魚翅大排檔 (已結業)

一進店就有點老派懷舊的感覺～很有老香港的特色！就來一個「豪華二人世界套餐」吧！非常豐富～首先是兩沙鍋螺頭雞湯翅，材料很多，就是略嫌雞湯味偏淡，太清！如果濃一點鹹多一點點會更好！鮑魚好大隻，很入味，很糖心！好味！鵝掌燜到好腍，好易入口！參也好味！黃金大蝦只有兩隻，份量好像有點少，但味道很濃厚，牛油味重，蛋黃香。BB鴿反而有點失望，皮不夠酥脆，肉質有點老。鮮蝦荷葉飯寧願將兩個如糯米雞般大的飯二合為一，看上去會大體一點，這樣有點小氣！而且鮮蝦荷葉飯，竟然找不到蝦的蹤影...有點時失實。椰汁燕窩個人口味不加椰汁反而更好，因為這個品牌的椰汁味道有點差，不夠香純。雖然菜品口味上有點參差，但整體還是可接受，是滿意的。價錢也比較老實！現在香港這類店也買少見少了。員工態度友善，都是老伙計了！下次可以試個二人精選餐！因為都有很多人點紅燒翅呢～

叫咗$880(另收加一）豪華二人世界套餐，有翅湯、鮑魚海參、荷葉飯、燕窩甜品，鮑魚唔夠林，翅湯用煲仔上，有兩煲，翅不太多，螺肉只有三粒仔，雞翼/雞肶一隻，材料其實不多但出奇地個湯好好飲，另外，小菜可選一，我們選了煎蝦，都ok好食但只有兩隻，整體而言，呢個價錢本人覺得over priced

紅燒蟹肉生翅🦀 配 甘香蛋黃蝦球鮑汁撈麵🦐 💲88（自選午市套餐）原盅菜膽燉翅🥬 配 巴式咖哩牛坑腩飯🍛 💲68（超值午市套餐）✅ 蛋黃蝦球份量唔多但鹹香味四溢🥰❌ 巴式咖哩味道好奇怪🤥👅Taste：3/5💰CP值：3/5🙋🏻‍♂️Service：3/5👁‍🗨Stylishness：3/5

這是一間真材實料的魚翅大排擋，每次到旺角晩膳，首選是這間店舖。因為除了價錢合理之外，能夠品嚐真正魚翅的店舖越來越少。之前到此晚膳一向都很有水準，但今天到訪有點失望，只能說味道一般，今天能夠推薦的餸菜是 《薑芽咕嚕肉》味道很吸引，因為廚師加了子薑的關係，令到整碟餸菜提升了味道，值得一讚。今天的服務員也是一般，因為平常一向結賬時，服務員會問今天的餸菜滿意嗎？為何食剩這麼多？雖然短短的一句，已覺得服務員的殷勤款待，但今天沒有這麼問。😅希望廚師和服務員能夠有改善空間。

情人節前一天才BOOK位, 當日都滿坐, 平時都有自由行同胞幫襯, 提議去之前訂位會好D.有收"茶芥" $10/位,比起其他專食鮑魚的食店, 呢間算係抵食之選.

同事生日提議去「魚翅大排擋」整個翅仔食下，在下一向都唔食翅不過一大班同事去無得 say no。呢度裝修同布置好有中國色彩，木檯木椅整體舒服。北菇竹笙燒豆腐是我的豆腐嫩滑，北菇爽口，芡汁香濃不油膩整體不錯。紅燒 BB 鴨外脆嫩香同事形容的。😂青芥末蝦球甘香蛋黃蝦球最邪惡之作但甘香無比點都要試一口🤤菜盤蜜炙鰻魚球賣相相當鮮明。紅燒蟹肉生翅沒有評價在下已戒了，目測蟹肉小小小許，魚翅份有二疏！炒飯微熱有點硬，無飯香口感欠佳。午市餐牌統一價全部 $88 有翅有餸有飯麵任選，加多杯茶免加一都算抵食，如果飯熱就更抵食喇！服務態度就一般般喇！見個男招待員係咁講粗口，我地一路食二個招特員一路收碟收碗收杯收筷子，咪以為好多人等檯大把檯，可能三個女人一個墟，我地一行九個女人成個市集掛，真有點不耐煩喔⋯⋯

