鮨一 (厚福街)

營業中

休息中

今日同男朋友突然間想食日本嘢我哋就選擇咗呢一間鮨一我哋今日想食刺身 所以就叫咗特選錦繡刺身總共有八款刺身每件有兩切一嚟到個擺盤超級靚 真係打卡一流不過味道都好鮮味我最鍾意食嘅就係入面嘅大拖羅 入口即溶海膽同埋北海道帶子都非常之鮮味油甘魚入口嘅油脂亦都充滿甘香其他嘅刺身都好鮮味不過就咁食海膽唔夠喉所以我哋仲叫咗鮨一手卷上面充滿咗三文魚子同埋海膽呢個真係超滿足一啖可以換足晒兩個願望之後我哋食咗啲和食我哋食咗日本蘋果沙律呢個真係勁好食啲蘋果超級鮮甜啲蟹柳又好好味之後仲食咗個軟殼蟹天婦羅 啲軟殼蟹唔會炸到好乾 入面仲有好多汁之後仲食咗個辣味增煮和牛腹真係超好食 首先辣味增非常之惹味 和牛腹真係啖啖肉同埋啲脂肪真係入口即溶超級正

呢期一直冇得去旅行，之前連晚市堂食都冇埋，想味覺去旅行都冇辦法。而家有機會了，一定要食番啲好西報答自己！我同朋友揀咗呢間出晒名嘅日本菜。今日係坐吧枱位，可以近距離望倒晒師傅係點樣整每樣食物，而且係直接由佢手中送俾我，夠晒衛生。黎得呢度，梗係要食啲時令嘅刺身，唔係周圍都食倒嘛首先係呢個日本蘋果沙律。份量好夠，蘋果好爽好甜，一啲都唔青。呢個係池魚王，每塊都切得薄一薄而又好完整。池魚有一種好濃烈而又唔常食倒嘅魚味，配埋一個特製醬油，成個口都充滿住好幸福嘅感覺！鍾意濃味魚嘅必試！呢個係銀鱈魚，佢相比起池魚冇咁濃，但帶有一種少少creamy嘅口感，成個口都充滿住淡淡嘅魚香，有好滿足嘅感覺！黎到呢度又點可以唔試壽司，佢個飯實在係太特別啦，好易認得出係鮨一出品。呢個係特上十貫目，用咗好多時令又特別嘅款式～佢每一款都係好驚艷，例如個帶子同埋蝦，鮮味係太爆發。三文魚子都係好唔簡單，唔似出面果啲膠感好重。見倒好明顯特上十貫目係同其他嘅好唔同，見到都覺得Grand!整體黎講都係令人十分滿意嘅一餐，好難忘，好似真係去左旅行咁

本身看了朋友的照片充滿了很大的期待去吃，但吃後感還是一般般。叫了一個痛風丼圖片非常吸引，份量非常充足，有滿滿的飛魚子，反而飯嘅份量比較少，魚子上面重鋪了金箔，所以照片有很好的奢華感，拖羅溶加日本生雞蛋攪勻後拌飯一流，而海膽反而失色，海膽味道不似日本海膽，似加拿大海膽的味道，沒有甜味，但因為是午餐特價丼飯，以呢個價錢來講算是化算，分量亦非常之充足，當中一些小伴菜如蛋絲酸薑亦都很有誠意的，如果喜歡吃飛魚子的朋友一定要試試，視覺加心靈有大大的滿足感

第一次試鮨一，之前上網見到好多人評價係平價又高水準既日本野，所以一直都好有興趣去試Lunch時段都比較多人去食，門口位空間比較少，我哋係排第二GP己經有少少逼，門口裝飾都好有日本居酒屋，第一印象唔錯。等左大约5~7分鐘安排座位，都比較快，唔係等左好耐，入面環境不算太大，有少少昏暗，座位不多，但座位之間都幾闊落，都坐得舒服，入座後都安排左熱茶，餐具， 都有問我哋要唔要紙袋放口罩。Lunch set選擇都好多， 丼飯同熟食都有， 魚生飯定食就比想像中定價有平，入面材料都有魚生魚子，大概感覺材料都算高級，都唔洗$100 (未計加一)，set有沙律，湯， 茶碗蒸，前菜， 以呢個價錢有咁幾多嘢感覺都幾抵男朋友叫咗三文魚魚子魚生飯， 佢哋嘅壽司飯係深啡色嘅，聽聞係用咗唔同嘅醋去整， 味道上其實同普通壽司飯分別不大， 男朋友就話整體口感就立黐黐啲，濕啲， 可能係有少少分別嘅， 但我就唔係好食得出。 丼飯嘅份量都幾多， 唔算好細碗，三文魚好厚， 纹理好靚， 食入口啖啖肥肉又甘香， 食得出特別新鮮， 同平價三文魚比較係會食得出味道上係有唔同， 唔會有嗰陣雪藏嘅怪味， 所以有理由相信佢嘅材料真係幾新鮮，

