鮨一 (厚福街)

營業中

休息中

5:40上去18樓，門口寫住：6點前請去20樓，於是上到20樓，見到兩個職員，一個瞓緊覺，一個玩緊電話。問：請問係咪未開門？ 沒回應…繼續玩電話。 又再問一次：係咪未開門？ 玩電話職員繼續玩，不耐煩得一句：係。 沒有第二句，不主動告知營業時間。我大聲問：咁你地幾點開門？ 哇，佢終於冇再玩電話啦，望住我，唔出聲。遠處一個女職員見到，話六點先開門。非常差 永不光顧。

8pm被告知last order， 覺得奇怪😦原嚟因為訂檯係7pm，限時90分鐘（入座冇講），所以一個鐘嘅時候就會截單，其實仲未食飽，即刻再望望menu，但8:08pm想加單就真係已經加唔到。但但但，重點係，間餐廳眼見先四成滿😳 有咩咁急住要趕客？食物就。。ok啦，但呢個樸實無華嘅環境同氣氛，呢個似有還無嘅服務，仲有呢個嚴厲執行嘅限時用餐，算了吧。呢條街，食物水准同價錢差唔多但唔限時的也有，限時但更好食，CP值更高嘅都有。

諗住喺尖沙咀買啲咖啡豆，上網check到依間嘢好似到性價比幾高，所以上去18樓嚟試吓。可能因為早到嘅關係所以都仲有位，因為其實佢個位唔係特別多，所以我諗之前應該係要之前book枱。其實食井飯都係最主要個材料新鮮咁佢呢度嘅材料我覺得係幾新鮮嘅，最主要係因為佢過井飯本身係要$398，而家半價$198。 所以我覺得性價比上來講真係唔錯。咁價錢嘅海膽我覺得質素其實都係正常對得起個原價價錢，依家仲有半價可以食到。呢種海膽應該係加拿大或者係塔斯馬尼亞，大大嚿幾好食，份量較多所以冇投訴。😊😊推介： 海膽三文魚子井飯性價比：🌕🌕🌕🌕🌕打卡:🌕🌕🌑🌑🌑環境： 🌕🌕🌕🌑🌑份量: 🌕🌕🌕🌕🌕

第一次幫襯，見很多食評都很正面，便懷着期待去幫襯一次 （6/29/2022），先後吃了魚生，串燒，鹽燒油甘魚鮫，還有鵝肝+1支720 sake。魚生一般吃落也不是太差但感覺部份不太新鮮，串燒好吃，魚鮫非常厚肉亦燒得好吃，鵝肝雖然油了一點但是也10分好吃。整體魚生差了一點但亦能接受，其他食物好味道。本來覺得會再次幫襯。可惜，當晚過了幾小時之後我和女友便開始肚痛和需要去廁所，而一直過了兩天的今日我們仍然肚痛和仍有肚痾。所以未必會再幫襯了。

心血來潮同一班朋友想食日本嘢就醒起呢間日本餐廳預早book位直接入座見預約都幾full如果要Walk in恐怕有難度朋友極力推介海膽丼一於試試佢 果然不錯海膽份量足亦非常鮮甜配送紫菜 可以俾你夾住黎食！另外值得一讚係清酒煮蜆蜆大大隻肥美鮮甜下邊墊咗幾舊大根都好好味😋手卷嘅設計亦幾好唔會淨係覺得得飯冇料不過叫咗芥辣八爪魚醬汁比較多 所以紫菜浸林左😫串燒同格羅燒都不錯👍🏻沙律上邊嘅蕃茄係精華所在超級甜！ 唔會有草青味海膽炒飯正常發揮不過加咗蟹膏醬就很不錯👏🏻叫咗特上刺身拼盤呢個頗為有啲失望魚生嘅溫度唔夠凍感覺唔係好新鮮而拼盤入邊嘅海膽亦唔夠海膽丼鮮甜🙊額外提一提OpenRice有九折食物券可以買等同九折😉

好想食壽司，所以今次揀咗鮨一。叫咗一個貴啲拼盤同埋平啲嘅拼盤，兩款都有我最鍾意食嘅帶子，壽司食材OK，都新鮮，同埋壽司飯調味都算唔錯，唔會太酸，但又唔係普通用白醋佢調味，不過帶子好似得一半就有少少姑寒咁試埋天婦羅，大蝦仲食到蝦好新鮮，而蔬菜咁吸油嘅食材，都炸到一啲都唔油，幾好食可能我哋坐咗屏風位，定係叫做有間隔嘅房，所以冇乜服務員會過嚟，淨係見到門簾後面有人企係到，除咗送餐，想搵人加茶，都要大叫，同埋我哋唔知天婦羅炸到一排扇係咩，問多句，都唔係好想答咁，可能係我哋太多問題，又或者繁忙時間太多人招呼唔切，所以感覺唔係太好

