鮨一 (厚福街)

營業中

休息中

秋意濃濃，最適合食時令嘅秋刀魚，難得搵到尖沙咀呢間餐廳有秋刀魚刺身食，梗係要試試佢！一坐底即刻叫咗條秋刀魚刺身， 個擺盤十分精緻，好打卡able, 秋刀魚睇落好新鮮，另配上有碟類似蒸魚豉油味嘅蔥花豉油，食落好鮮甜。見到隔離枱，食完條魚叫師傳拎啲魚頭魚骨去炸嚟當小食食，我哋都跟住做（原來免費架）。條秋刀魚炸完後，啲骨脆卜卜超惹味，送酒一流！叫咗碗味增煮牛舌，真心超好味，口感十分軟腍，個味增汁煮到啲牛舌同蘿蔔好入味，而且份量十分多，好抵食。另外叫咗個甲羅燒（左）同鯛魚奶湯（上），將啲蟹膏同蛋黃撈勻再搽多士食，超好味🤤。另外個鯛魚奶白湯，湯嘅質地好濃厚，飲得出無味精味，飲完都幾飽肚。叫咗個火炙蝶魚邊壽司，啲蝶魚食落好多油脂，十分香口肥美🤤不過個飯包得有少少散，拎起好易跌落，可以再包得好啲。跟住再上個鰹魚蕃茄沙律，鰹魚搭配蕃落食落清爽，酸酸甜甜咁，可以去一去膩。再嚟重頭戲——特上錦繡刺身，總共有8款刺身各兩件，五百幾蚊呢個份量都算係咁，海膽分量算慷慨，另外仲有好少食到嘅金目鯛刺身，整體所有刺身都好新鮮（可惜冇得就咁叫金目鯛刺身）

今日黎到厚福街既鮨一，餐廳因為有三層，而佢地安排左我地坐左係18樓既bar 枱。餐廳傳統和式裝修，骨骨子子，坐得幾舒服。鰹魚蕃茄沙律～＄168鰹魚味道本身十分香濃，而魚口感好煙韌有咬口，要黎配蕃茄沙律係好開胃，亦都提高左我對之後幾味既期待！ 壽司上十貫目＄258壽司共有十款無重複，有帶子，北寄貝，三文魚，池魚，熟蝦，油甘魚等等。刺身新鮮壽司飯緊緻，無乜得挑剔佢🤣😛 鮨一手卷＄98呢個手卷就十分巴閉，滿到跌出黎既三文魚子同海膽，海膽入口即溶，味香加上成口三文魚子，口感超強。 銀鱈魚刺身四切＄246銀鱈魚刺身係香港黎講係極罕，銀鱈魚刺身本身油鮨重但味香，所以口感非常滑，一咬落去q彈，感覺好神奇，喜愛刺身既朋友一定要食下。 活赤貝壽司＄62貝類之中，赤貝係我至愛，呢度既赤貝口感爽彈，鮮味亦濃，size亦大。正。 味噌煮牛舌＄68呢個煮牛舌cp值極高，咁大盤竟然只係68蚊，有大約8至10口牛舌，而配味噌煮係一絕，必嗌！ 日本蕃薯拼南瓜天婦羅＄65另一個抵食既就係呢個天婦羅，皮薄而保留南瓜肉汁，好juicy.正

一埗進餐廳，映入眼簾了日式的裝潢，日式的裝飾陳設每一道料理由上桌開始就覺賞心悅目！不論是擺盤或是食具的選用，都是看得出的用心海葡萄沙律, 入口彈牙，帶有酸汁油包裹著海葡萄, 非常開胃呀手握壽司十款, 有左口魚、吞拿魚、牡丹蝦、油甘魚及海胆軍艦等。每件壽司是吃得出來的功架與新鮮，醋飯團手握的力度恰到好處，不會過於硬實，夾起也不會鬆散吞拿魚腩壽司，油脂平均，味道鮮味嫩滑，入口即溶, 新鮮的海膽, 呈橙黃色, 入口CREAMY, 甘香軟殼蟹手卷口感最為特別，因為暖暖的壽司飯包裏炸至香脆的軟殼蟹，一軟一脆的口感特別美味蟹味噌, 蟹膏和蟹肉混合的，伴以烤至香脆的蒜蓉多士，讓多士吸收了濃厚的蟹膏，每一口都充滿香脆與鹹香的多層次口感。當把整件蟹味噌多士放入口時，超濃郁的蟹膏和蟹肉在口腔內大爆發，真是說不出來的滿足感秋天，係秋刀魚當造嘅季節，油脂豐厚、肉質鮮味, 尤其賣相真係無得頂, 真係唔捨得食咯!!