鮨一很有日本的風格，最喜歡坐bar枱，感受日風。.針魚（特大）$298 - 難得來吃鮨一，心思思想食刺身，就是一特別的。針魚不是每一間日本餐廳都有，原條上嘴巴有個長針。肥美油脂均勻，肉質細嫩彈牙，十分鮮美。.活帶子 $138 - 帶子很鮮甜，肉質呈絲狀，口感帶爽，活帶子是連殼上的，啖啖肉好滿足。.特上十貫目$348 - 果然是特上! 十件都是用貴價魚刺身，包括拖羅、海膽、油甘魚等等，厚切肥美，超正。壽司飯是用紅醋，好特別呢。.辣味噌煮和牛腹 $98 - 不要看他樣子平凡，但有驚喜，和牛好肥美，非常香郁的牛肉味！辣辣地很開胃，又有白蘿蔔，感覺滋潤。.鮨一有很多特別的食材，比一般日本餐廳更多元化，下次再食下不同的刺身先。

同朋友去咗尖沙咀食日本嘢，餐廳環境𣎴大，但食客都幾多，建議預早訂位！🥗日本蘋果沙律（$98）沙律份量幾多，日本蘋果清甜又爽口，沙律菜夠新鮮，加入沙律醬及蟹籽撈勻一齊食，食落好fresh又開胃，好味😋🐟針魚刺身 (特大)（$238）刺身銀亮透白，好有光澤感，肉質結實彈牙，味道鮮甜但油份唔算多，口感比較清爽，無咗嗰種略帶黏口嘅質感，配同特別調製嘅醬汁，真係好好好食🤩推薦👍🏻🦐花竹蝦刺身（$156/ 2隻）印象中好似第一次食，一食就愛上😍花竹蝦勁新鮮，即使做成刺身後，蝦嘅觸鬚及肉身仲喺度顫動😮食落味道爽甜又彈牙，比牡丹蝦或赤蝦刺身等更勝一籌🤩推薦👍🏻🍣特上十貫目（$348）師傅會揀選10款海鮮做成壽司，所以款式未必每次都一樣，壽司整體都幾新鮮，質素都唔錯👍🏻當中海膽份量絕不吝嗇，仲好鮮甜😋中拖羅及油甘魚都幾肥美，帆立貝加咗啲柚子皮一齊食更加清新，赤蝦雖然不及花竹蝦刺身咁驚艷，但味道及質素絕對唔差👍🏻🦀軟殼蟹天婦羅（$72）軟殼蟹新鮮熱辣炸起，加少少檸檬汁可減輕油膩感，食落清新之餘仲香脆可口，確係幾好食😋食物幾高質，呢餐好滿足🥰絕對可以再encore🤩

大家都好鐘意去日本同食日本野~所以就簡左間日本餐廳慶祝生日啦!!難得生日梗係食豪D梗係!一開始就食我最鐘意既甲羅燒!!蟹膏好好食呀!!!個魚生沙律呢我就覺得MAMA啦~炸軟殼蟹SIZE都唔細WOR~好食呀食到蟹肉同唔淋!!!白酒煮蜆酒味勁重~但D蜆唔腥啖啖肉脹卜卜架!!叫左D壽司,食材料都新鮮!唔錯唔錯呀!!!最後就梗係黎個重頭戲BIRTHDAY CAKE - 海膽飯啦!!店舖呢就冇蛋糕食既但你叫個海膽飯佢就會幫你裝飾下隻碟整個HAPPY BIRTHDAY,好有心思好特別!!壽星估都估唔到好驚喜呀^.^海膽都OK既但未算係勁好味果D,可以一試!PS店員超級NICE 架!!!!