一直都在收藏清單裡的鮨一！今天終於有時間試一試。餐廳的位置算方便，厚福街的中間，鮨一佔地三層！不過平日一樣滿座，想來記住早一點訂位。必吃超級鮮甜的海膽手卷😍今次選了$198的日本海膽手卷，師傅說日本膽沒有澳洲海膽那麼大片，但味道會跟鮮甜。😍一嚐之下果然喜歡，海膽十分新鮮，沒有腥味，入口即化。雖然拍照了一會兒不過紫菜仍然是脆的！添加了金泊後看上去很奢華，忍不住大大啖吃光了，十分滿意！推介指數：⭐️⭐️⭐️⭐️⭐️刺身點了三文魚，因為怕油脂太多所以沒有選三文魚腩。三文魚新鮮，不油膩😍推介指數：⭐️⭐️⭐️⭐️相逢恨晚的牛油金菇！這個絕對是驚喜，每一口都充滿牛油的香氣好喜歡推介指數：⭐️⭐️⭐️⭐️⭐️選擇困難症的人必點經典的十貫壽司，豐儉由人，而且每一件都是用心之作。一次嚐到十款不一樣的壽司推介指數：⭐️⭐️⭐️⭐️燒物不算驚豔，但絕對不失禮。小編最喜歡雞軟骨，一口一顆，香口但不會太鹹。牛舌多汁，肉質很嫩。推介指數：⭐️⭐️⭐️茶碗蒸不過不失，還好還是熱騰騰的。但在這裡會更想留肚吃別的菜式。推介指數：⭐️⭐️整體來說，一間十分高質而且佈置十分精美的日式餐廳，位置寬躺舒適，食物高質，會再來一次的店

尖沙咀食日本菜唔一定貴！尖沙咀食日本菜唔一定要四位數埋單嘅！成日見到有人嚟呢度食嘢，想過嚟試好耐啦！今日終於有機會嚟大快朵頤！基本上我鍾意食嘅嘢都嗌晒haha呢度好出名嘅海膽丼好彩都俾我嗌到！一場嚟到梗係要全板咁食啦！真係砌到好高㗎 ！佢嘅怪獸生蠔真係好大隻！仲大過我嘅手板！亦都相當之鮮甜！如果係buffet任食嘅話唔知可以食到幾多隻呢？haha不過牛油果軟殼蟹卷比我想像中細件仲有呢個鵝肝多士！都係我嘅最愛嘅favourite之一！happy!!!

星期一晚，預約左7:0，早到都比入，店內無乜人，大概有4,5枱客，入座後職員比餐牌我哋，揀左一陣，大約7:10就落單，衝住海膽而來，想order最出名嘅”海膽飯(大)”，點知話已經賣哂，唯有揀menu無相，”日本海膽飯(大)”，價錢貴$100，到上菜，我重複同侍應confirm呢個係”日本海膽飯(大)”？佢話係，我懷疑，因為同平$100蚊嘅”海膽飯(大)”完全一模一樣，真心建議店方，同一件貨產品名應該一樣，有限量供應應該寫”限定”，用唔同名，唔同價錢，仲要無相去誤導顧客實在唔係幾大方海膽非常新鮮，三文魚蓉就唔係幾好，有少少腥味，整體來講食物質素都係中上，份量就真係細到唔可以再細，唔可以想像海膽飯(小)係唔係一舊壽司嘅份量埋單嘅時候我想用OpenRice現金券，問咗店員，店員話如果用兩張就要比兩次服務費，我完全唔知乜嘢叫做兩次服務費，埋單嘅時候另一位資深店員過嚟幫我，佢都係堅持只可以用一張現金券，佢聲稱”一定唔會俾你用兩張啦” 結果我只係用咗一張結論係我唔知可以用幾多張，OpenRice冇寫明只可以用一張但兩位店員睇嚟有意無意都淨係想我用一張自己衡量

鮨一日本料理喺尖沙咀厚福街嘅鮨一，餐廳有兩層，今次坐咗喺bar枱，可以一邊食一邊望住師父即叫即整，餐廳環境採用傳統江戶前風格，好似去咗地道日本餐廳咁，座位亦坐得舒適，出尖沙咀想食日本菜可以一試！豐盛丼午市堂食享用即享特別優惠，$198就可以歎到海膽、三文魚籽、拖羅蓉同赤蝦，刺身新鮮厚身，非常足料又抵食！甲羅燒蟹蓋入面嘅蟹膏同蟹肉香味十足，蟹膏鮮味濃，燒得剛剛好，撈勻蛋黃配搭埋烤多士食，值得一試！特上八貫目配細烏冬壽司飯特別加入咗以酒粕發酵嘅「赤醋」，有淡淡酒香，配搭油脂豐富嘅刺身，鮮味突出，入口魚油香豐富，最後仲有烏冬作結，抵食！

