魚翅大排檔 (已結業)

父親節緊係食好啲，諗起之前食過唔錯，今次再黎！！ 我哋六個人直接叫六人精選套餐🍴二千幾蚊有齊鮑參翅燕窩，大部分菜式已經分好一份份，食得方便！❤️紅燒蟹黃生翅 ❤️脆脆軟骨BB鴿❤️20頭南非鮑鵝掌❤️黃金大蝦頭❤️帶子海皇生菜包❤️蔥燒甜豆刺參❤️菜盤蜜炙鰻魚球❤️鮮蝦荷葉飯❤️椰汁燉燕窩🔸紅燒蟹黃生翅 上次叫螺頭雞煲生翅，今次輪到蟹黃生翅😋一眼就睇到有幾足料，一人食到二碗 ！🔸BB鴿 皮脆肉嫰！🔸20頭南非鮑鵝掌 一人一碟會比埋刀叉🍴鮑魚軟腍得黎有咬口，冬菇同鵝掌炆到剛剛好，唔會過腍而甩皮甩骨，夠晒入味！🔸帶子海皇生菜包 韭菜帶子切粒做成生菜包，幾惹味！🔸蔥燒甜豆刺參 刺參唔算多質地軟滑，甜豆脆口無渣，係油咗少少🤏🔸黃金大蝦頭 蝦肉爽彈且沾滿香濃咸蛋黃，完美配搭！🔸菜盤蜜炙鰻魚球 擺盤有啲求其，不過好食！鰻魚邊位脆口且帶有蜜糖甜味😋🔸鮮蝦荷葉飯太飽食唔落嚕！打包做第二日飯盒，味道一般。🔸椰汁燉燕窩燕窩份量頗多，椰汁係另上，當原味或者加椰汁都可以 ，隨你喜歡，唔夠椰汁可以問佢再拎！

魚翅,吸引,因為喜歡食😋大排檔,吸引, 因為名字比人感覺價錢係平D嘅😉🥳重點係朋友仔為我慶祝生日的晚餐🎂訂枱時, 亦已講明不需收切蛋糕費👍🏮見到個門口咁中式化,好有喜慶感, 室內裝修雅緻,座位寬闊舒適🥰🍲每人一煲上,熱辣辣雞湯夠濃, 有膠質口感😋翅群都算唔少, 湯內有螺頭粒雞槌一隻及小肉排,好足料！原本這份餐內是有海參的但是店員話當晚缺貨,轉了花膠,30頭鮑魚, 鵝掌及大花姑整體烹調入味夠腍身唯芡汁太傑身及有点鹹🥬鮑汁芥蘭夠新鮮好脆口但略嫌鮑汁醬味帶鹹🍚炒黃薑飯雖然薑味唔夠重,但勝在炒飯粒夠乾身好有咬口感椰汁燉燕窩裏面嘅糖水唔算太甜加咗椰漿味道更出色🥰

話明魚翅大排檔，故名思義梗係食翅架啦，餐廳環境裝修好老派，但係都幾有風味呀🤣.今日叫左個Set📌螺頭雞煲生翅: 有好多翅裙邊係入面，但略嫌雞湯味偏淡，如果再濃多少少鹹多少少會更好👍🏻.📌20頭南非鮑鵝掌: 糖心鮑魚唔算細隻，有咬口！鵝掌炆得入味夠火喉，但又唔會甩皮甩骨，冬菇腍身，但無咩味！正常！.📌黃金大蝦碌🍤黃金蝦夠大隻，食落蝦肉爽彈鬆化！.📌葱燒甜豆刺參整體黎講，偏油！.📌帶子海皇生菜包都係偏油！.📌菜盤蜜炙鰻魚球鰻魚肉厚實，食落甜甜地有蜜糖味！一般！.📌脆皮軟骨Bb鴿: 食落皮脆香口肉嫩，有肉汁👍🏻 最好食呢個！.📌鮮蝦荷葉飯啲荷葉有陣up味，聞到都唔想食！.📌撈麵鹼水味重，麵質有咬勁！.📌椰汁燉燕窩椰汁燉燕窩，但椰汁另上🤣😅燕窩都唔算少，加椰汁好食左，但本身太甜.總括嚟講，唔算貴，但食物質素一般！不會回頭.=========================.食物：6.5/10環境：6/10抵食度：6.5/10回頭度：6/10..

