魚翅大排檔 (已結業)

色:7/10香:7/10味:6/10個翅唔係真翅,似魚唇,叫做有一條條啦,蟹肉又少,削左一d,不過好在個湯都夠頭香濃無味精.鱔球唔錯,夠肥又無骨,生菜都有收邊整得事事正正.個炒飯好唔掂,一早炒定,然後保住溫,最緊要係超細碗,都唔夠我隻拳頭大,大碗d都唔洗死啦...食完呢餐一出門口已經肚餓:shy: 不過佢地服務好好,又座得舒服,茶又夠香.呢個價錢只係食服務同味道,當一餐比較貴的下午茶都可以既.

突然間想同老婆想食翅, 又唔想去D太高級既食府(最近患上荷包乾硬化~~), 上來一睇, 就搵到依間. 前幾日同老婆試左.地方幾就腳, 旺角創興廣場一樓(信和中心斜對面), 地下正門搭行人電梯上一層就到.樓面尚算明亮乾靜, 普通菜館FEEL. 中間有部電視, 食飯時唔會悶~ 上得來依度, 梗係要食魚翅啦. 基本上, 散叫每位由幾十蚊到二百幾不等. 但二人套餐就好似抵食D. 食生翅的二百幾三百有交易; 再想食好少少, 叫個豪華二人餐, 六百幾, 有埋飽魚有燕窩. 結果我地揀左依個.個翅首先上. 原煲的砂鍋雞燉翅. D翅唔係太多, 有少少似"翅群" (魚翅邊), 口感一般. 好彩個湯都仲OK, 份量唔少. 6分啦! (以10分為滿分, 下同)之後上個鮑參扣鵝掌. 舊遼參炆得幾淋, 鵝掌亦OK, 尤其係個茨汁, 好濃厚, 但又唔係太鹹. 隻所謂"吉品"飽略為細左D, 雖然好淋, 但唔係好入味. 拉上補下, 7分啦!個套餐有一個餸可以揀, 我地揀左個"生菜帶子包"(下面有位朋友食過, post左張相). ok啦! 一碟有成五六個, 夠兩個人食啦! 比7分拒!最後上甜品, 椰汁燉燕窩, 係原盅燉的

夜晚黎左呢度晚飯﹐食左個二人套餐﹐揀左蟹皇翅($338). 如果唔鐘意呢個另外可揀蟹肉翅($298).蟹皇翅﹕都幾好﹐因為都有幾多翅下﹐一梳梳0甘。算有蟹皇味﹐但再濃D會較好。每人分到兩碗度.甘香蛋黃蝦球﹕炸得唔油膩﹐脆脆地有撈炸粉。蝦肉好爽﹐咸味岩岩好。唔錯!鮑片雞煲﹕普通。雞比較細舊左D﹐同有D鞋。鮑片都有4﹐5塊﹐質素麻麻。冬菇幾好味﹐夠淋。男友之後用左D汁黎撈飯﹐幾好味﹗薑粒蛋炒飯/白飯﹕兩個都試左﹐個炒飯都算幾重薑味紅蓮燉雪蛤﹕甜左少少侍應久唔久會幫下你斟下茶“筆”下翅0甘﹐都幾好服務。但唔知係咪因為我地坐左係角位呢﹐成日都睇唔到我地叫距... ﹕(加左一同茶錢﹐賣單$385. 其實都算抵﹐但發現我地兩個始終都係鐘意碗仔翅多D﹐哈 : p 覺得呢個餐既份量有D細﹐大食既人應該會唔夠飽喇﹗我都唔夠... 係時候塭野食喇﹗

之前睇過openrice, 想去呢度食野食野好耐! 今日14:00, 一個人都冇! 但有個裝修佬油緊油, my god...我地order左一個$48 既餐 - 菜膽翅, 鮑片滑雞飯, 呢個set幾okay, 雖然唔係太特別..另外一個$68 既餐 - 蟹黃翅, 鮑汁撈麵, 黃金蝦球..呢個翅好食好多,個黃金蝦球仲好好味..仲有兩杯涷飲, 加埋每人都唔洗$60, 價錢的確好吸引...但呢間野成日都冇咩人, 唔知仲以為好唔掂, 嚇死人..