上裝網search鮨一人氣幾好！價錢都算大眾化，所以就和朋友book了這間，去到被安排坐 sushi bar台，睇到廚師製作都幾賞心悅目。特上十貫目，時令食材！件件都幾高質數， 火炙左口魚綿滑，入口即溶既口感！魚油突出夠香。赤身吞拿幾肥美，色澤油潤，入口嫩滑。油甘魚腩配黑魚籽，夠肥夠香！黑魚籽帶上口感，脆卜卜。海膽用料新鮮，而且份量好多夠飽滿，就黎滿瀉！味道鮮甜沒怪味，非常新鮮口感一流。軟殼蟹手卷，炸到脆卜卜，紫菜又脆，軟殼蟹又脆，口感 double win, 壽司米飯酸度剛好，質感帶點黏糯感，幾不錯。秋刀魚刺身，時令既秋刀魚夠肥美，魚味較濃，但新鮮唔腥，擺盤賣相夠靚，色澤紅卜卜！肉質夠緊緻。雜錦天婦羅，有3隻蝦4款菜！ 天婦羅粉漿幾好，炸起黎都幾薄身夠香脆，但又唔會太油！蝦肉幾大條夠爽彈， 青椒，冬菇，矮瓜，南瓜都夠脆身，再配上蘿蔔蓉幾好又夠熱辣辣。

朋友帶我黎左呢間位於尖沙咀樓上舖既日本餐廳食晚飯~~聽講餐廳既食材都係由日本新鮮運到.....保證新鮮咁話餐廳地方唔算好大, 黎食就食BK定枱喇~~我地被安排坐bar枱, 可望到師傅烹調美食每日主打既食材~~鰹魚蕃茄沙律 $168鰹魚刺身肉質幼嫩甜美, 魚味較濃, 脂肪少而且口感爽口蕃茄沙律好新鮮, 沙律菜青脆爽口~~仙鳳趾蠔 $98/隻來自日本北海道既仙鳳趾生蠔有成隻手掌咁大!! 肉身肥厚, 蠔味非常濃郁, 質地滑口又creamy~石垣貝 $58/隻石垣貝鮮味十足, 餘韻清甜, 肉質爽口~感覺與北寄貝有點相似, 但肉質較柔軟秋刀魚刺身 $168秋刀魚刺身擺盤好靚好有美感!!新鮮既秋刀魚有著紅潤的魚肉, 油脂豐厚, 味道甘甜~~醬油裏面拌左姜茸等材料, 沾一點食更能帶出魚鮮味大蝦天婦羅反卷 $128一整隻蝦非常之大, 夾係反卷裏面都食到佢既爽口彈牙~~反卷外層沾滿天婦羅脆粒, 與飯粒形成外脆內軟既感覺, 口感豐富!!清酒煮蜆 $72清酒煮蜆既湯底清甜可口~蜆肉鮮嫩冇沙....蘿白索晒湯既精華入晒味, 好正呢!!免治雞肉串 $36/串免治雞肉肉質幼嫩細緻, 外層燒得帶微脆, 雞肉與雞軟骨

