魔膳廚房 (已結業)

又到觀塘食飯，到處都是人龍，去到依間上樓店，樓梯拾級而上，有不同畫作點綴。餐廳內有兩個大銀幕播放有趣卡通短片，有個沙律吧在中間，跟餐加$38就可以任食，蔬菜新鮮，refill得好密。水果鮮甜多汁。仲有D日式冷盤前菜。選擇咗煎三文魚柳配藜麥沙律，厚厚的魚柳香煎了一下，內裏还保持半生。餐湯一紅一白，有豐富才料另外order咗煎帶子黑松露雜菌意大利飯，味道香濃，似乎用了珍珠米青蘋果梳打桂花茶，清新又滋潤

已經忘記第幾次光臨 魔膳廚房。 但係係第一次食lunch，原來餐廳假日有buffet，openrice有得網上預訂。仲有另一個第一次，朋友帶路，我終於識得由大門入餐廳😃 成條樓梯都有靚靚佈置。Lunch Buffet $88/ppl，包一杯飲品，部分飲品需要額外補錢。食物選擇主要分四大類：凍食區-有沙律配醋/醬、青口、車厘茄、西瓜。 沙律選擇同晚餐相若，青口新鮮。西湯區-餐湯有兩款，雜菜湯&黑松露忌廉湯。黑松露湯好重味，喜歡食黑松露朋友會喜歡食。炸物&甜點區-炸物選擇都幾多，有春卷、咖哩角等，好快記要refill，甜品得一款-麵包布甸。熟食區-豬肋骨、牛肉丸、意粉、炒麵，仲有瑞士雞翼⋯ 包你吃到飽養生的我們，我地飲earl grey, 係Dilmah😃

之前朋友在觀塘返工，知道有假日午市自助餐好抵食，所以今日約埋我地一齊去食，可以一路食一路傾下計，因為有120分鐘食，所以都唔會食到好趕。餐廳樓底好高，坐位亦好多，坐得舒適，好多人黎食假日午市自助餐呀，因為真係好抵食。頭盤有多款沙律，有雜果沙律、青口、泡芙、西瓜、蕃茄仔等等。湯有兩款，意式雜菜湯、黑松露雜菌忌廉湯，有我至愛既黑松露雜菌忌廉湯，可以飲多幾碗。炸物都有，有好多款，有炸春卷、炸魷魚圈、炸咖哩角、炸魚手指、薯角，炸到金黃香脆，炸雞翼，擺得耐都唔會好快淋。熟食有12款，有麵、飯、雞翼、意粉、德國腸等等，好豐富呀！味道不錯，每人只需$100左右就食到咁多款食物，真心覺得抵食，另每人包多一杯飲品。

魔膳廚房在工廠大廈內，有專屬的樓梯，沿途都能看到精緻的掛畫，上到去門口就像花園一樣。餐廳佔地超廣，寬敞舒服，有乾花和掛畫等裝飾，好美呢！基本上所有main course都可做餐，大多百多元。加38元還可享用任食沙律吧，當然不會錯過啦！沙律吧雖小，但種類豐富，有意式蕃茄及數款沙律菜，雜果沙律，pickles類，日式前菜，還有啫喱糖呢！醬汁也有三款，我就怒舀芝麻醬~忌廉湯有甘荀，蕃茄和洋蔥，用蜆肉做配料，所以有鮮味。雜菜湯以蕃茄為基底，蔬菜量不少，酸酸的好開胃。餐包又暖又鬆軟又重麥香，放牛油進去一會就溶了，驚喜驚喜。會叫墨西哥香辣豬肋骨配芝士焗瘋薯是因為它不是用全傳統燒烤醬。不過，原來它還有香甜的燒菠蘿和酸酸醒神的黑醋汁沙律，整盆好豐富的樣子。芝士焗瘋薯熱辣辣上桌，芝士軟得能拉絲！還有紅椒和煙肉，味道完全不單調！豬肋骨超大條，就如前半手臂那麼長！切出來有接近十塊，用量不少，份量十足，我吃不完要打包啦！醬汁的味道一開始像普通燒烤汁，酸甜並重，但愈吃愈感到辣開始出來，頓時變得惹味，正！香煎三文魚柳拼藜麥沙律，完整一條煎得金黃的三文魚柳，放在用芒果和三色椒製成的醬汁上，加上藜麥沙律，色彩繽紛！三