厚福街美食雲集，鮨一位於呢條街嘅藍馬商業大廈18樓同20樓～ .✅日本蘋果沙律 $98 ：超驚喜！清新嘅蘋果同蟹柳切成一絲絲，容易撈埋一齊食，味道融合得非常好～ 同埋沙律醬份量啱啱好，唔會蓋過新鮮材料嘅味道😚.✅特上十貫目 $348 ：每塊魚生都幾厚切，鮮味無窮🤪印象最深刻嘅係海膽壽司😻啖啖香滑溶在味蕾，一試難忘！.✅針魚（特大）$238 ：原條針魚送上🐟第一次食呢種魚生，味道非常有趣，要點埋特別調配嘅醬油一併送入口先最好味～ 值得一試.✅甲羅燒 $98 ：重頭戲黎啦🤩香濃蟹膏撈埋蛋黃🦀配上香脆多士🍞想加幾多完全可以按個人口味調教，包你食得滋味！必食之選！.✅雜錦天婦羅 $92 ：大蝦、茄子、青椒、蕃薯、南瓜、金菇，共六款炸物😋大蝦真係大蝦，唔係瘦蝦包住厚粉😜最鍾意甜甜嘅南瓜，同埋炸到好似把扇嘅金菇🤣好脆好香口👍🏻

深夜時分 口痕想食日本野😳就專程上黎 食刺身 過下口癮🤣見到餐牌 決定嗌啲 坊間罕見既菜式 💁🏻‍♀️一共嗌左4款刺身 全部都係第一次食🤪針魚 特大 $238師傅會即場係客人面前 拆骨/切魚🐟過程中 可以欣賞師傅精湛嘅功夫✨針魚肉質細嫩彈牙😋鮮味十足 想瘋狂食😈活北寄貝 $258活北寄貝 係當日日本空運到港✈️無論在鮮度與口感 好食到令人難以置信😍白子刺身 $138白子(shirako) 係雄性鱈魚、琵琶魚、河豚魚等魚類的生殖腺～入口感覺滑膩很有特色😜且因含有豐富的蛋白質 魚精蛋白口感絕美🤤被奉為補身極品☺️銀鱈魚刺身 $198價錢有點貴 有4件厚刺的銀鱈魚🐟魚肉結實 好爽口 好鮮甜🤩辣酒煮廣島蠔 $88唔會太辣既開胃小食 配清酒🍶 簡直一流😎鹽燒白鱔 $68鹽味重🧂剛好掩蓋左白鱔既腥味😛yummy!

未到7點已經大排長龍，幸好有幾層，否則可能要等一段長時間🌠日本真蠔 $68🌠蠔非常肥美，入口感覺飽滿，海水令蠔的鮮味更加突出，特別係甜味，吞落喉嚨再慢慢回甘出濃濃的蠔味😋👍🏻🌅上錦繡刺身 $318🌅每一款魚都有唔同感覺，有綿滑厚身亦有爽口彈牙；而外皮經火炙，令魚油更加之香，最後是帆立貝軟綿，甜味充斥在口腔內；北寄貝彈牙鮮甜，沒有任何沙粒🌌特上十貫目 $348🌌十件例牌壽司，重點在於其鮮味，壽司師父在面對即場製作，將最新鮮之食材奉上，帆立貝有別於剛剛的刺身，壽司款的是爽口有彈性，其次是蝦彈牙鮮甜，海膽更是不在話下，獨有的海膽甜味令人大滿足😋🎆免治雞肉串 $35🎆雞肉串內含雞軟骨，但並非大大粒的那種，而是細細粒增加咬口，燒汁調得不錯，再加上蛋黃漿，美食😋🌄味噌煮牛舌 $68🌄牛舌非常冧，有少少似食豬潤的口感，切成厚厚的粒狀口感不錯，伴湯吃👍🏻總括而言，這間日本鋪食物質素確實不錯，除了哥以目睹師傅即場製作的畫面，更可以享受鮮味的食材😁

