魚翅大排檔 (已結業)

久不久也會來這裏午飯或晚餐，這裏的中菜水準甚高，晚餐叫套餐你必然不會失望。魚翅份量甚足，而且是一梳的，絕不欺場。套餐可以選一個小菜，我和朋友有兩個小菜，我選了乳鴿。鴿不會乾身，有肉汁，吃得津津有味。另外一個則叫了香橙骨，也是水準甚高。選的肉不會很瘦，所以不會硬，咬下去甚為軟熟，而且有肉汁，再加上橙味，非常滿意。每次叫套餐我都會將白飯改為飽汁湯麵，因為這個太好吃了，加少少錢我覺得值得。還有糖水送，也不是甚麼紅豆沙，而是雪蛤膏，真是有誠意。這裏必然是三五知己來晚飯的好地方，坐得舒服也不會有很多人和你爭位，而且價錢很合理。

聽朋友講話有間平民魚翅平靚正，今日就一於黎試下。位於旺角，雖然係鬧市，但位置偏僻，無人介紹就真係未必留意到。環境好古色古香，好有風味。坐落好舒適，而且服務人員態度好好，好有親切感。價錢好平民，吾算貴。仲有好多經濟實惠既餐。魚翅用沙鍋煲上,好足料,雞湯好夠味，一排排翅，食完已經飽飽地。首先要講咗個西蘭花先，雖然最唔起眼，但我覺得去配合左啲汁料係我食過世上最好食嘅西蘭花，佢煮得好爽口，如果可以添加嘅話我想囉夠一碟。之後我開始品嚐呢條海參，我對海參冇乜認識，所以我請問服務員介紹一下呢個係乜嘢嘅海參，佢指呢隻其實係刺參，絕非便宜貨式可以媲美。之後我就開始品嚐呢個過鵝掌，好林好入味。終於可以品嚐呢個主菜鮑魚啦，跟餐嘅鮑魚原本只係南非鮑魚30頭，因為我想試吓大隻鮑魚所以我升級左做12頭，一上枱果下我都嚇一嚇，原來12頭都有咁大隻，我一刀切囉，仲係糖心既。乳鴿好新鮮,個屁好趣,雖然係細隻,但係唔乾身,好鮮嫩。燕窩甜咗啲，但勝在夠足料。

男友介紹這家位於創興廣場1樓的魚翅大排檔，由於不是地鋪，外面也沒有太起眼的招牌，不為人留意。搭乘扶手電梯上一樓，右手邊是大大個「魚翅大排檔」的金漆招牌，午市提供$68 或$88優惠套餐。我們二人點了兩個$88 的午餐：兩份紅燒蟹肉生翅，一份炒飯，一份鮑汁撈麵，燒汁冬筍肥牛粒，鮑片炆雞。平常已經很少接觸魚翅，偶爾會去澳門滿足口腹之慾，不過一整排翅倒是很久沒有嘗過了。這裡的紅燒蟹肉生翅味道濃厚，翅的份量很豐富，香氣留齒，加上幾滴紅醋更是增添風味，很棒的口感。小菜方面，燒汁冬筍肥牛粒不錯，鮑片炆雞就不行了，雞肉很柴，用的是罐頭鮑片配上冰鮮雞，不好吃。總括來說，$88的價錢單單是翅已經值回票價，我會再來的。

服務一流 90分，美食90分，環境比較有中式風味。價錢算便宜，閒日氣氛比較靜小人，可方便比較不熱鬧的人。一家大細食也是不錯選擇！ 服務費有收。 圍菜比較好食，燕窩也好味道。

今日食豪d....帶婆婆去食魚翅做晏其實呢間店婆婆以前成日黎食，但佢近年隻腳成日痛唔行得遠，所以少左好多出黎，今日出開黎，特登帶佢食下叫左兩客自選午市套餐 紅燒蟹肉生翅$88 一個午餐，都唔會預佢d 翅好多好靚都係d 邊位/碎翅，而且唔算多料但佢既湯底好好味，咸淡度、稀「傑」度適中菜盤蜜炙鰻魚球婆婆必叫既菜式厚身白鱔肉、表面沾滿蜜糖，用菜包住食好正👍🏻蛋黃蝦球我最愛....呢間做得唔錯係冇殻蝦球，表面被蛋黃包住，外面香脆、內裡係爽口蝦肉😋最好係鮑汁撈麵湯底唔係濃味鮑汁，係好稀的醬油汁但佢既生麵好正彈牙得黎冇鹼水味，我就最唔鍾意果陣味，所以覺得呢碗麵不錯！最後埋單每人$88 冇加一冇茶芥....都算抵食～

成日夜晚經過 男朋友都好想食 但又驚貴得黎吾好食 所以今日晨早起身去試下lunch set 先 $88免加一 仲有茶啡送蟹肉翅 雖然系翅邊 但都系好爽好有口感 鮑魚汁撈麵 或可選白飯好香濃既鮑魚汁 但麵質略淋 甘香蛋黃蝦球 大大粒 好脆好香好爽 芥末蝦球 甜甜地又有小小嗆嗆地