尖沙咀厚福街出名多野食，今日同同事放工過黎呢間樓上鋪鮨一日本料理食日本菜，之前係openrice睇到食評同相覺得好吸引✨特上錦繡刺身 ($528)朋友揀左款特上刺身，一共有8款刺身，每款有兩件，一人一件唔洗爭，銀鱈魚魚肉帶豐腴油分，口感比拖羅更爽且嫩滑，金目鯛肉質細緻肥美，油甘魚腩色澤紋路分佈均勻，肉厚肥嫩，魚肉細緻滑嫩，池魚肉質緊實而爽口，略帶油香，味道鮮甜，牡丹蝦同帆立貝都好新鮮且爽彈，最後食最濃味既拖羅同海膽，拖羅脂肪分佈好像雪花般，富天然魚油脂的甘香，入口即溶，加拿大海膽呈橙黃色，味道甘甜鮮美✨蟹肉蟹膏手卷 ($48)擺盤非常精緻，鮮甜蟹肉配埋甘香綿密嘅蟹膏，鮮味十足✨鵝肝手卷 ($78)充滿油香嘅鵝肝經香煎後外脆内軟，估唔到同手卷又幾夾✨鰹魚番茄沙律 ($168)鰹魚刺身口感清爽，配上新鮮爽脆既沙律菜同酸酸甜甜既原個番茄，非常開胃✨鹽燒牛舌 ($42)牛舌燒得非常香口，而且非常爽口彈牙，調味恰到好處✨免治雞肉棒 ($38)推介大家試下佢地既自家製免治雞肉棒，撈匀生雞蛋點黎食，口感更佳✨燒日本迷你甘薯 ($32)迷你番薯一口size，燒烤過後非常香甜✨燒日本青椒仔 ($22)食

又到天秤座寶寶慶祝生日既日子，身邊好多朋友都係9月10月生日，今晚就揀左呢間位於尖沙咀厚福街既樓上日本餐廳，啱哂我同閨蜜兩個人坐低傾下Girls’ talk🌟鰹魚番茄沙律 ($168)頭盤揀左鰹魚番茄沙律，沙律菜新鮮爽脆，中間有原個番茄酸酸甜甜好開胃，仲有六大片厚切既鰹魚刺身，鰹魚魚味香濃，配埋沙律好夾😋☺️🌟特上錦繡刺身 ($528)賣相非常精緻，師傅精選左當日最新鮮既八款刺身，包括銀雪魚、牡丹蝦、油甘魚、池魚、金目鯛、拖羅、帆立貝、海膽1️⃣池魚: 厚切既池魚魚油甘香2️⃣金目鯛: 魚肉較淡，食其魚鮮3️⃣油甘魚: 魚身鮮嫩彈牙4️⃣銀雪魚: 好有驚喜既刺身，有豐腴既魚油，魚味濃郁5️⃣牡丹蝦: 原條即開既牡丹蝦好鮮甜綿滑，加埋wasabi豉油更加好食😋6️⃣帆立貝: 新鮮大隻又厚肉，口感爽口彈牙7️⃣海膽: 用既係加拿大海膽，口感creamy順滑，好鮮甜8️⃣拖羅: 油脂最高，入口即溶👍🏻🌟鵝肝手卷 ($78)鵝肝先煎到表面金黃色，咬落去脆卜卜咁，配埋香脆既紫菜好夾😉🌟蟹肉蟹膏手卷 ($48)另一款就叫左蟹肉蟹膏手卷，一絲絲既蟹肉好鮮甜，上面加左濃郁既蟹膏，性價比好高💯🌟鹽燒牛舌 ($42)食完佢地既刺身同壽司，

📍鮨一日本料理(尖沙咀)尖沙咀厚福街12號藍馬商業大廈18樓/20樓———————————————三文魚親子魚生飯(💰: 92 hkd) (午市套餐) 呢間餐廳嘅午市性價比非常高，對於高級日本料理餐廳嚟講，午餐set menu價錢相當大眾化✨ 除咗有我叫嘅魚生飯之外，仲有得揀壽司加烏冬set、鰻魚飯、定食🍱等，好多不同選擇‼️如果揀熟食set，埋單$70以下都有仲免收+1🤩👍🏻 個set會跟埋茶碗蒸、前菜同麵豉湯添，好抵～介紹翻我叫嘅三文魚親子魚生飯，選用嘅係出面好少見到赤飯😳 (即係用赤醋撈過嘅壽司飯，睇落會有少少啡色) 個人認為較一般醋飯更醒胃，好好食!魚生方面，食材非常新鮮，三文魚肉質肥美，雖然唔算厚切，但一碗有成六片🍣，加上飯量不少，男仔食都足夠👍🏻 三文魚子亦很出色，鮮甜又唔會腥，如果多啲就更好了哈哈哈😆極度推薦嘅一間餐廳，服務一流之餘lunch性價比亦都好高，不過平日中午1點左右都幾多人，建議大家早少少去/book定位先，咁就唔洗擔心要等喇☺️ 整體評分 (6個🐽為滿分)味道：🐽🐽🐽🐽🐽🐽抵食：🐽🐽🐽🐽🐽🐽環境：🐽🐽🐽🐽🐽服務：🐽🐽🐽🐽🐽🐽🐾: 尖沙咀站 B2出口步行約3分鐘