這家老牌方式經營的飯店從兩年前第一次無限驚喜到今次幫襯食材質素確實下降了相同的套餐 價錢也加了不少我和朋友 選了例牌的套餐足料雞煲翅 湯底真材實料不過魚翅就碎濕濕係頭頭尾尾或者翅裙邊又不過熱辣辣一人一煲 都好滿足嘅再黎炆鮑魚婆參鵝掌糖心鮑魚依然無得輸好味到唔識形容我唔食海參嘅 所以請咗朋友食鵝掌都炆得夠火喉而且非常入味我加了20元換荷葉飯沒有選擇錯誤色香味美 飯軟硬適中甜品是椰汁燕窩燕窩稀少到不能再少其實老闆可以考慮唔用燕窩改成其他甜品三個人各自吃了三個套餐盛惠$1440我們都覺得合理和滿足嘅

上星期同屋企人去呢間食飯, 去得小菜館/大排檔, 正常都會提供茶壺同水兜俾客人方便洗餐具。不過呢間食肆冇提供茶壺同水兜, 一坐低只限每人一杯茶, 想叫人攞水兜倒水, 叫極人都冇人理一有人理嘅時候就話冇水兜, 有說話聽之餘仲發返我哋脾氣, 就係因為佢哋忙所以發我哋脾氣!!最離譜嘅係我屋企人有叫餐飲, 老人家都會想飲啖茶沖淡個口, 又係叫極人都冇人理, 終於有個所謂嘅經理定唔知老闆(總之就係高層)應我哋機但都係叫我哋:「等等!! 」我哋同佢講叫咗3次都冇人理，佢就用好重嘅語氣回應我哋:「唔爭在等多陣啦!!」嘩深深明白到咩叫上梁不正下梁歪!!!有咁嘅高層自然有咁嘅下屬, 呢餐飯真係食到背脊骨落雖然價錢係合理, 但食物質素一般, 服務態度更加唔洗講添啦, 簡直係貼錢買難受!!!!就當我哋黑仔撞正佢哋個個都心情差, 如果唔係而家有限聚令, 好難即時搵第2間食肆, 一開始真係選擇去第2間到食

只能夠講埋單唔貴，但以食物質素同服務態度黎講唔值，一定唔會再去。一行十人，因為其中兩人都唔食魚翅同乳鴿所以只嗌了兩個四人餐另加了一位。上翅既時候，正常應該其中一煲不同份量，但上桌時都係求其擺低，要開口問邊一煲先係加咗一份，然後發現佢地自己都唔知，兩個員工喺度你眼望我眼撈下撈下煲翅之後自圓其說「呢煲加咗嘅！多啲翅架！」感覺已經唔多好，上鰻魚同另一小菜時發現兩碟都係相同份量並沒有「加一位」員工亦回答係正常。到最後食埋個飯諗住大家傾幾句，員工多次埋黎問要咩甜品，已告知想抖一陣，轉頭先上，唔夠５分鐘，照上咗！為免攤到凍晒都只能照食咗先，呢頭先擺低隻匙想話傾兩句計，員工又即刻埋黎不停收檯。有冇咁趕收工？七點上菜，八點就要趕人走？真係「大排檔」都未有咁樣催人走。