連續兩天都忙過不停，只有下班才有自由的感覺。朋友超搞笑，她說她在一個神秘角度等我。她的提示叫我穿越一條既神秘，又具藝術氣息的樓梯直上二樓就會見到她，我狐疑了一會，原來她所指的是魔膳廚房。朋友所以挑選魔膳廚房作為晚餐，主要因為這裡主餐食只要加38元就可無限享用沙律吧的沙律及冷盤小食，我和她足足吃了四大碟，完全是超值。當然另一原因是均衡飲食，最近朋友都堅持每晚大量進食蔬菜，保持健康體態。沙律吧除有基本的薯仔雜果沙律，粟米，蕃茄，沙律菜外，竟然有螺肉，中華沙律，帶子邊等，作為前菜吃一點都不單調。椰絲啫喱完全勾起朋友的童年回憶，小時候經常放學買來作下午茶小食。餐包應該是魔膳廚房的自家出品? 上桌時，餐包有著熱騰騰的溫度，口感鬆軟，基本上不塗牛油已經好吃，當然也可沾湯吃也可以，隨自己喜歡的。餐湯方面我們都各有喜好，我選了蘑菇忌廉湯，朋友了雜菜湯。蘑菇忌廉湯雖然濃稠卻入口順滑，蘑菇精華都煮進湯中，頗不賴的。朋友超喜歡她的雜菜湯，酸香中帶些微辣，越喝越開胃，她超推薦我下次來喝。自家製海膽汁海鮮意粉以新鮮的海膽拌炒，加入蕃茄，露筍等，暖橘色的海膽汁緊緊包附意粉，海膽汁在口中爆發鮮甜的海味。加入大量的蝦

牙痛困擾已經差唔多成個月，對吃貨黎講，係一大慘事。食之無味，又唔太咬到野，選食物要好小心。今日lunch約左朋友，所以黎到魔膳廚房。唔太肚餓，所以選擇左呢款魚柳配薯容。落單之後，有擔心過會唔會有骨，因為始終唔係幾食到野。上菜時間有少少耐。但條魚完全冇骨，皮都煎得好香脆。唔點醬汁反而更加好食。份量亦都剛剛好，適合細食或者冇胃口人士。整體十分滿意。有機會都會想再試試晚餐，因為環境氣氛都好似唔錯，適合好姐妹聚會。

位於觀塘地鐵站，步行2分鐘就到嘅距離，非常方便易搵。仲有個專屬嘅門口，沿住佈置得好靚嘅樓梯行上去就到，一D工廠feel到冇。亦因為係工廈，地方夠晒大，坐得好舒服，無論同朋友家人定男朋友黎食飯相信都好適合。為左答謝自己一星期工作加班嘅辛勞，同朋友2個人食好少少，一早喺openrice book左8點15分嘅時段送salad bar(惠顧滿$188 加一前)點完野食就即刻去拎沙津喇！因為9點沙津吧就停架喇。同朋友一人一盤，夾左好多蔬菜，仲有令人懷念嘅啫喱糖！朋友仲夾左D日式螺，我最後仲夾左D水果添正餐方面點左2個set同1個小食，可能Happy Friday胃口特別好。每個set都有嘅自家製餐包同2款餐湯選擇，同朋友都揀左【忌廉南瓜湯】，冇揀到羅宋湯。麵包好鬆軟暖暖地，加左牛油食好好味。而南瓜湯亦夠滑夠香濃。【泰式椰香辣椒炒青口】大大隻青口啖啖肉，配埋微辣嘅醬汁，好過癮，食完一隻又一隻，好快就食晒。【德國烤原隻豬手配薯角及黑椒汁 $186】個皮唔算烤得好脆，有少少可惜，所以切嘅時候有D難度。整體係好食嘅，入面嘅豬手肉亦好入味，夠軟腍，如果個皮脆番少少就perfect。薯角亦夠脆夠香口唔油膩

近來愛上到工廈餐廳吃飯，喜歡那兒沒有街上食肆的喧鬧嘈吵，可以落得清靜。而且不少工廈餐廳質素甚佳，不時會帶來驚喜，有像尋到寶的感覺。這晚吃過的魔膳廚房就是其中一間令我驚喜萬分的誠意滿滿工廈餐廳。餐廳鄰近地鐵站，位置超便利。門口招牌以大量花草圍著，好搶眼，門上更貼有很多名人合照，看來餐廳大有來頭。店內環境一流，空間感十足，裝潢設計充滿格調，有不少掛畫和精緻擺設，相當有心思，有種歐陸華麗風格，氣氛很好，環境寧靜又舒適。自助沙律吧擺放整齊美觀，加少少錢便可盡情任吃。除了新鮮蔬菜、水果、沙律外，還有滿佈椰絲的大粒立方啫喱，好吃！另外醬醃螺肉和帶子裙邊都非常美味。餐湯絕不欺場，黑松露忌廉蘑菇湯好高質，黑松露味十分濃郁，湯質夠稠身，完全不稀，內有很多蘑菇粒，真材實料，好正！餐包軟綿綿的，感覺新鮮，口感非常鬆軟，塗上少許牛油已經好美味。自家製海膽汁海鮮意粉非常出色，大量的海膽汁味道極之濃郁，感覺好像用超多海膽製成。海膽汁令整個意粉好creamy，每條意粉都掛滿醬汁，超正，美味到念念不忘！海鮮也相當多，意粉裡夾雜很多八爪魚、魷魚圈、蜆肉等，加上大隻彈牙的大蝦和數隻鮮味十足的青口，十分豐富。香煎三文魚柳配