其實我也不是非常喜歡食魚翅的人，近年世界都很流行反對食魚翅，希望藉此宣傳保育鯊魚，防止瀕危的鯊魚被獵殺，令鯊魚可以倖免於滅族絕種的災難。所以我先此食評之前先戴頭盔，我個人不支持人們食魚翅。但是現在偏偏就有人，在旺角「創興廣場」的一樓位置，開了一間以鯊魚魚翅為招牌食材的中菜餐廳，餐廳的名稱就被稱呼叫做「魚翅大排檔」，「魚翅大排檔」的門面是傳統山珍海味食店的格局。雖然「魚翅大排檔」沒有在「開飯喇」的營業時間裡面，設定有中場休息的時間。但是我在中午午飯時間去到「創興廣場」的時候，偏偏「魚翅大排檔」裡面大部分樓面都沒有食客，而且很多燈光都暫時關閉以節省能源。如果香港真的像世界環境保育人士的觀點一樣，只是食一次魚翅，隨時會遭遇環保人士狙擊的話，「魚翅大排檔」按道理在旺角遊客區內，理應很難有生存下去的機會，單是逃避環保人士已經可以令食店疲於奔命。但是「魚翅大排檔」開業至今，偏偏在旺角「創興廣場」一樓已經生存了，至少十四年的時間（這是我根據「魚翅大排檔」在「開飯喇」食評記錄研究下所得），即是「魚翅大排檔」在旺角，其實也有屬於他們的生存之道。本來「魚翅大排檔」在「創興廣場」一樓的舖位裡面，其實也都有設

晩餐食過N 次都能保持水準，魚翅湯底鮮味、鮑魚炆得入味，海參有份量夠彈牙，鮑魚汁配白飯可以連下兩大碗，豪華套餐可選小菜，今晚揀了燒乳鴿,肉嫰多汁,稍嫌不足是鴿皮焼得不夠香脆。

價平，但無乜味！但多料。中午去，人手小，出餐很慢！叫咗一個例牌正價蟹肉生翅，無蟹肉但有蟹殼！飲品飲完又再來。地方也很亂，因為人手唔足够，無人去拾抬！落order都很慢。

每年妈妈或者妹妹生日，都会来这里吃。这里环境好，不需要排队，而且食物特别美味。点四人餐（四个人），有鱼翅（可选择替换另一款，但一直都是点鱼翅）、鲍鱼（一人一份，尤其喜欢吃香菇，配上酱汁太美味了）、燕窝（每人一盅+椰汁），西芹炒螺肉，乳鸽，荷叶饭，炒饭，鳗鱼（配西生菜），一般都会剩下一些因为真的份量好大，但真的很美味。感觉在香港吃这个算划算的了！而且味道年年都一样没有变，已经在这吃了六七年了，很喜欢记得有一个伯伯人特别好，生日蛋糕给带进来，还总帮我们拍照。服务也很好这里，上菜很快。

這間餐廳我來過多次，最抵吃是他們的午餐。每人消費八十多，就可以有一大碗翅，一個鮑魚麵，一個小菜，再加一杯咖啡。這樣的價錢，去那裏找？先來魚翅，你可以選擇煲翅或燒翅，這是燒翅。我喜歡加點醋來吃。鮑魚汁撈麵很香，我每次來都必叫；麵質爽滑，有咬勁，好過吃白飯。黃金蝦大大隻，而且很香，很爽口。和朋友來午飯一流，不用訂枱，來到大多數都有位；和朋友來談天，非常方便，如果在十二點鐘來，很大機會坐到卡位，傾計更方便。