又是李公子與母親大人晚餐之夜，今晚一於去食中餐！多次嘗試呢間餐廳，食物有水準，店員服務好，價錢值得。晚市有80%坐滿，坐得舒適。套餐menu，但因小菜有限制，故沒有選擇，可作大家參考一下。以鍋上炒菜，夠香口，不過可惜份量供三人食有點不足。以鹹蛋黃作外皮，配上大蝦球在內，好食，但每人食兩舊便足夠，否則會太油我的最愛，絕對推薦，香濃橙味，配上肉排，夠軟身，口感好fresh，有創意！李公子喜歡食的荷葉飯，有大/細可選，三人選大，剛剛好，每人約有兩碗，因為係落單時即蒸，所以需時約等15-20分鐘，荷葉飯當然重視的就是荷葉味！配上蝦米，荷葉包住，夠入味，簡直係食唔停阿！是日甜品係紅豆沙，濃郁陳皮味，口感是沙，紅豆及甜度剛好，作為一餐飯的結尾，絕對值得，成餐飯大家都食得好開心

平常返工因時間緊迫, 甚少外出吃飯. 前陣子同事帶我去了這間吃魚翅的店舖, 說有很抵吃的魚翅午市套餐. 中午時候, 食客只有兩三枱, 坐得舒服, 阿姐也很熱心推介食物.同事推介這款午市套餐, 說比較抵食. 這套餐包括魚翅, 小菜一碟和飯/麵, 還有餐茶, 又免茶芥加一. 紅燒蟹肉生翅同事說菜膽翅的翅量不多, 以菜為主, 所以建議吃紅燒翅.  紅燒翅看起來頗大碗, 魚翅不算多, 翅針也偏細小; 魚翅湯味道算濃郁, 內有魚唇和蟹肉, 料也算OK.鮑汁撈麵麵質爽口, 沒鹼水味; 鮑汁湯底味道濃重, 兩者合吃來很不錯, 比起紅燒翅更好吃!甘香蛋黃蝦球蝦球原來是炸的, 做法有點像黃金蝦, 不過是去了殼的蝦而已. 蛋黃的鹹香味不俗, 蝦隻也夠大隻爽口, 不過鮮味欠奉. 鮑片炆雞同樣是鮑汁煮的食物, 鮑片軟腍, 感覺似罐頭鮑片; 雞件則偏嚡口, 雞味欠缺.餐茶選了熱咖啡,  質素還是過得去的, 起碼沒有苦澀味. 幾十元一個魚翅套餐, 不算貴, 質素當然不及酒家的魚翅,  但以性價比來說, 還是可以的.

「用魚翅潄口」是1970年代詞語，形容豪華氣派，是誇張手法。真正多食翅，是1997年前的黃金十年。為了滿足宴席之外的吃翅要求，有魚翅專門店。供應翅，小菜，飯的一人，兩人，四人，六人套餐。時遷世易，竟在此地找到魚翅專門店。當考察吧。入門見傳統，老餅格局，仍停留在無電腦單據，客坐下後奉上一杯無味茶（淨飲收10元）時代。我誤踏「結界」？是否已穿越了，回到1980年代？點選了紅燒蟹肉生翅。原來我是中伏， 蟹肉生翅水多，翅難找尋！麵的湯底欠奉，似豉油和水而已。我選了的黃金蝦稍好，微溫，尚可。咖啡都是普通貨，帶酸味。環保潮流下，此類店難生存，此店降低質素以減成本，非自救之道。我還是做龍躉翅食客罷了。如要食，必去新同樂，食物，招待都一流水準。

同事生日大顆提議到創興廣場食個翅仔，嘩！中午話去食個翅仔豪一豪！紅燒翅都唔錯有啲翅架！我個人比較鐘意清清地，所以我選擇了菜翅好香白菜薑味，翅都幾爽口芥末蝦球蝦球爽彈外脆，咬落陣陣芥末香紅燒BB鴨有小許油膱味略為失色菜盤蜜灸鰻魚球鰻魚用油炸較香口彈牙，最後用蜜糖封外層味道極佳午市有平有貴任君挑選

今日約咗朋友去旺角行街，行到攰攰地，路過彌敦道，見到呢間食肆個名咁得意，兼睇見餐牌咁平又有翅食，就即管做吓白老鼠，實試吓是否真係咁抵食。去到時剛過12點，見食肆都乾淨企理，但就只有一枱客，都擔心中伏，就隨便點了一個$68和一個$88餐，$68餐有菜膽燉翅+滑旦蝦仁炒飯+奶茶，而$88餐就揀咗紅燒蟹肉生翅+脆皮BB鴿+鲍汁撈麵+咖啡。不到5分鐘，菜膽燉翅即到，菜膽清甜，但翅不多，佢似魚唇多D，但當湯嚟飲都算唔錯。跟住好快上齊其他菜，即試紅燒蟹肉翅，見到紅燒翅D翅就多D，味道都好濃郁。脆皮BB鸽皮脆肉嫩，香口兼有肉汁，鲍汁撈麵唔錯，麵爽口，鲍汁味濃。個滑旦蝦仁炒飯都好好味，蝦爽旦滑，不過得嗰5隻蝦，就少咗D喇！總括嚟講，以$68及$88嘅價錢，食到以上質素嘅食物，仲有咖啡或茶，算係好抵，下次會再嚟試套餐其他菜式，睇吓有無驚喜喇！