美食達人家姐實力推薦這家位於觀塘開源道77號業發大廈一期2樓D室「魔膳廚房」工廈樓上西餐廳在觀塘這個被工業大廈包圍已經不再陌生門口設於地面觀塘廣場對面以食物燈箱圍着大門十分搶眼拾級而上樓梯旁掛上一些畫作，藝術味濃餐廳裝修藝術味，面積寬敞重點擺放幾張特色餐椅中間設有自助沙律吧蟹籽蟹柳藜麥沙律超級健康藜麥是我的最愛可惜少了點自助式小食、沙律、前菜、意粉、意大利飯等等的菜色新鮮三色椒和紫洋蔥天然的蔬菜的清甜炸物滿滿包含炸春卷、薯角、麥樂雞塊等等愛好炸物的來這裡絕對能滿足你對炸物的慾望冷盤中我最愛煙燻鴨胸水準之上開胃菜首選熱食數數也有個10來款沒能全部放上來每人都可以點一杯飲品我選了熱茉莉蜜花茶解火降火小提示：120分鐘用餐時間

不經不覺同衰佬已經相識九個年頭了，好感激有佢呢個人肯陪我四周圍飲飲食食，所以一有身邊朋友推薦有好既餐廳，我就會好想同佢一齊去試吓。咁啱我有個舊同事之前有介紹過我去試一試魔膳廚房。魔膳廚房位置喺官塘APM附近，搵路一啲都唔難，APM近觀塘廣場出口扶手電梯直落轉右，唔使一分鐘就見到招牌，樓梯上一層就到呢。這裡環境都幾舒服，餐桌與餐桌間有合理既空間，唔會感覺同迫住迫住咁，又唔洗吓吓比旁邊客人聽到你講嘢。中間有個沙律吧，只要加38元就可以享用。 我哋分別點咗一個主菜，德國烤原隻豬手配薯角和自家製海膽汁海鮮意大利粉。餐湯分別係叫左羅宋湯及黑松露磨菇湯，羅宋湯一般水平，但磨菇湯幾香黑松露及忌廉香味，佢仲會用忌廉寫上餐廳名ＭＳ兩字！德國烤原隻豬手配薯角跟黑椒汁豬手皮烤得好香脆，唔太肥膩，肉質唔乾身保持到有肉汁，宜家睇見都流口水。自家製海膽汁海鮮意大利粉整碟意粉都係橙黃色的，證明有很多海膽汁，個汁好鮮甜，意扮爽口彈牙，配鮮蝦、青口、魷魚等海鮮，整碟感覺鮮上加鮮，好味道!整體而言，我覺得食物水平以呢個價錢係講係抵食，值得推介！

今日到我帶E先生去食好西。雖然只係觀塘工廈，但係裝修得好靚既西餐廳，係入面食野完全唔覺係工廈而且環境好大，舒服又唔迫，可以慢慢坐唔怕俾人趕人叫左一set晚餐再加38蚊任食沙律吧沙律吧都幾多野食，西瓜好甜竟然有彩色椒，仲有日式前菜就係中華沙律，螺肉同裙邊，同埋小朋友至愛既啫哩，正我最愛食餐前麵包，呢度包上枱暖暖的，質感軟鬆的，仲有陣陣果仁味，絕對講得上係好味道，可以添加就好喇！但紅湯沒特別，也不錯香煎帶子黑松露意大利飯帶子煎香兩面山內面做到岩岩好。每一啖飯都食到好香黑松露味再配上蟹子食又另一種口感，而旁邊的炸物估唔到係金菇菜，出奇地好好味豬肋骨配芝士焗瘋薯嘩！分量十足，上枱仲甘靚仔既豬肋排，每條骨都有醬汁山絕對孤寒，瘋薯同樣足料，超多芝士，仲有菠蘿甜甜酸酸開胃得黎又冇甘流包埋野食一個set都係二百蚊有找，分量大大份相當抵食