老哥牛一, 家人提議出九龍吃魚翅. 當天下著很大的雨, 但依然無損我們的興致.個人認為五個人叫兩個二人套餐 ($298) 再加一碗雞炖翅 ($108), 一兩個菜便很抵食; 原來二人, 四人, 六人... 套餐也可以多加位. 說不拿主意點菜的娘最後還是拍版, 要了一個紅燒蟹肉生翅二人套餐加一位, 另點一個鮑參翅肚豪華二人套餐 ($560) 和兩個小菜.生煲螺頭雞湯翅 (鮑參翅肚豪華二人套餐)湯頭有很濃郁的雞味, 還有一隻鮮雞翼; 娘著 sister 多飲雞湯補一補.紅燒蟹肉生翅的翅湯是碗仔翅的濃味; 翅是小排的那種, 有點似魚唇; 我吃到一排好像未處理好的魚鰭!!! 好腥 ~~~30頭日本吉品花膠刺參, 30頭鮑魚頗煙韌, 海參爽口彈牙, 花膠 ... 是好吃吧, 不懂說. 最正的竟然是鮑魚汁!!!! 沾滿鮑魚汁的西蘭花味道一絶!!!!!!!時令香煎金蠔, 金蠔是半晒乾的蠔, 用蜜糖上皮香煎, 質感半軟半硬的, 有趣; 奇怪的是, 我吃到橙皮味道 !!蛋炒薑飯 (所有套餐包) 薑粒和蛋非常配合, 很清新的奧運五環炒飯.馬拉盞上菜煲(唐生菜), 家人都愛惹味菜式, 所以這個菜非

4月27日〈星期日〉1:00pm放工後，唔知食咩好，於是去左旺角食Lunch‧去到旺角都差不多3:00pm，醒起openrice有介紹魚翅大排檔的$68套餐幾抵食兼足料，便去試試‧ 叫左1.紅燒蟹肉生翅，2.甘香蛋黃蝦球，3.薑飯，4.凍奶茶個翅就真是足料，但個蝦球就真是麻麻地，好油〈愛美的女士就是真是不好叫〉薑飯反而好正，熱騰騰，好好味奶茶就普普通通啦！當時得我1個人食緊飯，想住可以可以安安靜靜食，點知有1個侍應好大聲說嘢，批評緊剛剛有個食客食左個平套餐〈後來知道是$68套餐〉，佢要求呢樣，要求那樣，又嘈d食物難食欠水準，個侍應發曬脾氣咁，又話個食客打擾其他食客等等‧唉！雖然得我一個食客，但侍應們都應該檢討一下 ，唔好破壞氣氛‧

睇見openrice 的網友對這間食店咁多好評, 昨晚就同老公二人去試試.7點幾, 不多人, 坐位任簡.茶好香, 但十二蚊一位茶.點了個$298 二人套餐.有一沙鍋蟹肉翅, 很好味, 好多翅, 一人有二碗.簡二個小菜, 點了一個黃金蝦, 見枱枱的人也點, 味道好特別, 不錯.點了一個蟹煲, 個亞姐講明我知跟餐係半隻, 散叫就一隻, ok 無問題. 味道甜左少少, 但pass 啦.咁飯就可自選白飯/薑飯.糖水是紅蓮雪鴿. 一人一小小碗. 不太夠食.如果想轉燕窩, 要加$70.佢地的服務係好好, 沖茶好快. 所以服務我比滿分.加一茶錢總共食左$340 幾/2人.下次要去食下人地所講的$6x lunch 先.

睇完波接近10點，黎叫左一個33幾二人餐\\\\\\\，有蟹皇翅、兩款小菜、兩個炒薑飯同燉雪蛤。蟹皇翅用煲仔上，熱辣辣，成煲分到4碗多少少，每碗都有幾疏翅，不過唔係好夠蟹皇味，而且個湯底能夠杰多少少就更好。其他食物既質素唔錯，份量剛剛好，食物夠入味。特別鍾意佢\\\\\\\個炒鱔球，外面層皮脆卜卜，淋上甜甜地既蜜汁，下面墊塊生菜，正。

琴晚一行四人去左試下，叫左兩個二人餐\\\\\\\。兩種餐\\\\\\\分別係298蚊一煲蟹肉翅, 398蚊一煲蟹黃翅兩個都包自選小菜一款，薑飯/白飯, 糖水本人個人覺得蟹肉翅好食d。蟹黃翅無蟹黃香味。都係魚唇多d，不過300蚊食翅都ok啦！小菜: 馬拉盞煲仔菜，鱔球，黃金蝦球，鮑魚雞煲大致上味道都ok架！不過份量真係太細，如果一個男人食一定唔夠飽！下次都可以試一試散叫，可能d 份量會大d 卦！環境ok，不過佢\\\\\\\地的抽油煙system 真係要改善下，勁大油煙，雖然佢\\\\\\\叫係大排檔者！但都係起商場度麻！