今侗月出咗花紅，獎勵下自己食好少少啦！咁啱經開旺角，醒起呢間魚翅大排檔，就走過嚟試吓。星期五晚七點，可能太早，全場只有三檯客，服務員姐姐順手安排我坐係卡位。由於只係一個人，只有呢個餐「豪華二人餐」可以叫半份。反正未試過，咪叫嚟試吓！「豪華二人餐」半份連加一及茶介$429生煲螺頭雞湯翅呢個價錢見到食到咁多魚翅算好好！螺頭就碎上，成個湯都算鮮味。30頭吉品鮑魚北菇刺參要用刀叉享受，味道好入味。鮑魚仲算幾嫩，刺參唔大條但係肉夠厚。鮑汁郊外菜膽芥蘭撈鮑汁有驚喜！ 絲苗白飯椰汁燉燕窩睇幅圖都見到啖啖多燕窩！抵食！大致上嚟講，食物有水準。

今日3點多3個朋友想搵個靜靜地嘅地方食飯傾吓偈，朋友忽然想起「魚翅大排檔」話帶我們去試吓。餐廳是古老雅緻的裝修，好明顯朋友係常客，一入去老板到待應姐姐都好熟、好親切招呼。話明魚翅大排檔，當然菜單滿是魚翅啦，但估唔到午餐居然有個$88嘅套餐先來「紅燒蟹肉生翅」，翅都唔少喎，湯底似去飲宴那種，偏咸少少「甘香蛋黃蝦球」咸蛋黃好甘香，蝦仲爽口「菜盤蜜炙鰻魚球」外脆肉嫩，外面嘅蜜糖甜甜地好開胃「椒鹽焗肉排」唔....無特別，唔硬囉，一咬就斷$88一個餐有翅、有餸、仲有炒飯，如果你仲嫌翅唔夠多，咁你要諗諗一碗假翅都要$2X+生粉水，呢碗真翅、味道唔差㗎喎；餸係細碟d, 但依個價你已經回本了，仲要免加一喎要批評嘅話呢種老店冇理由杯茶..普洱咁差，唔香、唔滑、只有色，可能晚市才用好茶葉掛🤷🏻‍♀️朋友可能見我dry得緊要，點了「椰汁燕窩」俾我食，燕窩都唔少，椰汁自己加，馬上潤哂

午市份量如下午茶，食物味道 okLunch set $68,$88, 有飯/麫＋餸＋凍或熱飲 ice tea.. Coffee.. ＋茶（冇茶介）＋湯 （當一般潡湯好了，因為此價 說有翅也不多是正常的，理解）但飯 餸 實在迷你了，像 小孩份量，估計男人應該叫2set 才飽.1）餸曼魚好好味good, bbq 咁微脆有蜜味2）湯 一般（當例湯一般潡湯好了平價沒甚麼翅）3）麪 一般/可選擇飯4）飲品 正常 茶餐廳水準5）茶 正常普里冇加10％

佢個名叫大排檔, 但其實室內的, 唔係酒樓咁款的一間餐廳我地叫左個2人餐, 竟然黎左每人一大煲翅, 飲完都飽了LOL 但個翅味精太多, 而且D翅似花膠多過翅, 平日酒樓飲宴的仲好味之後又一盤野, 相入面係一人份量黎分別係鴨掌, 鮑魚, 冬菇, 西蘭花, 同海參好似好靚, 但其實確實唔算好味首先我唔食鵝掌唔知道啦, 但其餘三樣唔計西蘭花, 確實係媽咪整得好味D LOL 其實海參同冬菇屋企都成日煮黎食, 而且整得又琳又入味, 已經食唔入口呢間餐廳的質素個鮑魚 30頭, 又唔算細, 但食落唔覺好味LOL 屋企亦成日煮LOL 不過唔係乾鮑, 糖心鮑, 所以唔識評價, 總之就可以不試但係!呢個乳鴿係我暫時食過的當中最好味的!!!!!!!!!!!!!!!!!!!!!!超嫩滑, 又多肉汁, 又唔會好咸, 皮又香口, 好好食最後, 呢個冰糖燕窩都好好味, 唔會太甜, 所以呢間野都值得再去, 但唔點魚翅同鮑魚了