材料新鮮，價錢正常！其實食物方便真係唔差，煮蠔係最好食😋不過地方好細又逼，服務態度好一般。前一日打嚟confirm booking我miss call,之後我call back個客服態度語氣都唔好，叫我留電話等佢再覆我。我一頭問號！佢咁堅持我咪照留。再晏啲佢打返嚟竟然問我係咪想落booking…我講返上面案發經過同埋話我知應該係打嚟confirm,我知架啦book左檯。點知去到個時又話無我booking！係咁問我打電話嚟定op rice到book！好彩最後都有位比我⋯但真心唔會再幫襯🤗

芥辣八爪魚手卷中伏篇首先，成件手卷就係一pat嘢趴係張紫菜上面。作為一件手卷，佢完全拎唔起。但我都係努力咁拎起咗，結果嗰pat嘢跌晒出嚟。重點就係，佢超級難食，除咗苦味我完全諗唔到第二個形容詞形容佢。不過，佢其他食物係正常嘅。

臨近紀念日，搵返間餐廳同老公慶祝下先🎉我地去咗尖沙咀嘅「鮨一日本料理」。今次係第二次食，上次嚟就係老公生日😘今次同樣安排咗坐20樓。坐係Bar枱可以見到師傅切魚生同處理食材～鰹魚番茄沙律中間日本溫室蕃茄切開六瓣，超甜超多汁。加上沙律菜，好清新。鰹魚厚肉軟腍帶有魚甘香，啖啖肉，好滿足。特上錦繡刺身(8款，各2切）共有8款刺身，有海膽、牡丹蝦、帶子、拖羅、秋刀魚、真鯛、劍魚腩。每款都好厚切好肥美。海膽份量好慷慨，鮮甜帶回甘。香蔥拖羅飯卷 (四件）被刮成蓉的拖羅軟綿細滑。上層加咗芝麻、葱花，同埋卷物中包住青瓜絲，味道清新。清酒煮蜆蜆肉充滿濃濃的酒香，而湯汁則因蜆肉而變得清甜鮮美。我差啲飲曬湯汁！鹽燒三文魚鰭(兩件）三文魚表面燒理金黃色，口感好香脆，加啲檸檬汁調味已經好好味。.📍鮨一日本料理 尖沙咀厚福街12號藍馬商業大廈18-20樓

今日約咗個朋友喺尖沙咀睇明日戰記,睇完之後佢話有一間日本嘢朋友介紹想試下，我哋想openrice搵電話同地址，差唔多到食飯時間，好彩仲有位 佢位於商業大廈，有幾層，環境舒適Menu 選擇都好多，我哋望下隔離枱，上openrice 睇下有咩介，最後都揀咗嘢食 鰹魚番茄沙律番茄非常新鮮多汁 , 番茄沙律配鰹魚食味道都幾夾 仙風趾蠔，石恆貝對上一次食咁大隻生蠔都幾年前係日本,食落去口感好Creamy 我地想試石恆貝原味，特登唔加任何嘢去食，新鮮好味 鮨一手卷同鮮帶子海膽手卷呢個手卷不得了，賣相又靚，分量又多，海膽帶子又新鮮，本來諗住一啖食曬，最後都要分兩三啖 免治雞肉串第一次雞肉串加雞蛋食，食法幾得意不過個人唔係太鍾意食生蛋，不過我朋友話味道都幾夾軟殼蟹天婦羅熱辣辣，非常脆口 味噌煮牛舌厚切牛舌，裏面又有白蘿蔔，份量好多，三四個人飲都得 鹽燒牛小排飲埋個湯已經飽曬，好彩鹽燒牛小排，細細粒,燒得啱啱好非常入味