今次朋友話帶我去試一間唔錯既居酒屋，我當然有叫最愛食既三文魚刺身，好新鮮，脂肪分佈平均，我地仲有叫左辣酒煮蜆，天婦羅，煙肉荔枝卷同埋雞泡魚乾。要介紹煙肉荔枝卷，好出色，兩樣野夾埋一齊食，好特別，未試過。另外雞泡魚乾係朋友介紹我食，雞泡魚乾相當好吃，唔太乾，有口感，同埋平時好少食雞泡魚，我覺得可以再去，下次要試千層海膽飯。

限聚令放寬後第一餐日本料理，當然要食餐好，朋友訂了6:30pm, 限時食到8pm.入到去要上20樓坐bar檯，師傅是香港師傅，都有3-4人為客人準備好食物。我們叫了雜錦魚生，有海膽、白身魚、tuna, 還叫了螢光魷魚、枝豆, 三文魚sashimi等當送酒食，我們還叫了清酒。sashimi十分新鮮，不錯！之後叫了串燒，串燒不是太好食，所以大家不用叫串燒，在這食sashimi就好。 另外又叫了燒餅、脆脆的，和芝士年糕，很好食。最後我們食到8:30pm也沒趕我們走，服務也算不錯。

相信香港人對「鮨」呢個字一啲都唔陌生，因為鍾意食魚生壽司日本嘢嘅你一定有食過呢個字嘅舖頭今日我揀咗佢其中嘅一份子「鮨一」🤪首先有睇過佢舖頭嘅大家都知道佢哋嘅千層海膽飯除咗個樣吸引之外鍾意食海膽嘅你一定好興奮呀當然喺香港食好嘢性價比係大家會諗嘅嘢啦真心推介呢一間性價比極高啊🤣😎大份千層海膽飯真係可以話淡淡都係海膽加飯 加上紫菜完美最緊要海膽唔出水有新鮮呢個人喜歡咁樣直接食唔加Wasabi😌咁樣食先食到風味清酒煮蜆去到邊度日本嘢又呢樣食乜我就一定會叫首先個湯，已經聞到浸酒味，識落冇令我失望最緊要係冇沙！！！味增牛舌我個朋友對牛舌都好有一份執着呢間舖頭佢話口感有100分唔鹹又多100分唔好問我總共有幾多分總之佢就話係滿分😋😋其他嘢食其實都好高質嘅，不過我覺得呢三款大家一定要去食囉😎

有一陣都冇食過日本野心血來潮諗起鮨一一間要上樓既日式居酒屋清清地食個刺身飯入面既刺身每款都好海鮮對得住個價錢尤其係個海膽好鮮甜，冇異味個蝦都好彈牙下次去我會想試下啲熟食好似都幾唔錯咁

無時無刻都心心念念鄉下(;´༎ຶД༎ຶ`) 無得去旅行唯有搵下日本嘢食下🇯🇵 估唔到真係有日本嘅味道同質素🤤 好驚喜呢(〃'▽'〃)千層海膽飯·細 $198日本膽 +$50勁lucky嗰日有日本膽 雖然要加錢但都好開心😍海膽食落去一啲都唔腥 而且超級creamy味道仲要勁鮮甜 勁似食緊雪糕⎛ -᷄ ᴥ -᷅ ⎞೯用紫菜包住嚟食真係勁滿足🫶🏻下次都一定會encore⚗︎·̫⚗︎特上十貫目 $348款款都好吸引好精緻♡ 而且每款都好新鮮*⸜( •ᴗ• )⸝*壽司飯加咗醋同醬油 就咁食已經好夠味😳金目鯛有兩件 一件有燒一件刺身味道香口 肉質肥美 入口即溶(ˊᵒ̴̶̷̤ꇴᵒ̴̶̷̤ˋ)蝦爽口彈牙 食得出係新鮮蝦🦐入口甜甜地 真心好好食😋活北寄貝 $298第一次食活北寄貝 原隻切片ॱଳॱ入口超級爽口 而且好新鮮 味道鮮甜🖖🏻日本真蠔·米崎蠔 $78對比其他食材隻蠔真係一般般 無其他食材咁新鮮😫有少少失望呢🙍🏻‍♀️特盛蒲燒鰻魚飯定食 $168呢個定食真係 不 得 了.ᐟ.ᐟ 條鰻魚大過我手掌✋🏻外層燒到焦香 好重鰻魚味(⸝⸝•‧̫•⸝⸝)同埋成set仲有沙律🥗 味噌湯 茶碗蒸 同埋牛舌除咗牛舌味道比較腥臭🫢 其他都好好食😋劍魚腩