅白子呢樣係第一次食嘅 一開始都會好驚好腥㗎但原來都唔會 佢個口感都幾特別唔錯唔錯之後仲有呢個日本沙甸魚 用紫菜包住 啖啖肉咁其實好似吞拿魚茸咁樣之後我哋就食呢一個日本蘋果沙律食到佢個蘋果係非常之新鮮 而且好甜仲有好多蟹子同埋蟹柳好開心呀之後我哋叫咗個串燒 就係銀雪魚腩串同埋鹽燒白鱔 佢哋個皮燒到好脆好好食呀最後仲食埋個清酒煮蜆清酒非常之鮮甜而且啲蜆無沙總括嚟講真係好正

鮨一係人氣好高嘅日本餐廳，成日聽人講，今日終於你自己試吓環境：裝修同日本嘅居酒屋差唔多，令人有種返咗家鄉嘅感覺。坐係吧枱見住新鮮嘅食材放喺自己面前，望住師傅將食材加工變成美食，感覺好療癒日本蘋果沙律$98: 蘋果好清甜，佢將蘋果切情世事，識落同沙律菜嘅口感非常之合拍，作為前菜呢樣嘢好清新嘅感覺秋刀魚刺身$168: 擺碟好靚，上到嚟好似一啲藝術品咁，秋刀魚好新鮮，刺身食囉意外不到嘅油香，又唔會有根，非常有驚喜食完侍應仲會幫手將魚頭同埋魚身拎去炸柑蜜鯛$220: 魚肉都算新鮮，食落都鮮甜，可惜有一兩塊都有根，相對來講呢一個冇咁抵食女梶木刺身$198:即係平時食開嘅劍魚腩，佢都比較厚切，咬落魚肉紮實燒子持香魚$196；好似多春魚咁，成條魚主要都係食佢啲春，啲魚春都幾肥美味增牛舌$68