今天，同朋友去旺角12元店購物，上到2樓，看見有魚翅套餐食，好豪呀，朋友話不如試試，我地就入左去。餐廳環境尚算舒適，而且發現魚翅套餐只係68元，包一盅菜膽燉翅，一碟飯同一杯飲品，而我就揀左食滑蛋蝦仁飯。落左單之後，等左10分鐘左右就上餐，首先係個菜膽燉翅打頭陣，賣相都只算一般，而味道方面就只有菜乾味，而沒有翅味，不過材料就沒偷工減料，都有啲翅食下。之後就到個滑蛋蝦仁飯黎到，飯上面啲蝦係幾大隻下，奈何就冇乜蝦味，只的一個爽字，不過都算可以接受。總括而言，對於係旺角區食個lunch，價錢同食品質素都尚算可以，不過都有一點點伏味。

父親節緊要請父親大人食餐好，佢一向都鍾意食中菜，咁當然要揀岩佢心水既中菜啦，咁就試下地點又就腳，係旺角創興既魚翅大排檔啦！首先就上左兩煲翅，一煲係螺頭雞湯，另一煲係蟹王翅。兩款翅味道都唔錯，翅都有好多，螺頭雞湯就比蟹王湯底甜，個人較喜歡螺頭雞湯然後就有白飯或炒黃薑飯可選，當然試黃薑飯啦，但服務員好好，先提點黃薑飯未必人人接受，先比左一碗我地4個人每人試下先，ok 就再幫我地落order ，最後我地4人都覺得好好食，服務員就好好再拎多4碗比我地，即係前後共比左5碗，因為其實我地落左2個2人餐，應該得4碗飯，佢免費比多左碗炒飯炒得好乾身，米飯粒粒分明，有薑同蔥味，又唔辣然後就有4個小菜，分別係bb乳鴿，鎮江醬油蟹煲，黃金蝦球，鮑片雞煲。乳鴿就正正常常，冇咩特別。蟹個汁好特別，酸酸地，而且蟹殼好軟，好易咬。黃金蝦球好好味，用咸蛋黃炸，超級香口。鮑片雞煲個鮑汁好正，用黎撈飯一流最後仲有甜品，係紅棗雪蛤。好清甜，好好飲4人共食了約$1200， 食魚翅價錢黎講算可接受了

一行六人慶祝父親節，決定去魚翅大排檔食魚翅😝book 左位入到去都要等一陣！冇辦法呢d日子度度都好多人🤢叫左個四人餐再外加三個餸🤩個四人餐份量絕對唔少，個煲翅足夠六個人食😱👍🏻👍🏻又有乳鴿、鮑魚、鵝掌、荷葉飯、燕窩😆樣樣都幾好食😀其實都叫多兩個餸都一定夠☝🏼叫多左個wasabi🦐，辣辣地有點刺鼻幾好食😍都幾多汁😝咖哩牛腩煲就一般啦，冇咩特別😂椒鹽焗肉排好入味👍🏻肉質鬆軟😌六個人$1900埋單，算幾抵😄😝

人有時真的很奇怪，俾緊3佰幾元一位，有翅，有鮑魚，有海參，有燕窩但他投訴冇翅針，得翅裙邊，不是乾鲍，不是瞭參。咪玩啦，富X飯店都超過$800 位。咁好笑嘅，想食貴嘢就去其他店吧！講返此店，我上次10 人 （其中2人是小朋友）食8人餐+1 位。 份量很夠，不加一位也夠食。翅每人有兩碗，乳鴿每人一隻，都有肉汁，但皮不脆。蜜汁鰻魚好食，鮑魚不夠淰，老人家要切很細才能吃。荷葉飯冇荷葉香，明顯炒好放入荷葉返熱，個飯本身唔差。食物味道不算差但也不是很特出。幾舊水有翅，有鮑有燕窩，算係咁。但很少樓面，所以服務一般。