日期：2008年2月13日紅燒蟹肉生翅餐HK$298，可選兩款小菜，白飯／薑飯：－１．紅燒蟹肉生翅：雖然係稀左ｄ，但每人有兩碗，各有一塊翅，有ｄ蟹肉咁喇！２．鮑片炆雞煲：油淋淋左ｄ，味道幾好哩！３．帶子海皇生菜包：味道幾好，但份量少得滯．４．蓮子紅棗燉雪蛤：淡左些少，整得唔錯，I like it．薑飯好好味啊！！！

睇戲之前去左呢度食野! 12:45 PM 冇咩人! 我ORDER左$48 既LUNCH ---菜膽翅,魚塊飯, 我只覺得係魚唇囉! 不過都OK 既$48 唔要求D 咩, 相反男友點了$68 既餐---蟹肉翅, X 雞鮑汁麵, 佢果碗好明顯真係翅! 佢食得好開心呢~! 其實當時都冇咩人, 我唔明點解我地一食完一樣野, 佢就急急走過黎同我地收起晒D 野! 好煩!

今日約3點去到, 大把位唔使等....我地兩個人都係聞名而來....今餐總算幾滿意,我地點了.....$48 既餐---菜膽翅, 咖哩魚塊+炒飯+凍o茶$68 既餐---蟹肉翅, 鮮菰鮑片飯+凍奶茶好飽.....好味~~ 食完唔口喝...再買多個餐外賣......即係共3個餐, total $188免加一茶介....職員都幾有禮貌......下次都會再去.....

昨日同老公去呢間野食lucnh, 叫左兩個set,一個係48元, 菜胆翅+ 鮑片滑雞飯+ 熱0 水老公就68元, 紅燒翅+ 咖喱石班+ 鮑汁麵+ 凍coffee個coffee 係即冲果d, 不過呢度唔係coffee shopd 石班好滑又無雪味, 咖喱幾香幾十蚊真係有翅食, 小菜精, 唔馬虎, 食完唔會勁口喝, 免茶免加一, 掋食!!!環境幾好, 我地2pm到, 冇乜人, 下次可以約d friend 黎食飯吹水…呵呵

呢日原本諗住去創興廣場樓上的酒樓度飲茶架,但間間都好多人,所以黎到呢間魚翅大排檔試下,超值午餐\ - 鮑汁雞件飯配原盅生翅(好似人地去飲時食個種呢),有野飲(個汁好好送飯..檸茶似乎麻麻地可能叫左少甜卦.原盅燉生翅,咕嚕肉配撈面,有野飲.待應招呼唔錯,黎送速度好.

經過創興多次, 卻一次也沒想過會到這裏食飯. 這晚漫無目的地找食, 來到創興見到這裏, 反正沒頭緒, 男友說倒不如試一次.點了二人的紅燒蟹肉翅餐, 包兩碗蟹肉翅, 兩款小菜, 兩碗飯及兩碗糖水.紅燒蟹肉翅: 砂窩上, 每人都可分兩碗. 味道濃淡適中, 都有幾多細排翅, 反而蟹肉唔多, 合格!小菜: 黃金蝦: 黃金蝦外層的咸蛋黃厚薄剛好, 蝦亦新鮮爽口, 只是男友覺得咸蛋黃味不夠, 但我就覺得剛好! 三杯酒焗蟹煲: 蟹煲上檯時滾熱辣, 整整一隻蟹蓋(但完全無蟹膏, 乾淨得過份…), 好多”手手腳腳”, 望落份量好足. 但食食下發覺, 兩隻蟹鉗完全失去蹤影, 沒有蟹膏, 我當是扣起煮蟹黃翅….. 那, 幹嗎要扣起我的蟹鉗呢?? 雖然這煲的味道不錯, 但頓時讓我有點被騙的感覺, 扣分!!!薑粒雞蛋炒飯: 炒得粒粒分明兼唔油, 加埋點點薑味, 我居然整碗吃掉…..糖水: 紅棗蓮子燉雪蛤. 份量合理, 甜味適中, 算是不錯的”句號”.星期五的晚上, 人客好少, 所以侍應的招呼都幾週到. 總括而言, 成個套餐都唔錯, 只是蟹煲讓我打了一點折扣.