見哩度咁多好評，所以決定一試。哩度定價還好，份量相對都幾大份。內有沙津吧，有菜，有生果，少量凍盤。羅宋湯正常水準。叫餐會跟餐包，幾鬆化。帶子黑松露意大利飯味道調得不錯，醬汁唔會太稀身。帶子煎得幾香，有2粒半。豬肋骨係酸酸地的，鐘意食好酸嘅人一定好arm胃口配菜有烤菠蘿，芝士薯格，沙津。芝士薯格炸得夠晒脆。Red Velvet 紅桑梅芝士蛋糕，唔太甜，唔太膩。店內環境亦好值得打咭的不過因為佢都幾空廠，隔音就麻麻，人多就有啲嘈。

來來回回又去番觀塘，唔知係咪上天安排好，今次再回來可能係好幾年，又或者早早會被迫退場？再回來的時間，各餐廳想了一遍，有幾家特別想食番嘅，魔膳廚房係其中一間。估唔到今次去水準比以前好，仍然係半自助式的，可以選用沙律吧，雖然食飯說不上多，午餐來說確實足夠。主菜有十幾款，特別推薦係呢配切豬扒配無花果汁。巨型嘅豬扒，一個男人都未必食得唒，還配上了意粉，份量十分。而做得好嘅係拒嘅質感，甘厚嘅一塊豬扒，不但唔會韌，仲好爽口，咬下還有肉汁，烹調火喉十分好。另外這個黑松露雜菌意大利飯，味道也好，淡淡嘅黑松露香配上濃厚嘅忌廉，味道適中。粒粒嘅飯粒軟硬剛好，還配上不同的雜菌作配菜，果真不錯。亦適合素食者使用。

同男朋友嚟觀塘拍拖食飯，知道工業區有個隱世文青後花園餐廳，樓梯一路行上去兩旁掛滿藝術畫，大門旁邊有一幅花草牆，啱曬影相打卡！😍餐廳中間有個沙律吧 ，選擇唔算多，但蔬果都非常新鮮👍🏻墨西哥香辣豬肋骨配芝士焗瘋薯豬肋骨好大份！！😱 我同男朋友一人一個餐，最後都係食唔曬 ！調味酸酸辣辣、非常惹味😋 豬肋骨成條都好多肉，肉質唔會嚡口，食落仲好juicy~ 芝士瘋薯係新鮮嘅焗薯仔，面頭鋪滿咗超多芝士！！好邪惡呀😎香煎三文魚柳配藜麥沙律因為健康嘅緣故，呢排愛上咗食藜麥沙律 😌新鮮爽口嘅蔬菜， 配上粒粒有咬口嘅藜麥，口感層次豐富👍🏻三文魚柳煎得幾香，一啲腥味都無，肉質都嫩滑， 配搭酸酸甜甜嘅芒果醬汁 ，味道不俗👏🏻Blue lemonade soda 顏色係剔透嘅粉藍色，影相好靚呀~❤估唔到味道都幾好飲，解渴之選！蘋果紅茶雖然係茶包茶， 但味道清新~帶著淡淡嘅蘋果味🍎 而且水溫夠熱，飲落好relax!

以為平時觀塘去到夜晚冇乜好選擇，點知今日比我發現到一間明星餐廳！一最近又做緊推廣，見到佢有喺工廠大廈下面派傳單，今日冇乜頭緒解決晚餐，就上去幫襯。走上兩層嘅樓梯，裏面嘅環境原來都好大，設計到好似園林一樣，每一張椅子都有特別嘅設計。事不宜遲叫咗啲前菜，佢嘅紅湯令我好意外，白湯亦都用料充足，有蜆肉喺裏面唔會好似蜆汁好杰身。另外仲有糯米釀香辣雞翼，一共4隻，全部煮好入味，有少少瑞士汁作伴，平時喺出邊應該食唔到一啲咁高難度嘅餸菜，因為雞翼要煮得好已經好高難度，仲要加上香噴噴嘅糯米放喺入面，真係要高一班的師傅先可以煮得到。呢度仲有德國烤原隻豬手配薯角黑椒汁，豬手大小適中，明顯經過烤製。毛去得好清潔，唔會發現有豬毛，配上一塊塊金黃色且外脆內軟的黃金薯角，真係十分吸引。最後我們叫了杯桂花蜜花茶，桂花蜜花茶適合女士飲用，用的桂花蜜十分清甜，為剛才帶點熱氣的餸菜講一降溫，有滋潤的作用，真的很想喝多一杯。甜品方面，我比較欣賞檸檬蛋白批，也是精心炮製的甜品，拍照一流，空氣感的蛋白觀賞清香的檸檬味令我格外歡𣈱，廚師真的很費心思呢。