今日放假約咗朋友尖沙咀行街，夜晚想食下啲生冷嘢，跟住諗起之前有朋友介紹post 過鮨一，即刻上網search吓邊度有，點知係尖沙咀已經有，即刻打電話去好彩有位即刻上去食嘢先，見到個Menu都幾多選擇價錢都ok👍🏻見到有熱嘢又想食下，最後叫咗九樣嘢食1）鰹魚番茄沙律我本身未食過呢樣嘢點知撈埋沙律食又出奇地夾味道都幾新鮮2）仙風趾蠔Size 有我手掌咁大,食落去口感好Creamy,我超鍾意😍3）石恆貝我冇加到任何調味去食，都感受到佢好新鮮食到佢嘅原味4）鮨一手卷同鮮帶子海膽手卷平時啲手卷係卷好晒用手拎，第一次見呢種好似壽司嘅加大版，一時三刻唔知點食，最後用掌心托起分咗幾次先食得晒，都係好新鮮，仲有我最鍾意嘅海膽勁好味😋5）免治雞肉串俾咗隻雞蛋我哋個雞肉串沾晒啲蛋液，成件事都幾match6）軟殼蟹天婦羅正常炸物，炸粉厚度適中，食落去口感幾好7）味噌煮牛舌初頭嚟到見到啲牛舌勁大嚿😂冇諗過幾十蚊咁足料，不過飲落去感覺都唔錯8）鹽燒牛小排鍾意咁樣一粒粒一串嘅食法，食落去啖啖肉最後埋單$1000到，價錢都合理，下次可以試吓其他食品😋

是日去左鮨一度食飯，個目標就係尼段時間必食既秋刀魚刺身。一食果然十分新鮮，味道一流，再加埋個醬汁，諗起都想再去食。另外就叫咗千層海膽飯，白子刺身，海葡萄沙律，辣酒煮牛舌同蛤。千層海膽基本上係必點，啖啖海膽，其他都係中上水平，值得一試。

今次同朋友食鮨一，因為朋友之前食過話好食，所以今次黎試下。我們之前已經book咗枱六點半，用餐時間一個半鐘頭。我覺得地方係有少少逼，但都可以接受。炸雞軟骨：上菜時非常熱辣辣，味道好食茶碗蒸：好滑，不過我覺得份量偏少，可以再大碗少少三文魚壽司：不過不失，沒有太特別吞拿魚壽司：可能本身鍾意食吞拿魚，覺得新鮮又好食！火炙帶子壽司：極之好食，覺得係我地食嘅食物入面number 1！質感超軟滑，面頭加左啲醬油再輕輕一燒，好食到忍唔住係咁讚！火炙鰈魚壽司：都好好食！不過相比火炙帶子，帶子略勝一籌辣酒煮蜆：啲蜆好新鮮，好大隻，鮮甜。裡面仲有啲白蘿蔔，好入味同有啲蜆味，好好食不過個湯都幾辣，唔食得辣嘅朋友可以叫清酒煮蜆。燒雞皮串燒：加埋檸檬汁，雞皮又香又脆，好岩送酒！大蝦天婦羅反卷：有六件，壽司面頭有啲好似炸粉嘅碎碎，令口感更加特別。味道幾好食，但冇好驚艶嘅感覺炸蕃薯南瓜天婦羅：炸粉好薄，上菜時又係非常熱辣辣。兩樣都好好食，蕃薯幾厚身，南瓜都幾甜，加埋個天婦羅汁，味道又好似提升到另一層次咁，好食！最後因為火炙帶子壽司太好食，又encore左次第二次食都係咁好食！整體來講，用餐都開心，日本料理黎講都算幾