這間魚翅大排檔位於旺角中心地區，我們今天點了2個午市套餐，每位只是$88，沒有加一服務費，每個午市套餐包括一碗翅，一個小菜，一碗飯或麵，更包一杯飲品，可選擇冷飲或熱飲。我們2人分別點了蟹肉翅和菜膽翅，味道非常不錯，真的有魚翅在湯內，不是去飲喜宴的豆粉翅，小菜方面，我們點了紅燒乳鴿和竹笙北菰燒豆腐，乳鴿做到皮脆骨軟，紅燒豆腐很滑，竹笙和冬菇的味道也很好，整頓午飯，除了個湯撈麵鹼水較重，其他所有食物都非常滿意。

經過旺角, 見$68 有翅有飯, 都ok. 環境ok, 唔太多人, 早來有卡位全得舒服.午市有兩個set$68/$88翅真是有翅BB鴿米線 米線滑, 鴿都好味免加一, 午市低食之選

聽人話魚翅撈飯聽得多，自己就從未試過，經朋友介紹之後，所以試試依間，係咪真係咁有料，估唔到驚喜在眼前，魚翅真係有魚翅架。飯餸都好好味，各樣都不差，仲有凍檸茶送。值得推介嘅係紅燒蟹肉翅，一定會再返兜再食😋😋😋

今晚在旺角做完嘢九點幾，一行八人去食宵夜，去咗呢間食食魚翅炒餸，八個人叫咗三個二人餐，有六滿池六個餸同六個甜品，其實份量都幾多，都夠八個人食。我哋叫左蛋黃黃金蝦、咖喱牛坑腩、菠菜蝦、話梅豬手煲、蝦醬炒芥蘭煲同埋薑黃飯。先講嗰翅，超足料，一人都有一碗仲要勁多翅，跟住個黃金花又係好好食，牛坑腩好林，個炒芥蘭都係好好味，最後仲有蓮子雪蛤糖水。最後埋單除翻開每人都係$200。呢個價錢個性價比比較高。服務一般但係坐得舒服，唔算多人。👍🏻👍🏻👍🏻👍🏻

成日去創興頂層的Living plaza 都會見到”魚翅大排擋”的招牌，但其實一直不知裡面係點樣同食咩，今晚男朋友仔屋企人擇左呢間食晚飯，終於第一次入去食野店內的枱枱凳凳、玻璃櫃、相框統一用同一隻木色，傳統樸實，感覺是一間好有歷史的老店。我地人數較多，當然選擇套餐最實際，不用煩雞煲翅首先一人一碗雞煲翅， 真材實料，成煲都係翅，大大塊，口感一流湯底濃郁，啖啖鮮甜，每人至少飲到兩碗，超滿足！鮑魚鵝掌冬菇鵝掌無炆到甩皮甩骨，皮嫰骨幼；冬菇入口腍身；鮑魚肉厚需要出動刀叉，好有嚼口全部炆到超入味，個個都大讚醬汁好味！BB乳鴿皮脆肉嫩，夠味，細細隻不會太多肉！西芹炒螺片帶子帶子口感彈牙，微咸，但不夠鮮味，配西芹特別健康，高纖維又可以降血壓！菜盤蜜炙鰻魚鰻魚肉質厚實，加蜜糖去炙燒入口甜絲絲，估不到又幾夾，有點驚喜！豉油皇煎大蝦🍤的確幾大隻，外皮煎到脆卜卜，肉質爽口彈牙！脆皮雞戰鬥力已經下降，食唔落啖啖肉XD 鮮蝦荷葉飯平時荷葉飯都係一大個，呢度係一人一個，成枱都係迷你荷葉飯，大家好驚訝XD 打開份量都不少！椰汁燉燕窩最後一道係女士們養顏補品燕窩本身無味，可自行添加椰汁，男朋友仔話加左好食D，但我就