這間店舖是經常來食午市套餐，感覺環境舒服，服務態度好，價錢又不太貴，最重要是有翅食，又好食。這兩款套餐都好抵食，又包野飲，又有翅食，正。我們三個人食，叫了三個翅餐。三個都係點算紅燒翅，因菜膽翅好似翅唔夠多，而且比較清淡，紅燒翅料多，味道又濃郁啲，所以每次都是點算紅燒翅。這個咸蛋黃炸蝦球，是我致愛，因這款菜色，不是周圍有得食，而且整得咁好食，蛋黃味超濃郁，大蝦夠爽，真的好好食。這個甜燒鰻魚都很好食，因啲鰻魚夠新鮮，所以煮了都不太淋，夠口感。這個咖啡牛腩就沒什麼特別驚喜，不過啲牛腩都夠淋，薯仔都好食，都夠份量。鮑汁面好食，啲面夠爽身，加上鮑汁夠入味。外面很少有鮑汁面食，而且有味道都不太好食，一係就好貴。所以這是值得食薑炒飯，好夠薑味，好食，不過炒飯是一早炒定左放在飲煲加熱，如果可以再放鑊再炒炒上，更香好，這樣缺乏了點炒的鑊氣。午市套餐還包杯凍飲或熱飲，最正就係凍飲不需另加收費。所以幾十蚊，有翅食，有特別小菜，有鮑汁面，薑飯，飲品，我覺得算差不多了，而且更是旺角地區，所以我久不久想食翅，就想起這店舖。

老友相聚，介紹我來吃好東西，來到這間一直都沒有甚麼人留意的魚翅大排檔。之前來過多次午餐，每次我都必定滿意而回；今日有機會來這裏晚飯，一樣讓我滿意。來這裏要抵食可以叫餐，我們兩個人，就叫一個二人餐。先來魚翅，我喜歡雞湯燉翅，料足，夠味，夠大煲。有多大煲？自己看看：份量甚多，足夠四大碗，不是茶樓點心碗那種，而是大碗，白飯碗。我另外加錢叫了鮑魚汁湯麵，餐本身包了炒飯的，兩者也好味。麵身爽，很易入口，吃了只覺肚餓，因為太好味，還要吃其它東西。餐包兩個小菜，我們叫了乳鴿，完全對板。炸得甚香，又不乾身，吃下去有肉汁，肉又不硬，很軟熟，吃得很過癮。另外也叫了馬拉盞炒芥蘭，甚有火喉，菜也入味，吃到由心底裏笑出來，很滿足。甜品是蓮子紅棗雪烚膏，甚為清香。以 HKD300 有找的情況下，可以吃到這樣高級的晚餐，你在酒樓吃不足料的一碗小魚翅也不能。這裏可能是上樓關係，人不太多，我樂意推介，真心有誠意的店舖，廚師很用心做，而且經理招呼甚好，服務員也是用心招呼，我很滿意。我會常來，真心推介，真心支持。

魚翅大排擋的午餐的確扺食，午市套餐有六十八元和八十八元，已包括了一盅翅，一個主食/小菜，和一杯餐飲。雖然知道鯊魚是受保護魚類，但偶然找一次藉口吃吃啦！原盅菜膽燉翅套餐（$68）原盅菜膽燉翅，湯底清甜，白菜膽淋滑，還有不少魚翅，抵食又好味。銀芽肉絲炒麪（套餐已包）炒麪炸得脆脆，肉絲也夠多，獻汁也不咸。紅燒蟹肉生翅套餐（$88）魚翅份量都算多，湯㡳有濃濃的火腿和雞味。巴式咖哩牛坑腩（套餐已包）咖哩香濃，薯仔是先炸過再放回汁內，薯仔和咖喱真是絶配，唯牛腩比較瘦和靱，但都入味。餐飲最後還有一杯咖啡或茶，我們選了檸檬茶可以幫助消化。

情人節已經進化到不食什麼大餐，走左去魚翅大排擋食晚飯。選擇這間因為不想吃節日套餐。老公點左個普通2人餐再加一個小菜和一個小食。響螺雞燉翅湯，濃湯有翅有雞件，份糧每人有二碗。松茸姑浸聖瓜，松茸姑好香，瓜瓜好清甜。鵝掌煲有4只鹅掌，夠味又軟羌蔥魚頭煲，好香羌䓤味，夠煲氣煲仔菜即叫即煮，夠熱又夠wok 氣小食虎珀合挑又脆又甜黃羌飯炒得乾身，黃羌味渨些較好，飯也不夠熱，冷了小小甜品就失望，糖水十幾粒細粒雪蛤高.埋單八百元，也算ok