想試呢間食日本菜嘅黃店好耐，終於book咗同朋友去試吓😍 我哋兩個人本身食咗tea，飽飽哋之後先再食呢間，所以叫嘅份量唔算多～整體嚟講，食物質素都唔錯，幾啱同朋友去聚會傾吓偈/慶祝🥳！.▪️千層海膽飯（細）$198▪️相信唔少海膽迷同我哋一樣，都係為咗呢個海膽飯而嚟🤤！雖然係細碗，但真係有好多海膽😱，底下仲有吞拿魚蓉同飯，仲有紫菜畀你同海膽一齊食！老老豆豆，啲海膽有部份鮮甜，亦有部份帶苦，唔算係超creamy嗰種，不過呢個價錢有咁多海膽都算抵食！▪甲羅燒 $98▪️即係將蟹膏撈埋蛋黃，再配埋啲烤熱咗嘅麵包一齊食～咁食法都幾特別，唔似就咁食蟹膏咁膩，蟹膏味都好香😋▪️鐵火堂 $48▪️我哋見openrice啲人叫嘅卷物咁正，就random 揀咗呢個，點知同我哋想像中嘅有啲分別🤣，冇諗過鐵火堂呢個咁霸氣嘅名，原來只係普通嘅吞拿魚紫菜卷🤣🤣 啲壽司飯雖然好深色，但又冇咩味好有趣🤔，紫菜亦比較淋，整體好普通，建議叫返其他卷物～▪️豚肉露笋卷 $35▪️豚肉同露笋不嬲係絕配，呢間啲露笋偏粗身同爽口，好食🙌🏻！▪️鹽燒牛小排串 $58▪️雖然有啲細串，但係啲肉連咗少少脂肪位，好香好好食，配埋芥末醬食好夾🤤

今日約左朋友係尖沙咀行街行到肚餓就搵下附近有咩好野食見到哩間餐廳係openrice得獎熱點就抱著滿心期待去試下😂點知... 真係大失所望...餐廳嘅座位好窄 只係留左一條縫比人出入入座離座都好容易會撞到隔離檯唔方便之餘仲好唔衛生☹️我地嗌左一份上十貫目壽司飯加左醬油調味 但飯質太乾魚生乾硬 鮮味欠奉 真係好難食☹️燒三文魚頭表面比較焦 不過魚肉都算滑 所以不過不失但真係唔算好味炸芝士上台唔夠熱咬開個心已經實實地 好失望☹️朋友好想食白子 所以我地嗌左一份白子加左醋調味 底下有啲海帶之前未試過白子 聽朋友講係人間美味 就試左一啖味道真係好腥... 我唔知係本來就係咁嘅味定係哩間餐廳嘅白子唔夠新鮮...總之我唔會再試 真係好伏🥺其實哩個價錢仲有好多更好嘅選擇唔太明點解佢可以咁多好評☹️

性價比低 壽司偏細 價錢貴 食材質素差 不推薦 壽司份量太細 同價錢不能成正比例 而個價錢可以選擇更多更好食店 口感新鮮度不能接受 上菜時間亦慢 門口服務員態度不是很友善 希望整體可以改善

得個樣既壽司😕見到咁多好評心血來潮諗住試下點知都係伏好耐未試過食壽司啲白身魚會有筋 今日又俾我食中...魚仲要好腥 完全對唔住個價錢因為本人腸胃對唔新鮮既嘢好敏感食完返到屋企搞肚就知又奶嘢了😫搞到屙佐幾轉可能咁岩係自己唔好彩啦！冇下次☹️

今次去開尖沙咀 順便就試下呢間日式餐廳🇯🇵雖然已經係接近下午茶時間去 但餐廳都座無虛席 真係好受歡迎呢 ~三文魚籽丼 $198三文魚籽+蛋+醬油飯呢個組合真係不得了🤯三文魚籽超級多 食頭幾啖超爽 但食食下就覺得真係too much 最後完全唔夠飯撈🍚🤣整體嚟講哩個三文魚籽丼雖然味道冇話好出色 三文魚籽未去到好新鮮好鮮味 但就勝在份量真係爆多 保證滿足到你食三文魚籽嘅慾望🤩🤩🤩另外要講嘅係 店員姨姨服好好！有禮貌又細心 值得一讚呀🥰